رواية بنت بمدرسة عيال اغنياء

تابع التاسع والتسعين

السلام عليكم ورحمة الله وبركاته
.
.
تابع للبارت السادس والتسعون بنت بمدرسه عيال اغنياء
.
.
   
ما احلل النقل دون ذكر المصدر واسم الكاتبة
.
.

                 [تــابــع] 
.
.
اعتذر على الاخطا الاملائيه   ×__×
.
.
كان يتجاهل نظاراتها وهو يكلم بالجوال ويقول/انا اكيد راح اضاعف جهودي بس خلي الطلاب ينتهون من الاختبارات وببدا بحث بسرية تامة....لا راح احاول.

قلب عيونه بنزعاج بعد ماشافها بنفس حالتها تناظره بغضب ف قال وهو ينهي المكالمة/انا حالياً مشغول لا خلصت بكلمك ونتفاهم...اي اكيد..موفق.

سكر التليفون ورجع نظره لها ف حط يده على الطاوله وثبت ذقنه على يده وقال/انتي راح تمسحيني بنظاراتك.

ما لقى جواب منها ف تنهد وهو يرمى بنفسه على الكرسي ب تعب ويقول/انا لو في ايدي شي كان ماخليتك تلبسين هالملابس بس انا مالي سلطه بقرارت المدير.

جت من ساعة وجلست بدون اي حركة وظلت تناظرنه بعيون غاضبه حتى انها ما ارمشت كل اللي بالمجلس هجوا من نظاراتها:).

/زين انهم نقصوا من فترة عقابك المفروض انها شهر لكن بجهودي خلوها اسبوعين كوني شاكره لي واكثر من كذا ماقدر اساعدك و.

قال بتعب/لاتناظريني كذا كانكِ راح تهجمين علي.

غمض عيونه بعد ماشاف مافي فايده من الكلام معاها.
فتح عيونه بفزع بعد ماسمع ضربتها على طاولته وهي تقول بغضب

/مافي منك فايده تاخذ الاوكسجين على الفاضي.

تجاهل كلامها اللي للمره ال20 يسمعه منها خلال ساعه.
كملت بغضب وهي تقوم/كل اللي اطلبه تغير مقاس اللبس وخصوصاً البنطلون.

وكملت بخجل وبهمس/جزئي السفلي ظاهر.

ناظرها من فوق لتحت ب ابتسامة وهو يقول/انا ماشوف فيه اي شي خطا.

تفاجأ بعد ماشافها قدامه ويديها حول رقبته تعصره بقوه محاوله خنقه "ك.كانت سريعه" قال بنفسه بصدمة وبعدها قال بسرعه بعد ما حس الاوكسجين يختفي من رئيته وهو يضرب بيده الطاوله معبر عن استسلامه/انا امزح انا امزح.

ابعدت عنه بنظرات ناريه ولو ان النظرات تقتل ل خلت ياسر من رماد:).

قال وهو يتحسس مكان يديها بألم خفيف/انا مارح اقدر اسوي شي.

جلست على الكرسي بحزن وقالت/طيب على الاقل شيل الاعلان السخيف اللي حطه.

ياسر/بعد مارح اقدر اسوي شي هذا الاعلان ظروري عشان يعرفون ان فيه طالب معاقب.

قالت بسخريه وهي تناظره/وبعدين وش هالعباره السخيفه اللي لازم اقولها بعد ما اتلقى الامر هاه ..يس مي لودر؟هه المدير كم عمره بالضبط؟.