اها ابوي ده ما معروف جاء كيف ولا
الكلمو منو ,,,, من شاف وائل طلع ليهو
صوت وحلف الا يضربو غايتو لو ما الدكتور
ده كان مع وائل ما معروف الكان حيحصل شنو حرب دماء طاحنه ما بين الوالد والابن
ابوي قاليهو تاني بيتي عليك حرمان عاوز
تجيب لي العار ......... انا بكافح الجرايم ورجل شرطه تجي انت توطي لي راسي في التراب .... وائل قاليهو انت فاكر نفسك ربيتني ...... التربيه يا ابوي ما اكل وشراب
حصل مره جيت قلت لي يا ولدي عاوز شنو
ولا الحاصل عليك شنو ولا حياتك ماشه كيف
حصل يوم يابا جيت قلت لي عرفني علي اصحابك ياتو يوم خاويتني ولا اهتميت بي مشاكلنا يا ابوي ضيعتونا انت وامي ......
الليله ولدك يابا عاوز يقول العمرو ما
قدر يقولو انا ضعت وبقيت لافي لانك ما وريتني الصاح شنو والغلط شنو والليله انا جيت للدكتور عشان يقوم بالدور الانت كان مفترض تقوم بيهو كأب طبعا الكلام والجوطه دي كلها ...... . , . . . .
قدام الدكتور بعد شوية ابوي وقع من طولو
ونقلو المستشفي جاهو ارتفاع في السكر ........الدكتور قاليهو يا وائل ما صاح
تتكلم مع والدك كده ...... وائل قاليهو يا دكتور وانت قايلني انا مبسوط بالكلام ده
كلها بتتسهل بس خلي ابوي يقوم بالسلامة
الدكاتره قالو وضعو مستقر ذياده السكر
كان ناتجه من نوبة الانفعال الحصلت عليهو
رجعو البيت بعد ساعتين كده بعد
ما رجعو البيت وائل جاء اعتزر لابوي
وقال ليهو يابوي حقك علي ...... وانا غلطان انت مهما كان ابوي ,,,,,,,,,,
ابوي اعتذر ليهو قاليهو حقك علي يا وائل يا ولدي بسبب اهمالي ليك انت سلكت الطريق اعفي لي يا حشاي ......
ومن ديك ابوي ووائل علاقتهم بقت احلي من الاول كأنهم اتراب في العمر .......مش اب وابنو .......حمدنا الله وقفلنا الموضوع واجمل مافي . الموضوع انو وائل بقي عامل نفسو كبير الحلة وبدي دروس للاولاد ....... وزول محافظ علي صلواتو ...... .. . . . . . .
الايام ديك كانت ماشه بطيئه وحياتي رتيبه
وماعندها اي طعم لحدي ما يوم العصرية
جاني عباس ووشو عبوس لاول مره
الراجل ده اصلو ما قاعد يكشر لي في وجهي نهائي من جاء داخل وانا حاسه بعدم اطمئنان قال لي بهدؤ وجهه عبوث
يا ريم انا عندي ليك سؤال بس بتمني انك
تجاوبيني بصدق ....... قلت ليو ان شاءالله
انتي ياريم كنتي في المصحه بتتعالجي من
ادمان مخدرات ؟؟؟؟؟
وارجوكي ردي علي بدون مراوغه
مع انو الموقف كان صعب شوية الا اني
حسيت بأطمئنان لأني من يومي ما عاوزه اخبي عليهو االقصه دي قلت ليهو
ايوة يا عباس انا كنت مدمنه في الفتره الجامعيه ,,,,,, واتعالجت يا عباس لمن كنت في سنة رابعة واتخرجت وياهو عرسي تم طوالي .......
قال لي يا ريم ما تتخيلي اني فراقك ده حلو
ولا انا عاوزو بس بعد تفكير كتير ياريم
انا ما بقدر اواصل باقي حياتي مع زوله
عندها ماضي مع الادمان الانا عارفو
الزول لمن يدمن في اي لحظه ممكن ينتكس وممكن يبقي خطر علي الحوليهو وانا ما عندي استعداد اولد لي اطفال امهم كانت مدمنه صعبه علي
وعليك ياريم عشان كده انا حأضطر اطلقك
وربنا يكتب ليك الاحسن مني
سبحان الله في الموقف ده كنت ثابته وكلمت هبة قالت لي والله طالما ما قبلك
بماضيك يبقي ده ما زولنا ولا بلزمنا في شئ
وتاني يوم الصباح طوالي رجعت بيت
ابوي .... حكيت ليهو الحاصل
قال لي يا بنتي انا ما بقدر الوم عباس في تصرفو لاننا من البدايه ما كلمناهو بس
احمدي الله ما اتورطي وجبتي ليك اطفال
عشان ما تعيشيهم نفس مأساتك ........
قدر ولطف يا بنتي تعرفي يا بنتي انا مبسوط بيكم برغم انو اي واحد فيكم
جاني بعد بلوه بس مليتو علي الدنيا من
جديد حتي فكره الزواج شلتها من راسي
عشانكم انتو ....
والطلاق حقي من عباس ده ما كان مؤثر علي شديد ..... عاديه جد اها اثناء
قعدتي في البيت ........ فجأه جرس الباب ضرب وابوي جاء قال لي يا ريم في ضيفه
جاتك ,,,,,,,,,,,,
يتبع....
