من جيت داخلة كده غالية اتكبكبت وبقت
ترحب بي بترحيب ما منطقي بالنسبه لي
اديتهم القروش وادوني طلبي وبقيت
مارقه قالو لي اقعدي بس نفسي طامه
منهم صراحه الناس ديل لا بريدهم لا بحمد بلاهم انا مجبوره عليهم عشان الادمان ............ والتعاطي اما غير ذلك انا
متأكده ماف اي مشاعر لصداقة اوخلافها ولو في ظروف تانيه كنت انتقمت منهم ببعد منهم كتير بس في الاخر بسبب الانتكاس والحالة البتجيني برجع ليهم ......
اها يوم حصل خلاف بين غالية وستنا شكلها مشكلة كبيره ما زي باقي المشاكل لدرجة أنو غاليه بطلت تتعامل مع ستنا وستنا بقت خايفه من غاليه انها تفتنها او تعمل ليها مشكلة وتقطع ليها اكل عيشها
شكلتهم دي حكت لي بيها غالية بس ما عارفة شنو نواياها الضامراها ولشنو بتحاول تحكي لي مشاكلهم انا متعاطيه مدمنه ما مروجة زيهم !!! فتره كده
بقت بتتجنب تتكلم معي ولو اتكلمت معي
كلامها كلو عن ستنا وعمايلها صراحه من الحكاوي دي أظن انو ستنا دي وحش ما انسان زوله تب ما عندها انسانيه وكمان معاوننها ناس كبار ....... وتمتهن المهنه البسيطه "ست شاي" دي عشان تتمكن من الشباب
السايقو الحماس وعاوز يجرب اي حاجة
مازن غاب فتره طويله ما اعترض طريقي ....... لدرجة اني فقدتو اضطريت اسأل عنو زملاءو البحضرو
معاهو في الماستر في واحد كده قال لي مازن أحمد يا سلام ياخ الزول ده كنت معاهو قبل فترة كان مرقد في المستشفي والله الخبر جاني زي الرصاص قلت ليهو لاااااا يااااخ مالو
الحصل عليهو شنوو ....... قال لي عندو
كان عملية زايده متحجره وحمدلله هسي بقي كويس في فتره نقاهة وان شاءالله
حيرجع ..... قريب خجلت اقوليهو اديني رقمو مع انو عادي يعني قلت انتظر لحد
ما ينزل الجامعة ...... بس ما عارفة حينزل متين بقيت مترقبه ومراقبه من بعيد لبعيد
لأنو حاسة انو ده خلاصي الوحيد
مازن ده الوحيد العارفه انو قلبو نضيف يعني ما ممكن يأذيني واساسا ثقتي مهزوزه في كل الناس ويمكن الشخص ده من افضل الخيارات العندي ......
اخوي وائل بقي شخص تاني خالص حتي ملامح وجهو اتغيرت وجهو ده اسود
زي الليل ابوي ساكت عنو ..... وما جايب خبر مشغول شديد والام الغاليه احسن
منها ولد زياد الاسمو الصادق ده بزورنا طوالي وبتصل يطمن علي احوالنا مرات بجيني احساس انو الصادق ده امي مش ولد زوج امي ....... هبة اختلفت مع خطيبها والموضوع فركش والفتره دي كانت في اسوأ حالاتها اول مره اشوف هبة دي زوله
مهزومه ومهزوزه للدرجه دي بحاول اخفف عليها بكلامي واوسي فيها مع اني ذاتي محتاجة لزول يخفف علي ....
في عز زحمة الحزن ظهر مازن اخييرا
في الجامعة .... طوالي مشيت عليهو لقيتو قاعد براهو ,,,,,, حمدلله علي السلامة يا مازن قال لي الله يسلمك < بس عرفتي من وين بمرضي ده !!!!!!
قلت لي هسي بدل تقول لي الله يسلمك ان شاءالله مجامله ياخ غلطانه السألت عليك
قال لي ما عليك برخم عليك انا بخير الحمدلله في احسن احوالي ,,,, ريم كدي احكي الحاصل عليك عيونك فيها ثرثره كتيره وحالك ما عاجبني يلا انا سامعك ...... والله اخدت نفس عميق لوهله
شعرت بأني لفظت هموم الدنيا المكومه فوق راسي دي كلها ...... اول حاجه صعقتو ليك بالمروجه الاسمها غاليه دي وحكيت ليهو عن الادمان حقي والتعاطي اللحظه دي عمري ما بقدر انساها وقف علي حيلو
وقال لي كفايه ياريم انا والله الصبر الفيني خلاص كمل وخلص وعيونو دي بقت شرار قلع مني تلفوني وضرب لي غالية
قال لي خليها تجيك هنا ماقدرت اتناقش معاهو ثور هايج بس نفذت كلامو
كلها دقايق وغاليه جات بالله البت دي لمن شافتني واقفه مع مازن عيونها ديل اتجحظن وجات بخطي متردده مازن ولا سلم عليها وطوالي اداها كف في وجهها
غالية قالت لي انت مجنون !!!
انا واقفه في النص مصدومه بس بعاين بعيوني
قاليها اسمعي هنا يا غالية انا عاملتك كأخت وزميله وكنت بحترمك لاخر لحظه بس تهوبي ناحيه ريم وتأذيها ده انا عمري ما حأغفرو
غاليه حاولت تنكر قالت ليهو مالك محموق عليها كده معرفه كم يوم ..... !!!
قاليها ريم دي معرفة خمسة سنوات يعني عارفها كويس انا هسي تجي تصلحي
كل الخربتيهو والا ورب الكعبه ما يحصلك طيب فكري كويس وردي علي
بعد بكره حتلقيني منتظرك هنا يلا يا ريم قدامي ...... الفتره ديك انا وقفت المشية لي ستنا وبقيت مكتفيه باالكميه الموجوده عندي في البيت التخلص من الادمان ماا بالسهولة الانا كنت متخيلاها ........
بعد يومين جات غاليه لي مازن وفعلا علي عهدو لقتو قاعد منتظرها في البينش ..... جات مرتبكه قاليها اقعدي
وبدأ يتكلم معاها....
يتبع....
