مستحيل هاي الحبيتها كضت يوم ويومين مر اسبوع واني انام جوه امي تلح عليه اصعد ريناد عيونها كلها اسئله ابويه وزياد مهتميت امي سمعتها حاجتها كالتلها خاله ماكو شي هو شوي يريد يرتاح وحده
ماشي دره ماشي اذا مخليتج تبجين مثل الخطوبه بسيطه عاندت اكثر وتخبلت وي خبالها داشوف لو اني لوهي مر شهر على هالحاله تحجي ويايه كدام اهلي عادي ماباوع بوجهه ابد واجاوبها ببرود كلبي صاير نار تطبخلي تصبلي تحضر هدومي بس نوم انام جوه ----
دره- مدااكدر اتعايش وي واقع انه شايف اخو مضلوم وناهين السالفه بان انوس مريضه وصوجها هي تستعجل هالكلمه تحفر كلبي حفر نزلت اليوم الصبح انزل هدومه ماريد اقصر بشي وياه بس ردت يكون حقاني مثل عادته ويكول اخويه مصوج يكولي الي بس بيننا واني ارتاح ---
دكيت الباب مرد رجعت دكيتها طبيت للغرفه نازع تيشرته ونايم مشتاقه لحضنه من ينام ميكدر الا يحضني ولا اني اكدر اغفه الا من اسمع دكه كلبه بركبتي بقيت اباوعله مديت ايدي تلمست كتفه وضهره فتح عينه باوعني بعتب
شتريدين همست احمم
يله كوم ب5
ماروح اليوم جريت نفس خليت ايدي على عيني
ليش
ماعدي شي مكمل شغل والولد يفتحون
ممم غير تحجي وقت المنبه وهاي
اسفين ازعجناج
لا هذا شغلي انت رجلي
ممم طلعي وسدي الباب دك التلفون لزمته اباوع منو رجعت ذبيته صناعي باوعتلها فاتحه عينها شكو اطلعي يله
منو ديدك عليك
معليج اطلعي نترت بيها
فاروق خزرته من. هاي تقربت يم التلفون جره وشمره عالجربايه انتي شعليج اطلعي يله لو صدك حريصه متقللين من احترام زوجج
تخونني مو اني شكيت بس كلت مستحيل
ليش يابه ناقصني ايد رجل والشرع حلل اشرت بايدي اربعه صاحت فاااروق اششششش حسسسج ميطلع ولا نفس
برطمت ردت ابجي تقربت منه كعدت على طرف الجربايه اندار عليه رافع تك حاجب يباوعلي ساكت منداريت عليه
هففففف استغفر الله ربي واتوب اليه وكفت جريت فانيلتي لبستها وصعدت فوك عفتها شوي وصعدت ورايه كعدت عالجربايه اكلب بالتلفون حتى النومه طارت فاتت باوعتلي ودارت وجهه تقربت نامت بصفي مهتميت كوه لازم روحي تدنت عليه وضهرها عليه ابتسمت جتني الضحكه مشتاقلها اكثر من عدها بس لعبت نفسي ذبيت التلفون نزلت جسمي للفراش عطرها ترس روحي ذبت التفتت عليه واني قربت راسي وانفي على ركبتها من التفتت التقت وجوهنا دمعت عينها جريت نفس تقربت بستها مكدرت بعد حضنتني تبجي شبكتها بكل قوتي اهمس لتاذيني احبج تبجي وتكول اموت عليك بعدت وجهه اباوع بعينها لتسويها بعد اخويه لتدخلي بحياتنا
ابد هزيت راسي ابجي حضني قوي
غمضت عيني رجعت بستها جنت كلش مشتاقلها وداانتضر لحضه تنازلها واكون بين ايدها دره الوحيده الخلتني احبها بفكرها وعقلانيتها ورفضها للغلط رغم جانت تدخن بس اكو شغلات احبها بيها تكون واقعيه وتفتهم كلش متاكد باجر عكبه حتربيداطفالي احسن تربيه -----
اياد- مر شهر على بقيتي هنا. اياد كل كم يوم يتاخر بليل يطب فجريه نوبات ونوبات للصبح يله يجي للمعمل كنت ممهتم ونفس الوكت اتمنى يجوز منرسوالفه ضافو جان دائما بنزاع وياه يخاف عليه من الامراض وهو يتعارك يكله لتتدخل بديت استلم اجر على كل تنصيب لكل بيت فكرت اطلع فاتحت ياسر رفض وتوسل بيه واكدلي انه مرتاح ويايه كل هاي وبعدني ممقرر ابقى او لا خليت ببالي احتمال بس اختنك ارجع مو مجبور فاروق دائم الاتصال والدي وامي وزيد وريناد كذلك بعده ياسر احواله تتخربط من يسمع اسم ريناد من احاجيها لو يحجي يسمع حسه لو يصفن يتمنه يسمع صوتها اكو اشخاص مامنهم جاره رغم طيبه كلبهم وياسر منهم حبيت الشغل وياه واخوه ارتاحلي كلش وكام يامن بيه وبياسر بس اليوم خميس ساعه تسعه الصبح اصلا من كعدتي الفجر واحس حيصير شي اليوم بعد شهر واخيرا شفت انوسه بالحلم هالمره نطتني ورده وراحت شتميتها ريحتها تخبل جان لونها وردي مشخط بابيض توها مفتحه فزيت من النوم مرتاح وبقيت بمود الراحه لحد ساعه تسعه الصبح اجاني ضافر
اياد
ها استاذي
كوم جاك شغل
ي الله وين
سامان يوصلك بس ها دير بالك اريد مرتب مثل وجهك الحلو
هه ماشي يله في امان الله طلعنا نص ساعه ووصلنا بيت جبير كامل بس بقت البيبان والشبابيك بديت انصب واشد براحه وويايه اربعه وصلت الطابق الثاني شديت كلشي بقه شباك واحد شديته شفت بعد بي رخاوه بقيت اضب واكعد بي اشوف كعدته مو زينه رجعت بقيت اضب مديكعد خبلني هذا اصغر واحد لزمته بطبكه ايدي واشد ضبيت زايد طكت جامته بيدي اباوع الدم ينفر وخرته مدااتاذه بس منضر الدم يخوف صاح الولد بالتركماني صرت اعرف لغتهم رغم مااعرف احجيها بس داافهم شديكول صاح صاحبه نزلوني ركض ودوني مستشفى السياره كلها دم صارت ضاغط عالمكان بديت ادوخ وصلنا نزلوني ركض للطواريء راسن نضفو الجرح وعقمو وسوو عمليه صغرى لان عالوريد فعلا دخلت وسووها وطلعت مربوطه ايدي لازم تطلعلي سالفه من جوه الكع جلب الدكتور لازم ابقه ساعتين تحت المراقبه ضربوني ابره كزاز اجه اياد يشتتم باخوه واني اضحك لك مبيه شي. راح اياد للطبيب ويسدد فاتوره المستشفى بقيت وحدي بالممر كاعد عالمصطبات عائله كدامي يحجون عربي ابتسمت مدري شحسيت افيش ياريحه هلي ----
مبيها شي هو كال سبوع اليجي عالعلاج تطيب وراها نسويها العمليه لو هنا لو بتركيا --- والثانيه تجاوب
حبيبتي خايفه تكول ماريد خلي بس الخيال خاف حتى هذا يروح ---- ردت الاولى
لا طمنيها الدكتور كال ناجحه 60بالميه خلي يصير عدها امل حرامات تكضي حياتها بعدها صغيره كوليلها حتى تكمل دراستها
اياد- فتحت عيني اني ديتهيالي لو اكو ربط بينها وبين جيلان انتبهت المره صافن عليها التفتت اللخ اباوع العيون زرك وثلج بس تطلع بالاربعين والها شبه بسيط بجيلان بلعت ريك ممعقوله هيج يتربع البخت شافتني صفنت عليها حاجتني تركماني مفهمت رديت اني عربي خاله ابتهجت ضحكت يايمه ولج طلع عراقي تكول للخ جاوبت باهلا وسهلا بقيت الوب اريد اسال همه اهلها مااعرف منين ابدي وشاكول بقيت ساكت
خيرك مربوطه ايدك
هه لاهيج انجرحت بالجام وووانتو خو مامحتاجين شي
لا يمه سلامتك بت اختي عمليه بعينها خطيه ودنراجع الطبيب
فتحت عيني وكفت توني اتقرب منها انفتحت الباب طلعت بنيه وياها رجال بالخمسين كالها كعدي خالو داجيب الطبله جمدت بمكاني هاي جيلان والله العضيم هاي جيلان رخه جسمي انلزكت بالحايط جايه يم اهل امها. خطيه تقربت نسيت ردت احجي تذكرت اذا حجيت حعم على روحي حتكول انت البلغت ومراح تقتنع اخر مره جان مبين كلشي من رده فعلها بقيت ملزوك بالحايط تذكرت من جانت تحس بخيالي تسحبت وطلعت كعدت بسياره ياسر اجه ياسر بعد مدكلي يدور عليه كتله بسيارتك بالكراج طلع باوعلي شبيك اشرتله صبر طيني طلعو من المستشفى العائله كلهم كايديها بلعت ريك جانت متعلمه عالبيت حافضه كل زواياه هسه متيهه احجي بداخلي
ياسر- شمنتضرين
شششش باوع
شكو
منو هاي
منو باوعتله رجعت باوعت لابربك لالالا صدك هاي
هزيت راسي باوعتله اريد اساعدها
كل عقلك انت بقيت صافن حركو السياره
ياسر الحكم شوف مكان سكنهم
اياد دتسوي
ماداسوي شيييي اريد اساعادها
جريت نفس ماشي لحكناهم جان اصبعه بحلكه متوتر جر باكيتي ودخن صار كومه كاطعها وصلو نزلو منرالبيت وكفت مسافه بعيده عنهم راقبناهم اياد جان يباوع ملهوف وخايف باوعتله مو بعيدين عن عملنا
مممم
شناوي
مااعرف المهم اساعدها بطريقه غير مباشره
ماشي الله يستر منك انت
ماكو شي ماسويلك مشاكل
مخايف على روحي نترت بي افهمني ولو مره بحياتك لتطلعني كلي اسود هم بيه ذمه وضمير اني
ياسر مو وكتك
انلصمنا انلصمنا -------
