غالية قعدت متوجسة شديد خصوصا
انو الزول ده عيونو شرار بس قاليها
اسمعي يا غالية كلامي حيكون معاك اوضح من الشمس فاهمة وتسمعيني وتنفذي طوالي والا وعزة الله اقلبها في راسكم كلكم احكي لي من البداية بكل صغيره كبيره واوعدك انو في الشرطه اخليك شاهد ملك يعني عقوبتك يخففوها
ليك ..... غاليه سكتت مساافة زي الكأنها
خايفة .... قاليها احكي كلي سمع
قالت ليهو انا ظروف بيتنا كانت صعبه شديد
وستنا دي اغرتني بالاموال مقابل اني اصطاد واترصد ليها الشباب والبنات خصوصا عباره عن شبكة كبيره الاولاد ماسكهم ولد اسمو يامن ودايما الطرايد
الزي ريم ديل صيد ساهل ما بنتعب فيهم
لأنهم عندهم عزلة اجتماعيه ومساكين وطيبين وبريئين حتي في تفكيرهم "ساذجين " ممكن تطلعهم من عزلتهم دي وتجرفهم لي عكس التيار .... بس تصدق يامازن برغم الانا عملتو ده قلبي ما كان مطاوعني لانو ريم دي مشاعرها نقية زولة انسانة بس ظروفها النفسية صعبه ...... صادقتني بصدق بس انا صاحبتها لمصلحة حاسه بيها حركت الانسانيه الجواي تصدق ... كده
مازن قاليها لحد هنا كفايه وقت يختي ضميرك واجعك يلا علي الشرطه انا كده عرفت العاوزو والباقي توريهو للشرطه بتتعاملو مع منو ؟؟ والتسليم بتم كيف ووين
وتورينا المدمنين منو عشان نقدر نقدم ليهم حاجه يا غاليه دي فرصه جاتك لحد عندك عشان تبقي انسانة نقية نضيفه بتحبي الخبير للناس الحوليك....... غاليه دي رمت ليك دمعتين وطوالي علي الشرطة اعترفت بكل البتعرفو وما كان من الشرطة الاتعمل
كمين عشان توقع ستنا واعوانا لسة التحقيقات جااارية ,,,,,,, المشكله الكبيره
ل مازن كنت انا
يوم قال لي بدورك في موضوع قلت ..... ليهو اتفضل
قال لي يا ريم .... انا عاوزك تخلي الادمان____ ده
........ قلت ليهو ايؤة انا عاوزه اخلي الادمان عايزه اعيش زي باقي الناس نفسي اضحك من قلبي ما عاوزه تجيني نوبه تخليني ما واعيه .... وبقيت ابكي
مازن ده لمن قال لي كفاية ياريم الحل اولا الاراده وقوة العزيمه تانيا انا معاك خطوه خطوه عشان تخلي الادمان وحندخلك مصحه تكوني علي اعين ورقابه طول الوقت والله بكيت بكي شديد علي الحاجه دي بس اعمل شنو انا لازم ابقي صلبه ولو لمره في حياتي بعد كم يوم
الزول الاتولي قضية ستنا كان ابوي .....
من غير ما يعرف اني كنت بشتري منها بس في يوم ابوي عرف شكلو في زول كلمو وجاء خاش البيت ووجهو اسود......
يتبع....
