عاطفتي المسيطره على وجداني خيالي المتعب بك حبيبتي اسف على كل مافعلته ارجعي واعيدي لقلبي الاحساس اعيدي لدقاته الفرح حبيبتي ماذا ترين عني ماذا تقولين اتريني خائن ياترى ارضيت بكم الدموع التي ذرفتها ارضيت بالمي سامحيني على اخطائي على سكوتي وعلى عذابك
حبيبك المضطهد مخلص لك الى الابد
اياد
كتبت هالكم كلمه ورسلتها لايناس عالفايبر مااعرف التلفون مالتها هسه وين اباوع تم التسليم خطي جديد اخذته من دهوك وي الجهاز بقيت انتضر مرئي ضحكت على روحي تسع شهور اياد وانت رافض الفكره فكره موتها غمضت عيني وذبيته للجهاز ساعه وحده ونص ياسر بعده مرجع. كمت اغفي سمعت رنه تلفوني كمزت كل عقلي اباوع مكتوب منها رد كلبي وكف صدك جذب اني غفيت ودااحلم مو فتحته مكتوب
بعدك تحبها
رديت
منوو
اني دره
تلفون ارنوبه يمج
ارنوبه كلها يمي احساسها وهدومها المها وعذابها
دره انتي بيت ايناس
اي
امها شونها جريت نفس ارجف
زينه الحمد لله بس بعدها متكدر تمشي
زين ممكن طلب
اي كول
باعي كل صور جهازها دزيها الي جهازي جديد وماعدي صورها
مشتاقلها؟
اي
اياد انت صدك حبيتها
بقيت صافن عالرساله اضحكه رديت شتكولين انتي
اياد خطبت مو
شنوو
خاله تريد تخطبلك
دره انتي شدتخرطين اني مستحيل اتزوج بعدها اني ششفت منها وراحت من وكت ماريد احجي بعد اترخص سديته وذبيت الجهاز فغرت روحي سمعت صوت دكات الرسايل وحده وره اللخ باوعت صورها كمت اكلب وحده وحده بيهن ويايه بيهن وحده بالجامعه وبيها ببيتنا ارجف وابجي طلعت للبلكون خليت الصور كدامي وادخن تطلع وحده وره اللخ ماحاس على روحي ابتسم وي كل صوره تضحكلي بيها ياعمري شكد مشتاقلج كل صوره اعرف تاريخها ووكتها وليش اخذتها تخلص وترجع تنعاد تتصفح من وحدها وحده وره اللخ منليت طلع الضوه اباوع اول شعاع الفجر عالجبل بين ملامح الشلال الجان واصلي بس صوته هسه بين كمت اشوفه اباوعلها كون انتي يمي هسه بتركيا كلشي مفهمت منج لاسبحنا لالعبنا لا ركضنا يااااالللله صرخت وصوت الصدى يرجع من الجبل كون الوكت يرجع لزمت محجر البلكون اهزه ايناااااس الصوت يرجع ثلث مرات على اذني سامحيني رفعت راسي للسما سامحيني خل ارتاااح الحلو بالموضوع احنا اول موجرين للشقق المبنى فارغ السوبر ماركت يفتح للصبح ميعزل بس يبقى بي كم شخص يبيعون ومينسمع صوتي الهم لان الباب كبسه ايدي بعد جنت مرتاح من اصرخ ويرجع الصوت احس شي يتفتت بداخلي بلوك ويتكسر صحت بتعب يااااالللله ياررب وصل سلامي الها بشكه هالفجر ربيييي صحت اسمع صوت ياسر من جوه رافع راسه عليه صاح بعلو صوته
ها كببتت
نصيت راسي باوعتله مسحت دموعي شوي ودك الباب فتحتها باوعتله ركبته تلعب الرروح
شبيك تصيح مذهب الحلو حتى الجبل جاوبك
جان بتت ليش جاي من وكت
وانت ليش مضغوط تغار
دروح لك باوعتله هزيت بايدي فات سبح بدلت وتحضرت للشغل تذكرت صلاتي التاركهه فرشت السجاده اصلي خجلان خاف ياسر يشوفني قفلت الباب عليه صليت وبقيت ادعي واعدت روحي ماتركهه بعد طلعت ياسر ديسوي بيض
ها لك
تعال البنكلاديشيه مالتك دتسويلك بيض
اريده خبط
مو تدلل
واريد فوكاه طماطا باوعتله بسخريه
باوعتله من وره خشمي متريد ادلكلك بعد
اي والله ياريت طلعت للبلكون جاب الطاوه وكعد كدامي اكلنا وكملنا ونزلنا للشغل من شغله لشغله لليل رجعت ياسر بقه بالمعمل وي ضافر وابوه هم جاي لدهوك جان عدهم اجتماع عمل رجعت للشقه ميت جوع نزلت للمكروز تذكرتها ورجعت شلتها من تفكيري نزلت تاكدت من محفضتي موجوده نزلت رحت عالاكل الجاهز مو بيدي عيوني تدورها لمحتني ابتسمت درت وجهي ابتعد وكفت اخذت عصير ولبن واخذ جبن للصبح وكفت بصفي ميلت راسها
هلاو
كالتها بالعربي ابتسمت حاولت اضم الضحكه
شنو شو متسلم
لا عادي باوعتلها ابتسمت جريت نفس
بعدني ليهسه مااعرف اسمك
ليش تردين تعرفين اطلع. بالغراض من الثلاجه ماباوعلها
يعني جيران ههه
باوعتلها بعينها غابت ضحكتها رفعت عينها بعيني زرك بلون المي شون حكدراشيل عيني عكدت حاجبي ابتعدتمثل الخافت
شبيك اليوم شو مو مثل دائما
ليش شبيه كل يوم اركض وراج شفتيني
لا العفو
شكد جنت احسه قريب والشخص الجنت احس بقربه وكت عمايه وهو غريب جنت احس دائما يريد يساعدني بدون مقابل ومصدكت شفته بعد مكنت عميه هو بهل اليومين جنت فرحانه مثل اللي لكيت شي حلو. طوله المناسب لحيته المرتبه المشيب اطرافها دكه بحاجبه حفضت تفاصيل وجهه بهل مرتين شفته بيها عيونه التعبان جفنها مبين التعب من الترهل الشامه اللي فوك حاجبه سماره الحنطي وشعره الخفيف جان اوسم رجل لان تقبلني بعمايه جنت متاكده انه يجي علمودي للمستشفى ويمكن عده مراجعه بس جان يبقى لحد ماروح يله يروح ششاف من عميه مااعرف هالشي خلاني ادعي دائما التقي بي ومن التقيت بي مصدكت نفسي نفس الصوت والاكدلي اكثر عطره المي غيره ابتسامته الخجلانه التعبانه وارتباكه جان عدي امل ولو بسيط اكسب صديق بعد مافتحت عيني جنت.دائم الخوف من العالم الخارجي عمي الان وخالي عرفان خالتي وسن خوفوني هواي فوك خوفي بس هو حسيته يترقبني من بعيد ووكت حاجتي الكاه كدامي باكثر من مره كنينس مي سنده ايد وكرسي صح شغلات بسيطه بس للعميه جبيره
شبي اليوم ليش كالب وجهه ليش ضايج حتى اسمه ميهله اعرفه -----
لا ممماركضت اسفه عفته خجلت من تصرفي حسيت روحي خفيفه مشيت بثكل روحي مكسوره وصلت لنهايه الممر
اياد- تندمت جرحتها بقيت ساكت واشوفها تبتعد ايدها بجيبها ومنصيه راسها افتريت من الممر اللخ عالسريع رجعت عالممر الاول صارت بوجهي ابتسمت
هلاو هه باوعتلها بقت منصيه دارت وجههه اباوع عينها مدمعه تفر براسها وافر راسي وياه اباوع بعينها --- اسمي اياد وانتي جيلان
هزيت راسي اي باوعت بعينه مستغربه اياد اياد احجي بداخلي عبالك سامعه هالاسم تذكرت العالجناه جان نفس الاسم لزمت كلادته النساها
باوعت على ايدها لزمت السلسال بلعت ريك اكيد الاسم تكرر وياها ------احم دااتشاقه وياج
هزيت راسي اي من دون صوت
هاي شنو صرتي خرسه هم
