اي والله العضيم هي بقيت صافن عفت العربانه وطلعت لاكاني ياسر بالباب مال سوير ماركت ----عمارتنا الساكنين بيها ننزل من الشقق نطلع من العماره بصفنا باب الالمكرو الجام تنفتح تلقائيا اثناء دخولنا مكروز جبير اكثر من طابق وبي بابين كل باب على فرع الفرع اللي وره عمارتنا اذا كعدت بالبلكونه اشوفه لان بلكونتنا تطل عالشارع الثاني
ياسر- شبيك شكو شو وجهك اصفر
ياسر باوع احجي واتلفت والله مادري شكول
شكو معود فززتني
لك هاي اندار الكاها وره الجام تحجي وي وحده من الزباين ياسر ضل يباوعلها ويباوعلي يباوع بانجاه نضري
شبيييك
معرفتها
منو يمعود
جيلان همست واني اباوعلها من وره الجام باوعت لياسر عكد حاجبه ولك مره وحده شفتها مااتذكر خلقتها بس اي نفس البياض الناصع والوجه الصافي
ياسر شون
هو شكوو شجابها هنا وشو دتشوف شنو ناصبه علينا
ولك مطي غير سوت عمليه امشي نصعد فوك نحجي
امشي خل اشوف فلمك باع ايده شون ترجف بقيت صافن على صاحبي يبلع ريك وعركان فريت بايدي اضحك
شكو
انت تحبها
دكل نعل
لعد شبيك
مادري توقعت ماشوفها بعد
وشفتها وشصار هسه
مصار شي بس جريت نفس ماادري كلتها بملل طبيت للشقه
شراح نتزقنب مجبت شي من جوه
لا عفت كلشي بالعربانه
عفيه سبع حروح اجيب
لالا اني جنزل
اياد باوعني تره انت مو طبيعي لو تلزم روحك لو تبلش صفحه جديده
شنو قصدك نترت بي
دتفتهم قصدي مو تضل مرتبك وتخليها تنتبه راح تحبك بعدها تكولها لا مااكدر احب غير حبيبتي الماتت وتضل هي بصخام الوجه
شو كلبتها دراما
صاحبي واعرفك
ماريد منها شي بس ارتبكت من شغتها
هسه يجي
ياسر
هاااااااا صحت بي شبيك حضي جنك مراهقه
بلعت ريك كعدت عالقنفه مجرد احساس انها تشوفني رعبني خربط احوالي كعد ياسر بصفي باوعلي
شدتحس بس فهمني
مااعرف مرتبك وخايف
ليش شمسوين احنا
ممسوين شي جريت نفس رفعت راسي باوعتله ياسر من ورانا عمها انلزم
لا والله ليش بلغت واني ماادري باوعتله معاجبني
لا
لعد هاهي لتضل تحمل روحك كل ماساه العالم
هزيت راسي وكف
وين رايح
اجيب اكل يمعود هاي شون شغله مناكللللل
يله يله لتصيح سديت اذني نزل ياسر جسمي من الداخل يرجف احس حتى دمي يفور اي صوت يفززني جني مريض الحمى اللي يفز باقل صوت لان جسمه ضعيف طبيت للفراش لزمتني البارده ليش هلكد تاثرت لان صار هواي مشايفها لو لان كامت تشوف لو خايف تعرفك وتحملك الذنب لووو لان دتخون ايناس اخر احتمال خلاني اطم راسي بمخدتي اريد ابجي مااكدر متذلع دمعه غمضت ردت انام ارتاح مكدرت سمعت سده باب الشقه وصيحه ياسر
يله اياد تعال تغده دنرجع للمعمل عدنا كومه شغل مرديت طب للغرفه مالتي باوعلي مخوصر
بلوعتله وغمضت عيني
باوعني كدامك معضتني ولا عرفتني جريت نفس
اياد اريد انام
تريد تبقى وحدك
اي الله يخليك
يله ماشي اخذ راحتك
رجعت احتاج للهدوء رجعت للفوضى البداخلي شهالخربطه الدااحسها شديصير بيه نمت واخيرا ساعه وكعدت احسن اكلت لكمه من البقاه ياسر ورجعت للمعمل احاول ماباوع عالمكروز وصلت للمعمل دلوني عالموقع البي ياسر اخذت تكسي ورحت انغمرت بالعمل وحتى بتت هناك للفجر نشتغل ونمنا ورجعنا كعدنا بالعشره الصبح كملنا شغل وللعصر يله رجعنا قبل دخولنا للفرع نال شقه كلبي دك سريع درت وجهي عن ياسر الباوعلي بعد ماباوع للمكروز نزلنا وصعدنا بالشقه طب ياسر للحمام من دون مينطق طلع وطبيت وراه سبحت وتعطرت نفس عطري ولبست تراكسود بقيت صافن على حالي يعني اذا شاقتني هسه حتميز ملامحي عالمره ال2 حركت راسي نفضت الافكار منه طلعت ياسر ديسوي كهوه
ها يله تعال للبلكون
جايك جبت باكيتي ورحتله بقينا كاعدين ياسر يسولف شون شد الباب الجبيره ورادت توكع وتطك واني احجيله شون العامل الكردي دهري وضوجني كملنا الكهوه صفننا عالجبل ساعه المغربيه لمحت سياره وكفت بباب المكروز الخارجي نزلت بنيه نفس حجاب جيلان حجت بالعربي
شكرا خالو كالت وطبت للمكروز وراحت ياسر منتبه الا اني رخه جسمي خوف ليش داخاف شنو السالفه
اروح انام تعبان
اي ااني هم شوي وانام
ديله باجر تره من الخمسه
اعرف احم طب للغرفه بقيت اباوع عالشلال جريت نفس طفيت جكارتي كمت افتر بالشقه ارتب القنفه بملل اغسل الدله والفنجان اروح منا واجي منا فتحت الثلاجه فاكهه ماكو عبالك مصدكت واني اساسا مو صداقه وي الفاكهه باوعت حليب هم ماكو لا هاهي لازم اتسوك وكفت كدام المرايه اعدل شعري بله مشط وبالي غير مكان نزلت بهدوء رجل تخط ليكدام ورجل تخط ليوره ضجت من روحي رجولتي المهزوزه صممت ونزلت طبيت للمكروز جان هاديء قليل بي ناس ساعه تسعه بليل نسيت شريد بس عيني تدور عليها شفت نفسي بصف مجمد اتفرج ومااعرف شداشوف المعنى الحقيقه لكلمه انشلشت رفعت راسي شفتها تحجي وي بنيه عالمكتبه دفاتر واقلام والوان وقصص واكفه هي عليهن رفعت راسها التفتت باوعتلي بقيت صافن وجعني كلبي من ديره عيونها بقت مركزه ثواني ودارت وجهه هف همزين دارت عينها مشيت باتجاهه كالت
تفضل بالكردي بقيت ساكت بلعت ريك خليت ايدي بجيب تراكي ماباوعلها اباوع عالغراض جريت قلم وكعت كوم شغلات مجلبه بطرفه كان بينت ملامح التضايق بعينها باوعتلي ودارت وجهه ترجع اخاف احجي تعرف صوتي بقيت بس اباوع وتلفت شكت بيه دااتحارش
اشتريت كم غرض شون مجان ردت اطلع وكفت عالمحاسب جابت غرض تتاكد من سعره وكفت بصفي كلش باوعتلي صفح تقربت من جهتها اخلي الغراض حسيت روحي مدري شوني كافي لطلطه رجعت ليوره شفتها غمضت شوي وفتحت عينها متفاجئه بقت تباوعلي واباوعلها نفسي انكطع كحيت نصيت رفعت راسي بعدها تباوعلي مشيت كم خطوه درت وجهي. ---
رحت جبت ملح ورجعت للكاشير بعدها واكفه وتحاجي
ممسجلين عليها سعر جاوبها هسه حدكه بالحاسبه اخذت الغرض ونطاني السعر كال27000باوعتلها مديت ايدي بجيبي صدك المحفضه مو بجيبي غمضت عيني قوي فشلت والنوبه هي حرنت لا دترجع ولاابو الكاشير دك غرضها بالحاسبه يعرف السهر فشلت باوعت لابو الكاشير كتله بالكردي احنا جيرانكم فوك نسيت المحفضه خلي الغراض بالعربانه اجيب المحفضه واجي باوعلي وهز راسه موافق اخذها على صفحه باوعتلها صافنه عليه معقوله عرفت صوتي صعدت وكطره دم مبقت بوجهي من الخجل نزلت المحفضه ونزلت للكاشير اشرلي كال تاخرت اشر عليها اباوع دترجع غراضي باوعتلها رحت يمها وكفت حاجيتها بالكردي لترجعين جبت المحفضه مباوعت بوجهه جريت العربانه مشيت كم خطوه كالت بالكردي
عرفتك
وكفت كلبي دكاته تسارعت التفتت عليها اباوعها بقلق تكتفت تباوع تهز راسه رجعت كالت
عرفتك من صوتك وعطرك
ابتسمت نصيت راسي
بس ملابس نضاره
احم لا رديت عليها عفت العربانه ورجعت عليها بيناتنا متر تقريبا كالت
اختفيت مجيت بعد
انشغلت هذا الكدرت ارد عليه ابتسمت شونه نضرج جاوبت زين هم نوبات يغوش بس الحمد لله زين صار شهر من كملت نقاهتي
ممم حمد الله عسلامتج. كلتها بالكردي
بعدك تحجي مكسر
ابتسمت هزيت راسي اي جنت خجلان اكثر منها ومن عيني تصير عالكلاده يضيع الحجي بعدها بركبتها كطع سكوتنا صوت ياسر صاح اياااد
ها نسيت ورديت عربي كال
ابوك ميت مره خابر دتسوي يمعود ساعه تتسو---- وصل يمنا شافني واكف وياها يباوعلي ويباوعها
صفنت عليه عاكده حاجبها تباوعلي بشك ياسر فتح عينه يباوعلي طبيت بهدومي ابد مو وكتك ياسر ابد اخذت تلفوني منه بقوه وخليته بجيبي خزرته
كالت
انت عربي بالعربي
اي اني عربي
من وين
من باوعت لياسر بلعت ريك من كركوك ياسر عكد حاجبه كتف ايده باوعلي معاجبه
اني هم صاحت مكيفه ابتسمت هزيت راسي اباوع لياسر وكفته تضحك جر العربانه كمل مسواك بقت واكفه وبقيت واكف شنو الديصير مااعرف صاحو جيلان التفتت كالت اني حروح عدي شغل اني شفتي يبدي من الاربعه لل11يجيني خالي
تحجي واهز راسي
اي شي تحتاج اسال عني او تلكاني لو عالمكتبه لو عالمكياج
بقيت اهز براسي وهي تحجي صارت تختلف عن قبل هاي الهادئه الخوافه لا تغيرت مو هي اخر شي كالت يله باي اشرت وراحت انداريت ادور ياسر لكيته عالمجمد رحت يمه باوعلي ودار وجهه
شبيك شو عبالك زعلان
حالتك معاجبتني
شمسوي
اياد باوعني احنا مو كد كسر الخواطر
ممسوي شي اني وممواعدها بالزواج
باوع يابه هاي توها مفتحه احجي من بين سنوني خاف احد يسمع بس صرت نار توها مفتحه وتريد تعيش حياتها وشافتك انت مهتم بيها راح تحبك وراها تكولها لا عذريني بباي
هم رجعت عدتها ياسر مسويت شي بس سلمت عليها وانتهت بعد لا حاجيها ولا ابد
اياد
ياسر دااكولك مااتدكر بيها بعد
خل اشوف والله ياصاحبي اني علمودك هم تضل يانبك ضميرك لان جرحتها
بقيت ساكت رجعنا للشقه خابرت ابويه سوالف زياد خطب وبعد شهر مهره وراها بسبوع العرس واعدتهم اروح واكيد لازم اروح كلام ياسر انحفر براسي كل كلمه كالها صح مناقشته وراح اسمعه هالمره. تمددت انام سمعت تلفونه دك وره شوي طب للغرفه كال اني رايح عدي شغله ساعه وارجع بقيت اباوعله مبتسم تك شفه هااا بلنكو
حكيت براسي لالا اعوذ بالله
لعد شنو ميرندا
لا نسوووووان
لك انت متجوز والله مستغرب كلت جر عدل
ولك اشرت بيدي شايف ايدي كريات دم وحمره ونسوووووان تمشي بالدم عود من اتزوج اندار على مرتي بعد شسوي بيهن
ممم الله كريم ويهديك
يله باييي
الله وياك طلع رجعت نمت اتذكر كلامها ضحكت شون كيفت من عرفت من كركوك -------
فاروق- مر يومين ومر اسبوع ومتصلت ولا احد من اهلها اتصل تركتها براحتها الله يجيبج ياطوله البال كملت غده صعدت انام تعبان دك تلفوني اباوع ابوضرار عمي رديت
الو
ها عمي الله يساعدك
هله بيك عمي
يابه تجي للبيت نريد نتفاهم
اي شكو منها هسه ابدل واجي
منتصرك في امان الله
بدلت وطلعت حاير شراح يكولي توقعت يكول انه ترجع بس متمد ايدك عليها وصلت طبكت السياره دكيت الباب فتحت عمتي الباب بعده وجهه ثكيل ابتسمت تقربت بست راسها
شونج يوم
باوعت بعينها مبتسم دمعت عينها ادري بيها شكد فطيره وتخاف الله كالت تفضل يمه طبيت نزعت حذائي وطبيت الصاله عمي كاعد من طبيت وكف تسالم ويايه. سالني عن احوالي وعن اهلي الا ان فتح الموضوع
بقيت ساكت انتضر كال
عمي البنيه تكول ماارجع
براحتها عمي كلتها ببرود رافع حاجبي
اني وامها كلنا لو تخابرها تطيب خاطرها بكلمتين حلوات تلطف الجو خليت اصبعي جوه خدي ورجل على رجل رافع حاجبي صافن على كلامه ساكت اسمعه للاخير اهز براسي من يحجي كمل باوعلي ها شنو رايك
عمي انت بمثابه والدي انت لو بمكاني اني ماريد اصير مثل التسوان واكولك هيج كالت وهيج كالت ماريد يصير مخاجل احنا زلم
اي ابني اعرف
زين انت برايك اخابرها اعتذر واكولها ماسويها بعد ومامد ايدي عليج زين مراح تعيد الحجي والخربطه مره ثانيه وتكول عادي يصالحني
لا يابه حجينا وياها
عمي صيحها تعتذر مني عالحجي الحجته عن اهلي واعتذر منها كدامك وابوس راسها هم باوعتله وكف صاح دره يابه تعاي
حسيت كلبي حيوكف شهر مشايفها مشتاق لكلشي بيها بلعت ريكي كعدت طبت بثكل باوعتلي ودارت وجهه ضعفانه بقيت اباوعها بعتب وجههه الحمد لله مبي اثر دارت وجهه على ابوها
سلمي على رجلج بابا
شونك فاروق
رديت عليها --- شونج دره احمم صوتي كام يكطع
ابوضرار- بابا اعتذري من رجلج عالحجي حتى هو هم يعتذر
ليش اني شحجيت قابل
فاروق- باوعت رافع حاجبي فتحت حلكي
ابو ضرار - بابا دره لتعاندين
اوكف اوكف عمي بس دقيقه يعني انتي كلشي محجيتي
دره- بقيت ساكته اباوع بعينه اني وامي دااحجي عادي من اجي احجيها بوجهك ذاك الوكت عاتب
هااا يعني محجيتيها بوجهي
لا
لعد اني هم مما. ايدي عليج حجيتها بهدوء رجعت ارتجيت غديت دم ردت جكاره وعمي كاعد ضل يخزرها كدامي كال كومي اعتذري من رجلج
اسفه فاروق
جريت نفس اني هم اسف مديت ايدي عليج
ابو ضرار - باعو يابه صار بينكم طفل حينجمع دمكم بفد طفل لازم تحافضون عالعلاقه البينكم مو هين الطلاق
فاروق- باوعت لدره بعتب اعرف من وره خشمها بقيت ساكت اريد اشوف تاليتها شنو
عمي البنيه عدها شروط حتى ترجع
تفضل عمي وتني الاكدر عليه مااقصر انشاء الله
اول شي تريد تبقى هنا
يعني شون تبقى هنا هي هنا واني هناك هاي شون حجي عمي
اسمعني يابويه اني داابني مشتمل وتكعدون بي كدام عيني وهي هم تعاون امها بالبيت تدري مره جبيره
مممممم هزيت راسي باوعتلها ليش عمي حتى اصير ادمي مثل اياد اخويه شوف عمي هالسالفه اني مااكدر عليها سالفه الكعيدي اخاف قبل اياد لخااااطر ام ايناس راح استقر هناك وتندمنا خلينا بصراحه لان طلعنا طابين على طمع على حسب كلام الخاتون
عمي حجي النسوان لا يودي ولا يحيب
صح كلامك عمي راح اجي وياك بديت اصير عصبي اباوعلها تباوعلي من وره خشمها بسيطه.
عمي تستقرون هنا وهسه زياد اخوك يتزوج ويستقر عد اهلك وهنا البيت جبير واني اريد. احد ويايه
اعذرني عمي مستحيل
دره- لعداني مستحيل ارجع واشوف مرت اياد كدامي بعد ايناس وهو مكمل حياته وهي بالتراب اختنك صوتي
بس بابا شنو هالكلام اني شكلللت
فاروق- براحتج همست ببرود ماباوعلها عيني على عمي البده يتعب
ابو ضرار- ابني فاروق واحد لازم يضحي حتى تمشي الحياه
اني ماضحي بكرامتي اعتذر باوعتلها خليها معززه مكرمه عدك. ومصرفها كل شهر يوصللها مااقبل احد يصرف على مرتي وابني
وانت شون ابني تعيش بله مره
ومنو كال بله مره الحمد لله متمكن مو مثل اخويه حافي واكدر اتزوج والله حللل بدل الوحده اربعه بقت تباوعلي بغضب مهتميت باوعت لعمي يستغفر ربه وكفت بسته من راسه همست باذنه عمي اعذرني مااكدر اترخص عفت البيت وطلعت لعبت نفسي من كل سوالفها رجعت للبيت امي بىجهي صارت تريد تعرف الصار كعدت حجيتلها حتى متروح تخابر اذا مربيتها اني مو فاروق -------
يتبع
