ترياقي

16

قلمي بكسرو ،،إن فات الحدود وإتعدا

بمسك نفسي،لو شفت النقاش إحتدا

حررره (وست بلد) فوق الشموخ بتمدا

وإن ساء لي سفيه،، انا فيه مابتسدا

،،،،،،،،،،،،،

قلمي موصى،، مايسيء في هظاري وجدي

لايهابش العروض لايكون عقيم ومصدي

مايفوت الحدود،، لايوم يبارح حدي

تذكار لي ،،،،بعد مايفوت زماني يعدي

اتمنت تكون في حلم وتصحى من الكابوس المزعج دا بس للاسف القداما دا واقع وواقع مؤلم جدا

مروة دخلت في حالة هستيرية وبقت تصرخ وتكورك في خال حسام وهو بس منزل راسو ومافتح خشمو اصلا ماعندو وش يتكلم بيهو

كلهم بقو مخلوعين ومافاهمين حاجة حسام بحاول يهدي في مروة الكانت ماعايزا تسكت ،،

صفاء جات داخلا لما سمعت صوت اختها واول ما شافت خال حسام عرفتو اي نعم عامل دقن وشكلو متغير شوية بس ياهو الزفت عصمت

ما اتكلمت مع زول ساقت مروة ومشت بقت تحاول تهديها امهم مشت محصلاهم وهي بتقول اكيد ادوها عين

- الام في شنو ي صفاء مروة دي مالا

- صفاء ماعارفة ي امي لما تروق نفهم منها الحاصل امشي اعتزري للضيوف لانو مروة تعبانة

- الام والله ي بناتي حيرتوني عديل

مشت اعتزرت منهم وحسام حيران ومافاهم شي

اول ما طلعو عصمت ركب عربيتو اتحرك

وحسام وامو ومهند اتحركو ب العربية التانية

- سعاد : بصراحة ي حسام البت دي مابتفع معانا ماعندها زوق خالص شفت طريقة كلامها دي ما احترمت وجودنا

- مهند تصرفها ماعادي اكيد في سبب

- حسام : السؤال ليه كوركت في خالي وكمان قالت اسمو انا لما كنت بحاول أهديها كانت بتقول ماتلمسني زح مني حرام عليك

- سعاد مهما كان ماعندها اي حق تتعامل معانا كدا

- مهند مفتاح اللغز دا في يد خالك

- حسام : أيوة لازم اتكلم معاهو وأفهم منو الحاصل

مروة اتذكرت الحصل في اليوم المشؤم داك رجع ليها تاني وبكل تفاصيلو كانو شريط بيمر قدامها بقت تبكي ب حرقة على حظها الكعب الشخص الوحيد الحبتو ماحتقدر تتزوجو ب سبب خالو لانها كل ماتشوفو حتتذكر الحصل ليها