كملت شغل ونزلت للمكروز سوالف وي اساور وعمل لل8صعدت ومكيفه بروحي ماخذه ويايه فطر وخضره ناريه اسوي شوربه اخذت صمون كهربائي حتى احفره واخلي الشوربه بداخله عجبني سالفه الام بيت وعدي مطبخ يجنن اروح واجي محد يحاسبني ويكولي كافي تاكلين وهذا مدفعتي فلوسه وهذا مو مالتج لتلعبين بي واي مصيبه براسي توكع صعدت اباوع عالغراض مبتسمه حمست الفطر مثل قبل بالجبل وخليت بقيه المواد سويت الشوربه جنت طايره واني اشتغل لدرجه بعدني بهدوم الشغل عفت الشوربه عنار هاديه وطبيت ابدل واطلع اخلي الصمون يكسب زايد يله اخلي الشوربه بي هيج لازم حسب مقريت بالنت اليوم بالشغل بدلت وطلعت بسع خليت الصمون بالفرن ورجعت طبيت انزل شعري لان صار كارثه طبيعه شعري منفوش ملفلف وثخين كلش بي خصل شكارها مايل للبياض كانما شيب بس هي شكار وكوه يتسرح واذا مو ضفيره
اصير اخوف ويوصل لنص ضهري بالعرس من شسورته وصل لنهايه ضهري شكد حلو لو يبقه هيج سرح تعبني اسرح وعيني عالفرن اباوع ساعه 10سويت ضفيره هنديه تك ودابلش بالتك الثاني سمعت القفل مال شقه طك انفتح وكفت ابتسم طب اياد والتلفون حاصره بين كتفه واذنه يحجي بي
اي باجر ب5اني بموقع العمل تشكر ضافر هلاو سديته التفتت لكيتها دتضفر شعرها ومنكوش ضحكت عمدت حاجبي لج هاي شنو
اشنو ها شعري ههه شسويله منفوش
عبالك باروكه بقيت اباوع مستغرب ذبيت السويج جريت نفس ريحتيش هاي
شوربه ركصت بحاجبي مبتسمه
وهاي شوكت حتكملين ضفر صدك جذب كل هذا شعرج
ادري بي يخزي راح اكصه
لا اشاقه
يمعود جننه ليفه دباوعه شلته وشمرته
باوعتلها راح تبجي هههه يابه يجوز فد يوم ماعدنا ليفه ناخذ شعرج نليف بي
طلعا شكد خبيث
تقربت منها يعني صدك هو هيج
والله شبيك هاي انت جاي عالنص لو تشوف من مفتوح النص الثاني بعد متفوت للشقه
ههههه خرب ببليسج باوعت لشعرها ابتسم وهي تضفره بقوه بي خصل بيض مطشره على شعرها تقربت ناسي روحي لزمت البيض باوعتلها هاي شنو صابغته
لا هاي هو هيج من الله
سبحان الله بلوعت متعجب على شهرها كملت ضفر وخلت القراصه خصله رفيعه بقت نزلت على وجهه ملفلفه --- هاي سبرنكه فلتت من الضفيره مهزومه من ايدج هههه
اي عوفها عدلتها ورحت للفرن ها تاكل
اي بس خل ابدل واجي
اوك صبيت الشوربه بالصمونه وخليت اللبن وكعدت انتضره طلع يسحب بسحاب تراكسوده البهاري باوعلي ودار وجههه
كعدت عالميز كدامها اباوع شنو وين الشوربه
ببطن الصمونه
زين شونه اكله شلت الصمونه كلها يعني اعض الصمونه كلها وتطلع الشوربه مو تنجب بقيت صافن دخت
لالا عزه هههههه باوع هي الصمونه بمكان الطاسه
ليش ماعدنا طاسات رفعت تك حاجب مستغرب فتحت الصمونه وبلشت اكل زين شون اكل اريد صمون
ههههه هذا بالجيس
يابه هاي الفيكات ليش بس ارد افهم زين بعدين هالصمونه وين حتروح
ناكلها
ها لعد دخل اكلها وي الشوربه شوي شوي لقسم منها
اي هو هيج
خوش بلشت اكل غمضت عيني الللله شكد طيبه صدك صدك مو مجامله
ههه بالعافيه بلشت اكل ياكل سريع واني ساعه امعمس كمل وكام للبلكون يكلب بالتلفون كملت شغل باوعتله مخلي السماعات متمدد عالكرسي الهزاز اروح يمه لو عيب اباوع ضلمه بالبلكون بس ضوه الثريه الناعم ممدد رجله عالمحجر اروح واذا شفت رفض منه ارجع قابل ابقى وحدي طلعت جان مغمض والسماعات باذنه حس بيه جيت كعد عدل وبقه رجله متمدده عالمحجر
هسه توكع شحاطتك على راس واحد ديمشي بالشارع هههه ويكون مسوي مصيبه ويكول جتني ضربه من الله
شكد جنت ضايج بس كعدت وحجايتين خربت ضحك باوعتلها حشاشه طاعتي بقيت اباوع بعينها الفرحانه ابد مشايفها بهيج فرحه تك السماعه بذني وصل للتسجيل الصوتي من دتكول ايناس احبك تذكر هالشي درت وجهي راسن عنها نار وصارت بصدري وين دخت بعينمن اياد حتى بموتها تخونها جريت نفس ردت ابقى وحدي وماريد اضوجها ياريت تفهم وتتركني خليت السماعتين وعدت التسجيل حجت كالت بتجر شوكت تطلع للشغل بقيت مغمض سويت نفسي مسمعت
جيلان- تقربت شلت تك واحد ردت احاجي باوعلي بنتره وغضب جره من ايدي ورجعه بقيت جامده رجع غمض عينه نصيت راسي عرفت يريد يبقه وحده تركته ورحت للغرفه تمددت اختنكت هالحركه السواها يعني لتتقربين اكثر عرفت حدودي منا وهيج مااتعداها صبح الصبح واني منايمه مكاني متغير بس اتكلب حسيت انفتح باب غرفته كمت من فراشي عيب اسويله ريوك خو ميطلع بله ريوك طلعت صار بوجهي شايل خاوليه ديفوت للحمام نصبت عيني
شكعدج باوعتها مستغرب
مكدرت انام مكاني متفير
ماشي تتعلمين فتت للحمام كالت تتريك التفتت عليها انتي جوعانه
اني لا بس عادي اتريك وياك
اني ممتعلم اكل من الصبح
همم اسويلك تاكل هناك
دخل اغسل وافكر بعدين
ماشي بقيت انتضر طلع من الحمام ينشف بشعره بالمنشفه وكف كدام المرايه مال هول ومشط باوعلي ابتسم اني ماخوذه بي ضهره وحركات ايده اهتمامه ياخذني لغير حلم بس هو مو يمي مجرد ديساعدني واخجل اكولها حتى لروحي واني لخدمته بس هاي الدنيا هيج كتبت عليه
شبيج صافنه
هيج ها تاكل
اي يله محتاجه شي من جوه وكفت اباوعلها
كالت لا كلشي عدي كمت سويت الجاي وخليت الطاوه شفته سد شباك الهول عالبلكون وطب كال
بارده تره
اي والله بردت شون تحب البيض
اي شي عدنا صمون
اي عدنا
احمي
اي كيفك مبين ماخذ لنص على شغل البيت خطيه سويت بيض وطماطا وهو بصفي يحمي بالصمون بالفرن خله الكواب مال الجاي عالميز وكعدت انتضر تكعد الميز بصف الطباخ بنص متر جابت الطاوه وخلتها مديت ايدي اكل صبت الجاي نزلت ضفيرتها جريتها مبتسم حتطب بالقوري
اي حتى الجاي يصير اندومي
ههههه. خرب ههههه غصيت بالاكل كمت اكح ضربت على ضهري
والله الا اكصه سويتني تصنيف
كمت اكح واضحك جابت كلاص مي شربت راحت الكحه جريت نفس والله صارلي شكد مغاص بالضحكه
دوم تضحك انشاء الله
تسلمين همست نصيت عالاكل تعاي كعدي عاذ حيخلص البيض
اي كعدت سويتلي لفه ودااكل يباوعلي يضحك وينصي عالاكل كمل ونفض ايده
الحمد لله عاشت ايدج يله روحي نامي اليوم العصر ارجع فد ب7
لعد وين تتغده عكدت حاجبي،
هو هناك اكلي شي يسد جوعي
زين شنو عاجبك بليل
اي شي كيفج
اوك هزيت راسي بقه يباوع بعيني مبتسم ديري بالج عروحج زين
اي ابتسمت نصيت راسي
وخلي التلفون يمج خاف ادك عليج
اوك
يله باااي
هلاو اياد طلع كال من وره الباب قفلي الباب ورايه
خوش قفلتها وراح طبيت لفراشي انام التلفون بصفي طفيت الضوه وغفيت واخيرا حسيت ب10 راسن بدلت ونزلت للعمل بقيت اشتغل للل4 مااعرف شسوي اكل وهالشي يفرح ويخوف خاف اسوي شي وهو ميحبه صعدت سويت دجاجه مشويه وكمت انضف بالشقه شلت كل الكربت ونضفت الجواه جنت متشلهه اباوع عالساعه ب5ونص بعد وكته كمت تنضيف فتت عالحماما ت اجلف بيهن
اياد- طبيت سمعت صوت اغنيه كردي وريحه منضفات البيت يلك والفرن بي دجاجه واني عالريوك ووراه جاي وكعك صحت جيلان مديت راسي للحمام مفتوحه الباب جانت مقرفصه دتجلف ورافعه كم رجلها البجامه للركبه نسيت شردت ونسيت عيوني تباوع على رجلها البياض والرشاقه والرجل المحنجله رافعته وتجلف اريد ابعد نضري وترجع تنسحب عيوني. ارتجيت بالباب كتفت ايدي همست جيلان التفتت فازه وجهه عركان وغادبه مي درت عيني
جيلان- وكفت فازه ها جيت من وكت مرد دار عينه نزلت رجلي البجامه داامشي تزحلكت لزمت الحايط وتك ايده مباوعلي بس لزمني وطلعني غسلت الحمام بالمي ونشفته جان بعده واكف يباوعلي ماعرف احس ضايج مني طلعت كدامه
محتاج شي
چچ هزيت راسي بتعب
فتت من يمه طفيت الفرن وطبيت لغرفتي ابدل وطلعت بعده بمكانه واكف كاتف ايده صافن اياد
همم فزيت
شبيك متضايق من شي
لالا جريت نفس الاكل صاير
اي ياه ناكل
اي بس خل ابدل محتاجه شي من جوه
لاجبت كلشي بس تعال اكل
جيت طبيت للغرفه كعدت عالجربايه وصوره رجلها براسي صارت خليت راسي بين ايدي حصرته فركت ايدي بوجهي وكمت لبست هدوم البيت وطلعت كاعده جانت دتكلب بالتلفون من طلعت وكفت كالت يله ناكل
اي همست تقربت كعدت عالميز باوعت للدجاج المشوي باوعتلها منضرها مغري مكان ياسر خالي ابتسمت
باوعتله ودرت وجهي معرفت شكوله اكوله اذا تريد خل يجي لا عيب شنو اكول هيج هسه يكول تريد صديقي ياكل ويانا بلشنا اكل وهو داس ماخذ راحته كلش كيفت من شفته هيج كمل ارتجه كال
انتخمت يابويه بس عاشت ايدج كللش طيبه هاي هم من النت الطريقه
هههه اي
والله عمي رحمه الله والديهم يعلمون العرايس حجيتها بعفويه رفعت. اسي شغتها صافنه عالكلمه نصيت راسي شربت لبن ووكفت اغسل ايدي
راح تطلع
ليش التفتت عكدت حاجبي مستغرب
لا دااسال
حفوت اصلي وارتاح شوي
ها
عدج شي
لا بس دااسال
كتلج اخذي راحتج لتقيدين روحج بيه
لا احب اقيد روحي احب المسووليه
صفنت عليها عفتها وطبيت الغرفه صليت وتمددت بقيت اتكلب مكدرت انام ياسر دك --- الو هاياسر شونك ماشي الحمد لله اي هو اجي وياك نسوي العرس وارجع الله كريم بعد تره 3اسابيع هههه مستعجل الله يسهللكم ويتتمها على خير االله وياك سديته اضحك على سوالفه خليت ايدي على راسي تذكرت التلفون صار عدي ادمان اذا ماسمعه باليوم بالقليل فد اربع مرات ماارتاح خليته باذني وغفيت على صوتها
جيلان- فات للغرفه مطلع بعد عبالي يشرب جاي طفيت الجاي وتمددت عالقنفه اتفرج مسلسل ضايقني شعري فتحته ملفلف اثر الضفيره مهوش بس بترتيب تمددت اتفرج وبعد محسيت
اياد- حسيت ب9 اوهو خربطه برنامج شحينيمني بليل وشيكعدني الفجر طلعت للهول مسطور نومه المغرب تخلي مزاجي معكر اباوع جيلان نايمه عالقنفه بالهول شعرها ناثرته كلش ثخين وملفاف بس شكاره كلش حلو كعدت عالقنفه ام نفر بصف قنفتها النايمه عليها راسها صار قريب صافن على شعرها ملفلف عبالك واحد ملفلفه بتعب موهيج تقربت تلمسته ناعم كلش نازل للكع اباوع على وجهه من نايمه بشره طفل شايله بيضضضه وصااافيه وملامح واضحه شكه عين ورمش اشكر ثخين وحاجب مرفوع بغضب خشم مرتب وشفاف بقيت صافن على شفافها كامت تتحرك عالقنفه جانت لابسه دشداشه فانيله صماكي نص ردن الفانيله طبيعته يحددشفت روحي مدااكدر امنع نفسي اباوع ورغم جمال المنضر بس من داباوع دااختنك. كمت فتت المطبخ حميت الجاي وطلعت للبلكون تذكرت الفديوات مال عرسنا والمهر اني وارنوبه خابرت ريناد كتلها دزيها بيد زوج تماضر عده جيه لهنا رجعت خليت السماعات وتمددت بالبلكون غمضت عيني وي صوتها الحفضت كل كلمه وبعدني اتاثر من تهمس حسيت تك من السماعات وكع تزحلك سمعت صوت جيلان تغني رفعت راسي تغني كردي بس صوتها حلو مديت راسي صح النوم راسن لزمت شعرها تعدل بي تشيله ابتسمت عوفي تره حلو
لالا يمعودداارفعه واضفره
عوفي نترت بيها عكدت حاجبي
يثبرني
هسه ماعدج شي خلي اخذي راحتج
ماخذه راحتي بس اريد اشيله
جريت قراصاتها التربط شعرها بيها خزرتها شداكولج اني بقت واكفه صافنه عليه واني روحي صافنه على روحي شبيه اني ليش دااتمتع بالنضر شعليه منها بعدها يومين اياد بلعت ريك تراجعت ذبيت قراصاتها وعفتها كعدت بالهول عالقنفه اكلب بالتلفزيون شو وجتي كبالي مردت اكعد رجعت الخنكه بوجودها طلعت للبلكون بقيت اسمع تقريب ساعه صارتل11الا شفتها طبت للبلكون تكلب بالتلفون تركتها واني اسمع
جيلان- حيرني بجهازه بقيت اباوع عليه اياد شدتسمع باوعلي ودار وجهه جريت نفس باوعت عالشلال رجعت باوعتله اياد
همممم جريت نفس اريد هدوء كلتها بداخلي
شنو يعني الحب تكدر تفسرلي
باوعتلها مستغرب خلص التسجيل شلته من اذني كعدت عدل كتفت ايدي اباوعلها شعرها نازل لخصرها بثخن عبالك باروكه يخوف بجمال بقت تباوعلي بالعشر دقايق تنتضر جواب
ليش دتسالين متعرفين
اني الاعرفه شخص يهتم بيك باوعت عالشلال يكون معطاء دون مقابل
ممممم
اي واللي تريده يتنفذ مو هيج رفعت حاجبي
نوعا ما جريت نفس بس على كلامج الفقره ميحبون لان ميكدرون ينفذون رغبات اليحبوهم باوعت بوجهه
نوبات تكون مو اله بيها فلوس بتعب
لا الحب مو هيج
شون لعد قربت الكرسي اسمع
ابتسمت الحب ترابط روحين تحسين بحبيبج اذا مر بشي مغاير الحب تذكرت ايناس الحب تعرفين من نضره العين هذا حبيبج اللي تحبيه تصير لغه بالعيون احجي واتخيل عيون ايناس من شافتني وضلت تسال عن ياسر بس من نضرتي عرفتني اني الاحبها مو هو دمعت عيني اباوع عالشلال واحجي الحب معناها تسامح لو شماكان الخطا ينغفر الحب لو حتى مو كدام عينج تحسين بهمه توكفين وياه بمحنته. تخافيت عليه لدوجه الموت من القلق اذا شي صار عليه تعيشين بعالمه جريت نفس حسيت روحي تعبت ودموعي جرت بله ماحس باوعتلها تبجي بهدوء بلعت ريك مثل الصحيت على روحي شبيج جيلان
لالا ماكو شي
حاجيني حاسه هيج شي قبل عدج احد تحبي ومكدرتي ترتبطين بي احجيلي اساعدج
لالا والله وكفت جرني من ايدي بهدوء
كعدي بس داحاجيج
ها نصيت راسي
ليش تبجين
باوعتله اول مره اشوف رجال يبجي على مره
صفنت على روحي اني بجيت جريت نفس ابتسمت هزيت راسي باوعتلها وارتجيت تنهدت الله كاتب هيج
صح برطمت بس انت خطيه حباب حرامات هيج يصير بيك
لا لتخافين اني مو حباب وكل الصار بيه عقاب
بقيت صافنه ليش
تردين تسمعين
بقيت ساكته مااعرف شكوله اي لو لا اخاف يكول لتتدخلين
تردين تسمعين عدتها شفت صفنتها الحايره
كيفك انت
لعد دسمعي حتى تعرفين ليش داابجي وليش اني صار بيه هيج
هزيت راسي اي
حجيتلها من بدايه العلاقه وشون صارت وشون قشمرت عليه. وكتلها اني ياسر لان منعجبه بيه كانت ومتنطيني مجال الي جانت تسمع وحركات وجهه تبينلي شكد جنت ناقص كملت كلام شون بلشت علاقتنا وتركت كل البنات علمودها وشون حبيتها وشون جنت ارتبك اني وياسر من تجي للجامعه مالتنا غفل او بترتيب موعد وشون لكفتني بالمستشفى. وعرفت اني منو وشون رجعتها ووووووو لحد ما وصلت لنور كمت احجي وادخن ودموعي تحرك بروحي تقربت مني ايدها على كتفي ودموعها ويايه تجري وصلت لحد من لكفتني وتسمعني التسجيل جنت ميت خوف عليها لتسقط من الانهيار الجانت بي والنربه اني المعاجبني اتعارك وياها اكولها اطلع قهر الله بيج نصيت اشهك وابجي
جيلان- ركضت جبت كلاص مي اشرب اياد الله يخليك كافي
ماريد خلته عالطبله مسحت دمرعي واحجي بحركان دم الله اخذها مني لان متستحقني عافتني وحدي محد الي اشهك فاقد الكل مللو وعافوني لعبت روحهم
اياد عفيه لتبجي اني اني موجوده ماعوفك والله لو شماصاركمت اطب طب على كتفه اهديه بس فقد بعصبيه وبجي كابتهن عبالك واني اسكت بي واتوسل الله يخليك كافي والله اني ماعوفك وياك ابقى
شنو تبقين ويايه انتي شنووو دفعتها قوي اني حبيبتي راحت امي امي كامت متكفيني دفرت الكلاص وكفت اريد امشي دخت رجعت كعدت اباوعلها تشهك مبتعده عني بالزاويه مال بلكون بلعت ريك اباوع الكزاز داير مدايري اني شسويت باوعتلها خايفه واكفه مرتجيه بالمجر مال بلكون ضهرها عليه همست تعاي لتوكعين هزت راسها لا
استغفر الله مابيه شي لتخافين
تخوف صرت كلتها وارجف تحول هذا الكائن الهاديء صار يخوف
لتخافين اني جريت نفس حنزل اخذي راحتج ساعه واصعد
هزيت راسي بس ردته يطلع رجع وكف ورجع كعد دايخ باوعتله شبيك كلتها بقلق
دايخ ممتوازن غطيت وجهي بايدي
ليش متتتمدد عالكرسي الهزاز باوعلي بحيره غمض عينه تمدد تحركت من مكاني ورحت للهول صافنه على ضهره واتذكر عصبيته وغضبه. تقربت شفته مغمض عينه جبت الجرجف غطيته لميت الكزاز بهدوء همس
جيلان
فزيت ابتعدت
جيلان تعاي
تقربت منه بحذر نعم
باوعت بعينها المكحله بدمعها جريت نفس بعد لتحاولين تفتحين موضوع ويايه بالنسبه الي كل المواضيع نهايتها هي مرتي ولتتوقعين اني اكدر اطيب بعدها راح ابقى هيج وعاجبني وضعي
هزيت راسي موافقه دار وجهه عفته وطلعت من البلكون فتت لغرفتي نزغت دشداشتي بقيت باللي تحت الملابس الطويل مثل دشداشه نوم بقيت اتفرج على روحي جريت نفس هم يجي يوم يحبني مثلها طفيت الضوه وتمددت انام سمعته طلع من البلمون قفل الباب وطب لغرفته صارت ب2 واني منايمه قررت مااحتك بي بعد لا اتعبه ولا ااذي احضرله الاكل والملبس واتركه ماحاجي صبح الصبح حضرتله ريوك قبل ليطلع من غرفته الاكل جاهز طلع شافني صابه مباوعت بوجهه تركته براحته جان يراقب بحذر وميحجي كعد اكل طبيت للغرفه شوي وسمعته طلع وقفل الباب طلعت تريكت ولملمت الهوسه ونضفت وغسلت هدومه وهدومي حتى الاحذيه مسحتهن وبدلت ورحت لشغلي اليوم كلبي مقبوض كلش سولفت وي اساور شوي وكمل شفتي اخذت ضلوع من اللحام مال مكروز وصعدت احضر العشا بملل طبيت للشقه خليت الضلوع عالطباخ وطلعت تمن كلت اسوي طبيت بدلت وطلعت كملت طبخ ضفرت شعري سمعت قفل الباب وكفت طب باوعلي كال السلام عليكم
عليكم السلام
بقيت اباوع بعينها متباوعلي جريت نفس طبيت لغرفتي بدلت وطلعت كعدت بالهول اباوعلها بالمطبخ تسوي زلاطه محجت شي كلتلتها الاكل صاير
اي هزيت راسي من دون ماباوعله كوم تفضل
كمت من مكاني كعدت عالميز قربت الاكل مبين يشهي باوعتلها متباوعلي ولا ترد جريت نفس تاكلين
لا شبعانه عفته كعدت وراه عالقنفه
كومي اكلي التفتت عليها
باوعتله ممشتهيه واله
اني هم ممشتهي ذبيت الخاشوكه بقيت اباوعلها بطرف عيني كامت كعدت كدامي تاكل صبت لروحها وصبتلي اباوع عليها ضايجه تركتها براحتها مرت ايام وهي على هالحاله واني تاركها براحتها بس هدوء البينا كمت امل منه بس محجيت شي اطلع من ارجع العصر ولليل يله اطب حتى مااحتك بيها مشت الايام على هالحال هي مرتاحه واني مرتاح نوعا ما كمنا منحجي ابد فعلا صارت خادمه البيت يخبل اطيب الاكل وهدومي داءما نضيفه واني وياها كلمه منحجي اغلب الوكت اني بغرفتي وهي بغرفتها مر شهر على زواجنا عكب باجر ياسر يمشي لبغداد حضر اوراق نقله وبلش تحضيرات العرس اليوم طلعت للشغل الصبح محضره الريوك مثل كل يوم
جيلان- طلع وراها ممت عالبيت حسيت روحي مكسله خابرت اساور كتلها ماانزل اليوم نضفت لمحت جهاز التلفون والسماعات بغرفته عالميز صار عدي فضول اسمع الديسمعه كل يوم فتحت التسجيل الجان اخر شي فاتحه والسماعات باذني سمعته جسمي كله قشعر كعدت مكدرت اىكف بعد سمعت واحد واحد صوت وحده تحتضر وتحاجي حبيبها فقدت كمت اشهك وابجي غطيت وجهي بيدي والسماعات باذني بعدني بغرفته حسيت ايد تجر تك من السماعه التفتت خايفه رجعت ليوره نزعت السماعات ابتعد وماده ايدي انطيهيا بقه يباوعلي بعتب اخذ الجهاز طفه التسجيل وخلاه بالمجر باوعلي خزرني
ردت اطلع منطاني مجال وكف كدامي نصيت راسي
اسفه همست
ليش دتبجين
مادري برطمت صوتها اشرت بيدي مبعده نضري عننه ضميت وجهي ابجي
جيلان تنهدت كافي دتصعبيها عليه جريت حسره لعد اني شكول
مسحت دموعي باوعتله طبعا انت جبل واللله
هزيت راسي رحمله والديج باوعت بعينها مشتاق لزراكها بقت واكفه كدامي البعد بيننا شبرين دك تلفوني فاروق الو اباوع بعينها واحجي هلاو الحمد لله جريت نفس اشرتلي تاكل هزيت راسي اي طلعت من الغرفه وراها كعدت بالهول كال
خال امي نطاك عمره
لا بربك وضاح
اي
الى رحمه الله شموته بعده صغير
انفجار وراح الله يرحمه كول لياسر امي تكول للاربعين يله العرس
خو خل ريناد تكول هسه يكفر
شنسوي يعني زين انت متجي
شيجيبني
ولك عيب للفاتحه
فاروق باجر طالع لحاج عمران عدي كومه شغل شهر يله ارجع انتو بمكاني
كيفك اي شونك وي جيلان
باوعت عليها صافنه عليه مستغربه جاوبت فاروق زين الحمد لله
اي شصار مصار
شصار يعني هي بحالها واني بحالي همست يله يابه مع السلامه اروح اكل
ماشي الله وياك
سديته باوعتلها بعدها تباوعلي بنضره مستغربه---- ها صبيتي
اي همست دااطب للغرفه كال تعاي اكلي ويايه رجعت كعدت باوعتله حتروح لحاج عمران
اي باوعتلها ونصيت عدي شغل مشروع تجهيز شهر اقل الشهر وارجع
هزيت راسي موافقه بقلق منصي وياكل ويحجي كال
اساور تكدر تجي تبات هنا
اي عادي جريت نفس هسه هم اسالها
اي الحارس هم اكدت عليه يدير باله ماكو شي ودلشاد هم جوه واذا تردين ترحين بيت خالج
لا ابقى همست بقيت اباوع بعينه باوعلي. ونصه عالاكل بقيت بحيره شون حبقى هنا يله اسو ويايه كمل عشا وفات سبح وكالعاده طلع لليل يله ب12دخل للشقه جنت داحضر معجنات وكيك نجح وفرحانه بي
اياد- هاي شنو عكدت حاجبي الريحه تخبل
سويت شويه معجنات تفيدك هناك
لا يابه هههه صدك بقيت اكلب كلسا ملككمن صنف تذكرت كيك جانت تسوي ايناس --- عاشت ايدج شي اطيب من شي
عافيات
دك تلفوني ياسر
الو وينك لك
بالمكبره وييين بعد ماعدكم احد يموت
اكل تبن لك ارعن رجال وراح بانفجار
اي وقبل ليطلع اربعينه يموت نفر لخ
استغفر الله من فالك شبيك يول
اريد اتزوج شون يعني ليش اجلووو للعرس
يابه خال امي مو زين مكلولك للسنه
لك دطييير سنه هي مرته لخال امك عالاربعين تتزوج
ههههه استغفر الله والله انت ناقص
باجر طالع
اي
ديربالك لتموت يمعود
لتخاف ههه ديله الله وياك سديته اضحك على سوالفه باوعت لجيلان تلفلف بالغراض باوعتلها محتاجه شي
لا سلامتك همست رتبت مثل العلاكه وطبيت احضر هدومه حسيته طب ورايه لغرفته اخليلك خمس غيارات
براحتج وكفت يم المرايه نزعت تيشرترالتراك بقيت بالفانيلا
باوعتله ودرت وجهي رتبت جنطته وحضرت كلشي التفتت شفته تمدد لزم تلفون ايناس باوعلي وخله السماعه
المعطر لتنسي
لا خليته يله تصبح على خير
جيلان
نعم
مخلي 5اوراق عالرف مصروف هالشهر
لاهواي عضيت شفتي
اذا بقت عود من اجي طياني
اوك سديت الباب صاح الضوه وياج طفيته وطلعت خابرت اساور دكه وسديته عيب ب2خاف نايمه بس رجعت دكتلي كتلها حيسافر كالت اييي نلعب جوله بالبيت يوميه ضحكتني واحب حيويتها وسوالفها الىحيده الاحسها على كلبي خايفه صدك عليه طلع الفجر واني كاعده حسيت فتح باب غرفته طلعت راسن خليت الجاي عالنار طلع من الحمام ينشف بشعره مثل كل يوم كال
صباح الخير
بوكت انكطع بي كل كلامنا كمنا منصبح ولا نحجي اي شي اليوم رجع صبح عليه باوعتله والتفتت صباح النور تاكل
اي هسه ابدل واجي جريت نفس شايل هم شون حسافر واعوفها بدلت وطلعت اكل خلت الجاي يمي باوعتلها صفح انتي هم اكلي همست
ماريد والله
بعد شهر يله اكعد هالكعده وياج
باوعت بعينه من هسه اشتاقيله رغم كلامنا المعدوم بس وجوده كافيني طالت النضره اشرلي بركبته يله هزيت راسي موافقه كعدت كدامه اكل ضل ياكل لحد مكمل شرب جايه ووكف مستعجل وكفت وياه باوعلي مستغرب ابتسم دير بالج عروحج
الله كريم
تردين شي مناك
لا سلامتك
ياه مع السلامه طتني الجنطه مال غراض اخذتها واخذت جنطتي وطلعت بالسياره لموقع العمل وي قلقي
جيلان- ساعتين ودكت اساور كالت حجي كتلها تعاي صعدت فتحت الباب طبت تكمز بالكردي وتكول وحدنا وحدنا خربت ضحك
اساور- راح العب بيج طوبه هذا شعرج اليريد يليف بي اله اسوي مسرح وينزل مي وتراكسوداتج اللي بيبيتي متلبسها الا ابدلها كلها
دمشي لج
يوميه ركص وفرفشه نعلي المسجل ونردح ونتمكيج وناكل كلشي نريد
ابتسمت الافكار عجبتني
ونسوي نركيله بالبلكون
لالهنا كافي ماريد تدخين عيوني موزين عليها اروح اعمه مره لخ
اوك لعد نشرب حليب وككو
هههه مخبله والله يله خل نتزل دلشاد حيفصلنا عدنا وكت طويل نسولف بي
ههه بدلت ونزلت اياد سافر منا واني اساور استلمتني اضافري يوم بدي كير ومونيكير ويوم سوت شعري تسريح دائمي صار يخبل صرفت من فلوسي وهي بالبيت سوته اكثر شي ارتاحيت عليه هو التسريح خلصت من شعري بحيث كل يوم من اكعد من النوم انسى عبالي كرعه من كد نعومته طول هواي عن حده الطبيعي. مرت اربعه ايام واني كلش متونسه وياها لفينا كبه كومه وخليناها لالفريز علمتني عالبورك وكل انواع الكبب بليل نعلي المسجل بالغرفه الجوه ونمعد نركص نفسيتي كلش ارتاحت رغم اشتياقي لاياد وباليوم الخامس دك تلفوني اياد
رديت بالو متلهفه
الو هلو جيلان
هلاو اياد شونك
الحمد لله عذريني مكدرت اخابر والله لل2يله انام
لا عادي
سولفيلي شون كاضيتها خو ماكو شي بالي يمج
لا مامو شي اساور يمي تقلد هههههه
شبيج تضحكين
لا هيج اساور يمي
ها متونسه يعني
اي اي كلش،ممحتاجه شي
لالا سلامتك شوكت تجي
بعد ليش دتسالين
ها لا هيج بس داشوف
بعد اطول الشهر كله اكله اذا ضجتي روحي لبيت خالج خالتج بس ديري بالج عروحج
لا عيني هنا مرتاحه واساور تصنيف
يله براحتج جريت نفس مدتطلعين
لا والله
ليش اطلعي غيري جو وي صديقتج
ها
اي والله
خوش هسه اشوف اكلت من المعجنان
لا بس ام الجبن خلصت والحلوه هم طبعا دااكل ريوكي بيها بس الكيم بليل احبه كلش طيب
بالعافيه جريت نفس
يله محتاجه شي
لا
مع السلامه سديته منها نبره الفرح والضحك بصوتها مريحه بس يبقى هاجس الخوف عدي رجعت لشغلي ايام مرت بصعوبه كملت 3اسابيع كمت كل اربع ايام اخابرها تحجي شويه تكول طلعنا اشتريت كم غرض تسولف وتضحك اني ابقه مستمع براحه مدامها مرتاحه
جيلان- احلى هدوم اخذت والوانها لو احمر لو جويتي اساور ذوقها يجنن بالهدوم كالت خلي ذيج للشغل المفروض عكب باجر يبين اياد بهالفتره لزمت شغتين حتى يمشي الوكت واحصل فلوس اكثر وبيوم الفجر جنت كاعده ولابسه دشداشه نوم كحلي قصيره وقبل بيومين اساور مسويه جسمي اساور كانت نايمه واني بالهول مكدرت انام بيومها بقيت اكلب بالتليفون رفعت رجلي عالميز مال طعام وكعدت عالكرسي باب الشقه بضهري من النوع اذا سديناه من جوه ينقفل من بره الا مفتاح يله يفتح شعري فليته بنعومته نازل مرجيه راسي عالكرسي اسمع اغاني كرديه هاديه مغمضه عيني والسماعات باذني ---
اياد- كملت شغل بليل والولد كالو حنرجع هسه يمعودين بعد الطريق كالو الطريق يخبل وسلس مو مثل عقره وسالفه ساعتين انت بدهوك ومليان اضويه اني هم ردت ارجع غفل بالي يمها وصلت الفجريه طبيت فتحت الباب عكدت حاجبي شعر اشكر مي ناعم يلمع ورجل محطوطه عالميز هلكد بيضه بلبس نوم مغري يتضارب وي بياض بشرتها شبيه تعب راح وجسمي انقاد بدون ماحس باتجاهه منو جيلان هاي بلعت ريك لاشعرها مكسر تقربت بخوف لتكون اساور لا اساور سمره بلعت ريك ذبيت غراضي رجعت راسها ليوره سماعات باذنها مغمضه عينها جيلان هاي شون افززها اطلع صوت بقيت بس اباوع مميل ركبتي واطرافي ترجف فتحت عينها بثكل شافتني كمزت من الكرسي وكعت وراحت ركض للغرفه كلشي بيها يتحرك وي حركتها واني احرك راسي باتجاهها بله ماحي عروحي ذبيت الغراض سمعتها تكعد اساور تحاجيها كردي عضيت اصبعي غمضت عيني وتالي شون بعيني هم راح تبقى محفوره هالصوره بدماغي طبيت لغرفتي بعدما تاكدت انه اساور بالغرفه الثانيه تمددت. انام تعبان من الطريق ومن الشفته غفيت بتعب حسيت ب 10 على طبكه الباب مال الشقه كعدت طلعت بالهول الريوك محضر ومغطه كعدت اكل باوعت بالسنك صدو دجاج دتموعه بالطاسه باوعت بالبلكون المنشر شاره هذومي اللي جبتهن منالشغل جريت نفس بدلت ونزلت لشغلي اروح لضافر فتت من يم المكروز جانت دترتب بالغراض التفتت عالجام باوعتلي نصت طبيت للمكروز ابتسم واحاول امحي الصوره الشفتها بيها بس وين بس شفتها تذكرت وتخيلتها تقربت منها نصت راسها
هلاو شونج شو باعيني يابه عادي تحدث بارقى العوائل مباوعت عليج رفعت راسها خدودها مورده
حمد الله عسلامتك
ابتسمت الله يسلمج ضحكت جريت نفس بيش ساعه تخلصين
نفس كل يوم ب4
زين تنهدت تنهيده طويله صافن عليها يله نتشاوف بالشقه من تصعدين جيبي لبن وياج
اوك هزيت راسي طلع غميت روحي شكد غبيه كملت شغل وصعدت سويت صاج دجاج وحضرت مقبلات صارت شهيه بقيت انتضر ماكو لزمت التلفون اخجل اخابره ذبيته كعدت عالميز جوعانه يربي طب وكفت بتراكسود الاحمر رافعه شعري عاليدالترامسود لاهو ضيق ولاهو عريض مرتب بس لونه واكعلي بقه يباوعلي مبتسم
ها يابه
الله يساعدك
الله يسلمج جوعتج مو
اي يعني عقجت عيني بابتسامه وميلت راسي بقه يباوعلي. تقرب للميز وكعد
متبدل
لا راسن ووراه اغسل حتى
براحتك
شمسويه
صاج صار كلش طيب
كلشي من ايدج يامحلاه كلتها منصي راسي عالمقبلات توقعت من جوه جايبتها اكلت اووو هاي جديده
توني سويتها
انتي
اي اني هه
عاشت ايدج والله اطيب من مال مطعم
بالعافيه تنهدت براحه صار هواي مكاعد كدامي ياكل كمل اكل وتمدد تعبان ؟
اي والله هلكان غمضت عيني كمت اغفي وبعدها محسيت بشي
خطيه شكد تعبان جبت جرجف غطيته لزم الطرف واندار براحه صفن فتح عينه عاكد حاجبه جنت قريبه ونازل شعري عليه داانزل مخدته العاليه باوعلي عاكد حاجبه وراها كام يغفي رمش رمشه والثانيه والثالثه بيها غفه ياالله خطيه تجرات اتلمس شعره وترددت رجعت ليوره كملت شغلي وطبيت الغرفه تمددت افكر بي وبالشافه شكد عيب بس اني همزين جنت طالعه حلوه خابرت اساور اسولف وياها كالت راح اطلع لتركيا سبوعين وارجع تغير جو كيفتلها كلش ---
يتبع
حلقه باجر من الحلقات الرائعه
انتضروني
مريم السعدي
ان
