انا خلاص علقت لي في وحل يا عالم حأتحرر منو متين ....... وماف زول واقف
معاي نهائي بس هوي نفسي وضعفي
كان مسيطر علي ..... في عز الضياع
جاء مازن معترض طريقي سلم علي
قال لي مالك ياريم اتغيرتي كده
قلت ليهو لا انا كويسه ومافيني اي تغيير ....
قال لي عنيده وكذابه زي ما خليتك ريم
انتي ما سمعتي نصيحتي مش كده
قلت ليهو اسمع هنا يا مازن نصيحه شنو الانت بتقول عليها انت قدمت لي ظرف اسود فيهو لغز وخليتني تايهة وهسي
جاي تسألني من اني حليتو ولا لأ
قام اتعصب علي قال لي انا حزرتك لاني ما كنت متأكد من الموضوع بس حاليا جاياكي وعلي يقين ومتأكد ابعدي من ستنا لأنها مروجه مواد مخدره .....
ما عارفه الشعور الجاني شنو ندم ولا عتاب
ولا انا اتسرعت وظلمتو المهم خلاني مدربكه وما قدرت ارد عليهو بلساني بس
النظرات الفي عيوني كانت اجابه قاطعه
لأسئلتو ..... قاطعت شرودو ده بي سؤال
قلت ليهو مازن انت علاقتك شنو بغاليه والجابك جامعتنا شنو!
قال لي بحبها اها غيرانه منها
اتعصبت شديد قلت ليهو انت اخر زول انا ممكن افكر فيهو وندمانه اني كنيت ليك
ذره من مشاعر الكلام ده بقولو بلساني
بس قلبي عندو راي تاني .....
قال ليي غاليه دي انا كان شرحت ليها ماده هي ومجموعه من الطلبه ومن ديك بقت معرفة وكان عندها ظروف وساعدتها
ما مضطر طبعا احكيها ليك .....
قلت ليهو تصدق اني ذاتي ما عاوزه اعرف
والجامعه يا ستي انا بحضر في ماجستير
وحظي العاثر خلاني القاك مره تانيه
وكأنو الماضي بعيد نفسو ياريم ثلاث سنوات مرت زي النسمة
طبعا الحنه الفي يدو ما سألتو عشان مايقول انا جاريه وراهو لحد هسي
قال لي يا زوله الناس ديل تبعدي منهم عشان تحافظي علي روحك يلا ,......سلام
في لحظه حسيت ضميري صحي وبأراده داخليه وقفت التعاطي لفتره اسبوع فقط
حسيت بي وحده وحزن انتكست ورجعت تاني للتعاطي يوم كنت مفلسه ما قادره اشتري المزاج من ستنا سرقت من دهب اختي هبة حق عرسها انا بقيت خطر علي ناس بيتنا يومي الاكون مفلسه بقيت امد يدي علي حاجه ما حقتي .........
ما عارفة الامور حتصل لي وين
غاليه برغم انها كانت مروجه الا انها نهائي ما بتتعاطي وعارفه المخدرات ومخاطرها
الا انا المسكينه اشتري واتعاطي وما عارفه انقذ روحي كيف ضميري بفوق لمن
امي تتذكرني وتتصل علي كان نفسي امسكها علي واضمها شديد وابكي واقول ليها يمه ما تسيبيني براااي في الدنيا الكعبه دي ...... يوم كنت ماشه لي ستنا اشتري منها فجأه سمعت غاليه بتتكلم معاها قالت ليها انتي عارفه يا ستو انا
ريم دي والله ضميري مؤنبني شديد ومعذبني من ناحيتها البت دي وثقت فيني اكتر من ناس بيتهم تصدقي انو كان بتديني قروش لمن احكي ليها عن ظروفي الوهمية البت دي ما تستاهل ستو قالت ليها
هاا يا حنينة يختي هوووي فتحي عينك وامشي عديل بطلي العبط البتقولي فيهو ده احنا شغلنا ده مافيهو اي مشاعر وضميرك ده اقتليهو عشان ما تضيعي وتضيعينا معاك وعارفاني لو حسيت بخطر من ناحيتك حألحقك امات طه فاهمه ولا اعيد كمان ؟؟.....
لمن جيت خاشه عليهن لمن اتخلعن بس ااتظاهرت اني ما سمعت حاجه جد مخلوعه انا ما فاهمة ...... ديل شنو
العالم الغريبه الانا وقعت فيهم ديل ....
يتبع...
