رواية بنت بمدرسة عيال اغنياء

البارت السادس والاربعون

السلام عليكم ورحمه الله وبركاته
.
.
البارت السادس والاربعون بنت بمدرسه عيال اغنياء
.
.
                        [واقــع ام حــلم]
.
.
اعتذر على الاخطا الاملائيه   ×__×
.
.
غمضت عيوني وطحت على ركبتي .. هذا كان حلم فهد وخالد والمدرسه وغرق تامى وامراء هذا كله حلم!!!!!

هزيت براسي وانا اقول بهمس/لالا اكيد فيه شي خطا مر شهر وانا بالمدرسه مستحيل يكون حلم

رفعت راسي .. شفت سديم خايفه حاطه ايدها على كتفي
سديم بخوف/زينب ان...

قاطعتها/وين تامى

سديم/عند روزا والهيثم

دورت بعيوني ادور حمد ..

سديم وهي رافعه حاجب ومبتسمه بخبث/اذا كنتي تدورين حمد راح يجيب لك مويه خاف عليكٍ

هزيت براسي اكيد حلم اكيد .. لو مو حلم راح راح اسوي اي شي ارجع مستحيل من بعد ما تعلقت وحبيته اقوم واللقى حلم مستحيــل ..

ناظرت سديم وقلت لها/عطيني اقوى كف

لو تشوفون شكلها من الصدمه كان ضحكتوا لسنه كامله فمها واصل الارض وعيونها بتطلع برا=))

سديم بعصبيه خفيفه/انتي اجنيتي اقول امشي بس البنات ينتظرونا

سحبتني من ايدي وهي تمشي بخطوات سريعه .. حزن او كأبه او احباط .. مادري وش اختار عضيت شفتي احس اني ببكي .. ابي اصارخ .. لا شفت تامى راح اسالها اكيد هي تعرف اكيد هو مو حلم ،،

كنت امشي ومنزله راسي تحت وافكر مليون فكره جت عقلي .. وقفت سديم وانا رفعت راسي .. توسعت عيوني من الصدمه تامى قاصه شعرها ولادي .. شعرها قبل يوصل لفخذها ومن كثرته كان يغطي ظهرها كله وكانت تكرهه احد يقول لها قصي شعرك او شعرك مو حلو وقصيه عشان يكون احلا بس هي كانت ترفض وتقول ابي شعري لانه يشبهه شعر الاميرات وشعر روبانزل كانت تحب شعرها اكثر من اهلها وانا لم اقولها ف انا اتكلم بجد .. ركضت لها وانا احس الارض مو شايلتني من الصدمه لفيتها .. ابتسمت بوجهي وضمتني ملامحها الطفوليه تقريبا احتفت الحين صار عمرها 8 قبل سنتين يعني قبل يوم كنت بالمدرسه عيالكان عمرها 6 وكان عمري 18 والحين 19 ،،

كانت تناظرني مستغربه وروزا والهيثم يناظروني مستغربين

انا بصدمه/وين شعرك ،
قلت لها وانا احط ايدي على شعرها القصيرر مرره يوصل لذقنها

تامى مستغربه/زينب

صرخت بوجهه وانا اسالها لمره الثانيه وهي جاوبتني وبعيونها دموع/[COLOR="Red"]انتي قصيتيه لي نسيتي[/COLOR]

رفعت راسي لفوق وانا احاول اتنفس كل شوي اخذ لي صدمه .. نزلت راسي وناظرتها شفت الدموع تتجمع بعيونها ..

سالتها بهدوء/متى قصيته لك

تامى وهي تسحب هوا بفمها/يوم كان عمري 6