كعدت باليل جان بعده نايم تركته مرتاح حضرت عشا خفيف وكعدت بالبلكون اتفرج عالناس الرايحه والجايه اساور راح اشتاقلها المكروز مينجرع دونها دك تلفون اياد التفتت شفته فز مد ايده عالميز رد بتعب
الو ها ياسر اي لا باجر ب5اي الله وياك هناك نلتقي لالتجي عليهاجي بسيارتي خوش سديته كعدت مسطور فركت وجهي وراسي وخرت الغطا التفتت وينها باوعت عالبلكون شفتها تباوعلي صفح مبتسمه ابتسمت هاي ليش مكعدتيني
شفنت خطيه تعبان
نومه المغرب تكسرتي وكفت طكطكت جسمي اتمعصر اخ يابه لا ومغطيتني يعني متريد اكعد نوم الضالم عباده مو
لا والله علمودك
شدتشربين اشرتلها بركبتي على ايدها
جاي حليب
واني ماالي جاي حليب
هسه اصبلك
خوش طبيت لغرفتي بدلت وطلعت غسلت وجهي وفتت للبلكون اي شكو ماكو صار شهر شسويتي مسويتي باوعت لشعرها رافعته عالي ونازل مثل السيوف لخصرها اللمعه زايده واللون يخبل صار
مسويت شي تونست وي اسو تصنيف
اي باوعت بعينها شعرج مسشورته
لالا تسريح دائمي
لا هذا يبقى هيج
اي فد ست شهور
حرامات جان حلو
دروح يمعود كاسر ضهري عبالك جودليه على ضهري
ههههه لا بس كلش حلو والله وين سويتي
هي اسو تعرف وسوته هنا
ممم زين شربت من الجاي حليب باوعتها بعد شسويتو
ضحكت باوعت لاضافري باوع سويت اضافري هم
ها باوعت لايدها بيضه بس اصابعها طويله وضعيفه ابتسمت تذكرت ايد نوسه جانت مدبدبه ومن الزمها عبالك ماكو عضم شكد جنت احبها باوعت عالجبل جريت نفس نسيت شكالت
حلوه
اي اي بدون ماباوعلها
كملت شغلك بحاج عمران
اممم هزيت راسي جريت جاي حليب وعيني عالجبل رجعت باوعتلها الفريزر مليان كبب وبورك شنو الفلم ابتسمت
مو جتي اسو استغليت فرصه علمتني عليهن اني كلشي مااعرف اسوي خلف الله عالنت
هزيت راسي اباوع بعينها عاشت ايدج همست --بقت اباوع بعينها تباوعلي وتنصي تذكرت شكلها باللبس المغري شون جانت حلوه واتصور هي هم تذكرت الموقف نصت وطلعت من البلكون جريت نفس بعد مرجعت للبلكون بقيت اكلب بالفيس خابرت فاروق وزياد سالفه منا وسالفه منا صارت ال12التفتت شفتها كاعده تحجي بالمراسلات عكدت حاجبي ويامن دتسولف خفت اسالها تركتها بس مااعرف شحسيت خوف وقلق شك نوعا ما من ابتسامتها اثناء المراسله كمت من البلكون فتت من يمها كعدت عالقنفه الكبالها نزلت التلفون باوعتلي
تريد شي
شوي جوعان
محضره بورك وتبوله. ولبن وخبار
عاشت ايدج اي خلي دااكل وانتي متاكلين
اي اني هم داانتضرك
ابتسمت كامت راحت للمطبخ كعدت بمكانها ملزمت التلفون بس داباوعله عالشاشه اباوع اساور رسلت رساله مكتوب خالتج وخالج من يرحون للعمره نروح بيت خالج نكتل بناته وننهزم محد يدري بينا احنا منو ههههه تصنيف ارتاحيت من عرفت هاي صديقتها رجعت لمكاني صاحت يله اياد تاكل
اي جيت رحت للمطبخ اكلت الاكل جان طيب بس دهين مكدرت اكل هواي تباوعلي بقلق
شنو معجبج
لا اكلت 3قطع طلابه مو دهين ودنا ليل بقيلي كم قطعه لباجر من اروح للشغل تكدرين
اي عادي اخليهن بحافضه
عاشت ايدج وكفت غسلت باوعتلها حفوت انام اشرت على غرفتي فركت عيني مدري شطب بيها
بس اوكف
ها
هاي البقه من المصروف
اباوع 3اوراق هاي شنو كلشي مماكلينلا والله اكلنا بس تدري مالي واهس بالتركيب مثل ماانت موجود فشون مجان سد جوع
عيب البنيه خطار
ذيج هم مسويه رجيم
زين شعرج واضافرج الهدوم
هاي مني معليك انت
لا ماكو انت مسووله مني
اياد رجاءا تره تاذيني باوعتله بتوسل
اوك براحتج جريت نفس بس اي شي تحتاجي
اعرف اعرف وين اروح قابل
هزيت راسي مبتسم طبيت للغرفه تمددت عدي شغل باجر كومه اني وياسر وياسر حيل تعبان بخطط لمعمل بغداد ويشتغل بدهوك النقل تاجل لبعد عشر ايام يرتب وضعه وبعدها يتزوج هالعشر ايام الا اعصره عصر قبل ليروح ههه ضافر خله بديل بمكانه راسن حتى ميصير لود عليه خطيه بس مو نفس شغله بعده يفت الكلب غفيت واني افكر بباجر والعمل البي حسيت الفجر فتحت الباب محطوطه الحافضه مال بورك ومسلوكه بيضه وجاي على نار كلش هاديه والصمون بالجيس بس هي ماكو تلفتت بالبيت ماكو خاف نامت دكيت باب غرفتها مامو رد فتحته على كيفي شفتها متلفلفه ونايمه بالفراش وشعرها نازل ايدها جنها كطن بقيت اباوع شوي وطلعت خطيه نعسانه وحضرت الريوك صليت وكعدت اتريك كملت ورجعت كلشي بمكانه حتى مواعيني غسلتها بدلت ورحت عالموعد ياسر اجه والنوم بعينه
ليش منايم زين
معليك لككك
شبيك انت خبل
دوخر عني انت وعشيرتك السكاطه
هاااا ولك هاي بعدك
اي بعدني
يووو. هذا منقص هطيه اي طبعا وين جار هالجره انت صارلك شهرين مكايس مره
عدي بس صوتها بكل نسوان الدنيا
هههه الله يخليها الك
فدوه لحلكك نشطتني بس شنو بالحافضه
بورك
ممتريك والنبي خليت ايدي على بطني
هاك تسمم
ادري والدز البورك مدز جاي ويا حركت بحاجبي اشرلي بالسويج يريد يضربني انهزمت اني والحافضه اكلت كم قطعه وجريت الجاي وكملنا شغل للسبعه بليل يله كعدنا خرب غيرتك ضافر يابه والله لو بيده منكعد يتمنى لو مننام وبس نشتغل
-طبعا غير ابو مصلحه
- انت تكيف خو تنسى وترتاح
- ديله اني راجع باجر تعال اوكت دنفضها
ماشي ابو نسب رجعت للبيت احجي وي ريناد حموت شوق الها والتلفون كمت احس ميكفي تعبت خابرت تماضر كالت شوي مالها خلك شو خشمها طك دم تخبلت ليش مكالت مردت اكوللها بس ضل بالي ضليت ااكد عليها شبيج مريضه وترجع تكول لا مبيه شي تعبت اعصابي نمت وعفتها ترتاح تنام. بس الفجر مكدرت اروح الشغل بقيت بس الوب لبست وحضرت غراضي هاهي بعد قفلت---
اياد- رجعت للبيت بالسبعه كالعاده اكلت ونمت هاليوم تعبان بحيث مكعدت بعد للفجر وجيلان هم طبت نامت كعدنا من وكت ثنينا شبعانين نوم جانت ب4ونص الفجر تريكنا سوه وكفت خليت الطاوه عالنار جتي يمي
لالا عوفها اني اسوي
عاجبني اليوم اني اسوي تاملين بيض عين
كيفك ابتسمت حضرت الميز والكوابه وكعدت خله كدامي مامو وخله البيض وخله يمه هم رش الملح الي واله والصماك هم باوعلي مبتسم غمزلي
بعد شتردين خدمه سبع نجوم
همست نيالي باوعلي ابتسم ونصه راسه عالاكل بلشنا اكل وكملنا راح لشغله جان مستعجل واني رحعت نمت وره ململت ماعدي شي ب10دوامي
اياد- بقيت اشتغل صارت ب6وياسر ماكو يعني الزمه اطيح حضه ميبرد كلبي والولد اليمي بمكانه بده يشتغل زين بس اني متعلم على ياسر تعال كوه طلع الحجي الكردي واني الصبح اسمي انساه لل 6ونص ماكو ضل بالي دكيت علي يدك يدك وييين يله رد
ها يودي
شنو السالفه يابه عدنا شغل
فد يومين
ياسر انت وين بالفراش كووووم
داكولك فد يومين واجيك
شنوووو انت وبن
هههه رايح لمرتي
لا بربك انت نازل بغداد
حطب كركوك بعد شوي
ولك انت شبيك لك بابا اثكل باجر عكبه تشيل النعال وتركعك
لالا متسويها روح يودي الولد وياك يساعدك تره روحي طكت
جريت نفس هسه لو كايلي ادز شي لاهلي وياك
جان عرضتلي
دولي طاح حضك
اشكرك باي
هله سلملي
اي لتكول لاحد
ماشي سديته استغفررررر اللله شون وي النسوان اني اباوع الشغل فوك راسي النوب النچر شاد الباب مكلوبي كمت اصيح فقدت راسن فكها ورجع شدها بقيت لل9بليل روحي طلعت
ياسر- للعشره الصبح دكت ريناد مرديت ردت افاجاها البارحه كالتلي امي وابويه يرحون يستلمون التقاعد ودلال عد اهلها ودره هم يعني البيت فارغ وزياد من يرجع بس يريد مخده وينام محجيت شي ولا كتله رجعت دكت بالاربع مرات عفتها طبيت بغداد دكت مره لخ واني مارد وصلت منطقتهم رجعت دكت رديت بصياح
شبيج شبيج متكوليلي دااشتغل
ها ---اي ---- ضل بالي كلتها بتقطع كلبي انعصر اول مره يصيح عليه
ليضل بالج قابل وين اني دااشتغل يله باي بعد لتدكين
اختنك صوتي لا مادك ابد سديته واختنكت اريد ابجي اندكت باب البيت زياد نايم بالمطبخ عالقنفه طلع فتحها اني تمددت عالفراش بس اريد ابجي اندكت باب غرفتي
ياسر- دكيت الباب طلع زياد وجهه مطبع مال مخده كوه فاتح عينه كال
ياسر!!لو عيني دتغوش
هههه لالا ياسر
هله ولك شجابك خبل
اشوف مرتي وينها نايمه
لا كاعده ترجوها طبت للغرفه. تثاوبت باوعتله لك حروح انام لتسوي هوسه
ماكو احد؟
لا اخذ راحتك وشنو مبعينك
لا ولك قصدي الحريم الحريم
لا بس مرتك وتوها جانت هنا مدري شدتطكطك هسه انام لو شوون خاف عيب تمددت حضنت المخده
لالا روح ضربته على كتفه طب نام نزعت حذائي وطبيت ليجوه دكيت الباب مال غرفتها كالت ادخل ابتسمت رجعت دكيت الباب كلبي راح يوكف شوي وفتحت الباب كتلها من شافتني شهكت كتلها
مااكدر على زعلج شوفي بس زعلتي جيت طاير بثانيه من دهوك لبغداد طبيت وسديت الباب بعدها ايدها على حلكها مصدومه
ضربته على صدره برطمت واضرب بجيت بعد كمت اردد خبيث خبيث طبيت لحضنه
خبيث وابن كلب هم بس تعاي اويلي الدنيا كلها حضنتني
بس خل اباوع بعينج اشو اشو ياكلبي مو لعبت نفسي من الكام اويلي يابه كل هاي عيون
نصيت راسي برطمت بعدها الرجفه بيه ولهفه شوقي مدتخليني اصدك وجوده كدامي بقه يباوعلي طببت راسي بحضنه بقه جامد ميعرف شيسوي مد ايده عالباب قفلها
دتسوي ياسر يمعود زياد بره
اششش
شنو اش يبو عزه صخام ضربت على وجهي على كيف ابتعد عننه
قلدت عليه وسويت نفس الحركه يبو عزه صخام لتخافين مااغتصبج بقيت اباوع بعينها جريت نفس مشتاقلج
نصيت راسي اباوع دشداشتي مال بيت قديمه عااا باوع اني شلابسه خرب
ذبيت الستره حريت نفس تعاي احبج بطبيعتج تعاي الله يخليج
ماه رجعت ليوره
ريناد لتشلعين كلبي بس خل اشبع حضن بس
وكفت بمكاني منصيه تقرب خطوه والخطوه الثانيه صرت بحضنها وتنهيدهزالراحه سمعتها باذني عصرني بحضنه باوع بعيوني ذايب واني مثله
احبج وداعت اني احبج
نصيت راسي ابتسم رفعه برقه باسني من راسي تلمس شعري مشتاقلج بقيت اباوع بعينها اي اعراض مرض ماكو جريت نفس ليش نزف خشمج
ماادري عكدت حاجبي منو كلك
تماضر بعدني حاضنها واحجي وياها شحسيتي حبيبي
والله كلشي محسيت بس هو دم زايد
اوف يابه اوووف رجعت حضنتها قوي
جعصتني بقينا ساكتين دقايق
همست باذنها تره اني كذذاب
شنو استغربت شنو كذاب بيش كذبت عليه ياسر باوعتله بحيره
والله لحد هسه مكاذب عليج بس داكولج اني كذاااب خليها هنا اشرت على كصتها تباوع بعيني تحرك يمنه ويسره حايره رجعت حضنتها قوي
اريد اطببج بكلبي بس مدتطبين كزكزت بتعب اندكت الباب وصوت امها ريناد ركضت عالباب فكتها ها ماما
عدلت نفسي وكعدت عالجربايه طبت خالتي تباوعلنا مستغربه سلمت عليها بستها من راسها بخجل
ياسر اليوم غداك عدنا شعاجبك تاكل
والله خاله ميت عالتمن والمركه صار كومه مماكلها
بعيني يمه يله ريناد تعاي ويايه
جريت نفس دعوفيها استغفر الله الكاها منج من ضافر واياد والله اشرفكم زياد جر راسه ونام سمعت صوته لك ياسسسسر صاح
هاها شكو
تعال لك تعال تاخذني بغفوتي وتفوت والله عمي زين اني ونحجماتي وسلاحي
ولك انت كتلي بغرفتها
يول بعدني نايم بنومي والعباس امي زفتني مالت شون تخلي يطب للغرفه
عمي من طلعت ناقصه ايد رجل اكلت منها شي
لا باوعت لريناد صافنه وتبتسم بس عقل هههههه باوعت لياسر يباوعلها اييي وشون تفوت لك دفرته. على كيفي
يابه لو ادري بيك نايم جان غسلتلك وجهك كعدت بالمطبخ عالقنفه تتحرك مثل الريشه وتحضر الاكل وي امها هااااااادئه بحركاتها اي صوت ماكو واني اذا اريد اطلع الفجر اكعد حتى نادين بهوستي وغنايه والتطكطك والله احن، ثنائي مختلف بس هي هاي دوايه لعد شهرين ماكيس مره ومعاجبني اي وحده كلها عشر ايام وتصير تنام بحضني طب ابوها وفاروق كملت السبحه بعد اشتغل الحضر عليه جناينهم هم جوي صبينا الغده وتغدينا بعدها اخذت دره ويانا ورحنا المنصور حجزنا البدله وبلشت حجز القاعه بفندق بابل هذا الحجز اللكيته خيرتها الفرقه شنو تريدها كالت كله عراقي ورادت شوي كردي لان اياد واني وضافر ضابطي شوي تغيير كيفت لان اخرب عالركص الكردي هههههه مشت الايام تحضيرات ضافرتركت العمل وياه حولت على معمل بغداد تماضر انلاصت عليه من عافها زوجها طبيت لكيتها تبجي تكول صارت هوسه دكومي بابا زلم شثخن شاربها ممدبريها بلشت عمل كم يوم واتفقت وي ضافر يعوفلي اياد باسبوعين عرسي يلزم المعمل والعمال كومه جوه ايده وشغل بغداد اقل من شغل دهوك. قبل بعد طلعان روح حبيبي مشفتها وحدها بعد سوه هالربع ساعه الكضيتها بغرفتها جانت ملتهيه بالعرس ومحاوطيها اهلها اذا تزوجت يمكن حتى لاهلها ماخليها تروح بس من اسافر كملت تجهيز البيت جانت طايره واني رغم التعب والركض بس فرحان لضحكتها الحلوه بعد يومين الحنه اياد باجر يبين وي ضافر حتى رشيد هم راح يجي ----
اياد- رتبت اموري لان راح ابقى شهر تقريبا لان ياسر يريد يطلع للبنان شهر عسل وريناد بعدها متدري حتى اهلي ميدرون ههه لو مااضافر يكول كال خليها بيننا مفاجاه مسويلها سكتت مغلس طلب مني الزم فرع بغداد رغم جان شغلي بالوضيفه اداري بس ماحب اتورط بعمل غيري بس لخاطر ياسر وريناد حبقى سبوعين لازم المعمل وي تماضر وابنها صفيت اموري ورجعت للبيت من وكت لان ماعدنا شي باجر الفجر طالع لبغداد طبيت للبيت وصار سبوع لو مره لو مرتين شايفها لجيلان لان داارجع ب3باليل تكون نايمه محضره الاكل والهدوم واطلع ب9الصبح حتى بله ريوك تعلمت اخذ بالحافضه لودت على نفسي الشغل حتى اكمل قبل نزلتي ببغداد ماريد استغل ضافر واقصر بشغلي الولد ممقصر ومكان اياد فاضي لازم اشتغل اكثر ياما وياما وكفلي طبيت للبيت جانت ب2الضهر لكيتها دتمسح وكفت عدل راسن
ها انشال الكربت
هلاووو رفعت حاجبي صار كومه مشايفتك
ههه شسوي غير شغل شونج
زينه الحمد لله
شو شلتي
صارت حاره
كيفج باوعت بعينها متغيره هاي شمسويه بروحج
شكو ها وخرت برجمي من عيني كاصه برچم نصيت بخجل لان انتبه
واني اكول شنو متغير بيها
ههه
يابه اساور تكدر تجي لان باجر نازل لبغداد
بقيت صافنه بوجهه
ها الو شبيج بقيت صافن لصفتتها
اساور بتركيا
لابربج شفتها وجهه تغير بقت تباوع بعيني زين شون جريت نفس بداخلي قابل اخذها ويايه لا يابه شكول لاهلي منا امي من وره خشمها قابله ودره وابويه اللي دره من رجع ولو معترض بس شو السالفه مدتنزل رجعت باوعتلها تتحملين ترحين لخالج بس هالفتره
نصيت راسي اي عادي همست كلبي انقبض
زين احاول مااتاخر انقهرت عليها ادري تكرههم بس شسوي يعني ورانا عرس وعشيره ميكولون منو هاي وشوكت تزوج وبعد السنه مال مرته مطالعه ومنا حسنها غير توكف بغداد على تك رجل اوووو لا اعوفها هنا احسن احمم ها مسويه اكل لو اجيب من جوه
لا بعده مصاير كلتها واني مخنوكه بس عدي كبب
كليلنا يله بيج حيل
اي عادي عليت ايدي. وطفيت البنكات التفتت عليه طب يبدل وطلع خليت الطاوه حايره وين اولي خالي وخالتي رايحين للعمره ارجع لشقته بس يسافر المفتاح وعدي كملت تكلاه جان ديكلب بالفون يعض باصبعه ويهز برجله يباوعلي وينصي
- اي شكو ماكو
- ماكو شي جريت نفس خلوني عالكاشير استاذ دلشاد
يا زين تستاهلين
شكرا
دلغمت وكامت متضحك واني صار كومه مشايفها ضجت ها كملتي
اي يله تعال
كعدت كدامها اكل اباوعلها البرجم الاشكر وي الزراك مال عينها يخبل يعني كلش واكعلج البرجم
شكرا همست واني منصيه جريت نفس
جيلان
همم
شبيج
مبيه شي
ضجتي جيف داروح
لالالا عادي
والله علمود عرس ريناد واياد خطيه شون اعوفه
بقيت اباوع بعينه شيصير لو اخذني وياه بس زواجنا مو عادي نصيت راسي كلتها بداخلي--- اتصرف براحتك لتتقيد بيه
جريت نفس ماشي ماطول انشاء الله
اممم كمل اكل وفات سبح حضرتله الجنطه والهدوم جان جايب علاكه غراض بيها ملابس وبيهن ساعه باوعت وتركتها طب لغرفته ينشف شعره طلعت
ها شنو حضرتيها
اي كلشي جاهز
زين قاطي الزيتوني وي القميص الاصفر
اي جاهز بس لازم تعلكه بسيارتك مكوي
ماشي باوعت بعينها حاير شون حتركها شكد مسافر مشايفها ضايجه هيج. درت وجهي تمددت ارتاح واسوي حسابات الشهريه الاجار والمصرف هديه العرسان ومصروف امي وخليت الباقي ضميته. جمعت خوش مبلغ ومخلي ببنك دهوك كملت شغلاتي جاهز للسفر وانوسه بعدلها سبوعين تطلع السنه مالتها فد مره حتى ازورها صار الليل طلعت جانت جيلان تفرغ بالثلاجه. وتنضفها
ها دتسوين
هيج دانضف
اكو جاي
اي اكو هسه احاجي وماريد اباوع بوجهه مخنوكه حيل صبيتله ووديته بالبلكونه يمه
تعاي معدي شوي صار هواي ممسولفين
هسه خل اكمل واجي
براحتج درت وجهي عنها اباوع عالجبل راح اشتاق لهالمكان
كملت شغلي وحضرت كم هدمه كلت بس يطلع ارجع ماكوله خليتها بالجنطه ولبست دشداشتي الورديه وطلعت للبلكون
- ورده ولابسه الوردي ابتسمت الطف الجو
ههه شكر
تنهدت ليش ضايجه ممكن اعرف
لا والله هيج
يا والله ياعبد الله بس كتلج حمشي مديتي البوز
مااامن بس بوجودك كلتها ونصيت راسي ادري تزنجلت بيه بس تعلمت
يابه اني اريد اتزنجل تنهدت اباوعلها والله جيلان اخر سفره هاي اصلا سوينا فريق لخارج دهوك بعد الشغل كله اشواف منا وهيج
باوعتله هزيت راسي مبتسمه
متتصورين شكد لايكلج البرجم مطلعج بنوته صغيره
هه نصيت راسي رجعت رفعته لعد متزين تروح لاهلك باللحيه
هو من اروح اروح مزين اتحضر للعرس بعد
الله يهنيها
شايفتها انتي
لا ابد مشايفتها بس اخوتك ونسوانهم كم مره طبو للمكروز
امم طلعت التلفون كلبت كلبت صور الخطوبه شوفتها باعي هاي
الله تخبل كلش حلوه
تسلمين هاي الصغيرونه وهسه حياخذها ياسر
خطيه مبين طاير بيها
هو مكيف الولد بس اخاف من سوالفه
مفد يوم باوع نضره الولد
اي صح ميتقرب على مال غيره باوعتلها هذا الكتلج عليه. جانت ايناس معجبه بي واخذت رقمها حاجيتها على اني ياسر
عززززززه خليت ايدي على حلكي والله زين بعدك وياه
ياسر غير خامه تره جريت نفس مبتسم يمكن لو ما هو جان متت
الحمد لله
تمددت وخليت رجلي عالمحجز لابس الشحاطه والجواريب شنو موقعها مااعرف
تقربت شلت الشحاطه وذبيتها
هههههه متوكع لتخاف
لا احسن قلقتني مديت ايدي عالجواريب تحركت بعفويه باوعتله تنزعها
هزيت راسي اي باوعتلها نزعته على كيفها نعومه ايدها غمضت عيني اخاف يبين التاثير فركت قدمي عصرت عيني جانت رجلي من الوكفه ميبسه حسيت براحه غريبه صعدت على قدمي بقيت عاصر عيني فتحتها لكيتها مبتسمه
شكرا همست
اني هم ارتاحيت من يمي هواي دتتعب نفسك اخجل اتدخل بشغلك
لا اني ارتاح من اشتغل تنهدت بقيت اباوع بعينها هواي تغيرت من جتي يمي لحد الان وجهه المنور وعيونها اللمعه مابيهن هم
-شبيك
مرتاحه يمي جيلان
اي كلش والله
الحمد لله وكفت انداريت عليها اني حفوت انام ورايه طريق
اوك وكفت ويا سديت باب البلكون لملمت وطبيت لغرفتي اتمدد الفجر دك الباب مال غرفه فزيت صاح بهمس جيلان كاعده
اي اي كاعده لبست وطلعت متحضره وهو هم متحضر بقه يباوع بعيني مقهور
واني هم اكثر مره مخنوكه لسفره هالمره طلعنا وصلني بيت خالي جانت بالخمسه ونص نصيت راسي عالشباك مال سياره من صفحته
دير بالك عالطريق عفيه
تخافين عليه
اي والله اخاف افقد هالراحه
هه انداريت عالشارع ورجعت انداريت عليها بلعت ريك خليتلج فلوس بالجيب الصغير
لالا عدي
اشششش لتضوجيني طالع بغداد وطريق طويل. لتغثيني
اوك خليت ايدي على حلكي
يله طبي الباب فتحوها ريه وسكينه
باي
الله وياج دير بالج عروحك وتلفونج دائما يمج خاف ادكلج
اوك طبيت للبيت. سانه وديانا بنات هالي من الباب صاحو شكو جايه كتلهم ساعه وارجع. الساعه مكملت سمموني بالكلام همه وامهم من الفجر اخذت جنطتي ورجعت للشقه اول مره احس الشقه تخنك وضلمه هيج ذبيت الجنطه وكعدت بمكانه بالبلكون بجيت بقهر ماعدي غيره وبديت مااكدر دونه وهو مويمي هو بعالمه مردت. بس ولو ميسافر بعد بس كلي اخر مره يا ربي شحيخلص الشهر عليه يربيييي كمت فتت للحمام اسبح
اياد- طلعت توني ساعه واتذكر الشهاده الجنسيه والاقامه مال دهوك فوك الكنتور لا يا اللله شون حظ فكر فريت السياره ورجعت للشقه وصاير اعصاب نعله الله عالشيطان الرجيم اباوع صارت 6 الا شوكت اوصل طبيت للشقه ركض عالكنتور جريت الهويات دااطلع صفت سمعت صوت دوش بلعت ريك شنو السالفه بسم الله بقيت صافن واكف بباب الشقه بهتت شنو الحارس يطب يسبح والله انعل والديه بقيت مااعرف شسوي توني تقدمت يم الباب مال حمام انفتح الباب طلعت جيلان بمنشفه ملفوفه على جسمها وشعرها مرفوع بمنشفه ثانيه بلعت ريك جيلان وعيوني ركضت على كتفها العاري المبلل ورجلها المبينه من تحت المنشفه فزت ونصت راسها
جيلان- اياد شرجعك برطمت
اياد- نسيت الاقامه اشرت بيدي وعيوني محاوطتها حمار وجهه خجل وحراره الحمام زيدها حسن بديت ارجف متاثر بجسمها وخجلها انتي شرجعج?
جيلان- خالي وخالتي بالعمره مااكدر ابقى هناك اسفه كذبت عليك
كعدت عالقنفه جريت نفس ليش مكلتي
مردت اعطلك واحرجك تورطت بيه خو متورطت نصيت بهدوء نزلت دموعي
ماعوفج وحدج نصيت وعيني على قدمها ثلج رفعت راسي
شكو عليه رجفت كتفت ايدي برز جسمي اكثر عيونه تتفحصني وميعرف وين يدير وجهه خليت ايدي على جسمي اريد افوت بس مااعرف شكوله
فوتي بدلي تتمرضين فركت وجهي بيدي طبت ركض بدلت وطلعت كالت روح والله لتخاف مامو شي
باوعتلها بعتب ذبيت السويج عالميز جيلان تامنين بالاشارات
عكدت حاجبي اي اآمن
اني اامن بيها كلش واني من النوع جدا حريص ماانسى شغله بس الله نساني حتى اشوفج ولو مراجع جان صار عليج شي. حضري هدومج اخذج ويايه
لا ماريد همست ذبيت الخاولي اسرح شعري
نزعت الستره اني مااروح لعد
اياد كوم دينتضروك
نترت بيها مااااروح اذا متجين صرت عصبي ومتوتر ماريد اخذها وماريد اتركها حاير بيها
فزيت بلعت ريك شلت شعري شون مجان حرجع لبيت خالي
اكولج شنو دتشوفيني زعطوط مشيت وراها للغرفه مالتها دتسد الباب دفرتها الباب مووياج تقربت منها خافت رجعت وره الباب بقت محتميه بيدها تنهدت باوعت عالساعه سنه ونص بدلي وحضري هدومج دنروح
اي همست منصيه. لميت غراضي اباوع شاخذ استغفر الله طلعت كم سيت كلت انطيها لاخته كلش راقيه جابتها نسرين وطلعت غراضي لبست مانتو عالبنطرون حتى هدوم عرس ماعدي كم كلبيه اخذتها بقيت صافنه على هدومي. غطيت وجهي ابجي دك الباب يله وين صرتي
اييييي نترت فتح الباب
هاي عليمن صحتي
اياد الله يخليك روح ماريد اجي
لج بابا ماعوفج فضيها لتاخريني تره بس تصير ب8مااطلع بعد شوكت اطب بغداد تالي الليل شكو دتعوين اوهووو
حتى خرك بيها خير ماعدي اخجل من اهلك نصيت راسي
ههه على هاي عود اخذلج مناك بسيطه دكافي تبجين بس يمعوده تره بعد متشوفين
لا يمه عزه مسحت عيوني على كيفي اضحك ىشايله هم. لميت غراضي وطلعت كعدت بالسياره باوعلي وتنهد مناسيه شي
جريت نفس استاذ دلشاد
حاجيته لتخافين هاهي
اي طلعنا ومشه سريع كلسا يباوعلي دكوله اهله كاللهم اي جاي مكاللهم اني وياه باوعتله حايره اهلك يدرون بعلاقتنه شونها
مباوعتلها رديت لا محد يدري ماريد تنحرج
زين اهل زوجتك يجون لعرس اختك
هه مرت اخويه دره بنت خالها باوعتلها ودرت وجهي
عزه بعيني همست كاعده وياكم دره
كلنا فد بيت انتي ليش شايله هم تره. انتي يدرون بيج مرتي مو صاحبتي
هزيت راسي اي وصلنا بغداد بعد عناء الطريق مريما من يم جبال عقره وجمالها تذكرت ايامي الحلوه واخيرا وصلنا بيتهم تمنيت الكع تبلعني ----
عذروني مكدرت اكتب هواي شوي مشغوله باجر اذا الله راد امور جديده حتصير بيت ام اياد انتضروني
مااكدر
