وصلت بيتهم اشوف سيارتين طابكه من غير سياره ابوها سياره عمها وسياره علي ابن عمها جريت نفس دكيت الجرص طلعت بت علي ابصغيره ركض فتحت الباب كرصتها من خدها وفتت كتلها سوي درب طبت تصيح اجه فاروق بيبي احلام اجه فاروق ردت عمتي ام دره خلي يفوت من باب الصاله كاعدين الولد نصيت راسي وتوجهت لباب الصاله دكيت الباب اندفعت مفتوحه جانو كاعدين علي وابو وعمي ابو ضرار سلمت وبوست عمي وعلي وابو كعدت فشلان
ابوضرار- الله بالخير يابه
الله بالخير عمي
شنو الصار اني سمعت من دره واريد اسمع منك وهذا اخويه ابو علي بحضرنا وعلي صديقك وخويك ونفس عمرك
رفعت راسي رجعت نصيت هزيت راسي
شصار بينكم شبذر من بنتي تضربها هالضرب ادا هي غلطانه حجايه مااحجي
بقيت منصي راسي كال
احجي عمي كول
جريت نفس عمي خربطت بالحجي
لو شون متخربط متمد ايدك اني ناطيك امانه عدك
بقيت ساكت منصي راسي كال
شوف عمي اذا عالحجي هينه بس اني صراحه مااامن بنتي ترجع عدك باوعتله رفعت حاجب مستغرب رجعت نصيت راسي كال
اخوك وي بت اختي مقصر اخذها مريضه واني موصي اي توتر اي اذيه ماكو منطيناها راسن ولو ماهي تصر اني فلا انطي
جنت حاس من البدايه راح يروحها وصبرت وياه وسويته ادمي ورجال ووضفته بمعرفتي وكعدنا عدنا وسوينا ابننه تالي يدك هالدكه وراحت البنيه خلي اللي بالكلب بالكلب وليدي
فاروق- رفعت راسي اباوعله عكدت حاجبي طلع اخويه مو خوش ادمي ويكول خلي اللي بالكلب صرت اعصاب نار وشبت بيه اباوع لعلي صافن على عمه ويباوعلي مراضي نصيت راسي ضل يحجي
اني بنتي الوحيده تجيني وجههه مورم من وره كم كلمه
رفعت حاجبي باوعتله عمي التامر بي يصير
يابه بنتنا يمنا ومثل مدخلنا بالحلال نطلع بالحلال
شهكت باوعتله بغضب نصيت راسي بلعت ريك هزيت راسي عمي اذا كان هالشي موافقه عليه. يجرالها
اني مااحجي كيفي سائلها وكالت لو اموت ماارجعله وصراحه اني هم مااامن بعد بيها يمك تروح تموتها
نتر باخر كلمه بقيت ساكت بس جسمي بده يرجف من العصبيه وكفت باوعتله. صار عمي امرك اترخص طلعت لان حطططك صاح فاروق
نعم وكفت بلعت ريك
باجر بالتسعه انت بالمحكمه
عمي اعتذر منك بس باجر عدي شغل باذن الله الخميس فارغ
هاهي الخميس الخميس الله وياك وسلم على ابوك
وصل طلعت داخلي يرجف رجعت للبيت دااصعد فوك صاح ابويه
هاياب
تعال احاجيك
صار نزلت طبيت لغرفته باوعلي كال ها شسويت
يابه قافلين عالطلاگ
شنووو
وكف ابويه بغضب كال اكيد لا اعتذرت لا تاسفت
بقيت منصي راسي
يابه خاتمين السالفه
انت تروح تعتذر
يابه منطاني مجال احاجي بهدوء وارجف اخاف اصيح فوك صوته
صاح تروح باجر تجيبها وتبوس راس عمك
ماااروح نترت وصار الخفت منه وعله صوتي عليه نصيت راسي طلعت راسن صعدت فوك. ركعت الباب مال غرفه شكو اثاث بالغرفه كسرته كمت اضرب بله مااحس وكلما ينكسر شي احس مي وتطفي ناري مخليت لاصوره لاساعه لا اثاث لحزما هلكت كعدت بالكع امي تدك الباب ماارد زياد يدك عليه تلفون مرديت اني اني تالي وكتي انذل هالمذله ومن وره منو من وره مرره من طاح حضج اي والله صغرتيني كدام اهلج ياغبيه ساعه السوده اني شحبيت منها شحبيت هم مسترجله وهم عرمه ومتحترم صفنت اني صدك داافكر هيج سبحان الله الحب كله راح رجيت راسي على مندر السرير نزعت سترتي وصعدت نمت يومين منايم اعصابي ترجف اصابعي مجرحه ورجلي ورمت من كثر ضرب الاثاث نمت ومحسيت بروحي للتسعه الصبح يله شلت راسي ثكيل احسه اريدافتح باب غرفتي دايخ فتحتها ونزلت امي تباوعلي بقلق خايفه ركضت خلت كدامي حليب شربته اريد اصحصح خلت الريوك اكلت بشهيه خليت ببالي انرك كلشي ورايه طزززز بكلشي متريدني يطبها طوب باوعت لزياد يباوعلي من شباك الهول بقلق نصيت راسي عالاكل كملت وكمت محد يحجي ويايه الي هيبتي بالبيت بس مرتي سحلتها سحل بعده النار تاكل بيه من عمي هيج كال صعدت فوك اباوع المهزله السويتها ضحكت والله حرامات غرفه بسبع ملايين فلشتها متسوه والله لبست وطلعت لشغلي دك علي عليه رديت
الو ببرود
الو هلو فاروق شونك
هله علاوي
بس ردتك تعرف اني مراضي عالكاله عمي عنك
هو عمك خله شي مكاله جريت نفس بعد شوي يطلعنا اني و اخويه حراميه
لا حشاكم انت وين
داروح لشغلي تريد شي
لا والله عبالي اكعد احاجيك شوي
والله علي تريد الصدك ذره خلك مابيه
حقك
في امان الله سديته منه وصلت لشغلي بقيت بي ملتهي للتسعه بليل يله رجعت مرت الاسبوع بسرعه فضيعه يومين يومين بس بديت اشتاق لريحتها ريناد وامي رتبو الغرفه ولحد هسه ممحتكين بيه اهلي ولا محاجيني باجر خميس والمفروضموعدنا متصلو بيه ولا اني اتصلت عمي طبيعته مواعيده مضبوطه وحتى لو ينلغي الموعد يخابر يكول ----تمددت ارتاح دك التلفون عمي ابن الحلال بذكره رديت
الو
الو هايابه فاروق
هله عمي
باجر الغي الموعد عدي سفره. وي النقابه مال كيميائيين ارجع بعد سبوعين وراها يصير خير وهم فرصه الكم تفكرون
جريت نفس عمي التامرون بي يجرالكم
عاشت ايدك
عمي بس كلمه وحده ضلت تدك بكلبي
كول
تره اخويه مداخل على طمع وبالبدايه شكد ردتو كعيدي مقبل ولا احنا قبلنا بس من تمرضت ام ايناس يله قبلنا يروح وشغله ثانيه لو ما موضفه ميموت بنتكم من الجوع قبل الوضيفه جان يشتغل شغلتين في سبيل ميقصر وي بنتكم ويعيشها نفس عيشتها بيت اهلها د
صح كلامك
سكتت برد كلبي
اني اعتذر
لا عمي العفو بس ردت اوصلك هالفكره
والله انت واخوتك خوش ولد اني ماانسه زياد ووكفته بس اخوك هم ماقصر وي بنتنا وهسه انت هم نفس الشي يعني لو اختك جاييتك هيج شكلها شتسوي
عمي اذا اختي حجت الحجته اني الاضربها مو رجلها
حجي هذا ياب حجي البزر عزيز
براحتك عمي جريت نفس
يله في امان الله سلامي للوالد امانه
وصل عمي سديته شمرت الجهاز انعل ابوكم لابو خيركم حرامات التعب بيكم------
زياد- رجعت من الشغل دازه رساله
اعذرني زياد بس شوي تعبانه
ابتسمت رديت برساله ممكن تردين اذا دكيتلج لتحجين شي
لا مراح ارد
اوك نبقى نتراسل لعد
تعبانه
دلال انتي قويه
راحت قوتي
زين عمي احجيلج على اهلي شصاير وانتي حكمي ياهو الهمه اكبر
شكو ياستار
اخابر
لا
لعد ماراسل اضوج كومه حجي صار ست شهور
اوك
دكيت عليها مبتسم دك دك ردت بالو صوتها صدك تعبان
مريصه
لا
لعد شبي صوتج
صوتي رايح مال صياح
سلامتج باعي عيني حجيتلها من بدايه قصه اياد وايناس وموتها بجيت وبجت ويايه بقينا نحجي الست شهور شصار كملت حجي لل6الفجر اليوم عطله عدي
تدرين بيش ساعه
بيش
ب6
حيييل
