ياشر-طبيت للشقه لكيته ديدخن بالمقر بالبلكون ذبيت سويجي عالطبله تخوصرت التفت باوعلي بتعب رجه ضهره عالكرسي ودار وجهه
تغديت
لا مااشتهي
مممم منو جان يمك
التفتت عكدت حاجبي شنو
منو جان يمك فوك
باوعتله نصيت راسي شفتها
ميته بچي
حجيت كلشي
عرفتك
لالا جريت نفس بس الكلته كافي حتى تبتعد وكتلها من تحتاجين شي كولي تحسرت احجي واباوع عالجبل
زين ليش هالكد متاذي
ياسر عيشته مررره
مبين عليها تقربت منه ياعدها همست وخايف من رده
شون اساعدها مو سالفه فلوس
اني مجبت طاري الفلوس كتفت ايدي
باوعتله شنو قصدك
تزوجها انت وتكون بعصمتك محد يتدنالها بعد
مااكدر جريت حسره مااكدر موبيدي
لتتقرب منها يابه بس امن عليها ببيتك
بقيت صافن بوجهه انت مدتعرف شدتحجي جريت نفس ليش داااذيها اكثر
انت اقترح عليها شوف شتكول
ماريد احجي وياها بعد كتلها انتهت بعد وخلص
براحتك بس لتنكر الفكره عجبتك اشرت باصبعي رافع حاجبي
فكرت اخذها لاهلي. وارجع لدهوك اكمل شغلي بقيت اباوع بعينه
لعد شكو ماخذها
اعرف باهلي ميضلموها وترتاح هناك معززه مكرمه واسمي عاقد عليها
هم راح تضلمها
جريت نفس لعد اطلع منها احسن موو
هزيت راسي كاتف ايدي صافن عليه بداخلي احاجي يحبها ويخاف يحبها البي ميخلي تنهدت يله يابه يله غده
انت مو تغديت
اي بس اتغده وياك عادي
تره انت مو طبيعي
ليش يابه ششفتني امشي واكمز
لا بس تاكل ومتسمن
مو حركتي اليليه مفرطه
هههه طاح حضك كمت وياه صبينا الاكل وكعدنا ناكل. اكل بله شهيه بس اريد التهي كملنا وكمت لملمت ووراها جايات وتمددت بغرفتي اتصل ضافر بهالاثناء كال مشروع جبير بسليمانيه طالبين مدينه كامله تاسيس بوب وشبابيك واطارات. وكفت كتله اني اروح
ياسر- لك تعب بابا خل ندز العمال وي رشيد
لالا ياسر خل انهزم
لك بابا شهر
شهر شهر هاهي
لعد اجي وياك شبعت من دهوك وبناتها
باوعتله وانت لازم تنوع
اي لعد واحد فرصه وجايته
العقد توقع وطلعنا بعدها بيومين لسليمانيه نطونا شقه مفروشه من المدينه وبلشنا عمل والبضاعه جانت تجينا بصوره اسبوعيه بسليمانيه راسي مكدرت احكه لا اني ولا ياسر من الصبح لليل بس شغل تلفون مكدرت اجاوب عليه صلاتي كمت اطبكهن كلها والاكل كلش قليل بس شغل بس يبقى قبل لا اغفى يزورني طيفها يناغيني وارجع يضل بالي يم جيلان مر سبوعين بتعب مفرط والاسبوع الثالث اهون كمنا نكمل ب8بليل شوي واحد يفتر بشوارع سليمانيه التخبل كل منطقه من مناطق الشمال الها جماليتها
سرجنار جانت كلش حلوه خضارها وناس اهل سليمانيه احسن ناس واطيب كلب وكلشي بيها رخيص كضيت اكثر شي بالاكل الخضر والفواكه لان كلش طيبه بقه اسبوع على عملنا ويكمل وهذا شهر خلص زياد عرسه بعد 10ايام راد اربعين داوود تطلع يله يتزوج قررت ارجع من سليمانيه عدل لبغداد ياسر چلب ويايه يريد يروح لعرس زياد ويشوف اخته كمل العمل بانجاز وتعب اتفرج على شغلنا اني وياه من بعيد كعدت المدينه برتوشنا وزززن اخذنا فليساتنه وطلعنا خابر ياسر ضافر كله احنا كبل حنروح لبغدادوهالفلوس انطينا منها للعمال ومنها ذبينا بالمصرف واخذنا راتبنا كام يصيح ويعيط مهتميت له
ضافر شبيك يول شو صاير تكول للدينار استريح
انت واحد مطي وتبقى متفهم امشي ولي يله لتضل تصرف اجمعلك كم فلس متريد تتزوج يصير عدك بيت
يابه ابوك موجود صدوك جذب حصرف عليكم اني
بابا زواجك انت
اي انتو تصرفون اني شنو فلوسي الي بس
من. طاح حضك اي والله جريت نفس تعبني هالولد انطي راتبه للولد
نطيته
هاهي ترحون وتجون بسلامه
شكرا سديته منه غمزت لاياد تمت العمليه بنجاح امشي خل نتسوك ملابس للعرس وهدايا منروح فارغين
اني كلشي مااخذ والله بس شفت عالطريق مزهريات وتحفيلت حاخذ كم غرض للصاله امي تكيف عليها
خوش حجي امشي
طلعنا سليمانيه تسوك كم غرض ياسر واني هم اخذت هدوم لان ماعدي ارجع بيهن وهذنه تدمرت من الشغل اخذت التحفيات ونزلنا بغداد هالمره لازم ازورها اول مطبيت طوق بغداد جان اول قرار اتخذه طبيت لاهلي المغربيه محد يدري بيه اجيت كالعاده باب الطرمه فتحته من جوه وطبيت وباب المطبخ مفتوح فتحته على كيفي امي واكفه عالطباخ تگلي كبه دمعت عيني شكد مشتاقلها وكفت بصفها هي مدري بيش شارده همست يوم كثري الكبه جوعان
التفتت فازه صاحت يمه وليدي حضنتني تبجي حضنتها شلتها من الكاع مشتاقلج يمه بقت بس تشهك
دكافي كافي كافي يوووم بستها من راسها مسحت دموعها اني شون وياج كل متشوفيني تبجين تره بعد مااجي صوت ريناد بالكليدور يوووم هاي هدوم زياد اكويها لو نوديها للمكوي صحت بعلو صوتي
اكووويها لججج لا اجيج جاوبت هاي منو مدت راسها صاحت اياد ركضت عليه حضنتها طبت دره ورجعت ملابسه حجاب شوي وجتي تضحك بطنها كبرانه دره من اشوفها يوجعني كلبي روح ايناس جانت
شونج بستها من راسها شون صحتج النونو شونه
صاحو كلهم نونويه يابه ضحكت دمعت عيني تكومين بسلامه همست درت وجهي ابويه وين
بالكهوه هسه يجي
اخ صاير يدور كهاوي
الولد وين
هسه على جيه زياد اخر يوم يداوم اليوم نطو عطله سبوعين مال شهر البصل كالت امي ضحكت طببت الجنط
يوم باعي شجايب
شنو اللله هاي للاستقبال
اي كلت اني تكيف عليهن قوري جبير وبي كوابه يترتبن عالميز وتحفيه لخ جبيره تصير بالزاويه خليتها بالصاله طبيت لغرفتي جريت نفس ذبيت الغراض وفتت اسبح ريحه الكبه سطرتني صحت ريناد سوي لبن وبطنج
اي صار جاوبت بفرح يمكن رجعت ارتاح عد اهلي بس هناك كونت حياتي ماريد اترك دهوك طلعت الولدجايين سلمو عليه فاروق مفارك عيوني يقراهن ضحكتله زين خويه زين ليضل بالك ضرب على كتفي تعشينا وبقينا نلغي اني وزيد اقترحت عليه بما انه طب الحر شهر العسل كلنا نروح لدهوك لشقتي وافقو بس فاروق منطه كلمه يمكن يشوف مرته لان حامل مااعرف بعد
دره- داارتب بالهدوم وتعورت بعكسي بكسره الكنتور طكت الدمعه بعيني طب فاروق وكف كدامي
ها كملتي شغل
اي كلتها بتعب والعبره خانكتني
شبيج تقربت مستغرب دره شو باعيني
مابيه شي مابيه جريت نفس باوعتله هي هاي حال وضعيه
ليش شكو
دباوع الغرفه مكسره برطمت ،
خهههههههاي حضنتها ولج شو من حبلتي صرتي ام دميعه
درروح متدير بال انت
لا حبيبي وصيت على غرفه تركيه حيجيبوها الخميس وي غرفه زياد
ابتسمت حضنته خاف ماعدك فلوس
لا نو اياد رجعلي الفلوس المداينهن اله
صدوك كلتها بدلع رد نفس النمط
اييييي
ههه حضنته بس بطني دتعيق
هي هاي تخلي واحد ياخذ راحته بنصنا وبعدها مجايه
لتحجي عليها خطيه مو كافي محصوره ببطني
بستها من راسها باوعت بعينها دره نروح وياهم لو موزين عليج
وين عكدت حاجبي
لدهوك
والله مااعرف لازم اسال الدكتوره
اساليها حتى اذا هاي نروح كلنا شو اياد سواها جنه
هههه انت مرايح
لا والله
عمرك خساره،ليش انتي رايحه
اي من زمااان وي بابا بس اتذكر
لعدمامو داعي تروحين اروح وحدي ركصت بحاجبي
مو كيفك تروح وحدك
كرصتها من خدها لعد كيفمن. ولججج
كيفك كيفك -----
ياسر- ذبيت اياد وطلعت لبيت تماضر كيفت بطبتي كتلها باجر اني اداوم لتداومبن
لا شون ملون يمعود
حسج ماسمعه باجر اداوم بمكانج
اوك كيفك تعرف شغلنا
لا والله تعاي علميني
هههه دياه يعني باجر ابقى نايمه
اي لعبت بشاربي وكفت كدام المرايه عدلت لحيتي اباوع لروحي ياترى شون حيكون اللقاء اكومن شغل كلبها بعدي لو بعدها عالعهد الليل كوه خلص عليه من الصبح كمت لبست تعطرت افتر كدامه المرايه مثل البنات وطلعت من وكت للمعمل قبل جيه الموضفين طبيت المعمل حيل مرتب طبيت غرفه معاون مدير عام كعدت عالكرسي كلبي وي دكه الساعه يدك رجفه وحتى خوف اشتياق ولهفه مااعرف شون اوصفها اللحضات اباوع من الشباك بدو العمال يتوافدون رجل تماضر طب نزلو من السياره كم واحد اباوع عالساعه 8الا ربع جريت نفس ربع ساعه لو ربع قرن كمت افتر بالغرفه اروح منا واجي منا اباوع عالشباك دك تلفوني تماضر اهوو كعدت رديت الو هاا شكو
اكولك مو تخزيني وي البنيه خاف بعد متداوم تره املخك
دمشي بابا عود مااكلها لتخافين
ديله الله يستر منك سديته اندكت الباب دكه خفيفه فتحت عيني كلها اخاف ارد رجعت اندكت رحت مبتعد عن الميز وكفت بالزاويه يم المكتبه احاول امسك اعصابي انفتحت الباب على كيف كلش صوتها ست تماضر همست يمه كلبي رججف طببت الكهوه خلتها عالميز تباوع عالمكتب مستغربه صفحتي ضلمه مشافتني رتبت الميز الاوراق شالت النفاضه البيها الجكاير مالتي عاكده حاجبها تفر براسها هاهي بعد لازم اطلع تمشيت كم خطوه جان ضهرها عليه تعدل الكراسي الكدام الميز والطبله واللي مفروش عليها همست
صباح الخير طلعت مكطعه التفتت فزت تبتعد عثرت برجل الطبله البنص رادت توكع لزمتها من ايدها والله لو فلم هندي هم متصير هيج نفسها المضطرب ونفسي اليرجف نفس ريكي انكطع حبل الكلام بقيت صافن بعينها رخت كل اعصابي نزلت ايدي من ساعدها احلى سكوت احس صوت دكه كلبي تنسمع بقت بوجهي صافنه فتحه عينها وحلكها خبلتني
شونج ريناد
اني اني زينه نصيت راسي عدلت حجابي الرجفه بعدها بيه بقيت منصيه شجابه اكيد اجه وي اياد بس ليش اجه هنا
باعيني همست لزمت الميز بتك ايد شو
بقيت منصيه كلام اياد يدك براسي انتي سمعتي لتفشيليني ابتعدت خطوه ليوره. همست العفو ست تماضر وين
رفعت راسي كتفت ايدي اليوم اني مديرج اكو اعتراض
لا العفو بس عدنا اوراق تتوقع لازم شلون
اي جيبيهن اني اوقها ابتسمت. بمكر ضلت تباوعلي ممصدكه نصت عينها شبيج
اني الا هي تكولي يله هذا شغل مو لعب منصيه واحجي
ومنو كالج داالعب نترت بهدوء لزمت تلفوني دكيت لتماضر فكيت سبيكر كالت
ها قيس ابن الملوح شسويت
تماضر هاي ريناد متقبل اوقع الاوراق تكول مو لعبه
اي والله صدك مو لعبه
فهميها اني اليوم مديرها
تماضر حبيبي انطي خلي يوقع عادي
صار ست همست منصيه دااطلع كال
وين رايحه
وكفت بالباب داجيب الاوراق
مممم يله جيبيها لتتاخرين
هزيت راسي اي
طلعت وكعدت راسن اعصابي تلفت اخ يمهههه ساعه السوده الشفتج بيها شوي واندكت الباب كعدت عدل طبت وخلت الاوراق عالميز اشرتلها كعدي اني جنت كاعد عالكراسي الوره الميز مال مدير الكرسيين اللي تكون متقابله وبنصهن طبله كاعد على واحد اشرتلها كعدي عالثاني كالت
لا شكرا دااخذها لاستاذ انور
اكعدي نترت بيها
غمضت عيني وجوده يوترني ويرجع كلشي الاحسه كعدت كدامه ذب الاوراق موقعهن كتف ايده يباوعلي بقيت منصيه حسيت الطبله دفعها عليها جانت بيها كبر وشوي يدفعها تضغط على رجلي
اريد احس اي تماس بيني وبينها اريد تبقى تباوعلي ببراءه عينها دفعت الطبله برجلي على رجلها بقيت ادفع بضغط
آآآي همست برطمت شيريد هذا باوعت بعينه رجلي
جريت نفس يعني هم تحسين
بقيت اباوع بعينه شتريد
عضيت شفتي بغضب ماريد غيرج قربت جسمي عالطبله ذبيت الجكاره بالنفاضه اباوعها بعتب
كلبي وجعني بهل الكلمتين بقيت منصيه
احجي
رفعت راسي مااعرف شكول
احجي اي شي كوليلي ليش مدافعتي عن البينا
ياسر حباب برطمت
غمضت عيني عيدي عيدي
شنو
اسمي همست عيدي
ياسر نصيت راسي
تدرين شكد يصيحون باسمي ماحس بي بس منج وبصوتج
بقيت منصيه حتى رجلي كامت ترجف
ريناد همست ميلت راسي نذرت نذر اذا طبتي اترك المشروب.
عيوني ذبلت ذاك يوم وهذا يوم ملزمته بعد
فكيت عيني باوعتله
مشتاقلج همست بتعب
وكفت تريد مني شي ثاني
تعاي وين
داروح لمكتبي كلتها بتعب وادري مراح يتركني
اليوم عدنا زياره لمكان عمل صح لو غلط
اي بس ست تماضر وواستاذ مروان ابو الموارد
انتي
لا
لا انتي هم يله تهياي دنروح
بلعت ريك ياسر الله يخليك
يللللله نترت بيها عكدت حاجبي دمعت عينها
شبيج مراح ابوكج تره
اني وياج تره انتي اخت اياد
هزيت راسي واثقه بي بس احسه منسيطر على روحه اخذت جنطتي ووكفت انتضر شوي وطلع باوعلي كال
يله امشي باوعتله ونصيت طلعت وراه امشي كلسا يلتفت عليه يباوع ويرجع يمشي
اول مره احب الصماكي جنت من اشوف هاللون يحمض حلكي هسه من لابسته يخبل عليها يضوي وي خدودها صعدت بسيارتي اشرتلها اصعدي صعدت كوه مااعرف ششغل اغاني طفيته اريد بس اسمع صوت نفسها وصلنا للمكان مروان مهندس ديكور اخذ قياسات واني وياها واكفين صفح كمل شغله وكال هاهي
يله ارجع للمعمل جيب الغراض وقعت العقود ورجع باوعتلها مبتسم اصعدي يله
بقيت اباوع بعينه ياسر وين بعد
هزيت راسي بس اصعدي هيج فد نوب ماكو ثقه
صعدت بالسياره يسوق ويباوعلي مبتسم
اليوم اني الدنيا مواسعتني
مسالته ولا باوعتله دك تلفوني مرديت سويته صامت
منو دك انخمط كلبي منو عكدت حاجبي اباوع عالتلفون ضمته ودارت وجهه منعقوله عدها احد لفت السياره وطبكت بكراج المعمل قفلت البوب باوعتلها طيني جهازج
ليش احجي وماباوعله
ريناد اذا عدج احد اني الانسحب واتركج تعيشين حياتج احجي وارجف صدك معقوله تفكر بغيري
باوعتله شوفتله المكالمه مرت زياد دتدك وشتشوفني راعيه علاقات باوعتله باستفهام رافعه حاجبي
جريت نفس ساعديني
التفتت التقت عيوننا عينه مدمعه
حاولي ويايه وقنعي اهلج باوعت بتوسل
نصيت راسي رجعت رفعته وسوالفك
اواعدج مادخل غيرج بحياتي والشرب والله العضيم تاركه من يوم الانفجار وخفت عليج عانيت معاناه يله تركته واذا عالنسوان اترك كلشي اذا عدي انتي
نصيت راسي
احجي دحجي دحجيييي صحت كمت اضرب بالستيرن كتلتني بسكوتها
شبيك همست باوعتله اني بنيه اروح امول لاخوتي احبه ومااكدر افكر باحد اكولهم داارفض كل اليتقدملي علموده دمعت عيني
باوعت متفاجا ابتسم درت وجهي خاف اكو احد بالكراج رجعت باوعتلها حجيتي اللي بكلبج بله متحسين جريت نفس باقي عشر ايام هنا وره زواج زياد نرجع اني واياد قبلها بكم يوم ادز تماضر على اهلج واريد توكفين ويايه
نصيت راسي
ميلت راسي وياها اي لو لااااا
هزيت راسي مبتسمه بخجل
ههههه عشقي الخجول فدوه لكلبه اليخجل ارجعج للبيت
لالالا الخط يجيني بعد ساعه
يله تنهدت ننزل المكتب ممصدك اني تره
نزلت بثكل وصعدت كدامه المكتب ورايه يمشي ويتنهد ويضحك يمكن الولد شخط بكد فرحته اني فرحانه بس ماريد ابينها ياسر رغم عيوبه اول من دك باب كلبي -----
يتبع
