ما قادره اقرر في دوامة الافكار الرهيبه الانا عايشه فيها هل اترك مازن
هل اصارحو هل هل هل ؟؟؟؟؟
في ظل التساؤلات دي جاني مازن قال لي ياريم انا اسف والله وحقك علي
@أنا حاسي بالذنب من ناحيتك لأني بحاول اجمل نفسي في عيونك ......
انا اسف لأني زول اناني انتي دايما بتحكي لي كل حاجه وانا كنت بخبي كل حاجه
انا اسف لأنك بسببي نزلتي اغلي دموع في الدنيا
سامحيني لأنو بسببي اهلي خاتين فجوة تجاهك
ريم انتي صديقتي قبل ما تكون زوجتي والحاجه دي انا مفترض ما اتجاهلها
سامحيني لأني كتير المتك .....وجرحتك وبعثرت جواك صورتي الكانت في يوم جميله انااالليله مازن بكل ما يحمل من قبح
سكت مسافة قلت ليهو لا مازن رجائا
لو ما حابي تقول لا تضغط علي نفسك
عشاني انا والله مسامحك لو
ما مقتنع بأنك تحكي لي ما تعذب نفسك وتعذبني معاك ,, انا خلاص حصلت مرحلت التعود, . عادي خبي اعمل اي شئ ما فرقت لانو وجودي وعدمو في حياتك ماليو اعتبار عندك // مازن انا قصدي اشيل معاك
همومك عشان احنا واحد علي الاقل انا بعتقد كده .,,,,,
قال لي بالعكس يا ريم انا حاليا واقف قدامك وبكل قواي العقلية دي اللحظه المفترض انا اقول ليك كل حاجة بتوجع
بس ارجوك ما تنصدمي مني
مازن الانسان الجميل الشايفاهو قدامك ده
بتجمل عشان عاوز يتغير ويبقي انسان
انا زمان كنت مع شلة نشالين وحراميه
من سرقات وغيرها ما حأحاول ابرر ليك
اي تصرف من تصرفاتي لأنو شمس الحقيقه لازم تشرق برغم اني بسرق معاهم بس غدرت بيهم وكنت بسرقهم يعني "حرامي بسرق حرامي" الشرزمة
دي انا ما بعدت منها الا بعد ربنا كشفهم
في عملية كبيره ... انا ما كنت معاهم واتفقنا انهم ما يجيبو سيرتي
في التحقيقات وبعد مده السجن حقتهم
تخلص انا حأعوضهم بأموال طائلة ما كنت متخيل في يوم الزمن يعد بي ويجي اليوم الانا مفترض انفذ وعدي الوعدتو
زمان ما كنت حاسب حساب يوم زي ده
عذاب الضمير الكان عندي اقوي من اي شئ وبمساعدات من الطبيب النفسي الوديت ليهو اخوك ساعدني لأنو السرقة العندي دي كانت مرضة رغبه اني اتحصل علي اي حاجه ما حقتي"حب التملك" وياكي ياريم شايفه وضعنا المالي كويس.... الزول الاتصل علي ده من الشرزمه ديك وكان عاوز قروشو بعد ما طلع من السجن الكان ماسك القضية ياريم حمااي اللهو ابوكي
