صراحة زياره غير متوقعه من احد رفيقات السؤ الفي الثانوية "ميمي" عاينت ليها بأستغراب قالت لي نسيتيني ولا شنو ياريم
قلت ليها لا طبعا معقول انسي دفعتي مرحب بيك حبابك نورتيني ,,,, اتفضلي
بس متعجبة فيك عشان طولنا ما اتلاقينا
قالت لي اي والله انا جاية ابارك ليك ماشاءالله يختي خطبك مازن عدييل كده عاد قسمتك قوية
سبحان الله البت دي هي برغم انها جاية تبارك لي بس نيتها وسخانه من ناحيتي
قالت لي مازن ده صاحبها وكلام غير حميد طوالي وقفت ليها علي حيلي قلت ليها شكرا
علي معلوماتك بس ولاشي حيفرقنا ماف
وده خطيبي وانا ما برضي فيهو يلا ودعتك الله يا ....... ميمي "
الموقف ده خلاني في حالة ما بين الحقيقه والخيال كأنو الزمن عاوز يرد لي الصاع الاديتو لي فريده زمان
وعرفت انو الايام دول عشان كده ما مفترض اإذي لي زول ... البتعملو في اخوك برجع ليك بس يا تري هل ميمي دي براها الحاقده علي ولا في ناس تانين الحاجه الكويسة اني كنت متمسكه شديد بي مازن ده اي حاجه زي دي تحصل علي ما بكلم بيها زول تفاديا للمشاكل ... .. كل يوم بعدي علي احلي من الورد عرسي من مازن خلاص قرب كلها اسبوع ................. يوم عرسي طلعت نجفه بس كل الناس تتكلم بي جمالي امي كتر خيرها باركت لي وطوالي راجلها
ساقها // بحجة اانو مستعجلين واسباب هايفه ما بتخش الراس قدر الامكان حاولت اني اكون مبسووطه مهما كان السبب ما حأسمح لي زول ينزع لي فرحتي , , , ,
ايامي مع مازن كلها كانت زي الحلم الجميل ...... زول حبوب وتعاملو مع احلا تعامل والمحبة البينا دي زادت السعاده
العلينا .......... اخواتو تعاملهن معاي عادي
بس .. بحس بي حاجز بيني وبينهم في التعامل //// كأنهن متحفظات او حزرات من التعامل معي // مع انو هن ما عارفات اني مدمنه مخدرات سابقة
قلت احتمال عشان متزوجه قبل كده او انا
ما بستاهل اعرس اخوهم الوسييم المسؤل الكل البنات جاريات في سكتو/
انا كان ممكن اسكت بس الصمت مرات بيقتلك من جانب تاني ما حاولت احكي لزوجي "مازن
عشان ما اعمل حساسيه بينو وبين اهلو
ودايما بظهر اني سعيده وفرحانه مع انو
جواي عاوذه اموت من الحنق
قررت في يوم اني امش بيت ابوي اقيل معاهم وارجع لمن عرفو كده
سمعتهم بتوشوشن قاالت ليها احسن الله
