انكسار ناي

مقتطفات من مهوال

اريد احجيلكم  بيه الجفة شسوة
عايش عود لاجن عيشت الگوة
الملامة وعازتي بيهن طعم كهوة
يكلولي شعجب ذبلان
واني بروحي عطش خوة
الفاكدهم شيردهم
راحوا وراح تروح العين
طريح بوسادتي بليل
واسد عيوني واتأمل
واكثر چلمة كون تظل بلساني تترتل
واكول لروحي كون وكان كون المات هم يعدل
واحنا نتلكاه كلنا نتلكاه واظل بالموقف اتخيل
ونركض ركضة المكتول من عدهم المدلل
ونتحير شلون الماي من عدهم ما يندل
ونتشابك جرح وخيوط ونظل بالوكت نتوسل
ارجع خل نعيش اردود نتعارك وما نزعل
ونتعاتب اعتاب اخوان ونخلي الوكت يخجل
نتعاتب عالفركة ونكلة شدعوة ما تسأل
ونجي نگعد بالمكانات البيها الچنه نتعلل
شباب ونمشي محدبين ودوم ردانه مبلل
ذبلنا وبينا ظل يخوزر المنجل
وافز من نومتي مرعوب واثاري جنت اتخيل
عيوني يشركن واكعد وافز چا وينة

انة مضيع زلم ع الحيهم يفرعون
ويكحلون عين الحشمت حيهم
لو يدرون شنو مسوي بينا الظيم
يطرون اللحود علكد غيرتهم
البيهم ينتخن صارن شيلهن بيض
وبنه عليهن لحم كلة عل فركتهم
كون احضة بيهم وافحط من الشوف
واشاقيهم واضحكهم واسمعهم
شعر ملجوم مكتوب ع عازتهم
سولة العصة تبجي ع عمة العين
واني سولتي ابجي عالبعيدين
راح ابوك الجان خيمة وخلصت ايام الربة
راح تعطش للمحنة
وكلبك الهجران راح يعذبة
بعد ما اسمع البوية ولا حجاية مهذبة
اولادك زلم بس من رحت
حسو لهسة زغار وتلاعبهم اتمنوا
اصعب ذكرى عند الابو كضت الباب
من يتاني الاولاد بليل لو سيرو،
عمي البيت الما بيه والد بستان و ما بيه فلاح

بقلم المهوال  مرتضى حرب