ترياقي

13

الناس اعلنو العصيان ورفعو شعارو

وانا عاصيني مريودي القطع اخبارو

- تييييت

- مروة في صوت عربية برا

- نهلة الشلة وصلت يلا باي

- مع السلامة خلي بالك من روحك ماتتاخرو، ،

- ان شاءالله✋🏼

في العربية

- ماشاء الله ي صبايا شنو الحلاوة دي ماعرفتكم

- ريم كانت لابسة فستان كوبي اكمامو قصيرة وفيهو كرستالات وخاتها الطرحة في كتفها وعاملا شعرها ضنب حصان ومطلعة جزء بالجمبة

- وميرال كانت لابسة بنطلون اسود مع بلوزة حمراء ومضفرة شعرها بالجمبة

- قالو ليها مابنحصلك طالعة عسل بس لو فكيتي شعرك وكترتي الميكب حتكوني موبالغة

- نهلة هههههه لا لا خلوني ع راحتي

- ايهاب شنو ي نهول ماشايفانا يعني و تعبنا دا راح على الفاضي كدا

- نهلة ماشاءالله مافي كلام حتختفو الاضواء عاينت ل ريم وميرال غايتو في ناس كدا دقسو

- اسكتو دقايق دي نور متصلة

- أيوة احنا في الطريق قربنا على الصالة خلاص

وصلو الصالة لقو الحفلة بادية دخلو مع بعض فتاح وريم وهوبا وميرال ونهلة كانت وراهم خطفو الاضواء ب اناقتهم بالذات نهلة كانت ملكة الحفلة ب فستانها الأبيض الجميل مبين خصرها النحيل مع ميكب ناعم والتحجيبة كانت سندريلا الحفلة ، لقو نور منتظراهم مشو سلمو عليها وباركو ليها

بعد شوية بدت اغنية اعز اصحاب اعز اصحاب صحابي من صغري هم البيمشو معاي دغري دول أغلى ناس هم الأساس ..

وظهرت ع الشاشة صور بتجمع العريس مع اصحابو في الجامعة وشارع النيل والكافيه وصور التخريج كانت لفتة حلوة تزامن مع دخول اصحاب العريس وهم لابسين بدل زرقاء واقمصة بيضاء مع كرفتات سوداء كل الحضور كانو مركزين معاهم نهول بقت بتتكلم براها وهي بتقول

يجنن بلد كامل مايجنني ليه

اتدروشت بيهو بقيت متيمة بي

- ميرال سألتها مالك ي بت

- نهلة: صحبتك شكلها جنت بقيت اشوفو في اي حتة

- ميرال باستغراب قصدك منو

- نهلة قصدي الزول الطقشني والساعدني يوم مشينا شارع النيل

- ميرال وهي بتضحك هههههه وقعتك سوداء

(مع الونسة ما انتبهنا ل دخلت العرسان ااااخ منكم دا وقتو😂)