اياد-زياد اخذ ابويه ورجع للبيت ياسر ماكو افتريت وره المستشفى ماهو ملكيته دكيت عليه رد
الو
ها ياسر وين انت
ببيت تماضر اختي
ممم ديله اوك
شون صارت اختك
احسن الحمد لله
الله يطمنكم عنها
مشكور يله الله وياك سديته رجعت لفاروق صافن شبيك
مامو شي جريت نفس باوعتله انت شونك شسويت مسويت وي هاي البنيه العميه
والله مامو شي قبل اسبوع كانت عمليتها وبعد مشفتها
ها ليش
ممحتاجتني فاروق لو محتاجه جان ساعدتها
ماشي هزيت راسي درت وجهي عنه
لعد دره وين شعجب مجتي دار وجهه جر نفس بحسره
شكو
ماكو شي ابتسمت بسخريه
الله عليك شكو
دره وصلت بيننا للطلاك قبل يومين جان موعد جلستنا بالمحكمه
شنووو وكفت ليش ولك جرني من ايدي اكعد اكعد
اي شصار هيج
هيج خربطه واني مطقته لسانها طويل
بس عالحق البنيه نعرفها الحق متسكت عالباطل
مممم المهم تلاغينا ورادت تطلك وعمي خابر
هاي انت شدتخربط بابا الطلاك مولعبه
احترم نفسك يول مو صغير اني وانت تعلمني
اعتذر فاروق بس والله مستغرب ليش هالخربطه شبيك
ماكو شي اكو شغلات بين المره والرجال ميصير تنحجي والبنيه مترهم اكمل وياها بعد
بقيت صافن عليه فرك وجهه باوعت لريناد صحت طبينا يمها
هاريناد شونج
الحمد لله
رجعت تبجي بهدوء
فاروق- كافي ريناد كفي خويه موزين
خطيه اهلها شون
هاي شتسوي شهيده هاي ولج
اياد- بقيت صافن عليها تبجي بحركه عيونها حمر كلش
فاروق- يوميه ميت واحد يروح لتضلين هيج شو هي الدنيا فانيه
هزت راسها تشهك بحسره باوعلي فاروق هاي اياد اجه علمودج
تقربت منها لزمت ايدها كالت حلمت بايناس فتحت عيني شنو
والله هسه حلمت بيها تكولي صديقتج يمي ليضل بالج عليها شفتهم سوه يمشون
دمعت عيني تلمست شعرها سمعت صوت ياسر صاح على كيف اياد ؟
ها ياسر هنا
افوت؟
باوعت لفاروق فاتح عيني ضجت من صلافته بس ادري بي شكد يحبها فاروق هز راسه كال تعال جر حجاب ريناد عدله اباوع لريناد غمضت عينها ودارت وجهه
ياسر- هاي اختي جتي ويايه
فاروق- هله بيها يوم يوم نامت حجيه
ها يمه ها
هاي اخت ياسر
اياد- باوعتلها تشبه نادين تذكرت سوالفها ابتسمت مرحب بيها ياسر عيونه حمر يباوع لريناد وينصي
اخت ياسر- شونج خاله حمد الله عسلامتها
تقربت بوست امي وباوعت لريناد تبتسم باوعت لياسر ونصت
فاروق- تفضلي جريت كرسي نطيتها كعدت يم امي شوي هونت عليها وحجت وياها تصنيف امر من اخوها ياسر مرتجي عالحايط يباوع لريناد ويرجع يباوعلنا لو تباوع لو متباوع ريناد تباوعله وتدير وجهه اخر شي غمضت هسه لو ادمي انطيها بعباتها بس ارعن
اياد- ضلو سالفه ساعه وترخصوا ياسر كال اوصلها وارجع وياك
اياد- هنا ماكو شرب يول باوعتله اضحك شو خزرني خزره والله خفت
فاروق- شبي هذا
والله ماادري ههه خفت منه
ريناد- عطشانه
فاروق- هسه انطيج كعدتها بدت الام كتفها تضرب عالريه وي جره النفس تعصر عينها كون بيه ولا بيها طب زياد اخير ذب البدله ياهو الفات بالمستشفى ضربله تحيه
ها شونها
زينه الحمد لله مو رنود
لا الحمد لله احسن
اياد- طلعنا من المشفى بعد يومين رجعت لبيتنا وياهم ريناد ردت عافيتها بس بعدها بليل اسمع بجيها فاروق حالته زفت مااعرف شنو الصاير الي حتى الغرفه مفلشها
فاروق- عكب باجر موعد الجلسه مال طلاق اني لا اتصلت ولا سالت ابوها اتصل كال يابه هاي مصممه يطبج طوب كتله هاي هي عمي براحتك بليل متمدد افكر بيها معقوله هيج بس لان ضربتها خابرت على ريناد وحاجتها والي مخابرتني طلاك مره وحده طلاك يطبج مرض هاهي توني اغفه دك تلفوني اباوع ساعه 12 استغربت بقيت شايله اباوع عالاسم
ام بيتي يتصل بك ماريد ارد اخاف اضعف من صوتها يدخل اذني اخاف اتوسل واكولها ارجعي خلصت الدكه ورجعت اتصلت استغرفك ربي واتوب اليك رديت
الو ببرود صوت بجيها وشهكتها
بقيت اتصنت ساكت غمضت عيني اتخيل عيونها من تبجي همست شبيج
فاروق
نعم
ااني حامل
ها كعدت عدل ماادري افرح ماادري استغرب ليش تبجي مااعرف شسوي بقيت صافن بلعت اريك شنو كلتي
حامل حامل شبيك متسمع
تحجي وتبجي جريت نفس وليش دتبجين لان حامل مني
مااعرف
التردي دره
ماادري ماادري
متدرين هلص عود من تدرين خابري ويجرالج
بقيت ساكته ليش رجعت الذهب
لان مالتج
لا مو مالتي انت الجبته وكتلك ماريد كلشي منك ليش شمرته بالحديقه
لان اني محد يذلني فهمتيييي
سكتت
لج انتي متستحين سديته بوجهه بقيت صافن ابتسمت حامل حصير اب نزلت جوه افتر راحت النومه اياد ديتحضر يريد يرجع لدهوك ريناد صافنه عليه يسولفلها على نادين بت ضافو وهي تضحك امي كاعده بصف ريناد زياد بره بالطرمه ديحجي بالتلفون
طبيت لغرفه اياد
ها ولك
ها فاروق شو منمت
راحت النومه باوعت لامي تباوعلي بتعب ابتسمت يووم
ها يمه
حتصيرين بيبي ضحكت نصت راسها تبجي
اهووو يوم حضنتها
تالي قضيتكم شصار منها
مااعرف بس خابرت كالت حامل هسه هي تفكر انداريت اياد صافن عليه ريناد مبتسمه
اياد- اكولك فاروق
ها
من ورايه موضوع طلاكك مو
ليش يابه فد مندله انت
لا من ورايه لان ايناس ماتت بهيج طريقه
شويه اسكت بله يله تصبحون على خير باوعتله وصعدت
زياد-
دلول متعبتي سنتين اركض وراج
شنو
اريد اتزوج حعبر ال30 بعد كم يوم
زياد متكولي شبيك مداافهم واني شنو ااتزوج
هاا يعني راح تض يعيني من ايدج مره لخ
لا
لعد شنو
شوكت تريد اجيب خالي واتقدم
هههه لا موهالحد.
اي لعد شسويلك انت مفتحت الموضوع اني افتحه
اي ياب بزنز ومن
هاي قبل مو هسه
لا عده الشقه اني رايدج ومو مال لعب وانتي تدرين
اي اعرف
شوكت ادز امي شوكت يناسبكم
كيفك همست
باجر زين
هاهي
شو شو من. هاي الخجلت
هه زياد شون مامون اني بنيه وبالذات وياك صدك احس روحي بنيه بس وي غيرك
منو هذا غيري عيني لتجفصين
اني وي غيرك احس روحي رجال زياد
اعرف بيج دلال وادري بروحي شكد محضوض يبت الناس شلعتي كلبي شوكت تصيرين ببيتي
الله كريم جريت نفس باجر امك تجي
اي باجر يله حروح هذا اياد عكب باجر يطلع اريد اشبع منه
روح الله ويا
ااادلال
ها عيني
احبج
ها
اي والله شبيج لتشوفيني هيج تره حبيتج من اول والله
ماشي هه الله وياك
هلاو سديته ورحت لاياد شفتهم مجموعين يمه
يووم
ها يمه
ارد اتزوج
يا الله اليوم الاخبار كلها حلوه
ليش من. غيري يريد يتزوج من ورايه باوعت لريناد اشرتلي معليه باوعت لاياد ها ناقص
لا عيني اني جربت حضي سديت الجنطه مال سفر اني بعد هالموضوع لتفتحو ويايه ابددد
لعد من ابويه باوعت لامي تضحك لااكيد مو ابويه وانتي دتضحكين --شكوو
حتصير عم فاروق مرته حامل
لابربج سواها ابن اللذينه بلكن الله يتصالحون شكو حلكي
اي يمه اني باجر اروحلها شنو من اقل مشكله وكالو طلاك عبالك الزواج لعبه
ريناد- ماما متجوزين شفتي ذيج المره شسوه من عرف خابرتيها
اي صح لاعيني هو واعي ويعرف
زياد- ديله الله يهديهم باعي يوم باجر اخذج بيت دلال نخطب
ايييييه واخيرا
اياد- شوكت المهر
ولك دخل تصير تطلعلي شغله من جوه الكع ادري بحضي
لا انساء الله تتم على خير
--------
اياد- مرت اليومين ورتبت اموري ببغداد وطلعت وي ياسر لدهوك ابويه تاذه وكالي كافي بعد فاروق وزياد هم. قنعتهم بس سنه الم كم فلس وارمم روحي هناك. احس بعد بيه تعب اذبه بالجبل. وارجع واكون مشروعي هنا ببغداد واني جوه ايدي راس مال مترهي بي هالشغله لكيت روحي بيها. طلعنا من بغداد بس راجعلج اقوى تمنيت ازور ارنوبه بس مكدرت الوكت ضيق واعدتها ازورها بس ارجع وابات بالنجف مفارقت خيالي ولو لحضه رحت لامها بس للاسف ملكيتها او يمكن مرادت تشوفني مجرد دخولي بفرعهم ثكل كل جسمي هاي اني بطريق عقره اباوع عالجبال هنا اندعمنا ومنا صعدنا هاي السيطره كلشي بيه يرجعني لذاك الوكت بالي نوبات يسافرلها اتمنى اشوف وضعها اول موصلنا طبينا المعمل استلمنا العمل ساعتين ورجعنا للبيت تعابى نمنا جفي باجر عدنا حجوزات مر شهر اني مشايفها العمل ملتهي بي كلش ياسر متغير مو نفس حماس قبل وعدم موبالاته لا تغير صارت عده هميه مو طبيعيه وحرص عالعمل لدرجه انه ضافر مديطلع صوته مر كم يوم مريت لفرع بيتهم كم مره ماكو البيت اضلم دكيت الجرس فضولي وقلقي مكدرت اتحمل بس ملكيت رد كانما فارغ البيت وفعلا واحد من المنطقه كال طلعو منه وعرفت انهم كامو موجرين وين راح الكاج جيلان بيا ارض والله اليعلم رجعلج نضرج اولا مر شهر ثاني على رجعتي من بغداد اليوم انتبهت احنا نرجع ب10بليل صرنا من تراكم العمل ياسر يذب روحه جنازه اي صح شهر الا سبوع هو مطالع بسهراته القديمه اباوعله نايم على بطنه وملابس شي ليفوك بطرك الشورت شنو التغير بيك ياصاحبي شنو الصار عدك من شفتها بهالحال والله لو ضليت سنه كاطعه معناها فعلا تركت اني اخطبك الها شناقصك مناقصك بس الهدايه والله يرزقك اياها
داومنا الصبح كالعاده العمل تطور كامو يطلبونا مباني وموسسات وشركات مدن حديثه تنبني مثل بسمايه بس بطراز احدث يردون تجهيز كامل بوب وشبابيك شغلنا صار عالحجز ليل ونهار نشتغل شفتين شفت اني وشفت ياسر نلتقي وكت تغيير الشفت اني اطب انام هو. يطلع لو على طاوله الاكل بالريوك بفرع معملنا بطريق سد دهوك لكيت بنايه دياجروها هالمنطقه مزروعه بروحي الجبل الاخضر تحسه ينطيك قوه وعلو ويشكه المي كانما يكولك اني شكد رقيق بس كدرت اشك الحجر وافجر منه عيون مي. بنزلت الشلال الرفيع وادي اخضر ومي يجري بساكيه عريضه تجري. ومجراها لسد دهوك منطقه شبه الخيال لكيت دياجرون شقق اسعارها جدا مناسبه البلكون يطل عالجبل والشلال صممت بعدما سالت عنها صممت اجرها اليوم احاجي ياسر قفلت بعد وفكرت بالعطله اجيب اهلي ريناد وامي وابويه فاروق ومرته جانت الشقه غرفتين وصاله وصحيات ومطبخ وبلكون جبير يشرح الكلب اتخيل وكفه فاروق هنا اووف لاهاهي لازم احاجي
طبيت جان ديطلع
ياسر اريد احاجيك
شكو
راح ااجر شقه
ليش اياد ليش مصر تعوفني تعلمت عليك والله غثيتك اني سمعتك حجايه
لا والله العضيم ولك انت اخويه
لعد شبيك يوميه جايتي
ولك بفرعنا مال معمل نهايته اكو شقق يخبل المكان وداافكر اهلي اجيبهم يغيرون جو بالعطله
وين اكو بفرعنا
لا والله هاي البنايه الحمره
لابربك كملوها
اي لعد منو اليوم سوه بيبانها
ها اي صح لعد زين باوع اجي اكعد وياك
باوعتله هزيت راسي وضافر شون خاف ميقبل
لك ضافر ميفرض رايه واني ااجر الملحق وانطيك اجاره الشقه
مسوينا شي خو ابقه بملحقك
يووو بالنص اني. وياك
اي ماشي
وومن يجون اهلك عود اكعد عد ضافر ها شكلت
هاهي تم
يله حروح اني وبدربي اتفاهم وي ابو الشقق
اريد اول طابق
ماشي باي
الله وياك عدت الايام وفعلا اجرناها واستقرينا جانت كلش حلوه لدرجه من افوت بيها روحي تنشرح نسيت كلشي التعيت بعملي ضافر معجبته سالفه بليل شفت وبالنهار شفت لان العمل بالليل ياذي رجعنا سوه نشتغل بس من الفجر للعشره بليل جان العمل الشي الوحيد اللي يلهيني عن التفكير بايناس وموتتها وجيلان وتانيب الضمير ويلهي ياسر عن الشرب البلكونه كمنا على طول نسهر بيها ونكضي ساعات لجالفجريه ساكتين نتفرج على سقوط المي بنص الوادي والجبل يحتضنه ويشمره لسد دهوك سبحانك ربي ترتبت وضعيتي كلش حبيت المنطقه بس ياسر روحه ببغداد يكول هناك روحي يمكن لان هربان من شوارعها اني يمكن لان لكيت روحي بهالشغله وحبيتها يمكن لان عدي امل ولو بسيط اشوف فدديوم جيلان وهي تشوف ارتاح ويرتاح ضميري مرايد غير شي ابو ياسر اجه من تركيا وكعدنا وياه تشكرني هواي وحمد بيه فرحت بكلامه وتشجيعه شبهني بالجبل ريحني هالتشبيه اعرف يجاملني و يقويني بس جنت محتاج احد يكولي انت دتمشي صح كمل طريقك العرفته يريد يفتح فرع ببغداد ونسيبهم زوج تماضر يلزمه ياسر كله اني هم اريد ارجع لبغداد ابوه مايد الفكره موافقه جنت كاعد مستمع بين الاب والابن شكد يختلفون عننه. بتربيتهم هواي يختلفون سالفه يرد لابو وينتر بي صدمتني بس تبقى طيبه الكلب والنيه مقياس قبل فتره بلشو بناء. مكروز جوه العماره ينبني سوبر ماركت جبيركيفنا حتى المسواك قريب فعلا انفتح وصار كل مسواكنا منه مرت 3شهور جيلان مااعرف اخبارها وبيوم من الايام الصبح اتسوك من المكروز اشوف سره العمال واكفين يستلمون وضايفهم اللي يرشدهم الها ابو المكروز مبينين موضفين جدد وتوهم انقبلو لبسهم موحد وكل البنات سفور الا وحده بقه يفهمهم وتوزعو بين سراوات السوبر ماركت او الجمعيه الجبيره لمحت وحده منهم ترتب قواطي الحليب مدتنوش ووكعت لزمتها راسن وحضنتها ضحكت عليها عدهم القوطيه المعقوجه يقل سعرها عن المبيها شي خافت لا تتغرم باول يوم الها وصلت يمها اخذتها منها خليتها وي الحليب كانت ناعمه متنوش واني اطول منها بشبرين من التفتت شكرتني صدمني الصوت هاي صوتها لو اتخيل التفتت بصدمه بلعت ريك ردت اكول جيلااان كوه سديت حلكي باوعت بعيني مستغربه دتشوف دتشوف يالله ودتشتغل نصت راسها وابتعدت نمل جسمي مثل الحلم-------
يتبع
عذروني تاخرت عليكم
