رواية بنت بمدرسة عيال اغنياء

البارت الثلاثون

السلام عليكم ورحمه وبركاته
.
.
البارت الثلاثون بنت بمدرسه عيال اغنياء
.
.
            ~
.
.
قامت وكانت ماسكه راسها من الصداع ... تلفتت يمين ويسار وهي قاعده على السرير شافت الشباب نايمين  على الارض وفهد وحمد كان حاطين راسهم على السرير ولافين ايديهم على رووسهم
استغربت منهم ومن هالحال والاغراب كانت بغرفه فهد ورائد
حاولت تتذكر وش صار معها
زينب بتفكير/رحنا الملاهي و و -مايلت راسها لليميين- وبعدين دخلنا بيت الرعب وههههه راحو يركضون وبعدين~توسعت عيونها~اييه صح عامر شفت عامر وبعدين نمت :/
وبعدين وش صار
ناظرت الشباب وتنهدت
قامت عن السرير شوي شوي تخاف انهم يقومون
اخذت الجوال وشافت الساعه 2:44 تنهدت/مابقى شي على وقت دوام
طلعت برا الغرفه وتوجهت لغرفتها وهي دايخه و تترنح

وبعد دقايق وصلت لغرفتها دخلت الحمام<~وانتم بكرامه~> تتروش
طلعت واللبست الشاش اللي يغطي صدرها ولبست فوقه بلوزه بيضاء والثوب تتجهز لمدرسه ناظرت لساعه 3:23 تنهدت بضيق تبي ينتهي اليوم بسرعه او بالاحرى تبي تنتهي هالسنه بسرعه وترجع لعايلتها وانوثتها لانها كانت متاكده ان حمد بيمل من ملاحقته ويتزوج ثانيه… بس ماهي مثل ماتفكر حمد مو اي احد او اي شي ينسى او يمل ان كان في راسه شي راح يسويه حتى ولو بعد ثمانين سنه وبنسبه لزينب فهي حياته وقلبه من دونها

انسدحت على السرير تفكر
تطلع برا وتتمشى اوو صحح نسيت انه فيه حظر تجول من الساعه 12 يمنع على اي طالب او عامل الخروج من السكن
فكرت وعجزت تلقى حل
تقلبت يمين ويسار كم مره عشان يجيها النوم طفشت وملت تبي تطلع مره ثانيه نست وش صار لها ولا درت وشلون رجعت لسكن
نامت من دون ماتحس على نفسها ومن كثره التفكير نامت واحرقت عقلها

نروح لم مكان بعيد عن المدرسه والسكن

قاعده على السجاده وبكل خشوع كانت تبكي بداخلها
دخلت عليها وهي عارفه وش كانت تفكر فيه
بصوت حزين/خلاص يايمه ماعاد صار لنا الوقت نحزن
قامت الصلاه وهي تمسح دموعها وبصوت مبحوح/ضيعنا البنت ضيعناها ياخلود البنت امانه بربقبتي وشلون سمعت كلامك اهه ياحسرتي عليك يا علي ليه خليت المسكينه ورحت حسبي الله ونعم الوكيل نزلت راسها وهي تبكي
خلود بقهر /يمه خلاص ترا قهرتيني هي اللي اختارت وانا ماجبرتها هي كبيره ماهي بصغيره عشان تخافين عليها
الجده تبكي/ياليتني ماسمعت كلامك ياليتني ماخليتها تروح ياليتك ماقلتيها هالاختيار البشع ياخلود هذي بنتي هذي صغيره هذي بنت الغاليه غاليه تركتها عند ابوها وابوها خانها خانها وترك بنته وتدرين لو يدري حمد وش مسوين فيها والله مارح يخلينا وانا وانتي واي احد ثاني ماحد يقدر على اعصابه وكل شوي يتصلون. علي عماتها. وخالتها وعمومها وخوالاها وحتى شيوخ العائيله يتصلون. يقولون ليش ماودعتنا ليه. ماقالت لنا ليه ماودعتني وكل شوي يقولون لي وين سافرت وغير هذا انا ندمت كل يوم اقوم مفزوعه كل احلم فيها تبكي يابنتي ليه مااتصلتي عليها ولا خليتيني اتصل عليها الحين وش بتقول راح تقول رموني هالرميه ماصدقوا متى اروح عنهم -وهي تبكي اكثر من قبل-راح تشكك فينا يابنتي رجعيها راح اسوي كل شي عشان ماتتزوج حمد راح اذبحه بيدي اذا قرب منها رجعيها يابنتي تكفين مابي اضيعها مثل ماضعيت ولدي وزوجته تكفين يابنتي رجعيها لي