مفترض امشي بيتنا وانا الفرحة مش سايعاني بس مع الاسف علي قدر ما انا مبسوطة علي قدر ما كنت خايفة لمن كلمت هبه قالت لي ااخيييييرا يا ريم
تصدقي انك فرحتيني بس مالك متوتره كده
مش مازن ده حلم حياتك ,,,, من زمان؟؟
قلت ليها ايوة يا هبه بس ما بعرف مجرد شعور . . .بعد ايام من الكلام ده اتصل علي مازن قال لي ياريم #زي ما قلت ليك
سكتنا صعبة , . . . امي واخواتي ما موافقات علي زواجنا بحجة انو انتي متزوجه قبل كده ؟
بس ياربي ده السبب الرئيسي ولا دي مجرد شماعه . . , ,
قلت ليهو طيب والعمل شنو؟؟
قال لي انا متمسك بيك تمسك اكبر من رفضهم وحأحاول جاهدا . . . . ,. .بس المسأله مسأله وقت //
اكتر حاجه انا بكرها الانتظار بس مضطره
اني انتظر عشان اعرف مصيري المجهول
قلت ليهو في انتظار يا مازن وان شاءالله
لاخر العمر
هبة قالت لي يا غبيه انتظار شنو انت مرأه وعمرك ده كل ماليهو ماشي يكبر ما ماشي يصغر خليك حاسمة واعطي هذا الشاب ده وقت محدد والا حيفقدك للأبد
كلام هبة اختي كان عين العقل . .. . .
. . . فجأه جاء خاشي اخوي وائل
قال لي يا بنات عندي ليكم خبر ما كويس
خير يا وائل الحاصل شنو ....
قال لي ياريم الصادق ولد ذياد جاني في الورشة الشغال فيها وقال لي امك عيانة طولت كل ما تبقي كويسة تاني بترجع تبقي مريضة .... وراجلها ذياد ما مهتم بيها
نهائي ,.... قال لي انا واجبي بحتم علي اني اكلمكم ومشي علي كده
هبة قالت لينا احنا الثلاثة مقصرين في حق امي مفترض ما نعاملها زي ما هي بتعاملنا لأنها في النهايية هي والدتنا وربنا بسألنا منها وكان لاذم نمش ليها في بيتها.// انا اتضايقت شوية لمن فكرت في ذياد
هبة قالت لي عشان امي ياريم حنمش
خلاص من الصباح بدري قررنا نمشي وكلمنا ابوي ما اعترض قالينا فوتو عليها
وبلغوها سلامي ... انا ما بقدر امش معاكم
لحاجة في نفسي ...... المهم موفقين حبايبي
وياريت ما ننأخرو
مشينا لبيت امي والقلق سابقنا لحسن
حظنا لمن حصلنا بيتها لقينا زوجها ذياد مافيش والله امي لمن شفتها ما حسيت الا بي شجن جواي وحنين رهيب وماما دي بقت نحيفه ووجهها شاحب كأنو هموم
الدنيا كلها مكومه عندها @@@ سلمت علينا بحنيه طمرت اي مشاعر سيئة كانت جوانا بس بعد سألتنا عن احوالنا // نزعت علينا جو الفرحة قالت لينا انتو مالكم جيتوني في البيت ذياد ما برضي
ساعتها ذعلت شديد ودمي بقي يغلي وعفاريت الدنيا ديل كلهن اتنططت في وشي
في كلامنا ده ذياد جاء خاشي ومن غير سلام قالينا انتو الجابكم بيتي شنو؟
عندكم عين تجو بيتي امكم قابلوها بره البيت ده طبعا كلامو كلو مستفز . .
فما قدرت استحمل وحصلت بينا مشادده كلامية قلت ليهو انت شلت امنا عاوذ مننا شنو تاني استفدت شنو؟لمن حرمت ام من اطفالها امي سكتتني وقالت لي كفايه لو عندي خاطر عندكم اطلعو بره
والفجوة البينا وبين امي حسبتهاا لوهلة انها اختفت بس ما كل البنتمناه بنلقاهو . . . . //
طلعنا من بيتهم واحنا جناحنا مكسور والغصه واقفه لي في حلقة ودموع غالبها انها تنزل .... //
ابوي لمن سألنا الزياره كان كيف ما حكينا
ليهو شئ قلنا ليهو كويسه مع انو ما صاح
نكذب عليهو في النهايه ده ابونا وضلنا
وحمانا .,.
كلها سويعات زمن اتصل علي مازن بعد غياب لأيام اتصالو كان زي سحابة الصيف البتحمي من لفحة نار واداني الخبر الحلو
انو اهلو خلاص اقتنعو ووافقو فرحت شديد ساعتها ع رغم اني واثقه انو اهلو
ما كلهم موافقين بس فكرت اني حأتزوجو
هو ما حأتزوج اهلو فرحت اخواني وطلعتهم من جو الكأبه الاحنا كنا فيهو
... مازن وابوي بينهم معرفة وقت كنت مدمنة اتعرف عليهو ودايما كان بشكرو لي
وقت كلمت ابوي قال لي يا سلاااام يا
بنتي ياريم ربنا عوضك بأحسن من عباس
وصليت استخاره والامور حمدلله ماشه تمام ..... لحدي ما وصلو بينا والخطوبه تمت
والحمدلله ........
فتره الخطوبة طلبت من مازن ما تكون طويلة لانو احنا ما محتاجين نعرف حاجة عن بعض ............... @@@@@@@@@
بس اكتر حاجه واجعاني اهل مازن كيف
حيتقبلوني وانا ذوله سبق لي الزواج وخصوصا اني حأسكن مع نسابتي في بيت واحد المهم تفكير كتير ودائم
بس بتجاهلو عشان احافظ علي نفسياتي
ولسة الايام ماشة . . . . وفجأه جاتني بنت زياره غير متوقعة . . .
يتبع....
