رواية بنت بمدرسة عيال اغنياء

الواحد والتسعين

السلام عليكم ورحمه الله وبركاته
.
.
البارت الواحد والتسعين بنت بمدرسه عيال اغنياء
.
.
   
ما احلل النقل دون ذكر المصدر واسم الكاتبة
.
.

                 [كل شي بخير.] 
.
.
اعتذر على الاخطا الاملائيه   ×__×
.
.
من وين ابدا..من وين.. من وين..من وين.
من هنا.
من البداية.

قبل 18 سنه انولدت وسميت"زينب"كان هذا من اختيار امي وابوي اللي كانوا يفكرون بنفس الاسم.

بعد 7 سنوات ماتوا اهلي تيتمت بسن صغير ماخذت كفايتي من حنان امي ولا من ابوي..

بعد3 شهور قمت من غيبوبتي وعرفت ان اهلي ماتوا وخالي مات بغيبوبتي وفجأة نسيت كل ذكرياتي معهم..

بعد3سنوات انصدمت بخبر ان الشخص اللي شفته اهلي ومحور كوني طالبني لزواج..

3سنوات تعرضت للاذئ الجسدي والنفسي وانحرمت من الاكل لاسبوع و اسبوعين وهذا لاني رفضته.

بعد سنه هربت منه ورحت لمدرسه وهذا كان من خياري لا عمتي ولا جدتي اجبروني..

حياتي كانت عباره عن ماسأة وألم كبير..

احياناً وطول ال11 سنه من حياتي من غير ام او اب تسألت سؤال
"ليه انا للحين حيه؟"
وللحين ماعرفت الاجابه ..

...
فيه شي ماقدرت اتجاهله وهو كلام رائد حتى
انا للحين اتذكر كلام رائد قبل ما نسافر للمالديف وللحين اتذكر كيف نظرة الرعب بعيونه بعد ما قال

/حمد كسر بيده الكأس حتى بدون مايرمش

انا حتى ما تجرأت اسال ليه لاني عرفت الاجابه من وجهه الشباب لان انا السبب..

لكن الشي اللي افزعني وارعبني وخلاني اتوتر كلام احمد يوم قال

احمد بفخر/ماصدق ان حمد شافنا وحنا نستلم الجائزة.

لحظة صمت مرت علي تفكير عميق وخوف ورعب تملك جسمي حتى عجزت اني اتحرك.. حمد شافني وانا فوق المسرح؟ شافني وانا واقفه بينهم ابتسم واضحك؟.

لكن حاولت اقنع بنفسي ب

"اكيد ماشافني او او..او اكيد مادقق بملامحي"حاولت اقنع نفسي لكن الشي الاكيد

"حمد راح يفاجأني.. ويدمرني"

"متأكدة ان موتي قرب وعلى يد حمد"

هذا اكيد..

طلعني من شرودي نظرات فهد المتوتره..
حاولت اطمن نفسي واطمنه..

.....
جزء صغير مني كان يطوق شوقاً لكشفي لحمد لاني

تعبت.

انام وانا خايفة اضحك وانا خايفة اكل وانا خايفة ابتسم وانا خايفة اقوم وانا خايفة جسمي مايقدر يتحمل..حتى نفسيتي ماقدرت تتحمل ف صرت مريضه من الداخل..