ترياقي

8

بغير من السماحة الفيك حلات الدنيا انت عليك

وقلبك صافي ديمة حنين جمالك مافي منو اتنين

ولو شافوك بقومو الناس يمين بتعقد السمحين

- مالك نهول زهجانة كدا

- قافلة معاي ي نور ماعندي مزاج لا ي حاجة

- ميرال خير في حاجة احكي لينا احنا زي اخواتك

- نهلة واكتر من اخواتي بس مافي حاجة

- ريم انتو ماعارفين نهلة غتيتة ماتعبو روحكم معاها

- نهلة الله يسامحك ي ريم

- ريم ما قصدي حاجة ي بت اها رأيكم شنو نطلع نغير جو اصلا بكرة عطلة

- ميرال ونور نشوف نهلة

- ريم عليك الله ي نهول وافقي تعبنا من القراية ياخ عايزين نتفسح وننبسط

- نهلة طيب اضرب ل ناس البيت بالأول

- ميرال اوك ونكلم الشباب يمشو معانا

- ريم اكيد 😘

- نور عشان تقضوها لي حبكانيات وتخلوني براي

- ريم انتي و نهلة ونسو بعض 😜

- نور 😏 انا زاتي ما ماشة

- كلهم ليه يخسي عليك

- الليلة جايننا ضيوف ولو اتأخرت حيعملو لي موضوع

- ريم : ماحنتاخر وممكن ترجعي بدري

- ارح ياخ ماتخربي لينا الرصة

- نور طيب طيب

خشو على استراحة الجامعة اي واحدة ظبطت الميكب بتاعها نهلة ابت تعمل حاجة اصلا هي ما محتاجة جميلة في كل الحالات بس ظبطت حجابها وكانت لابسة لبسة مبسطة وحلوة اسكيرتي رمادي وبلوزة زرقاء سادة وطرحة مشكلة رمادي وأزرق

.

.

.

في الشركة

- مبروووووك علينا الليلة استلمنا اول شغل تصميمنا عجبهم وطوالي مسكونا المشروع

- انت جادي 😃

- جد الجد كمان بعد دا كسل مافي