دلال- جان يتمنى حضن مني وهسه صرتله كلي حضن ماعوفه لان بوكت وكعاتي متركني زياد كان الاخ الفاقدته والاب اللي انحرمت منه افتخر بانه حكون من نصيبه اتلمس شعره واباوعله بالجبهه بطل ومن يعصب اسد وبحضني طفل صراخ بيت ام داوود موكف تالي الليل صنطه وينسمع صوتهم لبيت زياد امه ضل تقره القران الليل كله وريناد ودره وياها فاروق اشوفه يلوب الطرمه مالتهم. وابو بالباب وي الزلم فعلا الله موصي بسابع جار فز بنص الليل طلع من الغرفه شاف اهله طلع كعد يم فاروق بالطرمه فاروق خله ايده على كتفه من غير ميحجي اي كلمه حبيبي رجه راسه عالحايط ودموعه تحرك بخده مو قف صعب الله يعين اهله صبح الصبح واخالي دز السايق زياد جان نايم طبيت بسته من راسه دااطلع لزم ايدي
حبيبي حتروحين همس
اي عمري
ضلي اليوم هم
بقيت اباوع بعينه اوك بس بليل ارجع
اي اني اوصلج لبيت خالج بلوعتلها بتوسل حسيت محتاج قوتها صح اكره قوتها واكره تكون قويه احبها نازكه ومدلله وكلش ناعمه بس هالوكت عرفت القوه شتسوي للرجل اذا كانت زوجته قويه طلعت حجت وي خالها ورجعت للغرفه متمدد افكر بام داوود واخوته وحبيبته تقربت مني
بيش دتفكر
هزيت راسي تره صعبه
كلشي يبدي صغير ويكبر الا الموت يبدي جبيير وشوي شوي يصغر ااشرله بيدي واحجي بهدوء يباوع على ايدي وعيوني وشفافي من احجي
ثق بالله كل دمه وحركه ودكه صدر الله يآجرهم عليها يكفي انه شهيد وفوك كل هذا نقذكم منزلته جبيره هذا
الله يسمع منج
حبيبي هذا الكلام مو داصبرك بي هذا قاريته ومذكور
هزيت راسي اباوعلها حضنيني باوعتلها بتوسل بس ردت احس غير احساس الالم والنار اللي بكلبي تطفا
ههه تعال عمري تقربت حضنتها اشم بعطرها رجعت غفيت سبحانك ربي النوم اكبر وسيله للراحه والنسيان -----
ريناد- رغم كل العشناها من البارحه لليوم بس اليوم عدي يوم خاص اليوم اول يوم الي بالشغل امي ودره من طلعو للسوك اشترولي كم غرض مرتب البسه وهاي اني ابدل انتضر جيه الخط الجان لازمني بالجامعه مثل موصه اياد لبست وتجهزت وطلعت وصلت لمكان معملهم شي مرتب وحلو تماضر اخت ياسر جانت كاعده غرفه معاون مدير عام واني سكرتيرتها بلشنا عمل واني ارتب مواعيد واجتماعات واستلام وتواقيع اوديها الها جنت مكيفه ومتحمسه رغم التعب وجان دائما تثني على تعبي واني اكييف بكلامها
------ياسر- اليوم الفجريه كعدت بدلنا وطلعنا للمعمل ضافر فصلنا اني واياد بسبب لود العمل راد يستفاد من عملنا كلما وفريقه اختاريته كم واحد اياد اختار 5واني5 وكلمن طلع بكيه حمل وي البظاعه اياد بطريق بارك ملتي اكو مجمع سكني جديد واني ابعد منه صارت ب8والولد ديشدون اخذتلي ركن ادخنلي جكاره تذكرت اليوم تماضر تبلش وياها ريناد دكيتلها ردت الوو
هلو تماضر
هلو ياسر هلو حبيبي
شونج
زينه الحمد لله انترشونك
والله الحمد لله. ااا شكو ماكو سمعتها كالت تعاي سكتت اسمع صوت بنيه بهدوءءء ونززاكه.
ست تماضر هاي كملت الطلبيات بقه بس توقيعج رتبت المواعيد عليها
تحجي بهدوء ونزاكه وكامه كلمه اويلي يابه روحي رخت
ياسر حبيبي روح هسه عدي شغل
خلي خلي لتسدي دااسمع
ههههه اوف منك --- تعاي ريناد هاج الاوراق
اي ست اوديها لزوج حضرتج
اي وديها اله كله وقهن
هنن هسه دنبلش ندز العمال
صار ست ثواني
ياسر- اول ياكلبي
لك انت شون وياك
اششش فززتيني خل اسمع رخت اعصابي حتى رجلج حبيته بشفافها زوج حضرتج يمه فدوه
انت واحد تبقى ارعن
تماضر عليج الله لتتعبيها
ليش يابه غير داانطي راتب
عمي اني ادزلج الراتب بس لتتعبيها خطيه
ولك طايره بالشغل مثل النسمه
اي اي تحجيلي كل كلمه عنها شلابسه
لك ياسر تروح لا اجيك لدهوك املص ركبتك ابو الحب
محسيت على روحي الجكاره خلصت وانجويت بالجمره صحت اخخخخ
اسم الله شبيك
ماكو شي ههههههه
شكو ولك
لج انجويت بالجمره مال جكاره خلصت ومحاس على روحي لا لا الله يدري مصارت الي عيني هاي تضيعني اموت اذا بقينا وحدنا
لتخاف كلشي ماعليك بس جر عدل واترك اللعبان نفس
والله عفت الشرب
اوالنسوان
لالا خطيه اعوفهن ولج منو الهن شيخلص الليل عليهم
ياعيني عليك طرزان امشي لك عدي شغل وروح على شغلك لا اخابرلك ضافر
متخوفين چلبي
ها لعد اخابر اياد اكوله هيج يكول على اختك
لا حروح استغفر اللللله روحي انشاء محد يشتري منج ولا شباك
هاااا هاي بدل متكول الله يوفقج باول اسبوع
اي ماكول يله تكلبي مناااا يله
لك انت فد واحد ديله روح الله وياك
باي سديته واني ماخذ جرعه قوه وحنان ربي مرايد شي بس تصير قسمتي والله ادللها واعوف كلشي علمودها رجعت لشغلي
اياد- طلعت من الشغل اباوع من فوك المبنى اللي دانصب بي البوب الملاعيب والخضار بارك ملتي كلش حلو منتزه مرتب حيل لل6العصر كملنا شغل نزلت تسوكت من يم بارك ملتي بعد ماطب المكروز واخذت الغده وطلعت خابرت ياسر كال ساعه واجي بينما اوصل هو جاي وفعلا وصلت لشقتي خليت الاكل بالفرن طبيت اسبح سمعت الباب انفتحت طلعت شفته كاعد عالكرسي بالبلكون صافن عالشلال باوعت عالشلال وباوعتله ها خيرك
هاا
شبيك يول شو عاقل بقه يباوع بعيني بعتب
ياسر شبيك
مبيه شي جريت نفس. وكمت من يمه بدلت ورجعت فكيت الفرن خليت الغراض اياد بس صافن عليه تجيني نوبات احقد عليه ونوبات انطي الحق منو ينطي اخته لواحد مثلي جريت نفس وكعدت كعد كدامي تغدينا
كملت شغلك
بقه باجر ويخلص
اني هم باجر اكمل
خير انشاء الله
شونك اليوم
هزيت راسي منصي عالاكل زين احسن الحمد لله. طالما بعيد عن جنس حواء
اياد
ها باوعتله بتعب ادري حينفتح
ميعجبك تصير اب
بقيت ساكت بلعت ريك باوعتله چچ كلتها بهدوء وتعب كملت اكل وكمت للغرفه صليت طلعت لكيته دينضف ساعدته ونضفنا الشقه خابر ضافر كال تعالو شربو جاي يمي رشيد
ياسر- تروح
والله كيفك
كوم اذا بقيت حطلع وي وحده من البنات كوم نكضيها طاولي ورشيد تصنيف شويه امزقه
لك عيب بكدنا هو تشاقيه
يمعود دكوم هو وي نادين يلح
كمت من مكاني رحت وياه لبيت ضافر بالطبه والطلعه عيني تروح على جام المكروز مو بيدي عيوني تدورها مر اسبوع واني مشايفها مسواكي كله من بره مافوت للمكروز وصلنا بيت ضافر واني افكر بهالشي طبينا سياره رشيد طابكه فتنا للصاله كاعدين عائلته كلها ونسرين مرت ضافر تقدم الجاي والكعك ونادين جوه الرجل سلمت وكعدت جتني ركض ندوش بحضني فدوه لكلبج فعلا الطفل يحس باللي يحبه بت رشيد مرفعت عينها عني والغريب بالموضوع ياسر منعبرها مع العلم شكد جذبت انتباه بكلامها ولباقتلها وجمالها بس الضاهر العينتين ميتدكر بالكرابه ولا يباوع حتى عجبتني عالصفه البي شربنا الجاي اجه انحشك بيه وبت رشيد كدامنا هي وامها اني مو من النوع اللي احب علاقات العوائل السوه لو رياجيل وحد ونسوان وحد بله مقبوله بس رشيد سبورت رغم اشوف ضافر على اعصابه لان اختلطو رياجيل ونسوان وعده شاب رشيد من غير اني ورشيد واخو ---مخلي نادين بحضني اباوع صاكه جف ايدها
شنو بايدج حبيبي شو
تكولي لالا عصرتها اكثر تباوعلي تضحك تهز برجلها المدندله
بس هل اشوف
ماه ماه باوعت لضافر بصفي هاي مدري شنو بيدها خاف شي موزين
شو بابا طيني
ماه ماه
رشيد كاعد بصف ضافر وياسر وابنه حميد ضافر فك ايدها بالكوه فتحها كامت تصيح وتضحك من فتحها صدك يطلع شريط مانع حمل مقجته فارغ ضافر عينه صارت براسه كام. ميعرف وين يودي وجهه
ياسر- هيج احسلك مو دتكلك ماه
والله هاي فضيحه ماادري من تكبر شنسوي بيه
اياد- على اعصابي ضام الضحكه دك تلفوني فايبر رفضته بالي يم زياد اخويه لان منهار على داوود وكلسا اراسلهم دزت ريناد صورته هو وبنيه يمه مبتسم يباوعلها
منو هاي يمه
هاي دلول يابه
لا هاي هي طاب الولد مبينه سبعه مثل موصفها شونهم
زينين الحمد لله انت شونك
اني ماشي احوالي وصلت الفلوس الدزيتها
اي كلهن وصلت
باعي 30لزياد يطلبني وخمسه الج وعشره لامي وتبقه ورقتين اشتري فد شي مرتب لابن فاروق مال حمل دره حتى مباركتلهم
اوك حبيبي ميهم دير بالك عروحك
انتي هم ديري بالج عشغلج وروحج انتي سمعتي ريناد لتفشيلني بيج حبيبي ودوم رافع راسي بيج
تسلم دمعت عيني
باي ريناد بوسيلي امي
وصل الله وياك اكتب وابتسم. جان تكول بت رشيد --- خو اياد يراسل ويبتسم للتلفون باوعتلها رفعت حاجبي باوعت لياسر عوج حلكه ودار وجهه جابت نسرين قاط لاخ جايات توه يشرب جاي ياسر كالت بت رشيد اياد وياسر هواي يتشابهون درت وجهي على ياسر
اكولك هاي خطيه شتريد
العينتين غص بالچاي وضحك دفرته كام يرفس ضحك فرها باوع لنسربن ولج مخليتلي ملح بالجاي وهاي ضلت تحلف لا والله شكر اخر شي غمزلها يله فهمت وسكتت لل12 رجعنا لبيوتنا بس طبيت للفرع باوعت عالجام
عفيه عيون مااكدر اداريها
تشعل نار من تواصل مواشيها
لااعرف شريد ولاخايف عليها
اكبر واكثر النوب من اواسيها
حل عنها ياكلبي لاتاذيها
كلها جروح هي وانت تدريها
يكفيها وجع حل عنها خليها
صار ببالي كالكلام منين طلع مااعرف سوتني شاعر تالي وكتي جريت نفس جيلان فعلا كلها جروح اني اذا بقيت اروح واجي اهتم بس ال بنضره اعجاب. باهتمام راح تتعلق اكثر خليني طامس بشغلي ملتهي واعوف البنيه بلكن الله يهيا. الها نصيب. وتتزوج وترتاح هالحجي افكر وعيني عالمكروز بس ساعه 12 اكيد راحعه لبيتها صعدنا فوك وكلمن لغرفته طبيت صليت ونمت مكدرت بقيت اتكلب رجعت اخذت التلفون كلبت بصورها اتمنى اعيش يوم بعالمها اشوف شون عايشه هم تتذكر لو عالمنا مو مثل عالمهم زين صدك شهيده تعتبر اووووف ربي تعبت والله تعبت غفيت وحسيت عالمنبه مثل كل يوم ب5بدلت وطلعت راسن وي ياسر قفلنا الشقه ونزلنا الصبح شارع السد صننطه على ضلام بس صوت الشلال القوي باذنك احساس يهداك من الصبح ياسر طبيعته الصبح كلللش هاديء ميحجي ويكعد منزعج عكسنا نكعد نضحك ببيت اهلي جان والدي يكول بابا من تكعد اجبر روحك عالضحكه حتى يومك يصير حلو لتضل كالب خلقتك اخذناها من الصغر هيج بس كلمن وطبيعته وصلنا شغلنا وتفرعنا كلمن بكيه حمل وي الغراض مشروع اللي بصف بارك ملتي بقاله اليوم ونكمل شغل للاربعه العصر كملت شغلي خابرت ياسر
الو ها يابه كملت
لا بعد لل8يله اكمل
شنوو اني كملت وسلمت. المفاتيح
عاشت ايدك مو صارت خربطه بشد البوب يمنه ويسره وذوله الجدد العمال مطايه حشاك خلوني اكفر بالهندي
زين جريت نفس اكولك ضافر كالك شي عالراتب هاي لو اروح اسحب من البنك
سالته كال عال2بالشهر مال شهرين اسحب من البنك
اي حروح خلصت الجوه ايدي باوع حتغده اني جعت كلش
اني تغديت معليك مني شنو مرتك
ههههههه دروح يله في امان الله --- هالحجي اني بسطح المبني المطل على بارك ملتي نزلت رحت للمصرف سحبت فلوس وطبيت تسوكت من الاسواق اخذت غده لفات كص ولبن وبطاله مي ومعطر للحمام وكفت تكسي صافن دافكر اجيب سيارتي لهنا جريت نفس بس شسوي بيها سياره ياسر كافيه خليها يم زيد خاف يحتاجها صعدت بالسياره لحد اليوم 8ايام مشايفها لجيلان مداخل للمكروز اكيد نستني وانشغلت جريت نفس وكفت التكسي يم العماره باوعت عالجام سوله صارت سوله انصدمت شافتني بلعت ريك من التقت عيني بعينها نزلت العلاليك من السياره نصيت راسي بقت صافنه تباوعلي من وره الجام شافتني افوت للعماره اشرت اوكف مشيت سريع اتهزم اي اي اتهزم منها وكفت اطلب المصعد دست عالطابق الثالث صوتها ورايه طلعت من المكروز صاحت --- اياد اوكف انفتح المصعد طبيت ركض وانسد الباب
جيلان- رجعت طلبت ادوس انزل المصعد مامو منفتح رفعت راسي ليفوك طالب طابق الثالث معناها شقته بالثالث صعدت بكل مابيه قوه وحيل عالدرج ركض بقيت اركض
اياد- رجع المصعد احد طلبه انفتحت الباب ومحد موجود رجعت طلبت وصعد بقيت صافن افكر بيها اي تنسى مصيرها تنسى وكف المصعد طبيت لممرنا الطابق مالتنا وكفت بباب شقتي اطلع النفاتيح خليت العلاليك بالكاع جريت نفس فوتت المفتاح اسمع نفس مضطرب ورايه يشهك التفتت فتحت عيني كلها جيلان بلعت ريك شصعدج
هسه جريت نفس بصعوبه ضاق نفسي من الركض حنيت ضهري اتنفس واكح -- بس خل اجر نفس كتله
ليش صعدتي تقربت شفتها وجهه احمر وشفافها زركت شبيج بلعت ريك التفتت عالعلاليك جبت بطل المي طكيته مديتلها انطيها البطل جبير وايدها ترجف لزمته الها قربته لشفتها شربت وكعدت عالدرجه الاولى ارتجت بحايط الدرج ليش ركضتي 3طوابق
جيلان- بقيت اباوع بعينه اتنفس بصعوبه هديت روحي بقه واكف يباوعلي مستغرب ---
ليش صعدتي عكدت حاجبي نترت بيها
انت مدتجي للمكروز صار 8ايام للنوروز وبعدها اختفيت
مشغول نترت كلتها بغضب
حتى مدتتسوك من عدنا باوعت عالعلاليك
ممحتاج شي كلتها ودرت وجهي
بلعت ريك نصيت راسي اياد اني جريت نفس باوعتله. ورجعت باوعت عالممر. الحيطان اي شي يخليني ماابجي يشتت انتباه الدمعه باوعت عالمفاتيح الدتتحرك بالباب بفعل محاولته لفتح القفل ---اني مكايله هالحجي الك قبل صح اني عميه بسنين مراهقتي بس اعرف نضره الاعجاب شون تكون اشرت على كلبي اعرفها تغير دكه الكلب واعرف الاهتمام رغم بساطته باوعلي ودار وجهه عالمحجر كعد كدامي عالدرجه ببعد اربعه الى خمسه شباره كملت حجي
اني عايشه بيت خالي عده بنات ثنين ومرته وياهم عمري محسيت براحه وياهم باوعتله اني مدااشكيلك باوعت لقلمه بجيب القميص انتبه لاتجاه عيني حركه عدله ----بس ردت افهمك
هزيت راسي كتفت ايدي باوعت بعينها همست كملي كلامج جيلان دااسمع
بناته ممكملات دراسه واكبر مني ثنيناتهم وميحبون يشتغلون حتى شغل البيت مرت خالي سايكه عليه واذا خالي حاجاني بسكوت تاكله وتشربه دمعت عيني امي قبل لتتوفى تنازلت عن حصتها ببيت ابوها لخالي ولهذا هو مخليني يمه يوميه عراك يوميه مشاكل نصيت راسي وعيوني بدت تجري بس شي بداخلي ديتكسر ديروح الضغط على كلبي --- ارجع ب11اكرب البيت رغم صغره بس وصخ لان ميكيسون شي ويعاندون اذا اكول شي النوب يزيدون بالهوسه طبه وطلعه وصديقات كوه ردت ارجع علاقتي بيهم سايستهم مثل مكالت خالتي وتقربت منهم بهديه بصخام باكله نصيت راسي حضي المصخم جاب واحد للباب يخطب وحده منهم واني جنت توني انزل من سياره خالي شافني وكال لامه اريد هاي وانكلبت الدنيا عليه ودوني بيت خالتي وسن بمشاكل على اني اريد ابوكه وسويت حركات اجذبه ختى يصرف نضر عن بت خالي جريت نفس رفعت راسي باوعتله رحت لبيت خالتي وسن العدها بنات 2مزوجات وعدها شاب سيدار الشفته المتزوج وعده هم بنات ثنين هالسيدار دمرني من جنت عميه يتحرش بيه ومن فتحت واني اتحاشاه واتهزم بالغرفه من يجي للبيت اخاف اكول لخالتي لان شون ميكون ابنها مرته بدت تضوج مني لحد ما رجع سكران وكام يحجي باسمي بليل سوت عركه شكبرها تريد تبوك رجلي رجعتني خالتي تبجي لبيت خالي ورجعت نفس الماساه وانكس جريت نفس الحجي اللي حجيته مرايده شففتك بي
بس اني انتبهت عليك مره تباوعلي وتحاجيني ووتهتم بيه ومره تحاول تبتعد عني فاذا جنت على بالك لتضل تلعب بيه اني من كاعي تعبانه واذا مجرد جنت تساعدني لان عميه فاني فتحت مااحتاج مساعده اي احد واني اللي انسحب ومامو داعي تتعب روحك وتروح لغير اسواق اني من اشوفك راح ابتعد او ماخليك حتى تلمحني
اياد- جريت نفس درت وجهي عن عيونها التلمع بالدمع شي بداخلي كاره حالي اكثر من قبل شي يكولي لتعوفها ساعدها رد جميل عمهامن وراك رجعت وهالاذيه كلها من وراك---
جيلان محد تقدملج مفمرتي تتزوجين بقيت اباوع بعينها نصت
جريت نفس نسبي ميشرف والدي مو خوش لدرجه انعدم ووالدتي ماتت من وراه ومن غير هذا جنت عميه يخافون لايرجع عمايه ومنو يصدك مراح يررجع مجتمعنا متخلف
،
فركت وجهي بايدي همست جيلان اهل ابوج وين رفعت حاجبي باوعتلها ماعدج عمام
جريت نفس خنكتني العبره اهل ابويه تبرو منه من قبل لينعدم وعمي جريت نفس عمي سافر نصيت راسي اختنكت بعبرتي جريت بطل المي شربت
بقيت اباوعلها وين راح
باوعتله ليش تسال
يعني عمج اولى من خالج
اني قبل سنه جنت يمه بس هو مكدر بعد وسافر برطمت خنكت روحي كوه اروح البجي
نزلت دموعها ووجهه صار احمر تقربت بايدي اخاف الزمها وصلت ايدي لخدها مسحت دموعها خدها دافي ونااعم غمضت عينها بلمستي بلعت ريك بتعب جيلان اني مافيدج كلشي متعرفين عني
كتلك اذا اني ولو شي قليل ببالك اتحمل وياك متتصور شكد عدي قابليه عالتحمل ولا تعرف وين جنت عايشه واشوفه احلى من هالمكان وهالعيشه
جيلان تدرين اني كتلت مرتي لو متدرين
هااا فتحت عيني مستغربه
اني جنت متزوج اي ومن ورايه زوجتي توفت وجهه تغير كالت بلهفه
جانت حامل
عرفت بيها شكت بيه نفسي البقيت يمهم مو وكتها تعرفني هي متاذايه وتعرفني اني اللي من ورايه عمها فاركها
نكرت راسن لالا احم
بقيت صافنه عليه
اني خنتها واذيتها وماتت اثر صدمه دمعت عيني نصيت الكدامج كلشي متدرين عنه تردين تعيشين وياه اذا احجيلج تكرهيني
سكتت بلعت ريك شو ماصدك انت تخون برطمت
لالا صدكي اني هيج لا وبعد علاقه سنتين جريت نفس بحسره تكسرت بصدري ورثت جكاره جريت نفس سديت عيني الدخان اذاها رفعت حاجبي كلمه وحده اكولها الج اني انسان مريض ومعاق جسديا وفكريا
فكيت عيني كلها صافنه فتحت حلكي يباوع على شفتي وعيوني المدمعه احسه متدمر قاتل وقتل روحه ---
بعدها صرت هيج جيلان فهمي مااكدر ارتبط بس اني موجود اي شي تحتاجين اندليتي شقتي بعد ميوكفج غير لسانج
هزيت راسي برطمت نصيت راسي
جريت نفس اغير موضوع تردين تفوتين جوه شوي يمي صاحبي لب8يله يجي
لالا ماريد افوت للشقه مابيها احد
هه نصيت راسي ليش هنا اكو احد باوعتلها بمكر
يعني درج والطوابق بيهن شقق وناس
ههههاي بس احنه الشاغلين العماره الشقق فارغه
باوعتله بقلق صدك بلعت ريك
ها شبيج شو خفتي ماعدج ثقه
ممبين عليك تاذي احد
لتامنين لاحد جيلان دير بالج
هزيت راسي وكفت انزل واباوع عليه يباوعلي مبتسم كال لتفكرين بيه مافيدج ودار وجهه راح لشقته وكفت اباوع عليه فتح الشقه وطبب الغراض باوعلي واكفه وسد الباب نزلت وعيوني غركانه دمع انزل بهدوء وتعب وخذلان عفيه حظ مافد يوم كعد الوحيد اللي وكفلي وكت عمايه وصدفتين جمعتنا معقوله مابيها معنى مسحت دموعي صار بوجهي صاحبه لازم التلفون ويحجي عربي وينتر شافني وكف مستغرب وسكت باوع ليفوك كلشي محجه عكد حاجبه مشيت من يمه سريع وطلعت من عمارتهم متت خجل الله اليعلم شنو يضن بيه هسه-----
يتبع
