ترياقي

20

نﺤﻦ ﻳﺎﺥ ﻣﺎﻟﻴﻨﺎ ﻏﻴﺮﻙ
ﻭﺍﻧﺖ ﺗﺘﻠﻮﻥ ﻋﻠﻴﻨﺎ !
ﻣﺮﻩ ﺗﺪﻳﻨﺎ ﺍﻟﺤﻨﺎﻥ
ﻭﻣﺮﻩ ﺍﺭﻭﺍﺣﻨﺎ ﺑﺘﻬﻴﻨﺎ
ﻧﺤﻦ ﺳﻠﻤﻨﺎﻙ ﻗﻠﻮﺑﻨﺎ
ﻭﻫﻲ ﺟﺎﺗﻚ ﻣﺴﺘﻜﻴﻨﻪ
ﻭﻳﺎﻣﺎ ﻋﺬﺑﺖ ﻭﺣﺮﻣﺖ
ﻭ ﻳﺎﻣﺎ ﺷﺎﻧﻚ ﻛﻢ ﺑﻜﻴﻨﺎ
ﻭﺑﺮﺿﻮ ﻧﺪﻳﻚ ﺍﻟﺤﻨﺎﻥ
ﻭﺍﻧﺖ ﺳﺒﺐ ﺍﻟﺪﻣﻌﻪ ﻓﻴﻨﺎ
ﺷﻔﺖ ﻛﻴﻔﻦ ﺍﻧﺖ ﻗﺎﺳﻲ !
ﻭﺑﺮﺿﻮ ﺳﻴﺪ ﺭﻭﺣﻲ ﺍﻟﺤﺰﻳﻨﻪ

المتصل قال ليهو صاحب التلفون دا عمل حادث جابوه المشتشفى وكان معاهو زول تاني ،، فتاح كان بيتكلم ب صوت عالي عشان ماسامع ودا الخلى كل الشلة تنتبه ليهو ،، فتاح حكى ليهم الحاصل ميرال أغمى عليها فوقوها بالعافية وجرو كلهم ع المستشفى ،،، وصلو وسالو منو لقوه في غرفة العمليات ،،، امو واقفة برا الغرفة وبتبكي مشو عليها وكفرو ليها ،، بعد شوية الدكتور جاء طالع وقال لازم ينقلو ليهو دم ب سرعة ،، في بنك الدم مالقو فصيلة ايهاب لانها من الفصايل النادرة فصيلة بطلقو عليها الواهب العالمي ،، كلهم كانو مستعدين يتبرعو ب دمهم بس للاسف ما مطابق حتى أخوه وامو مانفس الفصيلة وأبوه مافي طريقة يشيلو منو هو زاتو محتاج،، بقو محتارين يعملو شنو ،، وميرال خلاص روحها دي عايزا تطلع بالبكاء الكتير لامن الام نست وجعها وبقت متحيرة في البت البتبكي بالطريقة دي وبتقول ياربي دي منو
اهل فتاح ونهلة ونور وريم كلهم جو محصلينهم في المستشفى ،، ميرال اول ما شافت ابوها جرت عليهو وقالت ليهو
- عليك الله ب ي ابوي أنقذوا ايهاب حيضيع مننا ،،
ابو ميرال لما عرف المشكلة قال ليهم انا نفس الفصيلة حمدو ربنا ونقلو ل ايهاب الدم ودخلوه عملية مستعجلة وبعد مسافة الدكتور جاء طالع
- فتاح : ي دكتور طمنا عليهو ايهاب مالو

- الدكتور : العملية نجحت الحمدلله ،،لكن محتاجين ننتظر لو عدا ال 24 ساعة الجاية بيكون عدا مرحلة الخطر لانو الضربة كانت في الرأس ،، وأبوه برضو عملو ليهو عملية بسيطة لانو ضربتو كانت خفيفة

بعد العملية نقلو ايهاب ل غرفة العناية المكثفة،، وخلوه تحت المراقبة
الام شكرتهم كتير بالذات عم عبدالحليم (ابو ميرال) وطلبت منهم يرجعو وقالت ليهم قعادكم هنا مامنو فايدة ارجعو وتعالو بكرة في الأول رفضو لكن بعد إصرار من الام رجعو إلا ميرال قالت ليهم لو بت برا المستشفى انا ماحمشي البيت كفاية علي اشوفو واكون معاه في نفس الحتة قدر ماحنسوها ابت ترجع ام ايهاب في النهاية قالت ليهم خلوها
الام وميرال بس الخلوهم في المستشفى لانو ممنوع الا مرافق واحد، ،
- فتاح قال ليهم انا حبيت برا المستشفى لو احتجتو لاي حاجة اتصلو علي ،،
- الام قالت ليهو الله يديك العافية
ميرال الليل كلو تصلي وتدعي انو حبيبها يقوم بالسلامة لحد الواطة صبحت هي قاعدة في المصلاية وماسكة المصحف
تاني يوم الدكتور جاء وطمنهم عليهو وقال ليهم الحمد لله ولدكم بقى عال العال لكن لازم يعمل حسابو شديد وما يبذل أي جهد في الفترة دي حنخليهو 3 ايام تحت المراقبة ،،
-  الف حمد وشكر ليك يارب وشكرا ليك ي دكتور
- الدكتور : دا واجبي حمدالله ع سلامتو

- ميرال ممكن ادخل اشوفو ي دكتور
- الدكتور ممكن بس ماتطولي
لما ميرال دخلت جوة ،،
-  ام ايهاب سالت فتاح وقالت ليهو البت دي منو ماقصرت معانا والله امس الليل كلو مانامت ،،
- فتاح قال ليها احسن تعرفي من ولدك

ميرال دخلت وقعدت جمب راسو بتبكي وهي ماسكة يدو سمعت ايهاب بقول ليها ب صوت تعبان
- ماتبكي حبيتي انا بخير
- ميرال : حبي انت كويس😍😍 انا مامصدقة روحي الحمدلله يارب ،، خوفتني عليك شديد
- هوبا : ماتخافي علي ،، حبيبك زي الكلب ب سبع أرواح
- ميرال : ما بسمح ليك تتكلم عنو كدا😒
- هوبا ههههه اااخ ماضحكيني لأني بتعب
- ميرال ب حنية سلامتك حبي ماتعب روحك ولو الكلام بيتعبك اسكت
- هوبا : انا لما اشوف عيونك دي بنسى كل التعب (حتى وانت عيان رومانسي😘)
- ميرال يسلم لي حبي البريدو،، انا حطلع اسة عشان امك وفتاح يطمنو عليك
- ايهاب لا خليك قاعدة
- ميرال بجيك بعد شوية
طلعت برا الغرفة وقالت ليهم ايهاب فاق واتكلم دخلو يسلمو عليهو وسالهم من ابوه وطمنوه عليهو
- ام ايهاب عايز اسالك ي ولدي من البنية دي عجبتني شديد
- ايهاب لو عجبتك اخطبيها لي طوالي
- الام : قوم لينا انت بالسلامة وخلي الموضوع دا علي
- ايهاب ما حتغيري رايك
- الام : افووووو اغير رأي قال
- ايهاب بقة يضحك ويتوجع
- الام انت اسة بتضحك مالك
- ايهاب : دي زميلتي القلتو عليها كافرة
- الام : كافرة شنو دي الليل كلو بتصلي وبعدين انت مش قلت خواجية دي اسة ماشبهنا وخضييرة زينا😄
- ايهاب: يعني انتي ماعندك مشكلة
الام: زين ما اخترت ي ولدي
- ايهاب فرح شديد ولو ما مضروب كان قام نطط من الفرح ف سبحان الله الحادث كان سبب انو اهلو يعرفو ميرال ويحبوها
قد يرسل الله إليك رحماته على هيئةِ
مصائب فلا تبتئس وردّد دائماً لعلّه خير

نهاية الجزء العشرون
صلو على رسول الله