طلع بره البيت تم المكالمة وجاني راجع
سألتو يا مازن منو الاتصل عليك ارتبك
شوية وقال لي لا تشغلي بالك مشاكل
في الشغل يااريم ..... بس اعتقد انو
محتاج كذبه اكبر من دي عشان اقتنع ليهو
عملت نفسي مصدقة ومشيت الموضوع
ومن هنا بدأت معركة التلاعب بالاعصاب
مازن يومياا يجيني متأخر بحجة انو كان مع
ناس بيتهم كل يوم بالطريقه دي
والغريبه انو صادق في كلامو يعني
بالجد هو مع ناس بيتهم بس ليه الزيارات الكثيره والغريبه الما مفهومه دي
طبعا اكيد ما من حق زوجه انها تنزعج من
زوجها اذا بقي مع اهلو اكتر منها لانو
في النهايه ديل ناس بيتهم وانا الجايه غريبه
ا كتر حاجة ذعلتني قال لي امشي اقعدي مع اهلك يومين ثلاثه عشان جو التوتر
ده ما يأثر علي علاقتنا ولا كضبت
شلت شنطتي وعلي بيت ابوي
هبه شاكلتني قالت لي يا هبله في مره
نصيحه بتخلي بيتها زوجك دي اكثر فتره محتاجك فيها ..........
هبه جايطه وابوي معترض ووائل يحمر
لي من تاني يوم طوالي رجعت بيتي البيت لقيتو زي ما هو دليل علي انو مازن
كان بايت بره البيت اتصلت عليهو تلفونو
مغلق .......// خلاص خوفي ذاد
فجأه جاتني رسالة نصية مكتوب فيها
مازن في ذمة الله ما حسيت الا وانا ببكي بأعلي حسي والدنيا دي خلات مسخت علي ياربي اتأكد كيف انا اعمل شنو
حاولت ارجع للرقم حق الرساله بس شكلو
الرقم خارج التغطيه اتصلت علي نسابتي
بس من صوتهم شكلهم مرتاحين وما عندهم مشكلة بقيت ابكي وادعي يارب
اديني الصبر يا الله اديني الصبر
حال لا بسر عدو لا حبيب ,,,,,,,,,,,
شويه كده الباب ضرب لقيتو مازن
شخص سليم قدامي والله مسكت فيهو
وكملت دموعي هو ذاتو لمن اتخلع
قال ليي ريم بسم الله جيتي متين
ومالو وشك ده كده في زول ضربك
يا بنت اتكلمي وانا بقيت زي الطرشة بعاين ليهو وما واعيه بنفسي لحد ما اغمي علي رشاني بي عطر كان شايلو معاهو //
استعدت تركيزي بعد مده بس ما متذكره
شئ شوية كده تلفونو ضرب فكان
صوت راجل قاليهو شفت الحصل لزوجتك
المسكينة يا حراااام يا مازن
وده لسه اللعب ما بدأ عشان كده
يا مازن تبقي تسمع كلامي ,,,,,,, للو ما عاوز زول يتعذب من وراك مازن ما رد بأي كلمه قاليهو بعد ما نتلاقي
قلت ليهو مازن الحاصل شنو قال لي
لا تاخدي في بالك ماف شئ ريم حتعرفي كل شئ في وقتو .........
لكن تاني رجاء ما اي زول يقول ليك
كلام تصدقيهو ,,,,,,,
انا يا ريم جاتني رسالة مكتوب فيها
الحق زوجتك في خطر ,.......
قلت ليهو انت بتعرف الزول ده
قال لي لا ما بعرفو وحأعرفو من وين
عاينت ليهو مسافه قلت لي سبحان الله يامازن انت بتقول كلام بس عيونك بتقول كللام تاني لأول مره احسك بتكذب علي حرام عليك والله انا عملت شنو عشان
حياتي كلها تبقي عذاب في عذاب
مازن انا حأدخل ابوي في القصة لانو رجل قانون و حيقدم لينا مساعده
مازن قال لي لااا لااااا يا ريم ما
محتاجين شرطه اللعبه دي حقتي وانا
حأنهيها أنا بس انتي لا تخبري احد
بالحاصل . . . . . . . بعد
مناوشات ومشاددات كلاميه بينا
قال لي ريم! انا عاوز ابيع البيت حقنا
في حاجه ماسه لقروش والمبلغ انا ما عندي ...............
ليه مازن بقي كده حاسه كاني ما بعرفو
قبل كده الفتره دي كلها غير الدموع
ما ف حاجه مصاحباني ............
بس انا لازم اعرف كل شئ وبأي ثمن . .
لانو خلاص كتر علي و عقلي وقف من التفكير
يتبع....
