ترياقي

6

قد ننسى الألم لكننا لا ننسى ابدا من زرعه 💔

نهلة صحت بدري وكانت نعسانة لانها نامت قريب للصباح
صبحت على امها وابوها ومشت لي صفاء الكانت في المطبخ بتعمل الشاي صبحت عليها وسألتها من مروة
-  ي حليلا الليل كلو صاحية نامت قبل شوية الحصل ليها ماساهل
- طيب وريني الحصل شنو
- دقايق اطلع ليهم الشاي واجي

يلا احكي ليكم الحصل مع مروة شنو

طبعا صفاء اشتغلت سكرتيرة في مكتب محاماة ماكانت عايزا الشغل دا بس مجبورة لانها مالقت شغل غيرو والميزة الكويسة انو مروة لقت شغل في مكان قريب ل شغل اختها بينهم شارعين بس برضو سكرتيرة في شركة كبيرة للاستيراد والتصدير كانو بمشو وبجو مع بعض الخلصت بالأول بتمشي للتانية وكدا صفاء شغلها كان كويس والأستاذ كان زول راقي ومهذب لدرجة انو حبت المحاماة وقررت تقرأ قانون واستاذها شجعها ع كدا عكس مروة الكانت بتلاقي مضايقات من مديرا مع انو زول كبير في السن بس مامحترم روحو وسنو كان بيتعمد يلمسها في يدها ولو سلمت عليهو يمسك يدها مسافة الا تجر يدها منو بقت مابتسلم عليهو ومختصراهو لكن هو خاتيها في بالو بقى يلمح ليها بالكلام ومرة حاول يهبشها في حتة حساسة بس هي ادتو كف 👋🏽 زي الكف (عفيت منك👌 ) وشاكلتو وهو اعتزر ليها وحلف انو تاني ما يكررا
قالت خلاص انا اواصل هنا لحد ما القى شغل في مكان تاني
كلمت صفاء
- قلتي شنو خليني امشي اخنقو ليك
- بس كدا حتكون فضيحة لي انا
- طيب تاني ما تمشي الشركة ديك ولو ع الشغل الأرزاق ب يد ربنا مابيد زول
- أيوة ي اختي بس انتي عارفة ظروفنا وربنا قال أسعى ي عبد وانا أسعى معاك لازم اتحمل شوية واصبر لقايت ما القى شغل تاني وهو وعدني انو ما يقرب علي
- غايتو انا ما مطمنة خلي بالك من روحك وما تقعدي براك في الشركة وانا يومي حخلص شغلي بدري واجيك
- ربنا مايحرمني منك
- ولا يحرمني منك
مرت الأيام وفعلا المدير غير من تعاملو معاها وبقى محترم شديد (لكن يبدو انو الهدو الذي يسبق العاصفة) حتى أنها أطمنت وكلمت اختها لكن قالت ليها ديل الكلب عمرو ما يتعدل اعملي حسابك وما تديهو الامان
وفعلا كلام اختها كان صح في يوم الحادث
- تعالي ي مروة هاكي اطبعي الملف دا
- بس انا اتأخرت
- مافيها حاجة كان اتاخرتي شوية كمان الملف دا مهم ولو ماجهز حيضيع علينا شغل بالملايييين
- طيب اوكي
مروة خافت لانو كل الناس مشت والشركة بقت فاضية طلعت تلفونها ورسلت رسالة ل اختها
المدير وهو بيراقب في مروة اتنهد وهو بيقول أخيرا حلقى فرصة فيك انا تهينيني وتديني كف ان ما خليتك تركعي تحت رجليني ما ابقى انا عصمت (خسارة الاسم ياخ😂 )
مروة مشغولة في الطباعة حست ليك ب شبح زول رفعت راسها لقتو دا مديرا الزفت وهو بيبتسم بخبث🤓 حاولت تتصرف معاهو عادي عشان مايحس بيها خايفة
- في حاجة حضرتك
قرب منها شديد لدرجة انو سمع دقات قلبها
- أيوة عايزك انتي
قبلت عليهو وعيونها مليانة خوف ماقادرا تتكلم
- ا ااانت بتقول شنو
- انا عصمت البنات بيتمنو كلمة مني تجي واحدة زيك تديني كف العبي بعيد ي شاطرة
بقت تتأسف ليهو وتترجاهو يخليها لكن هو ما شغال بيها اداها كف وهو بيقول ليها دا الكف بس لسه حسابنا ما خلص باقي الضريبة هههههههه رماها ع الارض وبقى يقطع ليها في ملابسها وما اشتغل ب صراخها وتوسلاتها حاولت تفتش ليها اي حاجة تدافع بيها عن نفسها بس مالقت عضتو في يدو لامن فكاها وقامت جارية بس حصلها جمب الباب وجراها من طرحتها رماها تاني ع الارض في اللحظة دي الباب فتح جات داخلا صفاء ومعاها بتاع الأمن (الهدف) وشافت المنظر اختها مرمية ع الارض وعصمت فوق ليها وبيحاول يقطع ملابسها من غير تفكير شالت اقرب حاجة ليها مزهرية كانت فوق التربيزة وضربت بيها عصمت على راسو لامن نزف (يستاهل الحيوان 😡)وعايزا تضربو تاني لانها من الغضب ماكانت شايفة قدامها بس بتاع الأمن مسكها من يدها وهو بيقول
- ليها كفاية انتي حتقتليهو
- فكني خليهو يموت يستاهل اكتر من كدا
- بس انتي ماتستاهلي تضيعي روحك عشانو
قدر يهديها شوية ومشت ع اختها الكانت لسه في الأرض ماقادرا تقوم او تتكلم صفاء بقت تتتكلم معاها
- انتي كويسة ردي لي الحيوان دا عمل ليك شنو
اختها حضنتها وهي بتبكي ماعمل لي حاجة الحمدلله انتو جيتو
في الوقت دا جات الدورية لانو بتاع الأمن اتصل عليهم جو رفعوهم كلهم ودوهم القسم اخدو أقوالهم وصفاء وبتاع الأمن شهدو بالحاجة الشافوها وعصمت حولوهو المستشفى باورنيك 8 أ الضربة كانت بسيطة خيطوها ليهو الضابط سالو عايز تفتح بلاغ (عشان الضربة ) لا سعادتك اصلا الضربة خفيفة و انا ماعايز فضايح مركزي واسرتي حيتأثرو
الضابط وهو غضبان ماعاينت ل مركزك واسرتك ليه ،، ما بتخجل تحاول تغتصبها زنبها بس أنها محتاجة للشغل ياخي انت قدر ابوها ،، عارف نفسي غلطان الشيطان شاطر خليهم يسامحوني وانا تبت توبة نصوحة تاني ما اعاين ل بت
الضابط ل صفاء ومروة رأيكم شنو
صفاء لا يتعاقب عشان يكون عبرة ل غيرو البستغلو البنات وحوجتهم

الضابط طلب من العسكري يسوق عصمت برا وبقى يتكلم مع صفاء
انا شايف افضل تتنازلو عن البلاغ ويدفع ليكم تعويض لانو اصلا مافي إغتصاب حصل افضل ليكم من الفضايح المهم إقنعهم يشطبو البلاغ بس صفاء قالت ماعايزين تعويض عندنا طلب واحد منو ما يفصل بتاع الأمن عشان ساعدنا لانو ماعندو ذنب الضابط اتكيف منها شديد وجاب عصمت فكاهو بعد وراهو الشروط شنو واداهو محاضرة في الأخلاق
عصمت قال ليهو شكرا ليك سعادتك ماقصرت
ماتشكرني اشكرهم هم لولاهم كنت حتكون لسة في الحراسة
انا خجلان منكم اعفو لي ومستعد اعمل اي حاجة عشان أرضيكم
صفاء احنا ماعايزين منك حاجة😒 بس بنات الناس مالعبة في يدك خليهم في حالهم
عصمت توبت انا وتاني كل البنات حشوفهم زي اخواتي بس اعفو مني ، المسامح كريم ( بقيتي جورج قرداحي ي صفاء😉)
طلعو من القسم وصفاء شكرت بتاع الأمن على وقفتو معاهم

عايزين تعرفو صفاء حصلت اختها كيف

قبل دقايق من الحادث
صفاء جاها مسج في تلفونها فتحت الرسالة لقتها من مروة (انا خايفة وبراي في الشركة تعالي لي سرعة انا ما مطمنة) اول ما صفاء قرت الرسالة مشت أستاذنت من الأستاذ واخدت ركشة مع انو المكان قريب بس لازم تصل بسرعة وصلت الشركة عايزا تخش بتاع الأمن حماها
انتي ماشة وين ممنوع تدخلي اليوم انتهى ،، انا لازم اخش اختي جوة ، مافي زول جوة غير المدير ومنبه علي مافي زول يدخل ، صفاء وهي معصبة ياخ اسمعني اختي جوة اسة رسلت لي رسالة الحكاية متعلقة ب شرفها انت ماعندك اخوات انا مصلحتي شنو، اكذب عليك ليه لو ما دخلتني انا حصرخ الم عليك الدنيا كلها ، باين عليكي مجنونة خشي بس لو لقيت كلامك كذب ما حرحمك قبل يخلص كلامو صفاء جرت خشت وهو بقى جاري ب وراها
والباقي عارفنو😉

نهاية الجزء السادس
صلو على رسول الله