مازن ده حاصرني في دوامة لا ليها أول
لا اخر عملت نفسي متماسكة .,,,,,, وواصلت علي جامعتي اها اليوم عادي ماشي بس انا حاسة براسي حيطق من الصداع ..... غالية قالت لي ارح لي ستنا
نظبط راسنا بقهوتها السمحة دي قلت ليها يلا بينا ,,,,,,, جلسات وونسات بس الصداع كان حاد استأذنت منهم ورجعت بيتنا ,,,,,
هبة الفتره ديك ما كانت شغاله بي الشغله
كل همها في خطيبها وبتجهز في حاجات زواجها ...... فما كنت بتكلم معاها كتير
كلام مازن ده صداهو لسه في راسي
ياربي يقصد شنو والموجه حقت الصداع دي افتكرتها منو بس شكلو الموضوع غير
كده كل يوم انا بلقي نفسي متعلقه بي
ستنا ولو ما شربت عندها قهوة راسي
نهائي ما بظبط مع انو زمان كان عادي
مرت يومين ما جات الجامعة وانا حاسه انو حالتي سيئة عديل بتجيني نوبات تحس بيها زي الصرع وصداع مبالغة لمن ببكي بدموعي غاليه قالت لي انا بعرف بيت ستنا ده ارح طبعا ما مانعتها طوالي مشيت
معاها من لقيتها ليك يا ستو مالك غايبه
حرام عليك اديني قهوة ما عارفه الحاصل علي شنو ,,,...., فامت ضحكت قالت لي يا حلوة هسي بقروش لو عاوزه تشربي
غايتو لهجتها ما كانت مطمنه واكتر حاجه افجعتني انو غاليه عارفه انها كانت بتكب لي مخدر في القهوة خطوات نحو الادمان علي غفله ما كابرت نفسي اديتها قروش وناولتني مخدرات حتي هديت شوية
مصاريفي كلها بقيت اتعاطي بيها المخدرات
كلام مازن يدوب جاني بس انا ما بقدر اقاوم نفسي بعد اوقف فتره تاني بنتكس
وبرجع ليهم ........... ووصل بي الامر
لأني اخد كميات معي البيت وبقيت اكذب علي ابوي عشان اخد اكبر قدر من القروش
وقعت في وحل جديد كل يوم بكتشف
شئ جديد بس الادمان مسيطر علي غاليه طلعت مروجه مخدرات كبيره ملامح
وشها البريئة ومشاعرها المزيفه خلتني
اصدقها واوثق فيها بكل غباء ...... بقيت زولة ما مسؤلة نهاري كلو قاعده مع ستنا وما انا براي معاي مجموعه من الشباب
والشابات غاليه سلاحها الوحيد ضدي بتقول لي لو ما عاوزاني احرمك من المزاج ده تخلي الموضوع ده سري بينا عشان مصلحتي ومصلحتك فاهمة ولا
لأ وبقت غاليه لمن تشوفني منكسره
بترغمني اني ادفع ليها كميه كبيره من القروس عشان تجيب لي كميه بسيطة من البودره
المخدره ....... ويستمر الضياع
يتبع....
