ترياقي

5

وكم من شدةٍ في الليل ضاقت،،

وجاء الصبحُ في أبهى انفراجه،،

فكيف ينام في الأسحار عبدٌ

له في النفس عند اللهِ حاجه

نهلة رجعت البيت بعد يوم كان ماعادي بالنسبة ليها يوم جميل بس فتح عليها أبواب مقفولة بمعنى اصح ابواب هي ماعايزها تفتحها

- نهول حبيبتي حمدالله الله ع السلامة مامن عوايدك تتاخري

- الله يسلمك ي امي شكلك نسيتي قلت ليكم عندنا الحفلة الليلة

- تمام ان شاءالله انبسطو

- اي الحمدلله كان يوم حلو

- انت مالك عيونك دي محمرة كدا زي الكنتي باكية

- نهلة وهي مرتبكة لا بس في تراب خشة في عيني ، حاولت تغير الموضوع ، ابوي الليلة كيف ان شاءالله احسن

- الحمدلله كويس اتغدى واخد الدواء

- خلاص ي امي هانت دي اخر سنة اشتغل ان شاءالله اعالج ابوي واعوضكم

- ي بتي عوض شنو دا واجبنا احنا عايزنك تنجحي وترفعي لينا راسنا فوق وتبقي مهندسة قدر الدنيا

- حضنت امها وهي بتبكي ان شاءالله والعملتو معاي عمري ماحنساهو كفاية أخواتي ضحو ب قرايتهم عشاني

- ي بت بطلي عوارة اسة انتي بتبكي مالك

- غصب عني والله مامتخيلة

- امها سكتتها وقالت ليها الموضوع دا قفلناهو خلاص ماترجعي تاني للماضي (احي ي خالتي كان تخليها تحكي اموت واعرف الشمار شنو 😂)

- طيب انا اقوم اغير عشان اجي اجهز الغداء

-امشي ارتاحي شوية لحد اخواتك مايجو

- هم لسه ما جو

- بري ماعارفاهم مالم الليلة

- طيب انا حتصل عليهم اشوفهم مالهم

طلعت تلفونها واتصلت على صفاء في جرس ومافي زول بيرد ومروة نفس الشي قلقت

- امها سألتها اها ماردو

-التلفون مابيدخل معاي شكلو شبكة وهي بتقول جوة روحها الله يستر دخلت غرفتها ولسه بتحاول تتصل والمرة دي الخط فتح الوووو ... شنو 😦...في ياتو قسم خلاص انا جايا عليكم... لا لا بجي... متاكدة انكم خلصتو طيب... تمام ما حكلمها

.

.

.

نرجع ل مهند وحسام

حسام وصل مهند البيت (مهند من يوم الحادث الحصل معاهو قبل سنتين ماساق تاني) ودخل سلم على خالتو