ياربي دي منو اتفضلي اتفضلي .........
مره مغطيه وجها في البدايه ما عرفتها
بس لمن اتكلمت عرفت انو دي نجلاء
قلتها ليها يا بنت مالك عامله كده ...... قالت لي يا غبيه عشان ابوك ما يعرفني ..... طوالي ناديت ابوي قلت ليهو يا ابوي تعال سلم علي نجلاء ابوي سلم عليها وكان تعاملو معاها عادي نجلاء قالت لي ياريم
ابوك ده نساني ولا شنو اتعامل معي بي
ذوق كده .... قلت ليها ابوي يا نجلاء
ما بشتغل بي حاجة مضت وانتهت وبعدين انسي . . . . الموضوع ابوي وانا
عارفاهو كويس قالو لي اتطلقتي من حسين ؟؟؟؟؟ نجلاء ضحكت مسافه وقالت لي يا ريم زواجنا ده حق مصلحه انا اتزوجتو عشان الناس ما تتكلم علي لو الله قسم لي زواج تاني وهو اتزوجني عشان يرضي نداء ضميرو وعذابو بس عمري يوم ما كنت سعيده في حضرتو شوفي
ياريم الدنيا دي كيف اهو انا وانتي بقينا
مطلقات وقاعدين نقص لبعض خيباتنا دنيا غريبه مش كده؟
قلت ليها يا نجلاء الله كريم . . ,. .
قدرنا كده حنعمل شنو يعني مقرره تعملي شنو انتي ؟؟
والله ياريم حأرجع لدراستي واوصل قرايتي الضيعتها ..... وانت حتعملي شنو
قلت ليها بعد سكته طويله حأقضي الخدمه الوطنيه وحأشوف لي شغل .....
غايتو قعدتي القصيره مع نجلاء دي كانت حلوه خففت علي هموم كتير الاهم واحد بس كان مؤرقني اهمال امي لي محسسني بالنقص . . . . . . . عباس من رجعني بيتنا
تاني نهائي ما حاول يصلني ولا
كأنو في يوم ما كنت زوجتو لحد ما جابو
لي خبرو قال عرس بنت خالتو . . . .
, , , , , , , , , , بعد الفتره القاسيه دي مرقت مني طوالي مع ابوي بديت اقضي الخدمة
خلقت لي برنامج احسن من الفراغ وعدم
الموضوع ...... اها جاتني مكالمه من مازن قال عاوز يلاقيني ضروري قلت ليهو
ما عندك مشكلة الزول ده لمن نسيتو
تاني رجع حياتي شكلو ما حيطلع نهائي منها لا هو لا نجلاء ........
مشيت لاقيتو قلت مرحب يا استاذ مازن
اها دي شنو الحاجه الضروريه الخلتك تتصل علي بعد الزمن ده كلو ؟؟
قال لي ياريم لسه في قطامتك دي
والله ما عارف الرجعني ليك شنو . . . .
قدر ما ابعد تاني برجع ليك كنت متمنياه يقول حاجه فيها بصيص امل قال لي لحد
الان مشاعري ليك اخوية بس ما قادر اشيلك من راسي طبعا كلامو بالنسبه لي كان متناقض قلت ليهو انت انسان ما عارف نفسك عاوز شنوو وانا بكره التخمين
والتوقعات عندك حاجه قولها ما تلف وتدور
علي ياني يامازن بعرف قبل سته سنوات
ما حصل شفتك ملخبط كده ...... وانت
زمان كنت بتعلمنيي كيف استعيد ثقتي في نفسي والليله انت قدامي راجل ما عندك
ثقه في نفسك مهزوز بس احب اقول ليك يوم تلاقي الثقه وتعرف نفسك عاوز شنو ابقي اتصل علي يلا
مع السلامه .....
وطلعت خليت الراجل جايط ما فاهم حاجه
ما عارفه ليه اتصرفت معاهو بالطريقه الفظه دي شكلي كنت منتظره موقف زي ده ولقيتو ..... مرحلة العمل حسستني
بأني مسؤولة . وادتني دافع لاني اغير
من نفسي لاني بقيت موجهه طاقتي لهدف معين .......زولة جاده شديد في حياتي ....., اي زول يحس....
بحياتو مبعثره مفترض يخت ليهو خطط
يمشي عليها ......... في مكان العمل برغم اني بقضي في خدمه بس في كميات
حقت حسد وحقد ما طبيعيه وخصوصا من
جانب النساء بطريقه واضحة كنت بحاول
اتجاهل كلامهن عشان ما اتأثر بيهو
وارجع لي شخصية ريم الحزينه العايشه جواي مش ريم البتتعامل برسميه
بالاسلوب حقي الجديد ده حسيت بأني طمست شخصيتي ...او متكلفة وضيعت ملامح شخصيتي . . . , . . . . . . .
بس ما عارفه يمكن البعمل فيهو ده هو
الصاح مفترض استمر كده بس لمتين انا ما عارفة ..... اها في الايام ديك جابو
لينا بنت جديده حتقضي معانا الخدمة اسمها حسناء ايه من الجمال بس
حسيتها ما طبيعية ونظراتها مستفزه
ومكاجراني شديد مع انو ماف بينا اي
سابق معرفة بس انا مشبهاها علي وحده
خسيسه انا كنت بعرفها وكانت في يوم ما
صحبتي ورفيتقي بس ما عارفه هل هي عندها علاقه بيها ولا فقط يخلق من الشبه اربعين ....... وعشان اعرف ده كلو كان لازم اقعد معاها
يتبع....
