بقيت اكبر واصغر ايناس جانت حاوه ومبين عليهم شكد جانو ناس تحب ناس وحده من الصور باسته من ركبته انتبهت اكو سلسال بركبته كلبت الصور شكد جانو فرحانين شبعت بجي دااصعد صار بوجهي فاروق نصيت راسي عدلت شالي
ها كملتي بجي جريت نفس جيلان تجين شوي يمنا فوك
لا شكرا حصعد انام جسمي مكسر من التعب
اريد احاجيج ومدام اياد مموجود روحي فوك يم دره شوي واصعد اجيب مي
هزيت راسي اي صعدت طبيت لدره باوعتلي دترضع بتها باوعت لبتها جتج خاله جيلان ضحكت تقربت عبالك لعابه عدها واني فرحانه احس راح العب بيها انحشكت بدره
دره- لج بيه ريحه لتشميها
لا والله مابيج
كذابه تجاملين
يعني قابل اكدر اتحمل ابقى
ههههه خرب يومج باوعت بركبتها بلعت ريك باوعت بعينها شوكت لبسيالج
هاا استغربت مفتهمت باوعت لانجاه عينها كلادتي طالعه من جوه الحجاب شنو مفهمت
اياد شوكت لبسيالج فتحت عيني
شون يعني ابتسمت عكدت حاجبي
تدرين جيلان اياد يحبج
لا والله ميحبني لحد اليوم جان يسمع بكلامها
لو ميحبج ميلبسج كلادتها
شنو كلادتها هاي بلعت ريك هاي مو كلادتها
ههه منو كلج قربت ايدي كلبتها هاي كلادتها باعي ارنوبه
فكيت عيني رجعت ليوره تذكرت عمي ومن شالها كال ناسي هاي ولبسها الي راسي افتر كمت ارجف بردانه اياد اي اياد نفسه وكفت رجعت ليوره فتحت الباب فاروق بوجهي
تعاي جيلان
لالالا وانهزمت لغرفتي سديت الباب وكعدت بالكع اريد ترتيب للمواقيت والحداث شو كلها تشابكت
دره- هاي شبيها
فاروق- جيلان صحت بصوت ناصي طبت وقفلت الباب انداريت على دره شكو
دره- عزه بعيني خاف متدري هاي ايناس بس حتى لو ليش هلكد انقهرت الكلاده الجانت لابستها كتلها لو ميحبج ميلبسها الج
فاروق- اياد ملبسها كلاده ارنوبه الله يرحمها?
اي والله لابستها بركبتها
شو ممقتنع هو الشال موجود بالجكمجه وين ميروح وياه يلبسها كلادتها
قابل بايكتها
والله مااعرف عبالي احجي وياها عوفيها ترتاح هم طريق سفر وتعب
جيلان- زين شون صفنت اي اي صح هو صادفني وعوفني ولا ليش يساعد وحده ميعرفها راسي حيطك اني حابه واحد من وراه عمي انحرمت منه كمت انود مثل المطلكه جسمي بالساعه ونص كاعده بالزاويه واهزه ليكدام وليوره حدث وره حدث صح همه اصدقاء ثنين عزه بعيني شكد غبيه اخوه بالجيش واسمه اسمه اياد غمضت عيني تذكرت من كال يجي يوم وتعرفين منو مفضل على منووو لااا يا الله حقدت عليه لو بس كايلي لو بس حاجي تذكرت من اتوسل بي واكوله الله يخليك لتبلغ تذكرت من انهاريت وطردته نمت بالزاويه وروحي وصلت لجيلان الجبل اللي بعقره غفيت ومرجيه راسي عالحايط
اياد- بال8الصبح اني ببغداد ببيتنا زرتها وارتاحيت وذبيت همي عد الامير طبيت لبيتنا فاروق ديطلع جان بوسته باركتله وصعدت لغرفتي متكسر يومين اسوق سياره طبيت لكيت جيلان نايمه بالزاويه مكنفده استغربت تقربت منها همست جيلان فزت ابتعدت عني
شبيج بقيت صافن
هزيت راسي بله صوت مابيه شي
تعاي نامي بفراشج
هزيت راسي اي اباوعله هذا الجان عدنا اني الغبيه مرته وماتت هواي اكو شغلات ليش استبعدت الصدفه وكلت مستحيل يكون نفسه الغدر بينا وهسه ضميره انبه بيومها مكدرت احاجي رجعت نمت ورغم حراره الجو بس ميته برد بقه كلسا يقترب من صفحتي يباوعلي تكش روحي من احسه قريب نفرت حيل كل حبي صار استصغار واستحقار نمت وحسيت الضهر جان ديصلي وساجد جسمه يهتز يبجي بقيت اباوع عليه وكفت غسلت وجهي وطلعت نزلت دره وبتها جانو جوه وام اياد وعمي وزياد مدااكدر احجي حبيتهم ممبين عليهم يغدرون بقيت صافنه اباوع لزياد تذكرت اياد من سالني وين عمج هسه وكتله مسافر معقوله انه اياد وزياد مشتركين حتى يندلون مكانه ويلزموه باع اني وين رحت جريت نفس خيالي صار يستوعب كلشي من الصدمه نزل اياد تريكنا واني حسي مطلع ملجم حلكي تقرب من بنت فاروق شالها شمها وباسها اني صافنه عليه يباوعلها وميحجي عيونه نار تطلع منها نطاها لامها وخلالها ورقتين بالكماط اني نزعت الكلاده بعد اياد يباوع عالطفله تقربت من دره وبنتها باوعت عالطفله خليت الكلاده بدنبوس الكماط ولبست الزنجيل لدره باوعتلي مستغربه
جيلان- من تكبر كوليلها هاي من وحده نفس اسمج همست باذن دره اياد مسمع رجعت لمكاني وخرت من يم الطفله وهو بعده واكف فوك راس دره يباوع للطفله شفته وجهه تغير لونه بلع ريك انتبه عالمداليه كلبها وباوعلي نصيت راسي وبعدها الرجفه بيه تركت المكان وصعدت ردت ابقى وحدي طبيت للحمام كلسا احس روحي بمثل الحلم وهسه اكعد منه غسلت وجهي ونشفته طلعت لكيت اياد كاعد على حافه الجربايه منصي طلعت من الحمام يباوع على خطواتي بنصيته لراسه دك تلفونه سوه احمم الو --
اتصل بي ضافر واصله بضاعه ولازم يستلمها لان الوصولات كلها هو موقعها حاوب كله حاجز اني طيران سليمانيه ب9اني بدهوك انشاء الله عرفت انه راح نرجع لميت هدومي التفت عليه مباوعت منصيه ترك الغرفه وطلع اريد ابجي ليش مدااكدر ليش مخنوكه
اياد- شنو عرفت كلشي زين شسوي انزل اسال دره اي احسن شي نزلت يوم دره وين
يمه راحت بيت اهلها البارحه طاك الوطني عدهم ورجعها فاروق لان حاره تريد يم امها تخجل هاي وامها خبصت الدنيا
اي اي يوم زين حتحجي قصه حياتها واني مفرفح اروح اسالها لا خاف اثبت عليه سالفه لزمت راسي باوعت ساعه 2بعد 3ساعات الطياره جتي ريناد وسوالف وضحك وصعدت يمها هي ودلال جنت اسمع ضحكهم بس هي لا بقيت بحيره وشك وخوف لا يابه جان كلبت الدنيا هاي جيف رحت للنجف ومكتلها تغدينا وهمه منزلوا. للغده صاحت امي يله يبنات تعالو
ياسر اجه وبقينا نسولف ونضحك بس كلبي مقبوض وممرتاح كملنا غده وصعدت لكيتها دتبدل اخاف احاجيها باوعتلها ودرت وجهي عالجنط محضرتهن عدلت الشال ونزلت نضره مباوعتلي
جيلان- سلمت عليهم كان اخر مره اشوفهم امه توصيني تكولي صيري سباعيه بداخلي اي راح اصير شبعت مهانه واللي ردته صار رديت جميلك وكفرت عن ذنبك جمعت خوش مبلغ راح استاجر شقه وي اسو وامها نشترك مااعرف ليش منفكره بهالموضوع يمكن لان كانت امها بعدها منطلقه وهسه تطلقت وكعدو وحد بشقه صغيره اكعد وياها شو بس نسوان واشوفلي غير مكروز او عن طريق معرفه استاذ دلشاد جريت نفس والافكارتتخطط قبل وصولي لدهوك طياره اول مره اصعد بس ردت كاع دهوك بعد لعبت نفسي من كلشي طلعنا ووصلنا اخو بسيارته من دينزل باوعلي ودرت وجهي عنه فتح الجكمجه بهدوء مااعرف شطلع منها باوع لاخو كال سلم على فاروق ودير بالك على روحك يله في امان الله نزلنا سوه امشي واحس شكو ثكل بالدنيا على كلبي كلسا يندار يباوعلي ميحجي يمكن حس اوعرف انكشف كذبه صعدنا الطياره كعدت يم الشباك اعتراني الخوف شي يطير بالسما خصوصا لاني تاركه الصلاه ومااصلي وكل مره اضبطها ارجع اترك كمت ارجف من بدت تتحرك التفت عليه باوعتله بقلق من لاجاره الحركه زادت وسارعت
اياد عفيه حباب دمعت عيني
شكو شبيج
اخاف هل ننزل
هه ننزل شنو هاي طارت باعي طرنا احنا بالسما
عزه ماما والله بس اوصل اصلي ومااكطعها كمت اوجف صدك هاي لو صوره ملزوكه عالشباك
هههه تحبين افتح الشباك خليت ايدي عالشباك صدكت
لالالا
ههههه جريت نفي شفتها مجلبه بزندي تنهدت بلعت ريك بقيت اباوع بعينها تباوع عالشباك وتغمض وترد.د يارب سترك ثلاثه ارباع ساعه وصلنا النوبه من دنهبط طبكت روحها ضحكتني لحد موكفت الطياره ونزلو اباوعلها وجهه دم وكفت ايدها على بطنها باوعتلي كالت حذب من راسي
لا يا الله وييين لج ركضت للحمام مال الطياره وسدت الباب اشرت للمضيفه حامل طلعت بس وجهه اصفر نزلنا اخذنا تكسي للمعمل كبل حتى يدخلون البضاعه اساسا اني متاخر نص ساعه وصلت ونزلنا من السياره التكسي باوعتها جيلان انتضري هنا
اي همست بقيت اتفرج عالبنايه مال معمل انفتحت مثل الشاحنات وتنزل شبابيك جبيره وبوب بكل انواعها بكراتين دخلوها للمخازن طولت السالفه ساعه اني كعدت على دجه واياد كلسا يلتفت عليه يباوع ويرجع ياشر ويرشد العمال كمل رجع يمي كال يله هاهي امشي رجعنا للشقه بسياره صديقه وصلنا وصعدت ذبيت غراضي بس مفرغت الجنطه وحالفه ماابقه بعد طب للحمام سبح وطلع كال جعت حميت عدي بيتزا وخليتها بالماعون كعد دياكل دافوت الغرفه كال
اوكفي
وكفت وضهري عليه التفتت
جيلان همست اخاف افتح الموضوع
نعم احجي
شبيج
ماكو كلللشي للاسف كلشيي ماكو
عكدت حاجبي اكل قطعتين ودفع الماعون غسل وكعد بالهول ورث جكاره صافنه على حركاته يريد يفتح موضوع اشرلي تعاي كعدي عالقنفه يمي
جريت نفس واخذت موقف اجه وكت المواجهه كعدت يمه جر نفس الجكاره وكرمش عينه
احجي همست وذبيت التتن
شحجي هو شكو رفعت حاجبي
جيلان تنهدت ليش انطيتي الكلاده لبت فاروق
لان مو مالتي ومو حقي والحق يرجع لاهله
فتحت عيني بلعت ريك مرتين وكفت كلبي رجف اباوع على طولها همست تعاي دافهمج
شتفهمني اياد هاهي خلص الفلم هاهي
شنو قصدج وكفت نترت بيها شتقصدين لج
اريد كلشي ينتهي اياد خلصني تره حططططك اشرت على ركبتي عمي ووفييت دينك وياه ورحمله والديك مقصرت درت وجهي داروح
جريتها من ايدها جيلان بس سمعيني
ماريد اسمع
اوهووووو اني معليه بكلشي تره اجيت وره سبوع لكيتكم ماكو
باوعت بعينه ادور الصدق دمعت عيني وعينه
والقران اني معليه جيلان مبلغت اني والله اذا تردين جريت التلفون هسه نسال ياسر
صفنت عليه لالا ميحتاج همست كعدت عالقنفه خليت راسي بايدي تعبت
عمج وينه الان وينه ابتسمت تنهدت
سافر لتركيا باوعتله انهزم خاف منك وراها بفتره جوي الشرطه واخذو سادو هم
فكيت عيني بس اني والله ممبلغ حتى رجعت عليكم ردت اساعدكم بشي ملكيتكم
هزيت راسي همست صدكتك. لتحلف حريت نفس
شون انهزم لتركيا
قجق وبقه عالحدود بالجبل وحده جريت نفس
متكدرين تتخابرين وياه
لا ليش تسال رفعت حاجبي
بعدج تشكين
اي بعدني خاف تريد معلومات لزيد
باع هاي صدوك جذب بابا انتي وين
انت الكلت اني اخويه بالجيش صح لو اني غلطانه
ابتسمت لعصبيتها وتذكرها الكلام الكلته صح همست بس لتخافين اني ردت ارد الجميل
اياد باوع اني وياك مااتصور نكدر نكمل بعد
هاا عكدت حاجبي بيش قصرت
ممقصر بشي والله بس اني اريد اعيش حالي حال البنات وشنو يعني مطلقه اليعرفني زين اكيد راح احجيله قصتي احجي وهو يدخن ويهز رجله متوتر
شتريدين يعني طفيت الجكاره اشتعلت روحي بمكانها
اريد ننفصل واعيش بيت اسو وي امها لان امها انفصلت عن ابوها
وتصيرون بيت مطلقات نصيت راسي ورفعته باوعتلها مستهزا
بس مرتاحين بقه يباوعلي وينصي يهز رجله وكف كال
انتي صار فتره متغيره مو من هسه منتبه عليج
اني لاوالله بس دااحس هسه اكدر اعيش وحدي وي اسو
عدج احد تفكرين بي كعدت عالقنفه الكدامها احجي والله ماسوي شي
شتسوي يعني لا ماعدي
جيلان تغييرج
متغيرت كتلك البنات حاجوني جربت واكلت نعل لو ادري ممقتربه شلعت ذلللل صحت بعلو صوتي وكفت واحجي بنت ه بقت فاتح حلكه صافن وكف على كيفه كال
التردي يصير براحتج
اوك طبيت للغرفه المن غراضي كلها بعصبيه سمعت طكه باب الشقه انسدت كعدت بالكع ابجي بقهر غمضت عيني جيلان الصار اسهل بهواي من المر عليج. تركي محاوله فاشله اعتبريها من العمليات اللي فشلت لعينج ياريتني باقيه عميه وممفتحه ياريتني بقيت عميه ضربت على وجهي كملت لم غراضي ونزلت عفت التلفون واخذت الشريحه مسحت شكو شغلات موجوده بي نزلت اخذت الشهريه من استاذ دلشاد وكتله اريد اشتغل بغير هالمكان اسو تباوع بعيني خايفه متوقعت بهالسرعه اسوي الكتلها عليه استاذ دلشاد واعدني بعمل وهو اليتصل طلعت بتكسي واسو ويايه ودتني لشقتهم جنت احس روحي ناقصها شي ماخوذ مني شي تعبانه لدرجه احس الدنيا وكفت ام اسو كسرت عليه واسو يمي خطيه اني بس صافنه كلسا اكول لا ارجع واتذكر اهانته الي وانه مقيد بمرته الماتت اول ايام مرت صعبه تعبت ببعده متعلمه عليه وام اسو بس تنك براسها بس اني بغرفتي من اضوج افوت تقاسمنا بكلشي شهر عليها وشهر عليه خفت لا تكمل فلوسي اتصلت بدلشاد كال تعاي هسه داومي وبس اكالج شغله ادزج الهم خفت لا التقي وياه صار سبوعين من تركته سويت بلوك لرقمه ميكدر يخابرني بالبدايه خفت اروح بعدها كال طليقج سافر لتخافين سلم المفاتيح للحارس كله شهر وارجع بقيت صافنه وين راح هانت عليه عشرتي واهتمامي
اياد- من رجعت وملكيتها تخبلت حسيت ايناس ماتت من جديد افتر بالبيت ماعرف شسوي رجعت اسمع صوت ايناس كام ميكفي شمرت الجهاز كعدت سديت اذني اريد هدووووء سديت اذني بقيت اسمع صوت عقلي اريد افكر شسوي اني مااكدر اتقوب ودااحس حتى رجولتي انعدمت ومااكدر اجبر روحي اخاف ااذيها توقعت حيجي تبليغ عالمحكمه بس الضاهر بعدها ممقدمه محامي رجعت وحدي لا اكلي لاشربي الوحده كتلتني ضافر دز فريق الشد لاربيل جلبت بيهم كتله وياهم بس ردت الوكت يمشي سبوعين مشت لاشغله بيها خير طلعت من جوه ايدي ولا نصب زين اكدس بالتعب مااكدر انام واخربط بالشغل مكدرت بعد رجعت لدهوك ادورها اسال عليها اشوف وينها احاجيها بلكن تقتنع وصلت الشقه واشوفها واكفه وي امين الولد الكركوكي الكالت عليه جانت تضحك وهو يحاجيها شنو من دمي فار طبيت للمكروز طبكت عدي بعد جريتها من ايدها بقوتي البقت فزت صاحت شبيك
جريتها اريد تطلع بره سحبت ايدها بعصبيه كالت دااتاذه مو كافي اذيه مو كافي متحملت مديت ايدي ضربتها صوت الراشدي وصل للمكتبه جتي اساور عالصوت ضربتها شهكت بلعت ريك لزمت خدها نصت راسها وطلعت من المكروز العالم كلها تباوعلي دلشاد تقدم لناحيتي طلعت مزجردت احجي وي اي احد طلعت اتلفت ماهي صعدت للشقه مفرفح منضرها من واكفه وياه وتضحك واني ميت ببعدها كطعني وين الكاها ويين خابرت اساور مغلق خرب دكيت على خالها دك دكتين رد الو
االو كلتها ارجف
هله اياد هله ابني
هله عمي شونك
بخير الحمد لله شو متبينون والله مشتاقين لجيلان اني ووسن
انشاء الله عمي ااانشاء نجي فد يوم
اي كول تفضل ليش دكيت
ااردت شهاده جنسيه مال جيلان
والله عمي بكركوك عايفيها القديمه شتسوي بيها عالجواز تمشي كلها هسه
ها اي خوش ديله في املن الله سديته وين الكه اساور بعد اذا داومت زين كعدت ارجف اباوع لايدي صدك انمدت على خدها الناعم اياد شسويت شخربطت لعابه ضامها عدك بباكيتها لتلعب بيها ولتنطيها لاحد يلعب بيها اخ ربي شسوي دك فاروق مرديت عليه رجع دك ضافر شمرت الجهاز تمددت البيت وصخ المواعين الوصخه مليانه حتى هدوم نضيفه ماعدي حياتي انكلبت بعدج مرت يومين بس انام اجه ضافر دك بالباب وراح حتى مفتحتها بس نايم ومي اشرب وابلع حبابي وجع راس بديت انتكس انكس من قبل كمت لاريد ايناس ولا جيلان اريد الموت وبس عايش بس على قيد الموت كعدت بالبلكون كمت ماشوف منضر حلو كمت اشوفه كله ابيض واسود وره 3ايام من هالوضع دلشاد مكام يقبل افوت السكيورتي يمنعني ---- واني بالبلكونه لمحت اسو دتوكف تكسي نزلت ركض ختلت وره باب البنايه وكفت تكسي وصعدت اخذت ماطور الحارس ووراها الا اندل شقتها وين بقيت امشي مشو مسافه زينه اخر شي نزلت يم بنايه فاتت بيها ذبيت الماطور وطبيت لكيت المصعد عالطابق ال2 عرفت هي ب2طابق صعدت وراها عالدرج الطابق الثاني بي شقتين شفت وحده منهم دتمسح ومفتوحه بابها باوعت مو اساور ولا حيلان واكو طفل بالشقه اكيد الثانيه لعد نزلت وبقيت واكف عالشارع اكو مطعم بشارعهم عبرت اخذت لفه ورجعت لمكاني شفت اساور المغرب طلعت هي وامها مره ب50 صعدت راسن فوك دكيت الباب محد رد دكيتها مره ثانيه صوتها كالت منو على كيفها
مرديت فتحت الباب دفعتها عليها فزت ورجعت ليوره باوعت بعينها اويلي ارتاحت عيوني بلعت ريك عدج خمس دقليق تلمسن غراضج وتنزلين لا اسوي فضيحه بالعماره هنا اخلي صديقتج هي تكولج روحي----- احجي واهدد ايدي ترجف
جيلان- بقيت وره الباب هزيت راسي اي شكله مو شكل بشر لحيه دكم قميصه مفتوحه نصها فانيله ملابس ولحيته تارسه وجهه وجوه عينه اسود خفت تجي حجايه لاسو وامها لميت الغراض بهدوءوطلعت اني هم تعبت ببعده والفلوس راح تخلص فشل ثاني جيلان فشل ثااااني لميتهن وجر الجنطه من ايدي لبست شالي والمانتو مشيت وراه بتعب وخذلان وفشل اذا رجعتي تبقين
مثل مانتي هاهي هذا مصيرج وبيسسسسس كافي تعبتي كل الحواليج ارضي وسكتي صعدت تكسي وياه وطلعنا وصلت للعماره صعدنا بالمصعد باوعلي بالمرايه منصيه راسي ماريد اشوفه ولاشوف اي احد عفيه دنيا فزتني فر ماعدج غيري وصلنا فك الباب طبيت وطب ورايه شمر المفتاح بعصبيه باوعلي ابتعدت عنه رجعت ليوره شتريد تقدم خطوه لخ ضوت نفسه مسموع اياد ماريدك بعد بجيت مااعرف شبي يخوفني ---انت عايش وي شبح مرتك ارجع ويتقدم متحبني انت واني اريد احب واعيش تقدم الحايط صار ورايه وكفت شلت ايدي احتمي بيها من ضربته تقدم خطوه اخيره حضنني جمدت بمكاني بلعت ريك جرني اكثر فوت راسه بشعري يشتم وبركبتي حضنني بقوه وضعف همس لتعوفيني مثلها غمضت عيني ---سمعت شهكته وبجه قوه حضننه اكثر لتعوفيتجنيييي صاح ويبجي. بقيت مصدمه دمرني خليت ايدي على كتفه قربته الي اكثر لتخاف ماعوفك
كذابه حتروحين وبعد ماالكاج
بعده راسه بركبتي ودموعه بللت كتفي تلمست شعره والله ماعوفك والله تعال ارتاح بقه حاضنتي وصلته للقنفه يخجل يباوع بعيني غمضعينه كلها دمع حريت راسه امسد بشعره على رجلي نام جريت الغطا غطيته
جيلان-نعم
لتروحين بعد
لا والله ماروح
الله يخليج همست اخر كلمه اتذكرها كلتها وغفيت بتعب وراحه لكيتها على رجلها
غفه مثل الطفل اللي ماتت امه مثلي من ماتت ماما ادور عليها بالغرف واكولهم وينها ومحد يرد ماعوفك بعد والله اباوعزالبيت صاير سينما تسحبت على كيفي وخليت جوه راسه مخده وتركته نزعت المانتو وبلشت تنضيف حايره بيمن ابدي اول شي خليت الهدوم بالغساله وبعدها جيت عالمواعين غسلتهن ونضفت البيت لكيت اجزاء تلفون مفلشه ابتسمت خليتهن بمكان واحد نضفت غرفته والحمامات وهو بعده نايم حضرت شوربه عدس وتركتها على نار هاديه فتت اتمدد لغرفتي حايره بامري وياه مريض بس كلبه نضيييف وممقصر بشي حبقه وياه للاخير حسيت كام صاح جيلان جيلان فزيت شبي هذا وكفت طب ركض للغرفه مالتي تقربت منه ماروخ اياد بعد ابد ماروح
هزيت راسي اي بتعب باوعت عليها همست تعبان
ميخالف هسه تغسل وتزين وترتاح
اسف ضربتج دمعت عيني تلمست خدها بضهر اصابعي
مو قصدك اعرف
اي والله اي اباوعلها بتوسل اني حفوت اغسل وصخ صار كومه مغاسل
اي اي فوت
انتي حتبقين مو
اي والله ابقى تلمست خده والله ماعوفك عيونه تتوسل ومدمعه واني وياه دموعي تجري بحياتي مشايفته بهالضعف دخل للحمام وطلع وره فتره ينشف شعره مزين لحيته ابتسمت باوعلي ونصه خجلان تعال صبيتلك شوربه
تنهدت براحه اباوع عالبيت --- حتى البيت ردت روحه كعدت بصفها لزمت ايدها بستها باوعت بعينها تباوعلي بقهر قربت الطاسه مديت ايدي وانتي متاكلين
اي هسه صبيت وكعدت كدامه ياكل ىيباوعلي يبتسم كمل اكل ووكف خله الطاسه بالسنك طيته كلاص اللبن ابتسم شربه وكعد عالقنفه براحه باوعلي
تلفوني وين باوعتلها ودرت وجهي ادور
هياته يمك جان مبي شحن
اي مترسته كرهت كلشي فكيته خابرت ضافر صاح وينك يمعود خبلتني
موجود استاذي اعتذر
لازم انعديت من ياسر
لا والله جريت نفس باوعتها بس والله مريض وروحي رادت تطلع ورجعتها كال
بركه من رجعت ارتاح كم يوم
لالا مرتاح
تجي باجر
اي اجي
خوش يمعود محد يشتغل شغلك سكطوني وخابر فاروق انشل حاله من وراك
ها اي هسه سديته منه خابرت فاروق ضل يشتم كتله مريض واكطع سلم على اهلي باي سديته اريد ارتاح جيلان تباوعلي وايدها جوه خدها ميلت راسي وي ميلتها شدتحسين
بالراحه اني هنا راحتي
واني عدج راحتي وكفت تقربت منها لزمت ايدها اني تعبان كلش اريد انام
اي روح تلمست خده ابتسمت اني هم حنام
هزيت راسي خوش طبيت لغرفتي تمددت باوعت طفا ضوه الهول بعدها المطبخ وانسدت باب غرفتها ارتاحيت جسمي وعقلي متطمن ومرتاح مامن عليها يمي وواعدتني متروح غفيت براحه حلمت دتلم هدومها ودتنهزم بليل فزيت من النوم رحت لغرفتها فتحت الباب لكيتها كاعده تكلب بالتلفون
ها شبيك فزيت من دخل تقرب
مدااكدر انام وحدي باوعت عالجهاز ويامن دتحجي قريت اسو ارتاحيت
شنو متكدر تنام وحدك شدتحس
خايف همست اباوعها بتوسل
ابتسمت اشرتله على فراشي نصه راسه خجلان
لتخاف مو قصدي شي بس ارتاح بحضني
رفعت عيني باوعتها ونصيت ------ يتبع
الاحداث متسارعه لان لازم اسرع لان بقت كم حلقه
