Running Idol (Completed)

Chapter II.I

"Kailangan na nating bumalik sa Seoul," sabi ni Raquel sa kanya nang makarating sila sa unit nila.

"He wanted a divorce," mahina at wala sa sarili niyang wika.

Humarap si Raquel at nagpameywang. "Eh diba iyan naman talaga ang gusto mo? Ayaw mo nun, tuluyan ka nang mawawalan nang obligasyon,"

Hindi niya alam kung bakit hindi siya masaya sa tuluyang pakikipaghiwalay sa kanya ni Nicholas.

At hindi niya rin mawari kung bakit bigla ay gusto niyang ariin ang anak.

"Tumawag si Mr. Lee kanina. Galit na galit sa ginawa mo! Alam mo ba na pwede ka niyang idemanda! Nakapirma ka ng kontrata sa kompanya!"

"Ayaw kong bumalik hangga't hindi pa natatapos ang pag-uusap namin ni Nicholas," sabi niya rito.

Naputol lang naman ang pag-uusap nila nang lalaki nang dumating ang mga korean paparazii na walang ginawa kundi sumunod nang sumunod sa kanya.

"Pero isipin mo rin na may responsibilidad kang sinumulan sa Korea. Hindi mo naman basta pwedeng iwanan iyon," paliwanag ni Raquel sa kanya.

"Alam ko naman iyon. Gusto ko lang ma-settled ang nasa pagitan namin ni Nicholas. Since sinimulan mo ko, gusto kong ayusin ang lahat dito," pagpapaliwanag niya rin dito.

Tumingin lang ng nangangamba si Raquel sa kanya.

"Look, ako nang bahala kay Mr. Lee. Kalma ka lang, okay? I'm sure maiintindihan niya ito," pagkasabi niyon ay hinugot niya ang cellphone sa bulsa at dinial ang numero nang
manager nila.

Hihingi lang siya ng isang linggo upang maayos ang gusot na matagal na niyang iniwanan.

**

"I want to see my daughter," naka-chin up na muling litanya niya nang muli silang mag-usap ni Nicholas.

Alam niyang nasorpresa niya ito nang bigla siyang dumating sa opisina nito kinabukasan din. Sa pagkakataong iyon ay naging maingat ang pagdidisguise niya upang hindi maka-akit ng pansin.

Binigyan siya ni Mr. Lee nang isang linggo upang manatili sa Pilipinas. Kaya naman sisiguraduhin niyang magagawa niya ang mga dapat gawin sa loob lamang ng limitadong panahon.

"I'll let you see your daughter under my terms and conditions," kalmadong wika nito.

"Don't dare make any conditions on me!" matigas niyang wika. "Baka di mo nakikilala ang nasa harapan mo?"

"And may I just remind you tookung sino ang kinakausap mo ngayon?" kalmado pero bakas ang awtoridad sa boses nito.

Hindi siya kaagad naka-imik. Kaagad niya kasing inanalisa ang katayuan nilang dalawa. Alam naman niya kung gaanong kayaman at kaimpluwensiya ang lalaki. Sa huli ay hindi na lang  siya nakipag-argumento dito.

Inilabas nito muli ang folder na naglalaman ng annulment nila.

"Have a seat, Ms. Sofia Belgica," kaswal nitong paanyaya sa kanya.

Tahimik naman siyang sumunod dito.

"First of all, gusto kong pirmahan mo ang annulment paper na ito. I don't want you carrying my name in you anymore. Alam mo naman siguro kung bakit," simula nito. Nakaramdam siya ng kirot sa puso sa malumanay subalit tagos sa laman na mga sinasabi nito.

Kinuha niya ang folder at binuksan ito. Hindi niya ito masisisi kung labis ang galit nito. Five years?! Kahit sino talaga ay mapopoot sa ginawa niya. Kailangan niyang harapin ang mga consequence ng mga desisyon niya.

Sinimulan na niyang pirmahan ang papel. Sa oras na matapos iyon ay opisyal na hiwalay na sila. Idinikit na niya ang pinakadulo nang ballpen sa papel at marahang pumirma.