رواية بنت بمدرسة عيال اغنياء

المئة وثلاثه

السلام عليكم ورحمة الله وبركاته
.
.
المية وثلاثه بنت بمدرسه عيال اغنياء
.
.
   
ما احلل النقل دون ذكر المصدر واسم الكاتبة
.
.

                 [قــرار] 
.
.
اعتذر على الاخطا الاملائيه   ×__×
.
.
مر وقت طويل عن اخر مره شفته فيها متى كانت بالضبط سنه؟سنتين! ثلاث سنوات؟.
لا كانت اربع سنوات.

اربع سنوات ماقدرت اشوفه واللي كان يوصل بيننا الجوال.
الشي الوحيد اللي كان يخليني اتاكد انه حي الجوال.

للحين اتذكر اليوم والساعه اللي سافر فيها وللحين اتذكر كلماته قبل لا يعطيني ظهره ويسافر.

السبب اللي خلاه يسافر ويغيب هالمده للحينه مجهول حاولت اعرف السبب بس ماقدرت لا سألتهم يقولون لي
"اشغال"
اشغال؟
اشغال اخذت منه اربع سنوات بدون ماشوف؟.

الحين راح احط كل تركيزي عليه ولاشبعت منه راح افكر واللقى السر اللي خلا كل من حمد وعمتي وجدتي يكذبون علي.

وقريباً.

-
-

#زيـنب

وبعد طول انتظار شفته.
الاخ الثاني.
فزاع.

صحيح اغلب الانظار توجهت لي بس تجاهلتها كل همي اني اتمسك بفزاع واشكي له كل اللي صار معي ولي.
فتح يدينه لي منتظر الحضن الكبير وانا بكل قوه رميت نفسي عليه.

اخيراً اخيراً

-
-

سكرت كتابها وحطته على الطاوله وقامت وهي واخيراً قررت بعد مرور يومين كاملين.
صحيح راح تتألم من قراراها وراح تجيب لنفسها المشاكل وخصوصاً انها راح تدخل شخص ماله علاقه بالي هي فيه.
لكن

عشان تتخلص من اللي هي فيه اتخذت القرار بعد يومين من المشاكل النفسيه اللي مرت فيه بخلال اليومين.

وقفت بعد ما شافتهم مجتمعين على الطاوله للعشا معدا خالها وزوجته واللي تقريبا راح يجون بعد شوي تنهدت وكملت طريقها.

ابتسمت بعد ماشافت ريان وساري يتهاشون كل عاده.

اجلست جنب ساري وهي تقول/توم وجيري كل عاده.

ساري وهي تناظر ريان بحده/بسم الله علي انا اصير مع اي احد جيري الا هو.

ريان قلد ساري وهو يعفط وجهه بعبوس.

اضحكت انهار عليهم ف قالت/ريان تدري لو انك بنت كان تزوجت انت وساري رجال واحد.

ريان حط يده على صدره وساري حطت ملامح التقزز بوجهها وهي تقول وتأشر على ريان/معليش حبيبتي لا تظلمين زوجي المستقبلي بذوقه لو تزوج هذا راح يصير ذوقه مخيس.

ريان بتقزز/اكيد حبيبتي لو شافني راح يجي للحلوات مثلي مو للقبيحات مثلك.

ساري وهي تحط اصبعها بفمها/بليز لا تخليني استفرغ.