ياليل لا تعزف دمع و تفزز النيام ،
ناي وينوح عالاهل يعزف فراك و شجن
والناي لو يوم يحن ...يلجم جروح تنفتح
طش دمعك نجم بسما و تعاتب وي المزن ،
يالليل يكفي وجع خل تمضي ساعاتك ،
صلفة الدموع وتحن تتشابك وي الوجن ...
والعين هم بيها بخت تعاتب الشفة ..
من تنطق كلمة يُتم ...
من تنطق جوة الترب اجساد الها تحن
ياناي هم مثلي تحن ... ؟
هم مثلي تون ؟
بالليل دمعك هم جرن ؟
تيزاب هم صفن
يحرك جروح المامضن
وتجدد الامي ....
ياناي سنين المضت كالوا صبر وصبرت
وصفولي خوش دوة كالولي بطل لا تحن
شلا احن ودمع اليتم جرن
نهرين بكلبي جزن
مهموم من ظيمي صرت
دفنوني ميت بلا جفن
......
بقلمي وئام البصري
*ان حالي كرضيع غادرت امه للثرى .....
فيحن النوم بما تركت له من عطرها
كفطيم غادر النوم مقله
فيحن لمرضعةٍ ويدفن الوجه بصدرها ...
بقلمي وئام البصري

*ان حالي كمن يعانق سراب
لا ينسى جوىً
ولا يترك ذلك
*وارتسمت ابتسامة على وجه مقله تمطر المزن حزنا
بقلمي وئام البصري
أنت تقرأ
انكسار ناي
Poetryكم ادمنت تلك الامواج لانها ببساطة تشبه امواج الحياة تارة تعلوا لتلقينا على ضفاف شواطيء الامان وتارة تنخفض لترمينا بقعر الظلمات
