ترياقي

9

بعضهم دون أن يدري يزرع في قلبك وردة ، وكلما تكلمت معه سقاها حباً .. ما أطيبهم ❤️

رفعت راسها عشان تلقاهو وهو واقف جمبها وقبل ما تتكلم جر الكرسي وقعد جمبها

- انت عايز مني شنو خليني في حالي

- عايز اتكلم معاكي لو ممكن

- لا ما ممكن لو سمحت قوم من هنا ماعايزا اشوف وشك ياخي كرهتني الجامعة كمان لاحقني لحد هنا

- ما حمشي قبل اتكلم معاكي وانتي لازم تسمعيني

- ماعايزا اسمعك بالعافية هو وقامت عايزا تمشي بس مزمل مسكها من يدها وقال ليها

- ماحتمشي قبل ما أخلص كلامي

نهلة بقت تكورك فيهو وحاولت تفك يدها منو بس ماقدرت

- لو سمحت ي ابو الشباب فك يدها وزح من هنا

نهلة بقلت عاملا كدا😳 وما قدرت تتكلم

- مزمل وانت مالك دخلك بيها شنو دي خطيبتي زح قبل اديك بنية اجيب اجلك

دا مهند كان قريب منهم وسمع النقاش الدار بينهم حاول يتكلم مع مزمل براحة بس مزمل ماقبل وهاج فيهو وضرب مهند بنية ( زي ما بقول المثل على روحها جنت مراكش )

طبعا مهند طويل وجسمو رياضي مقارنة ب مزمل الكان قصير وضعيف

مهند رد الضربة ل مزمل بنية قوية👊🏼 لامن وقع على الأرض وقام بالعافية مشى وهو ب يهدد ويتوعد ومهند ما اشتغل بيهو قبل على نهلة وهو بقول ليها - - انتي كويسة

لكن نهلة نست مزمل ونست روحها وكل حاجة حولها وبقت سرحانة في مهند كانت شايفة فيهو فارس أحلامها الشاب الجدع المليان شهامة و مروءة ولاول مرة تسمع صوتو الكان بيجمع بين القوة والحنية اتمنت انو الزمن يتوقف في اللحظة دي

ي سيد هواي عشقانه شخصك ودلك

وغرقانه في حنينك وراحتي بشوفافي ضلك

ما انت الملاذ والليم والندواة تظلك

ي عزي وهناي انا نفسي ابقى ملكك

- مهند كرر ليها الكلام تاني انتي كويسة

- ها أيوة كويسة شكرا ليك

- قال ليها العفو وطوالي مشى وخلاها وهي بتعاين ليهو لحد ما اختفى

على الرغم من انو مزمل عكر مزاجها الا نها كانت فرحانة ومبسوطة لامن بقت تتبسم براها اظنو جنت بس جنون حلو جنون الحب

فرحانة لانها شافتو ما صدقت روحها انها تلاقيهو تاني كان نفسها تقعد معاهو بس حتى مالحقت تعرف اسمو

💐

- ريم : واااي دا منو الولد القرض الجاي علينا

- ميرال: اااخ ي قلبي دا كسااااااار