رواية بنت بمدرسة عيال اغنياء

"مئة وثمان وثلاثين"

انتظروني بالبارت الجاي الي مدري متى بس قريب🌝.
السلام عليكم ورحمة الله وبركاته
.
.
مئه وسته وثلاثون بنت بمدرسه عيال اغنياء
.
.

ما احلل النقل دون ذكر المصدر واسم الكاتبة
.
.

[الانتــحار الجزء1]
.
.
"أنا شخص مؤمنة أن بعض الأصحاب هم ضلع العيش بعد الأهل، ومن أسباب إستقامة الحياه لنا. "

#مشاعــر..♪
-
#قبل 24 ساعة_حالياً_الساعه10:30ص

بي حق سمحت لنفسي بان تضعف
بي حق سمحت لنفسي بان تقترب لشخص غير الي احب.

انا ضعيفه!

لاا انا قوية
كنت اقدر اني اكسره اصابعه
كنت اقدر اكسر قفصه الصدري
كنت اقدر اسحب عيونه من مكانها
كنت اقدر
ادافع عن نفسي.

لكن

بكل بساطه خليته يقرب مني.

-لانك كنتي تبين هالشي يصير.

توسعت عيوني وقلت بصراخ غاضب/لا انا حتى ماسمحت لفهد يقرب مني انا حتى كنت اقاوم نفسي يومياً مايصير فيه احتكاك خارجي.

ابتسمت تغاضيني-هيهه.

حتى حمد ماكان يتجرا يلمسني او حتى يحط اصبع علي
حتى بعد ماعرفت انه يبني حلاله.
ماكان يتجراء يخلي بينا احتكاك بالجسد.

لكن
انا
بكل غباء وقفت بمكاني
انتظره

متحمسه.

هزيت براسي بقوهه
وبغضب ضربت الطاوله.

مستحيل اكون متحمسه له
مستحيل

/زينب وش صاير معك؟.

قال وهو يمسك يدي ويهمس بقلق على حالتي
طلعني من شرودي.
ورفعت راسي وناظرته

ابتسمت بخفيف وقلت/ولا شي بس احيانا تاخذني افكاري لبعيد.

رجع شعره الابيض لورا وقال وهو يجلس ب استقامه/تتحمس كثير حتى القهوه كانت بتطيح علي.

همهمت ف قال بعد مده من الصمت/راح تبرد الكابتيشنو اشربها قبل لا تبرد وقبل لا احد يتصل.

أخذت كوبي وشربته.
بما ان اليوم أغلب الطلاب عندهم انشطه اجباريه
جوالي واقف عن الاتصلات

وبما اني فاضيه مريت على الكافي ولقيت رعد جالس بالصدفه
وبسرعه رحت جلست معه

وللعلم هذي المره العاشره الي اجلس معه بشخصيتي.
في المره الثانيه
كانت في الغابه
كنت رايحه هناك عشانه
عشان اشوف كيف ووشلون عرفني
لانه ناداني ب اسمي الكامل.

واكيد يعرف عن هويتي.

بذاك اليوم كان واقف قدامي وبكل بساطه قال لي
"هويتك اعرفها"

بالبداية استغربت كيف يعرف مع اني مانطقت بي كلمة
بس بعدها ضحكت وقلت/وشلون؟.

رعد/لا تساليني انا اعرف كثير واكثر من الي تعرفينه عن نفسك شخصياً . انا اعرف كل شي.