ترياقي

22

افتقدتك الف مره لما زاد الشوق عليا وانتى عارفة روحى دونك لا بتموت لا بتبقى حية....

- نهلة : وااااو ي مروة المكتب تححححفة
- مروة : يشبهك ي حلوة
- نهلة : قبل مهند يجي عايزك تحكي لي عنو
- مروة: ههههه من اولها كدا،،، طيب ي ستي مهند دا عبارة عن مكنة شغل ،، هادئ كلامو بسيط نادرا ما بشوفو بيضحك ،، جادي ل درجة العوارة ورسمي شديد ،،ما حصل شفتو بتونس مع بت او يتكلم معاها في التلفون ،، عندو كوبيا من السواقة ،، قافل نفسو في حتة كدا ماقادرا افهمها ،، انا متحيرة حسام بتعامل معاهو كيف
- نهلة ي ساتر ي بت طب واحدة واحدة ،، دا حتعامل معاهو كيف ،، الحكاية دي صعبة لو ما مستحيلة
- مروة : رفعتي الراية البيضاء من اسة
- نهلة مش انا الاستسلم بالسهولة دي ،، وحتشوفي

مهند جاء خاشي الشركة سلم من بعيد ع مروة ك عادتو كل يوم ع الرغم من انو مروة خطيبة صحبو الا انو بتعامل معاها ب رسمية ودا تعاملو مع الكل وهي متعودة ع كدا
نهلة قلبها بقى يدق ومنتظرة اللحظة اليجي يسلم عليها لكن خزلها ،،
- بعد مشى نهلة قالت لي مروة دا مالو شايف روحو كدا يعني ماشايفني
- مروة : مابكون انتبه ليك او افتكرك صحبتي ،، عموما دقايق ادخل أديهو خبر ،،
- نهلة : مغرور بس
- بعد شوية جات مروة وقالت ليها امشي ليهو هو منتظرك في مكتبو
دقت الباب،،، اتفضل، ،
- نهلة : السلام عليكم
رد السلام وهو منهمك في الملف القدامو طلب منها تقعد مسافة يخلص الفي يدو ،،
- نهلة قعدت وبتقول جوة نفسها الله يطولك ي روح
بعد مسافة مهند رفع راسو وبقى يعاين ل نهلة مسافة وهي ماتت من الخجل وقالت شكلي عجبتو والله طلعتي ماهينة ي نهول؛؛ بس صدمها ب كلامو
- انتي عاملا في روحك كدا ليه (اريتك ما اتكلمت ) خليكي ع طبيعتك احسن
- نهلة اتغاظت منو شديد 😠 وقالت ليهو اظنو دا ما من اختصاصك
- مهند : من اختصاصي طالما انتي معانا في الشركة دي تحترمي قوانينها
- نهلة : قوانينها ولا قوانينك انت ،، لو انت متعقد ما طلع نفسنتك دي علي
في اللحظة دي حسام جاء خاشي (جيت في وقتك ي مان)
- قال ليهم مالكم ي جماعة صوتك طالع برا استهدو بالله
- نهلة : خلي صحبك يحكي ليك ،، ولو الشغل بالطريقة دي انا ماعايزا ،، شالت شنطتها وماشة
- حسام وقفها وقال ليها استني ي نهلة وانتظريني في مكتبك دقايق بس ، لو سمحتي
نهلة مشت ع المكتب وحسام بقة يتكلم مع صحبو
- حسام مالك ي مان المشكلة شنو
- مهند بصراحة انا الغلطان شكلي زوتها شوية ماعارف ليه اتصرفت معاها كدا
- حسام : لانك ما بتعرف تتعامل مع الجنس اللطيف ياما قلت ليك تعال اديك كورس
- مهند ضحك ضحكة باهتة وقال ليهو كفاية علينا مجنون واحد في العيلة
- حسام : ههههههه طلعتني مجنون الله يسامحك
- مهند : شنو الطيبة النزلت عليك فجأة دي
- حسام : ولا طيبة ولا حاجة بس مافاضي ليك،، ماشي اعتزر ل نهلة ع تصرفك دا
- مهند : وتعتزر ليها ليه انا غلطت في شنو ما كلام عادي .
- حسام : انت حتجنني مش قلت انك غلطان، ، شكلك ما شربت قهوة الصباح
- مهند ؛؛ فعلا ما شربتها وطلعت زهجان من البيت ،، لقيت رسالة من الرقم المجهول ومكتوب فيها اليوم ألقاك،،
- حسام : عشان كدا فضيت غضبك في المسكينة دي ،،
- مهند : ها.. مسكينة شنو بنات حواء ديل كلهم زي بعض كلهم خونة
- حسام ،، انت الليلة مابراك ،،،انا ماشي لي نهلة اطلب ليك القهوة
- مهند : ياريت