رواية بنت بمدرسة عيال اغنياء

مئه وثمانيه

السلام عليكم ورحمة الله وبركاته
.
.
مئة خمسه بنت بمدرسه عيال اغنياء
.
.
   
ما احلل النقل دون ذكر المصدر واسم الكاتبة
.
.

                 [شعر ابيض]   
.
.
اعتذر على الاخطا الاملائيه   ×__×
.
.
/ماشاءالله دختور وجميل بعد.
قالت ساري ب اعجاب وهي تناظر خطيب انهار من الدريشه والي كان جالس ويشرب قهوته.

اللتفت عليها وقال وهي تضرب كتفها/حظك يكسر الحجر.

ابتسمت انهار وهي تشوف خطيبها بعيون تلمع بحزن هي دخلت شخص برئي مثل هذا بحياتها البأسه.

ساري بحماس/يلا روحي الحب ينتظر.

اضحكت انهار بخفه وبدون نفس وقالت/تعالي معي حتى الباب.

"عشان يشوفني ويحبني ويتركك"كانت تبي تقول و تمزح معاها بس اسكتت بعد ما شافت حزنها تنهدت ف امسكت يدها ومشت معاها.

وقفت قدام المرايه وجت من وراها وحطت راسها على كتفها وقالت وهي تدخل يدينها من بين ايدين انهار وتضمها/هو الي خسرك مو انتي الي خسرتيه وعدتي نفسك تبدين من جديد وتنسينه.

امسحت دموع انهار ف قالت بهمس/هو ما يستاهلك انتي تستاهلين احد احسن منه.

/انتي اكثر وحده تؤمن بالقدر انتي تدرين ان عبدالعزيز ماهو قدرك.

انهار لفت على ساري وضمتها وهي تبكي وتخفي صوت بكاءها تنهدت ساري ف بدت تطبطب على ظهرها ولفه ايدها الثانيه بقوه عليها.

/لا تندمين على شي تسوينه اسمعي كلام قلبك ان كنتي تبين تكملين مع الشخص الجديد ف كملي اذا ما كنتي ف لا تكملين لا تخربين على نفسك هذا زواج هذي مسؤليه هذي حياه معه حتى الموت.

ابعدت عنها وامسكت وجهها بيديها وقالت وهي تمسح دموعها ب ابهامها/حبيبتي لا تتحسرين بنفسك وارمي الناس الي ماتبيك ورا ظهرك وامشي الدنيا ما وقفت على احد.

امأت وهي تنزل براسها وتبكي.

ارفعت راسها ب اصابعها وهي تقول وتبتسم/شوفي كيف خربتي الكحل والماسكرا واووه كل المكياج خرب.

اضحكت وهي تقول/تخيلي تدخلين عليه بهذي الحاله.

دارتها لجهه المرايه وهي تضحك ف اضحكت انهار بوسط دموعها وي تشوف نفسها وكيف الكحل والماسكرا اخذوا خط مستقيم على وجهها.

انهار وهي تضحك/راح يهج من الدريشه.

ساري وهي تضحك/ايي.

وكملت/اصبري هنا اجيب عدتي لا تتحركين.

راحت تركض قبل لا تسمع جوابها.

تنهدت بعد ما شافت حماسها المفرط ابعدت عيونها عن المكان الي اركضت منه وناظرت المرايه.
/راح يكون احسن لو هج.