هسه اهلي ضل بالهم خطيه وياسر الله العالم حالته شنو ووين الله يستر طلعت بوجهي شكد عيب ------
التفتت عيهم اباوع من بعيد وممدد رجلي المره سيروه جانت تخبز باوعتلي ابتسمت جابت خبزه طويله وخلتها بيدي اوف يابه الريحه خبز تنور طين. كمت مشيت سحل وتمددت بعد متر عنها. البنيه المتشوف من اباوعلها اكول شون عايشه كامت تحرك راسها يمكن تدور خيالي حجيت حتى تسمع صوتي
احنا وين شسم هالمنطقه
عقره قريه من قرى عقره
مممم حلوه كلش
جنه
لعد لو تشوفيها شتكولين
يكفي احس بهواها الخفيف واشعر بالامان هنا
ليش بغير مكان متحسين بالامان صفنت مردت عليه
صار شكد من توفت
صار شهرين و20يوم
الله يرحمها
امج وابوج وين
توفو من جنت صغيره بحادثه
شو عائلتج كلها حوادث
مااعرف اكو عالم مكتوب. عليها التعب
صح جريت نفس اباوع على شكلها ملامحها مموجوده بالبشر تشبه الملاك
سيروه ؟
شبيها
شون صاير شكلها
ههه اوصفها الج
اي.
عيونها صغار ووجهه معقج وعدها سن مكسور واحد من نابانها هههههه
هههههه سمره لو بيضه
هيي بيضه بس مو ببياضج يعني
ها زين لابسه ربطه
اي لابسه وملابسه ههه تدرين صار شكد مضاحك النوبه كامت تباوعلي عبالها انعجبت بيها المره
ههه رجلك خو متوجعك
لالا بس تحك موتتني وبالي يم صاحبي خطيه تورط ويايه
الله كريم بقيت صافن عليها واقارن ملامحها بايناس مااعرف ليش اريد اي شي بيها يشبه ايناس --- الان عمج اخو ابوج
اي
مممم ميشبهج بس مردت بقت ساكته رادت تكوم اتكات بالصخره وتلمست الصخور العاليه المحاوطه البيت ورجعت للبيت بقيت على كعدتي لحين مصهر الان الراعي وي خرفانه نوبات من اصفن عالمكان احس روحي هايدي اليتيمه الكرتون وتحس العالم هنا معزولين. ومحد يجي مسوين دوله وحدهم ومكتفين بالعدهم وفرحانين هم. اجه الان كعد يمي كال
الله بالخير
الله بالخير ابتسمت. الان من شوكت ساكن هالمنطقه
هه ليش تسال لازم حبيتها
عمي جنه
اي والله جنه اني من صغري. اصلي كركوك ودائما وي اخوتي نجي بشبابنا لدهوك ونبقى هنا كم يوم يله نعبر
بس وين تباتون حتى كابينات ماكو
اكو قريه اسمها جيلان صديق اخويه عده حقل بيها وبيها بيت صغير نضل يمه كم يوم ونروح ونفس الوكت من ينزل كركوك نستقبله ببيتنه
هااا من هاي سميتوها جيلان
اي على اسم جبل صغير وبي نبع مي.
كعدت عدل ارتجيت بالصخره وهو يعدل بسور الخرفان ويربط الباب باوعتله ابوها وامها من شوكت ماتو خطيه
والله قبل عشر سنين امها وابوها قبل س3سنين احمم انت هواي تسال
كاعد ماورايه شي
هه صح الله يرد صاحبك بسلامه
والله ثكلت عليكم
لاياب كل الهله بيك انت اهلك منين ما منين
والله اني اهلي من بغداد جريت نفس
عده اخوه خوات عمام خوال هسه تلكاهم كالبين الدنيا عليك
لا اني كتلهم طالع ارتاح لحد يدك عليه لان حقفل الجهاز سبحان الله بيها صالح
ها بيها صالح اي والله شنو عملك انت
اني موضف بوزاره التعدين
ها خوش وضيفه
انت شمكمل
الكدامك تره مو من اول راعي
وشنو الخلاك تترك وتجي هنا
تعبت ردت ارتاح
الله يساعدك والله المكان مريح بس العيشه صعبه
احلى عيشه يابه
سكتت اباوعله مكيف تخيلت روحي اعيش هنا يمكن احس نفس احساسه
اخوتك شيشتغلون
واحد يشتغل بالعطور والثاني ارتقى قبل فتره ملازم اول بالشرطه
هاا
باوعتله تخربطت احواله بنت اخوك شوكت عمت
والله قبل سنتين تراخوما قويه اهملناها ونزل الالتهاب للشبكيه
لابربك بس اكو الها علاج
احاولنا كل المحاولات اهل امها بدهوك اخذوها يعالجوها مفاد ايست وتعبت من العمليات
خطيه
انحرمت من دراستها كانت الاولى على صديقاتها كامت تضوج من الاختلاط وبس تريد تبقى وحدها
امر من حالي جريت نفس باوعتله بس انت عبالك تعرف جبرت رجلي وكتفي شفته نصه راسه ورجع رفعه باوعلي مو جننه حجينا هواي اليوم
ابتسمت نصيت راسي
صاحبك اذا مااجه داافكر تروحله انت خطيه ببحده
ها اي اني هم هيج كلت اجيب السيطره لهنا يشوفون السياره
شنو وين يجون
اشرت على مكان السياره المحروكه وجهه تغير عكد حاجبه باوع لبيت سيروه ورجع باوعلي لا باجر سادو يسحلها بكرابته ويوديها عالشارع الثاني وروح جيبهم لهناك
بس شون امشي باوعتله مستغرب من رده فعله جر نفس كال خليها يومين يفك الجبس هي شونها
متاذي بس تحك
اي فطر مثل متوقعت
وشون تعرف كل هذا بقيت حاير اباوع بوجهه وجهه ضل يكلب الوان هسه اني شحارك حمامي باوعلي كال عمي بردت ماتفوت
اي راح افوت وياك تقرب مني سندني خجلت اسند روحي عليها وصلت لمكان كعدتي التفتت ادور عليها لكيتها ترتب بالغرفه مامو فدشي اسمه باب عدهم الغرف مستوره ببرده طب الان بغرفتها وضل يحاجيها بالكردي همس مدام يحجون بالكردي فعليه ديحجون شوي وطلع يباوعلي حاير تقرب يم الطباخ صب اكل وقرب الصينيه يمي وبده ياكل اشرلي تقربت اكل جانت شوربه قرنابيط اني ماحبها بس من الجوع شسوي اباوع الرجال كام ميتواصل ويايه بس ساكت ويباوعلي بقلق توقعت انه خايف على بنت اخوه مني بعد لاساله ولا حاجي باجر اروح وي صاحبه للسيطره اخذ اي واحد منهم يحجي بمكاني هذا ياسر الزمال ليش مفكر هيج بقيت اتصفن حتى تلفزيونات ماكو حبيت الهدوء العايش بي هاليومين طلع الان من الغرفه كال
اني ساعه وارجع اسالك عن صاحبك
اي والله عمي. اكون ممنون
الله كريم
طلع شوي وجتي سيروه كلمت من تطب تباوعلي تبتسم وتهز براسها معناها تسلم طبت جوه يم جيلان تقرب الساعه وطلعت شوي وجيلان طلعت تعدل بالحجاب ركبتها من وره كلها طالعه مرفوع الحجاب ومحاسه عليه انتبهت شعرها ذهب لافته كبه بلا ترتيب مكدرت
جيلان
ها نعم
تتلفت وترد جانت خايفه مني
تره شعرج من وره طالع وركبتج
ها اي
عدلته ونزلت الحجاب تلمست المطبخ باب البيت بقتها سيروه مفتوحه الضاهر ممامنين بيه كامت تغسل كم ماعون اللي عالسنك واني اباوعلها جلبت دشداشتها بحافه السنك جرتها انسلتت جرت الخيط ونفضتها بقيت اباوع محاس عروحي انتبهت صارت الصفحه مال دشداشتها شفافه بين بياض جزء من بطنها نزلت عيني لاماكولها شعليه البنيه انثولت بطبتي وكفت اطلع من البيت
عمي كال ليطلع
ها
عمي كال ليطلع بارده ورجله متطيب
وكفت جريت نفس ارجع لمكاني
رادت تطلع من البيت والبره كلها رياجيل ابو المنحل وابو المحراث وابو الخرفان صحت اوكفي التفتت مستغربه
تريد شي
