ياسر- طلعت نزلت من الوادي عالشارع لان سادو جان موكف المحراث هناك اباوع هاي وين حكعد على راسه مكان ماكو باوعتله ملثم روحه ممبين بس عينه وحته عينه ممبينه اللي مبين التجاعيد اللي محاوطه عينه وترهل جفنه عيونه رصاصي مبين عليها التعب صعدت شونمجان يباوعلي بقلق واباوعله نفس نضرته كعدت ومشه وجسمي كله يون عليه ومنا المحراث يخض عضامي ضل يمشي انتبهت اني طالع غلط من نفس الشارع الاطلع منه دائما اشرلي سادو من غير كلام عالشارع الرئيسي فهمته هزيت راسي طكطكت كم كلمه
اي اي هسه عرفت طالع غلط اني لهذا جانت كلش ضلمه
هز راسه اي وصلنا لمكان اشرلي كال امشي وهسه توصل نزلت وشفته راسن حرك ورجع خرب عمي هسه بقه عالكم متر دوصلني لهناك تشكرته وراح بقيت امشي امشي وبعد اباوع المنضر . عجيب شنو هالجمال هاي الله شخالق لعد شكو بالجنه ساعه صافن عالجبل لحد مطلعت من الواقع ونسيت اياد بس خلي يطيب وارجع لدهوك وافره كل فتره هنا بس بالنهار والله كلش يرتاح تذكرت السياره شراح يخلصني من الوالد جريت نفس لمحت مثل السقيفه وكابيننات. يمها سرعت مشيتي وصلت وكفت يمهم سلام عليكم السلام
فهمتهم بالكردي اني مسوي حادث مفهمو واحد منهم اشرلي هويات كتله راحت بالنار نضرات الاستغراب مبينه على عيونهم والشك محاوطها ومحاوطني. بقيت احاول افهمهم ماكو كتله عربي اشر ميعرف حرت بامري بقيت اتلفت اخر شي طوني ورقه وقلم ورسمت الهم واحد فهم وحجه وي صاحبه شو ذوله واحد كام يباوع ويضحكون اني نار وشبت بيه واحد منهم دفعني بعيد يقصد اروح من يمه رجعت تقربت زين بس لو اعبر السيطره سياره اخذ لاي مستشفى رجعت اوصف واحجي بعصبيه رجع دفعني اشرلي روح صرت اعصاب تقربت منه اصيح شنو دتدفع مو داكولك محروكه سيارتنه وصاحبي حالته مزينه شافني صحت خزرني هو هم تقرب لا اني الداافهم منه ولاهو بس من نبره صياحي فهم انه داريد اتعارك اني مبقه عدي صبر وهمه يضحكون بسخريه وهذا يدفع ويضحك لزمته من ياخته بقوه شوكلها سحبت اقسام عليه صارت صنطه هديته وراسن لزموني وكلبجوني انشمرت بالسياره وطلعو للمخفر بوكتها وضع البلد جان موزين الاكراد كامو ميثقون باي عربي ويخافون منه وكانو بوضع تاسيس دوله الهم وجاهم عربي يرزل ويصيح عالسيطره المركزيه لحد موصلت للمركز اني ساكت وهذا يشتم واني مغلس نزلوني بالمركز دخلوني عالضابط راسن حجه هذا التهجمت عليه كام يعدد بيده يمكن كله لاهويات لا اوراق ويريد يضربني خزرني الضابط كتله عربي يمعودين بس واحد عربي افهمه محد يرد كلها خازرتني رجع اشرلي الضابط الاوراق مالتي نترت يااابه احتركت خزرني صاح واحد واجه اخذني وين يمعود سيدي بس افهم اشرلي روح روح شون اليكول بسيطه من خرب حضي اي والله صدك دخلوني للسجن اتلفت اباوع بالوجوه كمت احجي وي المساجين عربي اكو واحد عربي محد يرد اني دائما اروح واجي لدهوك ودائما الكه عرب ليش هسه ماكو توصلت انه اني بقريه مو بمكان مركزي وحتى هالمركز مجان جبير ومبين مركزي لا كله وكلا يله يمكن300متر بقيت كاعد وايدي على راسي بالي يم اياد واهلي واهله وشون حطلع من هالمصيبه -----
اياد- حسيت. جسمي منمل منطقه فخذي الايمن
آخ آخ يابه فكيت عيني شفت رجال مخلي على راسه يشماغ لافها مثل الحجاب شفته طلع شي من جوه رجلي بعدها ارتاحيت حاجاني صوته يرجع صدى باذني
عمي حاس عليه
همست ياسر
موجود موجود راح يجيبلك سياره
هزيت راسي بلعت ريك غمضت عيني صفحه راسي وعيني تدك من الوجع كلما افر عيني ادوخ شفته صاح
جيلان عمي دفيتي الحليب
بين النايم والگاعد صوت رد عليه عمو دافي الصوت جان هم دافي تقربت مشفت غير دشداشتها فوك راسي مااكدر اغير محور عيني عليها توجعني اني وين همست
عمي انت بامان لتخاف هسه يجي صاحبك ويتخذك
احمم وين راح حاولت اكول كتفي موتني
علكيفك علكيفك ياب
كحيت تقرب مني كلاص حليب بس الكلاص مبين نايلون عكدت حاجبي مستغرب قرب الرجال الكلاص على شفتي جنت ميت عطش كتفي مربط شربت جان طعمه كلش طيب ومريح جريت بعد لحد مكمل باوعلي مبتسم برضا
تشرب واحد لخ تعوض الدم الخسرته
اشرتله اي كام من يمي التفتت بصعوبه عالبيت راسي حيطك البيت جان جدا بسيط اكو وحده بصفه واكفه لابسه دشداشه جوزي وربطه رابطتها ليوره مثل الدتريد تخبز واكفه بصفه تهمس وهو يرد عليها بنفس اسلوبها اغمض وافتح اريد اركز عليهم جاب كلاص لخ لزمته بايدي اليسره شربته كله ونطيته كمت احس بدوخه واحتاجيت للحمام وضع صدك ردت ابجي من وراه باوعت بعين الرجال كتله حمام
كال اي اي ياب
صدك من داباوع اشوف رجلي مجبره هسه يله انتبهت عليها وصايره شثكلها سندني على كتفه هو. رجال اربعيني هم مابي حيل واخجل انسند عليه ويخفف عني يكول يابه انت خفيف ذب جسمك عليه البنيه ناطيتنه ضهرها فتنا من يمها وطبيت للحمام اباوع برده زين الصوت ينسمع كوه ارتاحيت وكملت اباوع وجهي مخربط ومصخم ومزورك صفحه وجهي اليمنى گايمه كتفي وفخذي ورجلي الصفحه اليمنى خرب غيرتك ياسر طلعت كم خطوه مشيت الرجال تلكاني رجعني كال تمدد
لاعمي فدوه اريد اكعد تكسرت كعدت ومديت رجلي صاحو عليه بالتركماني جاوبهم ورجع باوعلي كال اني راعي اكمل رعي وره ساعه ساعتين باوع لرجلي ورجع باوع للبنيه راح يمها اخذها للغرفه الثانيه نصيت راسي فشله والله العضيم فشله طلع من الغرفه خله الصينيه كدامي بيها كيمر وعسل وخبر بيت استغربت الاكل ميوالم المكان اكلت باليسره كعد كدامي وراها طاني كلاص حليب ثالث شربته بلا تردد اريد اطيب مديت ايدي على جيبي همزينالله محفضتي ببطن جيبي ومدكم الجيب باوعتله فكيت المحفضه بس خايف يبوكني طلعت ورقه من الورق باوعلي مستغرب ضحك
وهاي شسوي بيها
عمي اني كاعد يمكم
عمي خليها هسه من احتاج اكولك وصديقك هسه على جيه
ميخالف عمي اخذها والله فشلان منك صارت صوت كسره بالغرفه ركض بخوف وتركني استغربت درت وجهي ركبتي طكت ولزمها دمار صحت اخ شوي وطلع الرجال هاا شبيك
مااعرف مااكدر احركها بقيت عاوجها
ارتاح ارتاح انزل تمدد
اخ يابه شوكت يفك
هاي كله اثر الضربه هسه يفك من وحده
رجعو صاحوله الاان وكف كال اني حروح باوعلي بتعب وموبيده شي كال عدي شغل هسه من وحده يفك
هزيت راسي اي روحي شايغه ضليت متمدد وجسمي يرحف من الالم مال دمار ردت بس اغفه شوي ارتاح من المي تعبت ككمت اون واسب بياسر مغمض عيني بقوه وضاغط على سنوني حسيت احد واكف يمي فكيت عيني بهدوء لازم ركبتي بايدي اليسره واحس روحي عركان من تعب الالم فتحتها شفت بنيه مو بنيه ملاك مو قليل بحقها هالكلمه بلعت ريك للحضات نسيت المي مستغرب ومتعجب مدت الي مثل البطل مال دوه همست عذا زيت زيتون هسه راسن يفك مدت ايدها بعيد عن ايدي ومتباوع بعيني من تحاجيني هدات اخذته من ايدها التفتت تتلمس الكرويت ابتعدت عن تنكه الحطب بسلاسه ورجعت للغرفه بقيت صافن فكيت الشيشه وخليت عالالم بعشوائيه بس ردت يروح بقيت افرك بي عيوني كامت توجعني وصعد الالم لراسي بعدها محسيت بشي ---------بعدها بفتره حسيت ببروده باطرافي ورجفه بضلوعي وراسي يدك بي الالم اريد افتح عيني مااكدر حسيت بثكل ودفو على جسمي عرفت احد غطاني فكيت عيني بصعوبه جانت البنيه غطتني بطريقه عشوائيه همست من البرد
رجلي عفيه رجلي بردان تلمست اطرافي عطت من الالم همست اسفه اسفه جان صوتها قلق و ناعم غطتني حسيت بدفو صحيت زين بس بقيت متمدد اراقبها مشت من يم تنكه النار بتاني تعدتها ومشت بهدوء كلش بقيت اباوعها تذكرت وجع ركبتي راح ماكو دمار الحمد لله بقيت اباوعها تتلمس وتمشي استغربت ليش هيج تمشي صار كدامها الطباخ وكفت شغلت العين بشخاطه وشمرت العوده المشتعله بالسنك طفتها حركاتها غريبه تلمست طلعت جدر خلته سله جان بيها شغلات بسيطه بصل بتيته شفتها كامت تغسل وتثرم وتخلي بينت ريحه الطبخ جانت مبتعده عن الطباخ بصوره غريبه وحذره التفتت صارت عيني بعينها مشت بثكل ورزانه تتلمس بالحايط وطبت لغرفتها من صارت عيني بعينها فزيت مااعرف ليش طبت وبعد مطلعت لاياسر ولا الان بقيت وحدي اتصفن ومكرم رفعت جسمي بصعوبه كعدت عدل بس صوت طكطكه الخشب المحترك بالتنكه مبين هدووووء الله شون حلو غمضت عيني اتذكر ملامح ايناس احس اشتاقيتلها لان هواي صار ممتخيلها وممتذكرها سمعت مشيه فتحت عيني قطعت افكاري رجعت للطباخ نصت العين وتمد اصبعها عكدت حاجبي تمد اصبعها مثل التشوف العين ناصيه لو عاليه رجعت تمشت للغرفه انتبهت بركبتها اكو مثل الحبايه او لحمه زايده وبي سواد ذكرتني بشامه ايناس رجعت غمضت عيني اتذكر تفاصيلها بهالهدوء المفرط بينت ريحه الاكل وبديت احس بجوع وياسر ماكو اباوع عالجدر خيط مال بخار ديطلع اندكت الباب وصوت بنيه صاحت جيلان وراها مدري شكالت البنيه من الغرفه ردت بلغه مااعرفها باوعتلها مشت بحذر فتحت الباب شفت خبر طوال حجت وي اببنيه كم كلمه ابتسمت بهدوء وسدت الياب منضر الخبز يشهي بقيت اباوعلها التفتلي التقت عيننا رجعت فزيت ليش مااعرف نصيت راسي بقت تباوع ناحيتي واني منصي شوي وانفتحت الباب صوت الرجال الراعي
ها يابه موصل الولد
لاعمي بعد ماحد اجه
اياد- سويت روحي غافتي على كعدتي من الفشله تقرب مني وريحته كلها مال خرفان هزني يكعدني فتحت عيني ابتسم
ها عمي شون ضليت
الحمد لله همست باوعت للبنيه اخذت مواعين ودتصب باوع الرجال ويايه عالبنيه نصيت راسي
شسويتي غده
مركه خضار عمي وهسه سيروه جابت الخبز توها خابزه
والله هالسيروه مانعرف نجازيها بس دزيت حليب وجبن ماعز لامها
اي عمي يله بسم الله
عاشت ايدج يابه. يله تفضل يابه تعال قوي روحك بينما يجي صويحبك
اياد- شو راح بعد مبين
الغايب عذره وياه لو تشوفه شون محروك دمه عليك
صديق عمري هذا همست قرب الصينيه كدامي على تنكه لخ والبنيه فاتت للغرفه قرب الماعون الي مديت ايدي اكل وي الخبز اكل باليسره وكوه اكل الاكل كلش طيب والرجال يباوعلي مبتسم وكلسا فاحص كتفي لو راسي كملنا ورجع الصينيه رجع كعد قريب عليه
عمي فدوه لعينك اخذ الفلوس صاحبي تاخر واني دااكلفكم
اني من احتاج اكولك الضاهر صاحبك صارتله مشكله
همست العيب بيه مو بي
شون هه شون بله
اني حضي فكر جريت نفس اني طول عمري هيج
هه احمد الله عمي احمد الله طلعت من حلك الموت
الف الحمد لله بس لو ميت احسن
هو صاحبك كال مضلوم عليك
يحاجيني مبتسم رغم فقره
شنو الصاير عدك جنه نحجي وكطع كلامنا تغير الموضوع
والله مااعرف منين ابدي
احجيلي يجوز جيتك لهنا وضربتك ووصولك يمي بيها فايده
جريت نفس المشكله ماكو حل انهزمت لهنا حتى مااحجي
براحتك يابه
وكف كال اني اترخص عدي حلال لازم يتشمس الضهريه وياكل. بلكن اكدر ابيع منه انت نام ارتاح شال عينه باوع عالغرفه جر حسره وطلع باوعت لمكان نضره ونصيت طلع وتمددت الهدوء والريحه مال حطب بسلطه المكان حيل فادني شوي وحسيت بيها طلعت من الغرفه تمشي بهدوء وحذر كعدت عدل بقيت اباوعها التفتت ورجعت اندارت كانما اني مموجود غريبه هالبنيه خطيه مشيتها ونضرتها يمكن مريضه رغم جمالها عفتها اني البيه كافيني شفتها توجهت صبت ورجعت للغرفه زين شون كدر الان يتركها ويايه يمكن لان اني سكط اي ماكو غير تفسير وهو كلما يريد يطلع يطب جوه يحاجيها ويطلع تعبت من النوم وهذا تاخر كمت من مكاني بدون مادوس على رجلي امشي واسحل بيها اثناء مشيتي بالبيت اندفرت التنكه مال حطب تحركت من مكانهاطلعت من البيت بقيت اباوع المكان الداير مدايري رجف جسمي نفس المكان الاشرتلي عليه اباوع صخره جبيره نفس الصخره الجانت بالحلم اشرتلي على صفحتها انوسه سيارتنا الجينا بيها ذيج محروكه بقيت اتصفن المكان اكثر من رائع بس صوت الهوه ينسمع بردت رجعت طبيت شفتها طلعت من غرفتها اجتي من صفحه التنكه حتنركع بيها تنجوي سحلت روحي وصلت قبل وصولها رغم رجلي مجبره وثكيله ----
وكفت كدامها هاي دتتقدم عالتنكه مثل المديشوفها دفعتها قبل لتوصل بسنتيمات --- ديرباللج دفعتها بنتره
ششنو ششنو
ضلت تتلفت بخوف
التنكه باوعت بعينها تباوعلي ببؤبؤ عيني صفنت انتي شنو متشوفين
عمي ميحركها من مكانها
اني اندفرت برجلي بقيت اباوع بعينها انتي متشوفين عيونها بلون المي فااتحه
لا
شنو لا اشرت بايدي
اشوف تاشيرك بس بياض يتحرك
ها همست يعني شنو عشو ليلي يسمو
لالا غير شي
التفتت مرتبكه تتلمس اكثر من قبل هذا كلبي انعصر بعدها صغيره خطيه شون عايشه هاي رجعت تمددت غفيت حسيت ارجف وصوت الراعي يصحي بيه اياد اياد يابه تسمعني ضربات على وجهي بخفيه ايده حسيت فكيت عيني باوعلي وكف عدل جر نفس
خوفتنا صار ساعه اصحي بيك متصحى
اسف محسيت ياسر اجه
لا بس سادو شايفه اخذو السيطره الفرعيه مكلبج
لا ليش استغفر الله غطيت وجهي نصيت راسي مكدرت اسيطر بجيت
هه عمي كول يا الله عيب تبجي الزلم
تعبت والله وياهو اليجي ويايه هم يتاذه من ورايه
كول يا الله هسه كم يوم ويجيك ياخذك من يفتهمون منه
هزيت راسي بتعب دايخ راسي مسطور نطاني عليه فافون بيها حليب دافي جريته وطيتهيا باوعت بعينه شكرا عمي مااعرف شون اجازيك
والله لو اكدر اساعدك ابني بس مااكدر كلشي اسويلك اعذرني
رفعت راسي البنيه ورايه جانت لازمه هدوم
ها عمي جبتيهن كوم يابه انزع هدومك كلهن دم
اي وكفت كوه لبسني دشداشه سوده قديمه بس تدفيت وسروال كيفت عليه عريض مال اكراد حتى التجبيره فاتت منه كعدت ارتاح والدوخه معافتني شفت الان كام طفه الاضويه هي ضوايين بالبيت كله ورجع شججر للتنكه مال نار وتمدد كدامي فاتت البنيه وهاي اني صار 3ايام هنا لابيه يل ولاقوه على غفله ادوخ وماحس بشي وعلى غفله ارجف برد وعلى غفله يلزمني دمار
الان- شنو قصتك
قصتيش
ليش كال عنك صاحبك مضلوم
جريت نفس زوجتي قبل شهرين توفت من ورايه هاي كل القصه
من وراك ليش انت قتلتها
لا عمي نوبات اكومواقف لو قاتله للشخص ولاماذي بسالفه نفسيه تدمر كيانه وتموته شوي شوي احجي ودموعي تنزل
شون مفهمت
جانت نيتي اساعد بنيه فقيره واحد نذل اخذ شرفها كلت اعقد عليها استرها بعدها اطلگها حتى ابوها لايقتلها جريت نفس زوجتي حامل وبيها سكري عرفت بطريقه موذيه ارتفع السكر ومات الطفل ببطتها فتحو بطنها موقف النزيف ولاطاب الجرح وماتت واني متت وياها
لا اله الا الله الله يبرد كلبك ويخلصك من عذاب الضمير
مشبعت منها واذيتها اتمنى يرجع الوكت اصلح السويته
ادعيلها بغفران الذنوب يابه
اني ذنبها الوحيد عمي
استغفر الله ربي واتوب اليه تدري اياد اني جنت اخاف ابقي يمك جيلان ومتفق وياها من باجر تروح لبيت ام سيروه لان كمت تكدر تتحرك بس بعد السمعته اني تطمئنت
عمي اني بيا حال واعرف ثكلت عليكم بس الله شاهد اول مااطيب اطلع من يمكم
لا يابه موقصدي بس قصدي جنت خايف عليها انت تضل هنا بعيني اخليك لحد مايرجع صاحبك لان امنك يمي
هزيت راسي ماذي كل الحواليه
استغفر الله الله يساعدك
كانت اهر كلمه سمعتها منه قبل لا احس باعياء وفقدت محسيت بعد الا وجه الصبح وضوه الشمس بعيني وريحه الخبز وصوت العافير وصوت البنيه تحجي همس بره وكفت واجي بالجبيره مال رجلي فتت للحمام غسلت وجهي وطلعت باوعت عالطباخ بيض وحليب والكشوه مرتفعه واكو جدر لخ ملفلف بصوف الخروف بقيت افر براسي جتي البنيه متدري بيه يمها طخت بيه بصفحتها جمدت ابتعدت بثگل اباوع ارتباكها كامت ترجف وترجع ليوره وراها التنكه صارت صحت
بس اوكفي حتحتركين بقت ساكته من يمي احتصرت هاي شون عايشه تلمست الحايط وطلعت من البيت رجعت لمكاني كعدت هاي تخاف البنيه واني موقصدي ااذيها طلعت من البيت وره شوي جتي هي ومره تطلع ب40من عمرها طبت وياها المره قدمت بالصينيه الاكل وطلعت هي وياها بره كملت اكل اختنكت ردت اطلع تمشيت گوه وصلت بره شفتها كاعده بالخضار حتى فراشات هم اكو يمهم المره تحلب بالبقره وهي كاعده تتلمس الحشيش نزلت من الوادي كم خطوه صعبه اباوع عالشارع اي هنا انكلبنا ذيج سيارتنا بصف الصخره الجبيره جريت نفس شنو هالجنه يا اللللله نزلت فتت من يمها وكفت حركه ايدها مثل الحست فتحت عينها باوعتلها ودرت وجهي وصلت مكان بعيد عنها بصف صخره اباوع جمال الهدوء والمنضر ارتاحيت هذا الجنت احنتاجه غمضت عيني تذكرت الحلم
روح هنااك اياد حروح لبابا هدت ايدي وركض لابوها
ايناس وين عايفتني كمت احجي بله مااحس وين رحتي اباوع عالجبال اتخيل اذا عبرتها الكاها هناك ايناس ممشتاقتلي تلمست كتفي بده يوجعني من البرد مال هوا مشتاقيتي لحضني شون جنتي تكولين مااكدر انام اذا مو بحضنك شون دتنامين لعد هسه كمت اشهك ومرتاح لان وحدي سمعت همس ورايه
تدري هي راحت للجنه
فزيت التفتت شفت البنيه واكفه ورايه
ها شنو
مرتك راحت للجنه شهيده
شون شون عرفتي انتي شون شهيده
اللي تجيب وتموت بالولادت تموت مستشهده
كمت ابجي بصوت عالي محسيت على روحي
تره موزين عليك البرد عمي كال ليطلع تره تنتكس
خليني وحدي اذا ممكن
بكيفك
تلمست الصخر دترجع انترست فضول انتي من جيتي للدنيا متشوفين وكفت وضهرها عليه اندارت بثكل
لا قبل سنتين صار حادثه وكمت ماشوف بس خيال
ها بقيت صافن شون تحجين عربي وانتي هنا عايشه منين اصلكم
كركوك
شفتها بلعت ريك بقلق سكتت بعدها سالتها هذا عمج اخو ابوج كالت حروح يم سيروه وتركت المكان وراحت بقيت كاعد بهدوء هسه اهلي ضل بالهم خطيه وياسر الله العالم حالته شنو ووين الله يستر طلعت بوجهي شكد عيب ------
التفتت عيهم اباوع من بعيد وممدد رجلي المره سيروه جانت تخبز باوعتلي ابتسمت جابت خبزه طويله وخلتها بيدي اوف يابه الريحه خبز تنور طين راسها يمكن تدور خيالي حجيت حتى تسمع صوتي
احنا وين شسم هالمنطقه
عقره قريه من قرى عقره
مممم حلوه كلش
جنه
لعد لو تشوفيها شتكولين
يكفي احس بهواها الخفيف واشعر بالامان هنا
ليش بغير مكان متحسين بالامان صفنت مردت عليه
صار شكد من توفت
صار شهرين و20يوم
الله يرحمها
امج وابوج وين
توفو من جنت صغيره بحادثه
شو عائلتج كلها حوادث
مااعرف اكو عالم مكتوب. عليها التعب
صح جريت نفس اباوع على شكلها ملامحها مموجوده بالبشر تشبه الملاك
سيروه
شبيها
شون صاير شكلها
ههه اوصفها الج
اي.
عيونها صغار ووجهه معقج وعدها سن مكسور واحد من نابانها هههههه
هههههه سمره لو بيضه
هيي بيضه بس مو ببياضج يعني
ها زين لابسه ربطه
اي لابسه وملابسه ههه خرب تدرين صار شكد مضاحك النوبه كامت تباوعلي عبالها انعجبت بيها المره
رجلك خو متوجعك
لالا بس تحك موتتني وبالي يم صاحبي خطيه تورط ويايهم
هسه يجيك ادعيله
الله كريم بقيت صافن عليها واقارن ملامحها بايناس مااعرف ليش اريد اي شي بيها يشبه ايناس --- الان عمج اخو ابوج
اي
مممم ميشبهج بس مردت بقت ساكته رادت تكوم اتكات بالصخره وتلمست الصخور العاليه المحاوطه البيت ورجعت للبيت بقيت على كعدتي لحين مصهر الان الراعي وي خرفانه نوبات من اصفن عالمكان احس روحي هايدي اليتيمه الكرتون ههه
