اندليت بيتهم ورجعنا راسي مسطور شسوي تغدينا ياسر يحجي ويايه يغير موضوع اني بالي مويمه تمدد نام طلعت بالحديقه ادخن مد راسه ضافر ذبيت الجكاره ابتسم باوعلي
ها اياد
احم هلو ابو نادين
شنو شبيك خو متاذيك ايدك
ماكو شي ضحكت ضحكه كذابه وراسي ميت مشروع وفكره بقه يباوعلي جر نفس
ضافر- اياد اكو بعينك نضره امل ولهفه
اياد- باوعتله مصدوم
ضافر- باوعني چلب باي شي يخليك ترجع تعيش نوعا ما طبيعي
مرديت درت وجهي شفته منتضر رد جريت نفس بهاللحضه احتاجيت فاروق وراسن دك رديت ترخصت من ضافر
الو
اياد شونك
الحمد لله الحمد لله
شخبار امور
زين الحمد لله اهلي شونهم
يسالون عليك
سمعت حسرته خويه اكو شي
لا ماكو بس روحي طاكه مشتاقلك
سكتت غمضت عيني ولك دردر يمك
ممقصره البنيه بس البيت ضوجه وانت ناقصنا شوكت ترجع
الله كريم خليني شوي مرتاح
براحتك خويه براحتك زين يجوز تجرب من ترجع ترتاح اكثر هنا
لا فاروق خليني اكو شغله ببالي اسويها وارجع
ها اذا بمصلحتك وترجع احسن سويها خويه بس دير بالك عروحك
اوك
يله في امان الله
الله وياك سديته انداريت ضافر فات لبست وطلعت بقيت صافن وين اروح للمستشفى اسال عليها اي بس مااعرف اسمها وبعدني مضابط اللغه وايدي تاذيني بعدها ميهم بس اسال اخذت تكسي وطلعت طبيت المستشفى رحت نفس الغرفه الطلعو منها دكيت الباب رد الطبيب بالتركماني تفضل دخلت بلعت ريك، شكوله بله باوع لايدي كال مو بهالغرفه ابتسمت كتله جيلان المريضه العميه احاجي تركماني مطكطك باوعلي مستغرب وفتح عكده حاجبه كتله قريبتي كال بعد شهرين عمليتها
ليش مو اوكت كال عالحكومه. العمليه لان تكلف وسره سراها بعد شهرين باوعت بعينه زين يصير واحد يقدم السره
باوعلي كال يصير بس يراد فلوس للكادر التشخيصي سالته شكد تكلف كال بالقليل 7000دولار بقيت اباوع بعينه صفنت كل العدي خمسه بس اتداين لو اعرف ابقى اوفي بالدين يله ارجع هم قابل تفاهمت وي الدكتور كال احنا جاهزين واكو اطباء بس الكادر التشخيصي يستلم من الدوله يله يشتغل
فهمته على حسابي الخاص بس تكوللهم لاهلها من الدوله بقه يباوعلي مستغرب كلمه يفهمها وكلمه لا اخر شي كال ميصير اساسا هي لازم تكضي هالفتره بعلاج ييبس الالتهاب يله نسوي العمليه بقيت صافن ضليت استفسر منه طلعت مساعدتي متفيدها والتاخير بمصلحتها سالته كل شكد تجي بقه مستغرب لوضعيتي بس جاوب كال عدها كل ثنين وخميس. فحص طلعت منه جان مستغرب لوضعيتي رجعت لبيت ياسر نزلت من السياره باوعلي مبتسم
ها ولك صاير تطلع من ورايه
لعد بس انت ابو العرك
هههه وين جنت
شوي افتريت ورجعت
مممم شكو منها يله الخميس بليل نروح للمصيف نبات العطله الاسبوعيه
الله كريم راسي صار بي ميت فكره قررت مااتدخل بيها بعد البنيه مو بحاجتي ليش دادخل روحي بمشاكل اليوم احد ثاني يوم الصبح رحت للشغل بس مكدرت انصب بس اشراف كملنا دوام رجعت للبيت ياسر كال تجي
وين
طلعه من العمر
الله وياك ماريد
لك دمشي غير جو لتسوي شي بس اتفرج
ايييع ماريد لك ولللي
طبك طوب ساعتين واجي بقي الباب مفتوح
ماشي جريت نفس طلع جانت عصريه باوعت الساعه ب8موعد جيلان اهوو اياد هم حترجع كمت كلسا اباوع عالساعه اخر شي لبست اخذت تكسي وطلعت للمستشفى كعدت كبال الاستشاريه نفس المكان الطلعت منه بقيت انتضر ماكو باوعت الساعه 8وربع وكفت امشي سمعت صوتها تحجي عربي
خالو توجعني تحرك هالگطره
تحملي خالو بلكن بيها فايده
ميخالف
سكتت التفتت ورايه توها دتفوت اني عنها بمسافه متر ين خالها طب كبلها بقت وحدها واكفه منتجيه عالحايط اني كبالها اشوف حركه ؤبؤ عينها جامد احس تعرفني صار احساسي نفس احساس فلم الرعب من الوحش يشوف بس الحركه واذا تحركت يعرف موجود ويلحكني بقيت جامد وي الحايط اباوع بركبتها سلسلتي لايانكريه خالها بقه جوه وهي كلسا تفرك بعينها اجه المنضف باوعلي صار هواي انتضر كال شنو عدك مراجعه اشرتله اي مشه من يمي اباوع محور عينها عليه صار بقيت اباوعلها ضلت تفرك بعينها وعيونها تدمع تمسح بردانها وخالها تاخر جوه تقربت طلعت كنينس من جيبي تقربت بخوف اني سداسوي وصلت يمها تلفتت خايفه قربت يم ايدها الكنينس اخذته ايدي ترجف خايف منها كالت شكرا بالتركماني رجعت لمكاني بس هالمره ابعد اباوعها تمسح بعيونها وعيونها موكفت جري بس تدمع صارت حمر طلع خالها كلها يله تعاي طبت كعدت عالكراسي انهد حيلي من التوتر شجاريلي اني شلي دخل الوش شايل همها هلكد بقيت انتضر لحد مطلعو كايدها خالها لان كلتله خالو اباوعلها تمشي يمكن بيها صالح طلعتها من الجبل بلكن يرجع نضرها طلعو وطلعت وراهم رجعت للبيت وحدي الهدوء اللي حبته روحي تنددت ورجعت غصت بالذكريات ايناس وموتها دمرني ماريد احد يتاذه من ورايه
----
بغداد
فاروق- دره زياد حيجي لتقفلين الباب
اي حبيبي
ابتسمت حلوه بحلكج صار هواي ممدللتني بيها
نصيت راسي ليش متدري بيه احبك يعني
لا ماادري
هااا هيج يعني باوعتله رافعلي حاجب ومتخوصر البيت ضلمه وكلهم نايمين تقرب مني باسني بحنان بعدني لحد هاللحضه كل ما يقترب اخجل منه ويتخبل من اخجل صعدنا فوك لغرفتنا نمنا اندار عليه
دره باب السطح قفلتيها
ها لا اي يمكن ماادري والله
ليفوتلنا حرامي
ههه باب الطرمه مفتوحه
ههههاي حضنتها هذا الحرامي اذا فات يخاف
ليش يعني
يكول مسويلي كمين البيبان مفتحه وبيت ضابط يشك بالوضعيه راسن
هههههههاي خرب ببليس باوعت بعينه ابتسم باسني من راسي
دره تدرين شكد اشتاقيتلج يوميه اكول هسه تنزل متكدر تريد تحضنني
حبيبي ايناس وجعت گلبي حاول تتفهم ادري ضوجتك بس بعده جرحها وفراكها يوميه ابجي عليه
حقج عمري والله حقج حضنت راسها اوووف الله يساعدك اياد
لا اياد نساها
باوعتلها لتحجين شي متعرفي حبيبي انتي مطابه بگلبه وتعرفين بيش ديفكر
مااعرف يجوز بس اشوفه سافر وبقه هناك وديشتغل هسه
يلتهي غير شي ثاني واحد شون يموت وره اليحبه اذا مات
سكتت ماريد احجي فاروق ماريد اخسرك مو كلنا مندخله بحياتنا بعد
ماشي ماشي جريت حسره مراح تقنع وتبقه محملته الذنب موتها صرت اسكت بس اريد تمشي الايام -----سمعت طكه باب الطرمه كمزت دره غافيه على ايدي وخرت راسها بهدوء ولبست بجامتيدوكفت على سياج الدرج صحت زياد جاوب
ها
ها جيت
اي
صفنت وينك شو باوعني
ها
وجهك وييين مديت راسي
ها شبيك فاروق دافوت اسبح
زياد انتتت وييين بس شوفني جهرتك
طبيت للحمام
باوعنيييي صحت بنتره نزلت بعد مكدرت عرفت ضام شي مثل الزعاطيط من جان صغير من يسوي مكسوره يفوت الحمام يغسل ويطلع توه يفوت لزمته من كتفه جريته شوووو
شبيك فاروق شنو صغير
اي زغير وتبقى زغير اطلع خل اشوفك
طلعنا ها ارتاحيت
هاي شبي وجهك ولك
مبي شي
شنو مبي شي ايدك ووجهك مصخم باه ضهرك يمعزززه ولك هاي شواكع عليك
ماكو شي فاروق هسه تكعد امي تسويلي عرس اصعد هاي واكف كدامك بيه شي داانزف
لا بس
لعد كلشي مبيه هدني خل اتغوسل
روح فوت فات للحمام بعصبيه كعدت عالقنفه بالهول انتضره شوي وطلع بالشورت والفانيلا ينشف باذنه لحكته باوعلي جر نفس
اي اي مراح تخلص مني ارد افتهم شبيك يله اصعد شفته ديفوت لغرفه اياد
ويين
داانطمر غرفته بارده
ماشي طبيت وراه كعد ارتجي بناج الجربايه رفع تك رجل ثناها ومد الثانيه
شبيك
انت شبيك شصاير
مامو شي هيج حريق وطفينا
ها لاوالله واخويه حول عالمطافي واني ماادري
ماكو داعي تصنف صديق الي خابرني وكال الحكلي ورحتله
ممممم مااعرف ليش هالصديق ديذكرني بالمعمل مال نجاره
فااااروق اني موزغير تره
لان مو زغير داحاجيك عيب عليك تغلط وتتنازل عن كرامتك تذكر صار شكد تاركتك
ست شهور نصيت راسي جريت نفس
وبس بالمصايب تخابرك جان استحت على روحها
بقيت ساكت منصي وفاروق يذكرني ويلعن --- بس هي هالمره مو مثل كل مره. هالمره النضره البعينها تخوفني ايست تعبت من كلشي موتتني
سكتت بلعت ريك من شفق عليها معناها حن واعرف اخويه محاب بحياته واول مره يوكع بلعت ريك شسالفه الحرايق وياها يوميه
حسد عيشه وتجار حتى يصعدون يكونون احسن منها وهي ملتهيه بالحريق
مممم احجيلي من اول
ماكو شي دنحقق وي مجرم. تونا كملنا مصدكت لزمت دليل شديت القضيه دك تلفوني رقم غريب ------ احجي منصي راسي مدااكدر انسه وجهه
اي
اي رديت الو ما الو بس صياحها تبجي الحكلي ماعدي غيرك
عرفتها فزيت انكطع الاتصال ركض رحت للمعمل شفت النار تلهب وهي تريد تفوت مدري شعدها جوه وخالها مجلب بيها لازمها
اووو تالي
تالي ركضت عليها شكو ماشكو ركضت بحضني تصدك تبجي حاضنتني خالها ضل صافن العمال اني اني ضليت صافن حضنتها كاوريتي وكعت كتلها اهدي ماكو منها ه تصيح تعبت الفهمت عامل من العمال جوه ومكدرو يطلعو الاطفائيه مجتي
ايييييي وطبيت انت طلعته
لعد شسوي
خرب غيرتك وكفت انتو ناوين تموتوني ناوين تكتلون نفسكم واحد انكس من اللاخ ذاك شمر روحه هناك على مطايق هوه بغداد و الثاني اهج واخلص منكم انت ماعدك عقل لو محروك فهمني
اني اصلا وكفت وي وكفته اني واهب روحي للبلد من اشتغلت بالجيش فاروق
هالحجي مو عليه زيودي اني فاروق تره
هسه شوايد هياني كدامك
هالمره كدامي مره اللخ ادفنكككك بيدي موووووو لزمته من فانيلته كملللل احجي شسويت
دكعد ههه دكعد خل احاجيك
تضحك موووو
لك بابا مبيه شي طبيت راسن ضلت تصيح لميت العامل مخنوك سحلته وكعت الباب عليه ركضت جريت نفس ورجعت فتت كملت سحل وطلعت التمو العالم اخذو مني وطفوني وطفو
اندار حضضضضي المصخم داشوف اندددار
مابي شي
اندار لا ابتلي بعشيرتك اندارنزلت فنيلته اشوف الحمار على كتفه وصفحه مبطبطه خرب روحك روحي شاغت من يمي. لو صاير بيك شي اني وين اولي ذوله امك وابوك شيصير بيهم
الكاتبه ربك يصير هالعامل عده دردن جهال وجهال اخو هم ميت بركبته لو عايفه منو الهم
استغفر الله وبعدين
هاهي الاطفائيه طفته واخذها خالها هي بعد اغمى عليها هي انهارت من عرفت العامل حيموت
شنو مبيهم رجال يطلعه
ولك. من. يتجرا تخوف
بس انت السبع البايع روحك خويه
اني مار عليه هواي شغلات اصعب من هالشغله تره بس شغلي سواها سهله
هزيت راسي الله يستر منكم
ماكو شي والله جريت نفس
وهسه
هسه شنو ماكو شي اطلع اريد انام تعبان
انخمد استغفر الله منكم طلعت من يمه ارجف فركت وجهي طارت ام النومه من عيني بقيت بالمطبخ ادخن بالي يم اياد باوعت ساعه 3 الفجر دكيت مسكول اذا كاعد يرجع يدك ثواني ورجع دك
الو
ها يودي كاعد
مخنوك فاروق
ليش يابه
اهلي بيهم شي
لا بس زيودي هيج وهيج
خرب غيرتك زياد تدري روحي تلوب صار ساعه ونص
تدري اني هم لحد مااجه وحجالي فهمت شبيه الضاهر احنا واحد يحس باللاخ
ممم
احجي اكو حجي بزردومك
اني حاير بامري
شكو بيك شي
خويه اني سويت حادث وي ياسر بطريق الجبل بعقره
لا ايادلا مبيك شي مو
ولك قديم قبل شهر وعشر ايام وهسه كلشي مبيه
اي كمل جريت نفس
ووووحجيتله كلشي واسمعه شهكه جكارته اباوع ساعه خمسه ونص سمعت منبهه دك باذني ضحكت ولك لو صاحبتي ماطول وياها هلكد
تالي هسه شناوي تسوي
انصحني رزلني كولي عوف كلشي وارجع
ابد لترجع اوفي بدينك اول
اخاف تعرفني وتنهار
ميخالف بين وجهه نضرك فهمها انت مالك دخل خويه تضل الحسره بكلبك تره
ماشي اني هم هيج كلت
ماشي هسه يله ارتاحيت لتضم شي عليه واني وياك باي قرار احنا اخوه اياد
ماشي فاروق سلم على زيد
هلاو الله وياك
