غالية خلتني في حيره من أمري ...... وراسي خلاص عاوز يطرشق من كترت الاسئلة والتفكير صاح الفتره الانا كنت منتظراها فيها برهة زمن قصيره بس
كانت اطول فترة انتظار بالنسبه لي واقفه وانا شارده جات قاطعتني قالت لي هييي ريم الماخد بالك يتهني بيهو
مالك ما جيتي معي اتلعثمت في الكلام
قلت ليها انا ما بحب اتعامل مع الناس الغرباء ما حبيت اوريها علاقتي بي مازن
ما دخلت لي في اي تفاصيل عن معرفتهم بي بعض وكأنها قاصده تربك عقليتي
صامتة اليوم كلو والفضول سارقني
ولا حنين للماضي ما عارفة بس
كنت واثقة من أننا حنتلاقي مره تانية
بس كيف ما عارفه المهم شعور وخلاص
انا وغالية دايما كنا بنقعد جنب شجره بره الجامعه فيها ست شاي اسمها ستنا دي الوحيده البتقدر تخليني اضحك
في زحمة الحزن الجواي وتهزر دايما
معي خالقه لينا جو فرح تحفة شكلها علاقتها مع غاليه وثيقة .. لأنها عارفه عنها حاجات انا ذاتي ما عارفاها ,,,, يوم قاعده كده مع ستنا دي جاء شاب جلس معانا كان مدينا ضهرو ما شفت ملامحو
فجأه التفت علينا والله قربت اقع من طولي
بس ما شكلي انا براي المتفاجأه ده كان
مازن لقاء للمره الثانيه بس كان غير
جاء وعلامة الدهشة واضحه في وجهو ..... سلم علي غالية طوالي غاليه قالت ليهو طبعا دي ريم صحبتي ..... شعور
شين انك تحاول تمثل انك ما بتعرف الزول ده بس جات كده ..... الوقت داك كانت امتحانات السمستر الرابع وخلاص حننتقل لي ثالثة شعوري بيها كان مختلف حاسه بيها في حاجة غريبه حتحصل علي
اكتر حاجه كان مخوفاني اخوي استفحل
بيهو الوضع لدرجة انو بنات الحلة شكو
لي منو وبقي زول تب لا مؤدب لا شاف
التربيه بي عينو ده في ظل غفله ابوي
لأنو ما مصاحبنا مفترض كل الاباء يمشو
علي مقولة ابنك لو كبر خاويهو بس انا
ساكته علي فعايلو في لحظه قررت
اني امشي اتكلم معاهو في النهاية ده اخوي ..... جيت قعدت معاهو ونقدت تصرفاتو ,,,,, بس ردت فعلو صدمتني
قال لي خليك في حالك انا عارف روحي بعمل في شنو وانا ما طفل قدامك
قلت ليهو يبقي انا عملت العلي وحأكلم ليك ابوي يجي يتصرف معاك ,..... قام ضحك بقهقهه شديده وقال لي اسمعي ياريم اي صاح ابوي صعب وصارم بس
لو كلمتيهو حأحكي ليهو بأنو نجلاء ديك كان صحبتك وحأحكي ليهو عن مازن وعن البلاوي الانتي مخبياها وراكي عشان كده خليك عاقله احسسن ,,,,,,,, والله لساني
التقول اتخدر وقفت مسافه وانا عاوزه اتيقن ده بالجد اخوي !!!
ولا ده وحش في هيئة اخوي بقيت ما قادره افهمو ....... سكتا واكتفيت بأني اراقبو وهو بغرق في بحر الضياع ..........
اها مع بداية السمستر الجديد عدنا للجامعه وايامها وستنا وغاليه من غير الايام كنت واقفه للموصلات وزحمة مبالغه والزمن فات علي فجأه في عربية وقفت قدامي ......... امجاد وراكب فيها مازن
قال لي يا ريم اركبي .... اترددت لانها حاجه غريبه شوية ....قال لي بعصبيه كده
اركبي عليك الله ما تفرجي فينا خلق الله
ركبت معاهو سألني من احوالي قلت ليهو
حمدلله طبعا في اضافرو في بقاية حنة
شكلو عرس ولا حاجه المهم ما اشتغلت بالموضوع كتير ....... قال لي ما تقولي انا عاوزارجع ليك أنا بس عاوزك تكوني حريصة علي روحك وستنا ست الشاي دي
بنصحك ما تقعدي معاها كتير قلت ليهو
اسمع هنا يا مازن انت عاوز تصل لشنو
اساسا انت زول غريب وما مفهموم تجيني فجأه برغم اني اذيتك عاوز تبعد مني ناس
انا حبيتهم ياخ طيب قول لي اسباب مقنعة
طوالي وقف بتاع الامجاد قاليهو وصل الانسه لحد الجامعه ودفع ليهو الاجره
قال لي ياريم ما لاذم اي حاجه تفهميها
انا حزرتك وما مضطر اني اشرح ليك
اي حاجة يلا السلام عليكم
يااه علي حرق الاعصاب العيشني ليهو الزول الاغرب من غريب ياربي ياتو
لعبة بحاول يلعبها معي ..... واكتر حاجه مستغربه فيها انو حزرني من ستنا برغم انها طيبه شديد
يتبع....
