FAIROOZ LITTAFI NA FARKO

BABI NA SHA BAKWAI

FAIROOOZ

Daga Alk'alamin Ayshnur pyaar✍️

BABI NA SHA BAKWAI

Bayan an fiddo da result (sakamako) na hoton da aka yiwa Daweeshat, Dr. Sa'eed yace akai mishi office d'insa.

Kafin ya tashi ya shiga ciki, ya d'auka tare da bud'ewa.

Ya d'auki lokaci mai d'an tsawo yana nazarin result d'in, daga k'arshe ya mayar da hoton cikin envelope, sannan ya d'auki wata 'yar paper mai d'auke da k'arin Information game da sakamakon ita ma ya duba.

Bayan ya gama karantawa, ya ninke sannan ya mayar da ita cikin envelope d'in.

Shiru ya yi na wani d'an lokaci, ajiyar zuciya ya sauke, sannan ya tashi zuwa Office d'in da Dr. Abbas ke zaune da d'an uwansa.

K'arar bud'e k'ofar office d'in da aka yi ne, ya maido da hankalinsu Hafeez duka gareshi.

Hafeez da Dr. Abbas ya fara kira, suka koma ciki office d'insa tare, ya dad'e yana masu nasiha da kalamai masu taushi inda daga bisani ya fad'a masu result d'in Daweeshat, wanda HEART FAILURE (ciwon zuciya) ne aka gano, a sakamakon zubar jinin da ta rink'a yi, da kuma yadda jininta keta hawa sosai, ashe ta dad'e tana jin ciwon k'irji kad'an-kad'an babu wanda ya sani, tun kafin haihuwarta.

Dama abinda Dr. Abbas ya guda kenan, saboda hakan na faruwa ne yawanci idan mai jego tayi ta fama da uncontrol bleeding mai yawa wanda ba a san dashi ba.

Dr. Sa'eed yayi iya k'ok'arinsa wajen tausar zuciyar Abokinsa, tare da sauran 'yan uwansa. Inda ya k'ara da basu shawarar cewa matuk'ar za a bi tsare-tsare da dokokin kula da mai ciwon to abin zai zo da sauk'i.