ترياقي

21

ممكن سؤال؟
حصل لاقاك زول بتنفسك
وجوة الفؤاد بتحسسك
طب ممكن سؤال
لو زول عشق نظرة عينيك
ادمن حنانك ولهفتك
ممكن يعيش من غير حضورك وطلتك ؟!

ايهاب طلع بالسلامة وعملو ليهو كرامة
- هوبا : معليش ي جماعة(قاصد الشلة) اعفو لي خربت ليكم التخربج
- فتاح: تخريج شنو سلامتك اهم ي اصلي
- ميرال : اصلا التخريج من غيرك ماكان حيكون حلو😘
- ريم : انت قوم لينا بالسلامة واحنا نعمل ليك حفلة ظابطة
- نور : هههههه غايتو انتي جنك حفل😂
- ريم : خليكي مني انت مش عرسك قرب مالك ما اتحبستي
نور خجلت والشباب عملو فيها ماسمعو ،،
- نهلة قالت لي ايهاب اهلك ووافقو حتفرحونا متين ،،
ميرال 🙈
- ايهاب قريبا ان شاءالله خليكم جاهزين
- الشلة احنا جاهزين 😍😍
.
.
.

- هوبا : الوووو حبي الليلة موعدنا مع ابوك ،، أخيرا ح تكوني خطيبتي
- ميرال حاسة كاني بحلم ما مصدقة امورنا تظبط بالسرعة دي
- هوبا: مش قلت ليك خليك واثقة فيني ،، كنت مستعد أحارب عشانك الدنيا كلها
- ميرال: للدرجة دي بتحبني
- هوبا واكتر كمان انتي انفاسي من غيرك حموت
- ميرال : وانا كمان بمووووت فيك 😍
- هوبا : 💜 يلا حبي ل بعدين ،،
💮
💮

المساء ايهاب واسرتو وصحبو مشو يخطبو ميرال وابوها قال يعملو عقد طوالي
ميرال معاها صحباتها وامها ماقدرت تجي ،، سمعو صوت الزغاريد والطلق بعد شوية تلفونها رنة لقتو حبي (مسجلاهو كدا)
- الوو ،، مبروك علينا حبيبتي خلاص بقيتي زوجتي رسمي وشعبي
- ميرال ما مصدقة بتقول ليهو قلت شنو ،،
- السمعتيهو عملنا عقد طوالي عندك اي اعتراض
- ميرال دموعها نزلت بس المرة دي دموع الفرحة ..قالت ليهو
راجياها انا اللحظة دي

لحظة لي عليك يعقدو
الرجال ضربو الرصاص والحروم زغردو

صحباتها فرحو وباركو ليها مع انو فرحتها كانت ناقصة بعدم وجود امها بس اتفقو يعملو المناسبة هناك في الامارات
🍃
🍂

نرجع للشباب ديل شوية طولنا منهم ياخ
حسام مقضيها حبكانيات مع مروة وبقى تاكل الشغل كلو على مهند والاخير مافارقة معاهو اصلا هو حمار شغل بس زاعجاهو الرسايل البتصلو يومي وكمان صباح ومساء لدرجة انو فكر يغير رقمو لكن ماعندو طريقة دا رقم الشغل
- حسام : رايك شنو ي هندوي لو جبنا لينا مهندسة شاطرة تساعدنا في التصميمات
- مهند ياريت والله الشغل كتير وما قادرين نلحق
- حسام : ظااااابط ي صحبي ،؛ المهندسة جاهزة شاطرة وكمان اول الدفعة
- مهند : جميل خليها تجي تستلم الشغل ع طول
- حسام : اوك
🌿
حسام مشى زار خطيبتو في البيت وبارك لي نهله التخريج وعرض عليها تجي تشتغل معاهم في الشركة يدوها نسبة من الارباح ،
-  نهلة طلبت منو مهلة تفكر
نهلة من جواها محتاجة للشغل وعايزاهو لكن خايفة ماتقدر تستحمل تشوف حبها قدامها ماعارفة روحها كيف حتتصرف معاهو
استشارة أخواتها (احلى حاجة فيهم انهم ما بيدسو حاجة من بعض) ،،،
- قالو ليها لو بتحبيهو بالجد ،، اسعي انو يكون من نصيبك و دي فرصة تكوني قريبة منو وتخليهو يحبك انتي زولة شاطرة والحاجة البتختيها في راسك بتعمليها ،، بعد استخارت اتخدت قرارها

نهلة وافقت ع الشغل وجواها عزيمة وإصرار أنها تخلي مهند يحبها

اول يوم شغل نهلة واقفة قدام المرايا بالساعات همها كلو أنها تكون سمحة،، هي اصلا سمحها لكن عايزا تكون احلى في عيونها بالذات دا اول يوم شغل ليها وكدا
اختارت الاجمل من ملابسها ولاول مرة تعمل ميكب تقيل وعلى سماحتها بقت قنبلة،، ادت نظرة اخيرة على روحها - وقالت ماشاء الله ابتسمت وطلعت
- امها ماشاء الله شنو السماحة دي كلها عيني باردة عليك ،، اربطي ليك كمون😂
- اما الاب فما عجبو بتو تطلع بالشكل دا لكن سكت عشان ما يعكنن ليها يومها

نهلة كل ماتقرب على الشركة قلبها بيدق زيادة وكأنها على موعد غرامي

وصلت المكتب ودخلت ع السكرتيرة
- لو سمحتي المدير موجود
- مروة بقت تعاين ليها مسافة وقالت الشكل دا اصلو ما غريب علي ياربي شوفتها وين 🤔
- بعد مسافة قالت ليها نهلة 😯 والله ماعرفتك شكلك متغير شديد
- نهلة وهي بتضحك للأحسن ولا الأسوأ
- مروة : للأحسن طبعا لكن مامن عوايدك ولا دا جنون العشق
- نهلة : 🙈 ي بتي اسكتي ماتفضحيني ،، يلا وين المدير
- مروة : ياتو فيهم 😘
- نهلة : اكيد ماقاصدا خطيبك 😉
- مروة : هههه عندو شغل برا ح يجي بعد شوية تنتظريهو هنا ولا في مكتبك
- نهلة : مكتبي ،، انتي جادة
- مروة اكيد مكتبك جاهز ومنتظرك
- نهلة خلاص مسافة تطلبي لي القهوة أدي مكتبي نظرة واجي، ، وصفي لي

نهلة شافت المكتب وعجبها شديد ماكان بقل اناقة وفخامة عن مكاتبهم

نهاية الجزء الحادي والعشرون