ترياقي

14

مطر الريد رشه وأنا وإنتي إترشينا

وإتشابينا فوق ضهر السحاب ومشينا

وشك قوس قزح يا السمحة يوم تغشينا

سارحين في الحصل وجوا العيون طشينا

بعد وصلو البيت ورحبو ب ميرال

-اها العرس كان كيف

- انسي بس مبالغة والعجب العرسان وأصحابو

- مروة وصفاء اتهيأو للشمار وفتحو اضنيهم👂🏼 واصلو

- هههه خلو شماركم دا للصباح احنا منتهيات من التعب

- اااخ منكم الله يصبرنا

- طيب ميرال احنا بنوم في الحوش تنومي جوة ولا برا

- ميرال جوة طبعا لو رقدت في الحوش حكون صاحية للصباح بخاف

- نهلة ي خوافة خلاص ننوم جوة

كُنت رئتي الثالثة التي أتنفس بها ،ورغم أن كل البشر يعيشون برئتين إلاّ انني اختنق بعدك 😢

نهلة الليل كلو مانامت قدر ما حنست النوم ابا يجي في النهاية قامت اتوضت وصلت ركعتين ودعت ربنا انو يجعلو من نصيبها لو فيهو خير ليها

- ميرال صحت ولقتها في المصلاية خير ي نهول مالك صاحية

- ماجاني نوم

- ولا انا😔

- انت مالك طيب

- عارفة ي نهول السنة قربت تنتهي وتاني ماعندي قعاد في البلد دي و ايهاب لسه اهلو رافضين 😥

- كل شئ قسمة ونصيب لو ليكم نصيب حتكونو ل بعض

- يارب نكون ل بعض انا بحبو شديد

- ان شاءالله ، طيب ي ميرال انتي ماتحاولي تتقربي لي اهلو هم ماشافوكي وحكمو عليك لما عرفو امك خواجية بس لو احتكيتي بيهم حيحبوكي انتي اصلا بتخشي القلب ع طول

- من زوقك حبيبتي انا و فكرتك حلوة بس امشي ليهم ب ياتو حجة

- حنلقى لينا طريقة اسة حاولي تنومي

- يلا تصبحي ع خير

- مع انو الواطة صبحت وانتي من اهلو

صباحات الله ب خيرا

صحو واتلمو شربو الشاي في الحوش

- ميرال : اشتقت للقعدة الزي دي لمتكم حلوة يا رب دايما حلوين كدا

- الام : انا اعتبرتك زي بناتي اعتبرينا اهلك تعالي في اي وقت وياريت لو خليتي الداخلية و قعدتي معانا البيت وسيع واقلا شي تقرو مع بعض

- نهلة ب فرحة هييي 😃 ي سلام عليك ي امي وانتي ي عسل فكري في الموضوع

- ميرال : حكلم امي وابوي واشوف رأيهم

- صفاء ان شاءالله حيواقفو

- مروة ياريت والله تعويضينا اختنا

- ميرال 😯 اختكم انتي ي نهلة عندك اخت رابعة

- الام : دا موضوع طويل ي بتي مرة تانية نحكيهو ليك

- صفاء انتو وين صور العرس (طلعتو منها)

ميرال طلعت تلفونها وبقت توريهم الصور في صورة بتجمع العريس مع اصحابو نهلة من شافت صورة مهند بقت خارج التغطية 😂عكس مروة من شافت الصور

- قالت ليهم دقيقة ديل اصحاب العريس

- ميرال أيوة حسام ومهند وعامر

- صفاء مالك مستغربة كدا

- مروة : سبحان الله حسام ومهند ديل مدرائي ودا العرس الابيت امشيهو

- صفاء كدي النركز في الصور وهي بتغمز عينها ل مروة لا بالجد حلوين احلى من الوصف ي مروة

- مروة ب خجل ع الطبيعة احلى 🙈

*ميرال كانت مبسوطة باليوم دا

اهل نهلة عاملوها ب طيبة وحنية وهي ليها زمن مفتقدة الحاجات دي

حنسوها تقعد معاهم بس ماخدة اذن من الداخلية ل يوم واحد لكن وعدتهم أنها تزورهم تاني

🌾

- صباح الخير ي ستهم

- صح النوم قول مساء الخير دا كلو نوم

- تعب شديد ي امي بس ليه ماصحيتوني

- مرام كنت عايزا اصحيك امي قالت لي اخليك ترتاح

- ياخ امي دي الحنية كلها 😍... المرض دا ماجاء

- لا ماجاء بيكون لسه نايم

- انا حدوش وامشي اصحيهو

- مرام بطل غتاتة خلي الود ينوم

- ينوم وين دي فرصتي

- حاجة فاطمة : قومي ي مرام ختي ل اخوكي الفطور

- مهند انتو فطرتو يعني

- زمااااان

- طيب استنوني انادي حسام عشان ما افطر برأي

- تمام

.

.

.

- الووو

- دخيلو النعسان ، خلاص برجع ليك بعدين

- حسام لا وانا لاقي لما اصحى ب احلى صوت في الدنيا

- مروة 🙈 كنت عايزا اقول ليك

- حسام : قولي ماتخجلي عارفك بتحبيني وبتموتي فيني

- مروة ههههههه ي وهمان كنت عايزا اقول ليك امس رهييييب بالبدلة

- حسام 🙄 شفتي الصورة وين انا لسه مارسلتها

مروة حكت ليهو الحاصل

- حسام : صدفة عجيبة يعني انتي ونهلة اخوات مع انو ما بتتشابهو

- مروة شفت الدنيا دي صغيرة كيف

- اي فعلا

- يلا قوم صحصح بعدين نتكلم مع بعض

- حسام بحببببببببك ،

- وانا كمان بحبك😍

وانا برضو بحبكووووووم😍

صلو على رسول الله