جيلان- منمت للصبح مخنوكه وابجي الفجر كمت من فراشي طبيت اغسل لان حسيت روحي صدك وصخه مااعرف ليش لبست شي مستور وطلعت لكيته ديبدل وديجر الحزام من بنطرونه ديروح للشغل مباوعتله كانما مموجود
اياد- مدايرتلي بال كارهتني احسن خل تعرف حدودها ومتسمع من هاي وذيج نزلت جوه صار بوجهي فاروق دتلمس ببطن دره مبتسم من دخلت ابتعد وكف عدل باوعلي اني مبين عليه الغضب باوعت لدره خزرتها حجايه محجيت عفت البيت وطلعت
فاروق- شبي هذا ياستار شبي وياج
دره- شمدريني
فاروق- اياااد تعال تريك مرد وسد الباب وراح انداريت عكدت حاجبي مستغرب طلعت امي كالت يمه منودي ريوك لاختك قبل لتروح
هههه يمه ريناد بالمطار الناقص مسويلها مفاجاه وحاجز للبنان هسه دز رساله مال بالعافيه عليكم الكيمر اني بالمطار باعيهم بالصوره باعي بتج شاركه حلكها
يايمه فدوه لعينها لج دره خلفي بسع احس البيت فرغ من البنات
اي خاله بعيني باجر اجيب هههههه قابل هو بكيفي
فاروق- يمه كلها شهرين وتجينا وحده وكححه
دره- هسه شمتفاولي وكحه يله روح الله وباك
في امان الله طلعت
جيلان- نزلت عطشانه مي اخذ من البراد دره وخاله بالمطبخ صباح الخير كلتها بتعب
دره- هلاو يله تعاي نتري-- جيلان هاي شبيج
مابيه
عيونج مورمه خاله مومورمه
اي يمه ورمت ياعزه ضربوها بعين شون خاف يرجع نضرج اسم الله ياستار يقل
لا خاله شوي مالي خلك باوعت لدره برطمت
دره- زين خاله اني حصعد انام
اي يمه براحتج باوعت لجيلان جرتها دره صعدو فوك الله يهديكم
دره- صعدنا فوك طببتها لغرفتي اول مطبت بجت
شبيج
حقير حقير كمت اشهك وابجي منصيه
كافي بس لتبجين
شكد اكرهه
هااا ولج ههه شو باعيني يمعوده عيونج هاي شون قهر
باوعتلها مسحت عيوني كالت
شنو رفضج
ضربني
جووووذب
والله وكلي اذا تقربتي مني متدرين شيصيرلج
مممم زين عوفي هسه هملي ابد لتحاجي
اصلا مالي نفس اباوع بوجهه
اي لتباعين زين دره اني الكتلج وي دلال
اي ضل يلح كتله خليت ايدي على حلكي والله موقصدي بس ضل ياذيني لحد محجيت
ولا يهمج عمري عساس اني شون خايفه منه روحي نامي ام عيون منفخه وماوصيج بعد
اي
ولا تهتمين ولا تحاجي
اي اي
يله روحي نامي راحت لغرفتها وسدت الباب تمسح بعينها ياحيف عالزلم كدر عاليتيمه جريت نفس رجعت نمت احس الطفل صاعد على كلبي ---- كعدنا الصبح تريكنا سوه وي خالتي فرشت دلول بالحديقه وراها كمنا عالبيت قسمنا وخالتي تطبخ واخذنا جيلان مثل اللعابه الجديده عدنا لعبنا بيها خلقه سوينا شعرها ملفلف ومكيجناها هاديء وهي حلوه تسوي واهس وموافقه مغمضه عينها مسلمه روحها واني اخرب عالمكياج ودلول استلمت شعرها وراها اجه اياد وكتلها صعدي ومثل متفقنا دلال كالت والله احصره واخلي يضربني شسويله اكوله طينيييي حقي
جيلان- واذا انكتلت ماالكاج دلال
اي اني حروح لبيت خالي هههههه
جيلان- ههههه باوعت عليهم دمعت عيني تدرون انتو كلش حبابات
والله انتي اللي مطفيه وعلى نياتج روحي بابا لرجلج روحي الله يهدي عليج
باي صعدت ومطايقه اشوفه بس عدهم الرجال من يجي لازم المره تبقى فوك متنزل جوه تتركه طبيت جان ديبدل مباوعتله ذبيت الشال والدشداشه جنت لابسه تراكسود نص ردن وبرموده جوه الدشداشه بس مو ضيك كلش التفتت ارجع هدومي شفته باوع على شعري ودار وجهه جانت اللفه نازله ومرتبه هو سرح وهو ملفلف
اياد- البارحه منايم ومتزوهر طفيت الضوه راسن دانام شفتها كعدت على مندرها تكلب بالجهاز غطيت وجهي ونمت
جيلان- بقيت اكلب بالتلفون ضايجه. بس ونسني الفيس حجيت وي اسو حجيتلها كلشي كالت اول شي صعبه شوي شوي كتلها بعد مامو شىي شوي مااقترب بعد تمددت نمت مره لخ وتغطيت حسينا العصر اني كعدت على صوت كحته رفعت راسي باوعتله مختنك ديكح بقيت اباوعله باوعلي بالمرايه درت وجهي وكفت جريت الدشداشه شلت شعري ولبست الحجاب شفته فتح الباب دينزل اني هم نزلت وراه رفع راسه باوعلي عالدرج ببرود ونصه مباوعتله. بقيت جوه ماعده يم خالتي جانت دتقره كتاب طب فاروق كال السلام عليكم جاوبنا دره كمزت طبت وراه دلال يمي كالت مجعتي
لا بعدني
لعد شبي الله ذاب الجوع عليه اليوم رجلي خفر تباتين يمي اني ماضربج مثل اياد شاورتني كمت اضحك علت ضحكتي التفت عليه خزرني باوعتله ونصيت كتلها اي انام يمج كالت محضره فلم حلو وكرزات
خوش خوش كيفت للفكره ذكرتني باسو صبو الغده لان فاروق يجي متاخر فالولد يتغدون سوه وعمي وعمتي وحد من الضهر لان يجوعون صبينا وانلمينا كعدت يم دلال ناكل وندردم وكلسا ذابه حجايه تضحكني واياد على اعصابه كملنا اكل
فاروق- دره جاي جاي
اي حبيبي
جيلان- صبت خالتي الجاي السوته دره ونطتني الصينيه كالت يله سوقي ضحكت لاسلوبها قدمت اول شي لعمي بعدين لفاروق ورحت يم اياد نطيته باوعلي بغضب همس من بين سنونه خوش عشره صايره وياهن غابت ضحكتي وعكر مزاجي بثانيه برطمت خنكتني العبره رجعت للمطبخ دلال باوعتلي
دلال- هااا شبي اهو باعي لو تطكيها البجيه لو تخليها تروح لتضلين مقلصه يصيبج شرجي عوجت وجهه تصيرين هيج هم عميه وهم هيج اي امل انه اياد يقترب بعد تفقدي خربت ضحك اريد اسكت مااكدر دره لزمت بطنها غصت وتاشر تسب بدلال بقو الولد كاعدين سوه سوالف ويتفرجون تلفزيون لل11 صعد فاروق دره باوعتلنا اشرت باصبعها حصعد لا محلله ولا موهوبه التتونس دوني
دلال- دروحي لج هي تتونس وي رجلها وعينها علينا
دره- ههههه شتونس وي بقجتي اشرت على بطني
ها صح حقج
جيلان- اني بس اضحك من اكعد يمهم وبس اشوفه ويخزرني انسه كل الضحك بقه كاعد لل12 عمي وعمتي طبو نامو واني ودلال بالمطبخ تسولفلي عن حياتها واسولفلها شفته وكف باوعلي معاجبه وصعد
دلال- اييي راح بدت الحفله كومي كومي
جيلان- طبينا لغرفتها وطلعنا فلم كعدنا عالمندر كبال التلفزيون نكرز حب ونسولف جتها رساله بالتلفون باوعتلي كالت هسه اجي طلعت تبتسم يمكن رجلها خابرها خطيه بقيت اتفرج على غرفتها الصوره مال عرسهم كلها حركات تضحك اكو مرجوحه بالغرفه خشب صغيره تخبل كعدت عليها اتمرجح احس حييل مرتاحه لو ما مغثته همه كلش حبابين مجنت اتوقع اكو هيج ناس بالدنيا
اياد- مصعدت دكت الوحده ومصعدت صرت اعصاب خليها مطفيه ليفتحوها استغفر الله كمت اشوف كعدتها وياهم خطر عليها نزلت لكيت دلال بالطرمه عالمرجوحه تحجي بالتلفون عرفت زيد مخابرها وعرفت جيلان بغرفه دلال رحت لغرفتها فتحت الباب جانت دتتمرجح مغمضه عينها تقربت بهدوء وكفت المرجوحه فزت
جيلان- عبالي دلول شفته هو انصدمت هذا شجابه. بغرفتها وكفت خفت منه جان عصبي
اياد- امشي انخمدي يله نترت بيها
جيلان- بلعت ريك صعدت كدامه وصعد ورايه باوعت من عالدرج دلال طبت للغرفه باوعتلي عوجت حلكها طبيت للغرفه ذبيت الشال والدشداشه بقيت بالتراكسود كعدت بملل
اياد- تخوصرت اباوعلها بغضب متباوعلي
گويانه عينج
باوعتله شنو يعني
نترت غيروج ?
نصيت راسي رحت لمندري وجريت اللخاف وتغطيت شفته جر السماعات وخلاها باذنه اه هذا الفالح بي نمت بالكوه حسيت الصبح ديبدل كالعاده مكمت بقيت نايمه حسيت وكف تقرب يم فراشي فتحت عيني عالنص باوعلي معاجبه وراح مهتميت تغطيت ونمت شو للعشره الصبح حسيت طب للغرفه شلت راسي جنت بعدني نايمه كال
كومي دنرجع
شكو
دنرجع لدهوك
سساعه عشره
كوووومي داكولللج
اي ركض لميت الهدوم مااعرف شكو خالتي طبت كالت يمه شكو
ماكو شي يمه شويه مضروب براسه
يا عزه الولد شباب
جيلان- منو منو اباوع بالوجوه اياد يخلي هدومه ميرد بس اعصابه ترجف صاح ضاااافرر فضيها يله
اي همست ضل بالي عليه لميت الغراض مخنوكه خنك نزلت دلال ودره بالمطبخ حضنتهم اودعهم خنكتني العبره
دلال - لج دائما تعاي ونتواصل عالفايبر
اي انشاء الله
دره- ديري بالج عروحج وماوصيج
اياي والله بست خالتي وطلعت بس عبالك روحي ودتطلع مني صعد اياد بالسياره باقصى سرعته وطلعنا بغداد والتلفون مالته مسكت والتدخين موكف وكف ديترس بانزين تقرب من شباكي
متريكه
چج
جريت نفس باوعتلها بتعب اخذت من الاسواق كرواسون ونساتل ومي ورجعنا كملنا طريقنا جنت خايف على ضافر بس طمنني رشيد كال مبي شي المعمل هناك محد لازمه لان مدعوم واساس العمل هناك تماضر كالت روح واني ورجلي وابني نلزمه سوينا مخططات مال شهر ليكدام وتصفيه ومواعيد يمشون عليها فريق الشد والله لل10 بليل وصلنا دهوك ذبيتها بالشقه وطلعت راسن لضافر الحمد لله شفته مبي شي شادين راسه ومتمدد بس لا الحمد لله
جيلان- رجعنا للشقه شكد جنت احبها بس روحي وراحتي صارت ببغداد رجعت للضوجه اسو بعد مجايه لدهوك بقيت اتصفن طبيت تمددت وره مرجعت الغراض سمعت شمره سويجه طلعت باوعتله --- ها شونه
لا الحمد لله مبي شي جريت نفس تخوصرت ماعدنا مسواك مو
انت جوعان
لا والله مالي نفس حفوت انام
خوش عفته وطبيت للغرفه صاح تعاااي صدك
نعم باوعت بعينه ببرود
اللي سمعتي ببغداد تمحي من ذاكرتج اشرت على راسي مفهووم موو
همست اي ودرت وجهي وطبيت سديت الباب على كيفي تمددت واحس بعدني بالسياره دلول راسلتني ورديت ودره هم شوي ضحكنا ونمت كعدت الصبح رجعنا لروتيننا نزلت لموقعي بالشغل وهو راح للمعمل صرت كاشيره لل3يكمل شفتي اخذت مسواك وصعدت حضرت غده وطبيت اسبح سمعته طب ب5اه من وكت. راجع كملت غسل وطلعت الله يساعدك كلتها من وره خشمي
