اياد- نصيت خايف من روحي وتعبان من توتري
جيلان- اياد نام هنا اني اضل كاعده يمك
منعسانه
لا النهاركله نايمه
تقربت انام وشداحس مااعرف نمت واباوعلها كاعده بصفي غطتني جريت ايدها على صدري وبقيت لازمها اخذت عكس صفح درت وجهي عليها منصفح اباوع بعينها وبابتسامتها ابتسمت كمت اغفي شوي وغفيت حسيت عالمنبه ب5فكيت عيني نايمه بصفي وبعدها ايدها على صدري بست ايدها انداريت صفح وخليتها تحضني غمضت اريد ارجع انام بعدني نعسان رجع دك المنبه كمت كعدت جريت نفس باوعتها تفرك بعينها باوعتلي تبتسم
صباح الخير
هلاو صباح النور
نتريك
اي اي هزيت راسي براحه طلعت من غرفتها بدلت بغرفتي وطلعت للمطبخ تريكنا اليوم متروحين للشغل
لا ماروح ابتسمت
ماريد تطلعين مننا
ميخالف همست اباوعله بحب
جيلان
ها
دتحسين خانكج مو
لالا والله
اني راح ارجع من وكت
اوكي انتضرك
يله حروح في امان الله وكفت تنهدت باوعتلها مبتسم محتاجه شي وكفت اتجهت باتجاهي
راح اشتاقلك تقربت حضنته محضنني بقه يباوعلي مبتسم داوخر جرني حضنني ويشم بيه
راح ارجع والكاج مو
اكيد تلكاني
ماشي يله مع السلامه
باي سد الباب وقفلها وطلع بقيت اتلفت مبتسمه براحه اوف ياحضنه تحاجيت وياسو كالت حدزلج الثوب الاسود الكصير الستن تلبسي جريت نفس اوك نضفت البيت وسويت تمن تاجينه وطبيت مكيجت جنت كلش فرحانه لبست الثوب الدزته اسو فوتته من جوه الباب واحنا خربانين ضحك اني وياها لبسته يخبل عليه واصل شبر فوك ركبتي نزلت شعري وشلته كبه عاليه كيمونه الثوب وجزء من جوه الركبه مبين فتحه الصدر لبست حذاء وياه جنت شبه طايره كملت كلشي وطلعت للبلكون احنا اول طابق ميشرف ابارع الساعه ب3 بعد وكت لجيته خليت السماعات باذني اسمع اغاني هادئه واجسدها عليه حسيت ايد عله وجهي من وره تتلمس وجهي فتحت عيني اياد فوك راسي مبتسم نزعت السماعات حضنته مبتسم اشتاقيتلك
مكدرت حتى اخابرج مصار لي مجال والله
عادي غير عدك شغل بقه يباوعلي من فوك ليجوه
ليش هيج دتسوين بيه
شداسوي ابتسمت خله ايده بجيبه يباوع بحيره
اياد تعال
وين همست جرتني من ايدي للمطبخ صبت الاكل ذبيت القميص واباوع على حركاتها من تمشي بدلع الحذاء وي رجلها تعبت لزمت راسي وفركت وجهي كعدت كدامي ادري بيها تتماناني واتمناها اكثر بس اخاف اقترب منها وروحي ترفضها وترجع تتاذه اكلنا وصلت الجاي تسولف وتضحك واني صافن بضحكتها وكفت
ها وين
حطب اغسل
اوك طب للحمام حضرتله هدومه وطلع لبسهن وكعد بالهول كعدت كباله خليت يمه كرزات يباوعلي ذايب ويدير وجهه يهز برجله كعدت بصفه باوعلي على كيفه همس ريحتج تخبل
ههه خليت عطر طيب تلفون ايناس يمه عالطبله ملت على جسمه اخذته لزم شعريتلمسه جر راسي على صدره بقيت شوي دكات كلبه سريعه رفعت راسي باوعتله كال
عوفي الجهاز
اريد اشوف وياك
تنهدت ليش باوعتلها شتسوين بيهن
حباب اريد اشوفها
تنهدت رفعت راسي ليفوك اخذت التلفون وفتحته شتتفرجين
كلشي همست خليت اصبعي بحلكي
طبيت عالصور تنهدت شوفي هاي بالجامعه
ممم همست حلوه
تنهدت هاي بالبيت باعي هنا البلكونه شوفي
ها باوعتله كعدت عدل شنوجانت تكولك ياكلمه تحبها
جانت تكولي نقطه ضعفي احب هالكلمه غمضت عيني ارتجيت عالقنفه رجيت راسي حبيب كلبي مجانت توكع من حلكها
اي بعد
باوعتلها شتردين جيلان
ضحكت غمض عينك
ليش عكدت حاجبي
غمض كتله مديت ايدي على وجهه غمضت عينه بايدي همست باذنه تخيلني هي شتصيحها جنت همست
ارنوبتي
تخيلني هي جريت ايده مشيتها على وجهي على كيفي كام يتنفس سريع ساكت
حبيب كلبي همس باذنه قربت وجهي على وجهه بست راسه شهك لازم اكسر خجلي اياد لازم يكسر الحاجز بسته من خده بديت استصعبها بخجلي وضعفه بيدي جبل دينهار
همست باذنه حبيب كلبي همس ها جان يرجف يدور شفتي مغمض عينه خليت شفتي تلامس شفته جرني بقوه باسني احساس صعب دخت بي وكت الجنت اني سيده الموقف صرت فراشه مستمر يبوسني ويرجف ويجر نفس متنهد مدااعرف شديصير بيه وجع ببطني وراسي ممتوازن وكلبي يرجف كام يجرني من وجهي باسني بقوته ابتعد مغمض عينه همست نقطه ضعفي انت روحي ترجف بس المخليني ماروح كلي لعالمه خياله انه اني ايناس لزك كصتي بكصته وخشمه بخشمي يحركه برقه لازم وجهي
جريت ايده على ركبتي كام يهمس
بس كافي حموت والله
اني منو اياد
انتي ارجف بيدها انتي جيلان
فتحت عيني باوعتله فتح عينه على كيفه دمعت عيني انتي جيلان
اختنكت جيلان جريتها قوي لحضني جيلان انتي بجيت ارجف
ليش تبجي لزمت وجهه ابتعدت لتبجي ملازم لتقترب
اريدج باوعت بعينها مسحت دموعي بيدها والله اريدج بس اخاف باخر لحضه انهزم منج وتعوفيني
اني موجوده يمك ماعوفك همست اباوع بعينه واحجي يباوع لشفافي شوكت متريدني بين ايدك اكون لحد ميطيب جرحك
هزيت راسي جريتها حضنتها اخاف اقصر وياج
بس هاي عدي بالدنيا بس حضنتك تكفيني
داحس روحي اموت من دونج
اني هم والله
دااحس اذا طلعتي تطلع روحي ابتعدت تباوعلي
مااطلع همست بسته من نبضه غمض همس بعد اخذيني من هالدنيا تعبان جريت ايدها اخذته لغرفته يباوع على جسمي من امشي
نام عالقريوله
بلعت ريك نزعت قميص التراك وتمددت اباوع عليها شحتسوي الثوب كصيف مديخليها تتحرك براحه لزمت ايدها اني نايم وهي واكفه
جيلان لبسي اللي لبستي ذيج المره
شنو ابتسمت بمكر سيت النوم
هزيت راسي بخجل اي
اوك رحت لغرفتي لبسته صافنه على روحي بالمرايه اني منين جتني الجراه فليت شعري وخليت حمره طوختها وزيدت عطري رحت لغرفته اندار عليه ابتسم خله ايده على عينه جر نفس تقربت بعدت ايده غمض اذا تريد
لا اريد اشوفج تدوخيني بجمالج
فكيت عيني ابتسمت كام يطلع الحجي تقربت بسته برقه يباوع لشفتي يريد اوديها على شفته تذكرت كلام دلول شلعي كلبه يله سوي اليريده بسته من راسه غمض نزلت عينه بسته من خده بده يتنفس سريع وبصوت عالي بسته من ركبته
بوسيني اريد شفتج كلتها ارجف
بسته على كيفي جرني شعري نزل عليه حسيت جرني بقوته نام عليه باوع بعيني رفع جسمه بايده صافن عليه عكد حاجبه لزمته من وجهه قربت وجهه بالكوه رجع تواصل ويايه اعتراني الخوف وبديت اتندم من حركاته ايده الفقدت بده يرجف ويحجي واني اذوب بده يريد كلشي واني تندمت تقربت حسيت روحي صارت صدك دفعته نتر لتدفعيين خزرني
اي اي همست بلعت ريك رجع تواصل جان وجهه يخوف واحسه خايف يخذلني رغم المي بس تحملت ساكته ردته ياخذ عليه دموعي خذلتني بعدها ابتعد باوع بعيني همس متنهد اسف مسح دموعي والله اسف
كمت للحمام صاح بهدوء
جيلان وين رايحه
للحمام مسحت دموعي
تعاي نامي اشرتلها تغطي بروحها بالروب رجعت يمي نامت جريتها لصدري نامت على صدري واتلمس ببشرتها وشعرها همست
صرت مرتك
اي هزيت راسي تنهدت اي
خو مكارهني
لا باوعت بعينها بستها من راسها جريت نفس الحياه لازم تستمر
اياد حيجي يوم تحبني
انشاء الله ابتسمت الها
ضربته على صدره انت مو مريض نصيت راسي
طيبتيني بستها من راسها حضنتها قوي
اريد ارجع عميه هههه
ليش هيج موحلو وجهي
لا تخبل
لعد ليش
اريد ارجع للكوخ وارجع احبك من جديد ههه
حبيتيني
اي هناك من كعدنا بالحديقه البره تتذكر
اي كتيلي اوصفلي صديقتي ههههك
اي اي والله. صح
هاي شبيج باوعت بعينها تره اني والله
ههه. اي انت حضنته قوي تتذكر من كتلي دشداشتج مشكوكه
اي تردين تطلعين بره ديصير دبك عالجبل حتى
هههه بسته من ركبته والله لو يدري عمي
ههه باوعتلها يعني انتي تندلين مكانه
بقيت صافنه بوجهه هزيت راسي اي
اوديج تشوفي
بقيت صافنه
بعدج مواثقه بيه مو
لا موهيج
لعد شنو
بس مضابطه المكان بس اسم
مممم اذا عدجج تليفون هاي تتخابرين وياه واوديج اريد اساعده والله العضيم
انشاء الله---
جيلان- تتوقعون قصتنا لهنا كملت مامعناه كلمن تزوج ارتاح ومصارت عده مشاكل بعد لا غلط المشاكل هي تقوي العلاقه الزوجيه وهي تشتتها الزواج معناه قابليه تحمل وصبر الطرفين للاخر بالنسبه الي اني جيلان اياد اذا صار عصبي حتكون نضرتي الهادئه لعيونه العصبيه وسكوتي هو دواه وبعد ما يبرد اعاتبه ونحل الموضوع الاحترام سيد الحلول والهدوء بلسم للعلاقه الزوجيه بالنسبه لاياد حبيبي كضينا اول شهر مقترب مني بعد بس جان مينام اذا ميلفني بحضنه واجه يوم العطله وضل بالبيت واني تقربت وتركته اجاني بلهفه ورجعني للغرفه علاقتنا تخبل بس كلمه احبج مكالها وميهمني الكلام بكد الفعل دلاله الي وتعلقه بيه حسسني باهميتي بحياته اذا تاخر بالشغل يخابر يكول مشتاقلج واذا كان عده سفره ولو يومين ميت كني ياخذني وياه لمكان عمله يستاجر قريب عليه ويرتاح كنت كلش طايره بتعلقه بيه مرت سنه على زواجنا بدينا نغني سوه ونركص سوه تعلمت اصلي وراه تعلمت احتويه رغم صفناته نوبات احسه يريد يبقى وحده اتركه بس خمس دقايق يصيح
وينج جيلان اجيه ركض ويكولي لتعوفيني دقيقه شبح ايناس طلع من بيننا رغم موجوده بصفته اليوم اني بحاج عمران وياه بعد مارجع من العمل وداني للمصيف دناكل مشاوي ولعبت نفسي ابتعدت على صفحه ركض ورايه اياد صار يخاف يصيبني اي شي يخاف يفقدني الفاقد عزيز يخاف يفقد بعد التفتت عليه مامو شي بس شوي لعبت نفسي رجعنا للبيت حجيت وي اسو كالت روحي حللي مكتله هالشي بس كتله مريضه اخذني دكتوره بس جان قلق ميت مره سال شيوجعج واحلف والله مبيه اي شي يوجعني بس بطني شويه يهز رجله متوتر اخذنا التحليل جان مستغرب وخايف شوي وبشرتنه بالحمل التفت عليه دمعت عينه
جنتي تدرين
حاسه
جيلان تدرين شدااحس هسه
ابتسمت شنو عيني شدتحس حبيبي
دااحس احبج اني داحبج وانتي تحسين بحبي بس اخجل اكولها وهسه صرتيلي دنيا
ابتسمت بسته من راسه قصتنا تكللت واياد الحمد لله صار دنيتي تتوقعون شنو اخبار الباقين ------
نتابع البارت القادم
حبايب كلبي البارت بي هواي +18وتركت قلمي حر الله يخليكم العدها مراهقه تراقب بنتها
والمتزوجه احتوي زوجج
مريم السعدي
