ادعيلي يمه محتاج لدعائج
انشاء الله يمه انشاء الله يبرد كلبك وتوگف من جديد
هزيت راسي بتعب احس عفتها وجيت طبيت للبيت شفت دره دتنزل من عالدرج رفعت راسي باوعتلي بقلق ونضره معرفت تفسيرها وكفت عالدرج ابتسمت بتعب---- سلمت عليج همست شفتها دارت وجهها رغطته ورجعت صعدت فوگ ابتسمت محد حاس بكلبي امها الدتموت متحبها بكدي طبيت انام جابت امي حليب دافي جريته وطيتهازالگلاص اخلص من النگ يوم طلعي دانام.
اي يمه نام ارتاح
غطتني تلمست شعري وطلعت سدت الباب وراها صارت ضلمه التيبلام اللي بصفي دكمته مفصوله نازل الواير وبنصه الدكمه تلمسته شغلته ضوه خفيف طفيته ورجعت شغلته متمدد والگبر براسي ساكن عيوني وخيالي افكر يعني اذا فتحته اشوفها صددك موجوده زين صار شهرين وعشر ايام شون صاير شكلها هسه زين هم تعذبت بعصره الگبر وهالعذاب دموعي تجري واني اطفي واشغل حسيت الباب انفتح على كيف بقيته مطفي صوت ابويه يهمس اياد يابه گاعد مرديت مالي خلگ احد اتمنى اروح مكان ماشوف بي احد يعرفني ويشفق عليه اريد ابجي براحتي اصفن براحتي بدوه مااحد يباوعلي ويگول خطيه ماريد احديشيل همي صار البچي راحتي وونستي الذكريات والصفنه والجگاره غفيت واخيرا-------------------------
ياسر----بعد اربع شهورمن سفرتي فتحنا فرع ثاني لمعملناا بشمال العراق بدهوك تحديدا واني اللي الزمه اختنكت من الغربه وعدي شمال العراق اهون من غربه تركيا اخويه ضافر ويايه يلزمه قررنا ننتقل هو وعائلته واني وياهم اخذنا بيت مرتب ومكان الشركه الجديده تبقى التجهيزات عالمهندسين بالنسبه لفرع تركيا لزمه نسيبنا واخوته خوش ولد بالنسبه لامي وخواتي وابويه ضلو بميرسين. محافضه من محافضات تركيا شتاقيت لجماعتي لاختي الكاعده ببغداد لبغداد اوووف لريناد ولو بس من بعيد نفسها عجبني انزل ضافر عالشغل عفته واخذت السياره ونزلت لبغداد واشوف الولد لا مراح الف وادور وشوف عيونها ولو من بعيد وعدي واحد من جماعتي هم حيتزوج هم حتى اروح لعرسه ضايج وهنا ماعدي اصدقاء مثل بغداد وفعلا نزلت وبتت عد اختي والصبح طلعت للمستنصريه وصلت للباب دكيت لصديقي طلع طببني ودخلت بقيت ادور بعيوني بلهفه باوعتله بعد ما تعبت كال ذيجيه ذيجيه اشرلي بحاجبه التفتت لكيت بنيه تطبع باوعت صفحتها---- اكولك هاي هيه
اي لعد امي
بداخلي صفنت مستغرب ضعفانه كلش صايره عوده عكدت حاجبي لابسه اسود هاي منو عدهم ميت كلبي انعصر باوعت لصديقي
والاه البنات كالو مرت اخوها وراحولها للبيت اخذو من خاطرها
شنووو هذا يااخ. اريد اجر النفس صار ثكيل لزمت راسي
شمعرفني صفنت عليها اندارت شافتني بقت تباوع بعيني مصدومه مشيت ناحيتها محاس بروحي بالي يم اياد وصلتلها
احممم ريناد شونج
هزيت راسي زينه همست نصيت راسي امشي من يمه
تعاي بس دااسالج باعيني منو من اخوتج مرته ماتت اكولها مكطع وخايف من اجابته اياد شون ميكون ورغم كل الصار بيننا صاحبي وعشره عمر
انداريت دمعت عيني صاحبك
لا يا الله ايناس ايناس ماتت صدك هاي
اي نصيت برطمت
خرب حضك اياد وينه هسه
بالبيت صار شهرين ميطلع حيموت وراها
لا يا الله مشيت ايدي على راسيرجعت ليوره عفتها ومشيت سريع طلعت من الجامعه كبل رحت لبيته وصلت وكفت بالباب شكوله من اباوع بوجهه واني على اديه حبه لايناس وغيرته عليها حتى مني دكيت الباب گلبي مفرفح عليه سمعت صوت ورايه صاح ياااسر
ها زياد شونك بوسته جان مستغرب وكفتي بالباب رغم الصار بيننا كطعت السكوت و الاستغراب. اشرت بحاجبي عالبيت اريد اشوفه
هه شتشوف منه منتهي صاحبك جريت حسره نصيت جوه الباب فتحت الباب من السركي السفلي دفعتها انداريت عليه تعال تفضل
فهمني شون ماتت
ارتع السكر اسكت وخليها تدمر ودمرنا وياه فوت يابه فوت يا اللله يووم
ها يمه
فتحي باب الصاله. خطار
اي يمه
ياسر- طبيت بديت ارجف اخاف اشوفه واشوف كسرته واخاف يكول اتشمت بي شوي وطب زياد خجلان ---
لك هذا جاي من النجف نايم مديكعد
