طبت خالتي كالت يمه يله صعدي لبسي بقيت صافنه صعدت فوك عمي جان بعده بالبيت ديطلع للكهوه شافني وكف كال اللهم صل على محمد وال محمد التفتت وكفت عالدرج منصيه كال صعدي عمي صعدي محروسه جمن عين البشر وصلت لباب الغرفه دكيت الباب كال ادخل طبيت ماريد اباوع عيونه اخجل
اياد- طبت شعرها من وره مفلول بترتيب ومرفوع نصه مثل الورده صاير ببساطه ومخليت كرستالات ناعمه داير مداير التسريحه بقيت اباوع عليها متمدد اكلب بالتلفون راحت عالكنتور تتهزم مني جيللان
همم ماباوعله
شو تعاي احاجيج
ها مالتفتت
باعيني شوو عرفت متمكيجه وخجلانه التفتت رجعت راسي ليوره صدك جميله بقيت صافن اللمعه بعينها وي اللون الازرك مزيدتها حسن اللون الوردي فاتح بشفتها وي الخدود متعبه بقيت اباوع عليها تخربطت اموري رجعت تمددت عالجربايه بدون كلام فاتت بخجل للحمام تلبس تك شايله بيدها الثوب وتك الحذاء جان كعب رفيع بقيت اباوع من جوه ليجوه طبت وره شوي طلعت بس مدت راسها كوه باوعتلي التفتت عليها شبيج احم كمت اكطع
مدااكدر اسد السحاب همست ارجف ميته خجل
تنهدت وكفت تقدمت يم الحمام اباوع الفستان عليها الفتحه مبينه رجلها لاول ربع من فخذها البياض جان ناصع وفتحه الضهر بين الزناجيل ساعه يبين وساعه لا انداريت ورجعت لمكاني بقت ناطيتني ضهرها ومنصيه راسها بين عليه التعب بينت اثارتي رجعت بسع سديت السحاب وطلعت راسن للبلكون غمضت عيني اني اكيد الله ديعاقبني كعدت بالكع اخذت التلفون اكلب بالصور اريد التهي بس صوره جسمها بالثوب خربطتني مدااكدر اتمالك روحي شوي شوي هديت روحي رجعت طبيت متحجي شي ولا اني احاجيها منصيه تلبس حذائها رفعت عينها بعيني وكفت كدامي
جيلان- اياد كلتها بخجل ودااحب التاثير اللي بعينه
همم باوعتلها ودرت وجهي
حلو
هزيت راسي اباوعلها بله صوت اي
جريت نفس راح انزل وكفت كدام المرايه البس تخمي الفضه نزعت كلادتي ايه الكرسي اللي لبسها عمي الي وكالي حتى الله يحفضج لبست تخمي يباوعلي بالمرايه ويهز رجله شابك اصابع ايده التفتت عليه تريد شي من جوه
احمم مي اريد عطشت
اي بعد
هاهي
يله باي ابتسمت
تونسي وي البنات راحت وعيني عالكلاده مال ارنوبه
هزيت راسي اي هه نزلت خالتي ضلت تباوع عليه خجلت وكفت وره دره كالت.
اياد- نزلت رحت ركض اخذت الكلاده اشم بيها اكلب بيها صوره الارنب الضاحك واياه الكرسي تذكرت كلشي رجعت شغلت فديوات المهر والعرس ------
دره- شبيج دخل تتفرج عليج
دلال- خاله خاله جوي العالم
روحي فتحي الباب
وكفت يم دره وين متروح وراها
دره- شبيج ورايه ورايه
اخجل حبابه خليني وياج
دمشي هذا هم حضي دلال
هااا
شغلي الديجي
غير من تجي ريناد
ها ديله هناك وسمعتا هلاهل فتحت البرده خبيبتي ريناد طبت خالتي ركضت باوعتلها دمعت عينها طالعه اميره طولها والبدله النفش والمكياج هواي متغيره دمعت عيني دلال هلهلت طبت تبتسم طايره كعدناها باالصاله بدت مراسيم الحفله جيلان تخجل تطب لازكه لو بيه لو بدلال اخر شي طببتها كوه
دلال- تعاي جيلان اعرفج على مرت خالي بس طبت العيون صارت عليها وكلها كامت تسال من هاي جاوبت بالاجماع عليهم مرت اياد باوعت لام دره ضلت صافنه باوعت لدره دره دارت وجهه كعدت يم امها جيلان خطيه فشلت وبده الهمس شوكت لحك يتزوج واللي يكول بعد السنه مطالعه واللي يكول مو عساس مموت روحه وره مرته واللي يكول ذيج لفها التراب وبدلها باحلى منها الهمس خله جيلان منصيه ترجف مرتبكه
باعي خاله هاي جيلان مرت اياد
ياعيني هاي الكرديه تخبل الله يحفضها
جيلان-شكرا همست
خاله اياد ام ود مثل مكالت خالتي ام فاروق كالت
هاي منين جابها ابنج وشوكت لحك يتزوج
هاي اخت صديقه هناك وجبرناه ياخذها اي لعد شون يضل بله زواج الحياه لازم تستمر
عيني ام فاروق الكرديات وكحات
لا حبابه البنيه عاقله وهادئه
بعدها بعدها ششايفه منها
الحجي كمت اباوع عالشفه واقراه رغم الديجي بس احس كمت اسمع كلشي العالم كلها كامت تحجي بيه اني متعلمه عالهمس بعشيرتي مادير بال بس هنا اذاني لان ناس تحب ناس حسيت ماخذه حق احد حسيت روحي راح تطلع من عيونهم التباوعلي بحقد طلعت من الصاله مكدرت بعد رحت للمخزن مال وكعدت بالضلمه جنت محتاجه لهدوء للبجي شكو دموع عدي بجيتها راحت الرجفه وكعدت بالكع شتذكر يريحني شتذكر شتذكر تذكرت من باسني من راسي غمضت عيني مرتاحه وره شوي انفتحت باب المخزن دره دتطلع البباسي شافتني شغلت الضوه كالت
هاي انتي هنا صار ساعه ادور عليج رفعت راسي فكت عينها دتبجين
باعي جيلان اني لاكارهتج ولا حابتج نصت راسها برطمت انتي رغم ماخذه مكان اختي وبت عمتي الله يرحمها بس انتي مالج ذتجنب هزت راسه تبجي اي والله شبيج الحياه لازم تستمر اياد انتهى وره ايناس والداشوفه بعده ميت معليج بحجي الناس حلك البلوعه ينسد وحلك النس مينسد تقربت منها تدرين لو ممتزوج اياد جان كالو لخالتي شكو عايفته بله زواج شون ام بارده كيضل بالها على ابنها غلسي بابا مسحت دموعها باوعيني جيلان شو باوعيني
همم رفعت راسي
لج يغارون يتمنى اياد ياخذ من بناتهم
باوعتلها ضحكت واني ابجي
عابتلج ديله تعاي ساعديني تره ضهري كام يوجعني
هزيت راسي اي طلعت وياها الغراض وطبينا نوزعها بقت العيون عليه بس مهتميت وره حجي دره شو ي شوي بدو البنات يركصون بنات خالاتهم وصديقات ريناد وريناد طايره تذكرت المي اياد راده اخذت بطل وصعدته طبيت شفته كاعد بالبلكون
صحت اياد
ها بعد وكت نسيتيني
اسفه والله التهيت النجتفت عليه
شبيها عينج حمره
لالا ماكو شي
دتعاي داشوفج طلعت يمه واكفه وهو كاعد على كرسي رفع راسه ابتسم همس
ليش باجيه ام دميعه وعينه عالفتحه مال كتفي وبروز جسمي جريت الثوب من فوك اضم بجسمي
لالا مبجيت يله حروح اساعدهم داامشي جرني من ايدي التفتت عليه يباوعلي ذايب همس حيبيلي شي اكله هزيت راسي اي نزلت حسيته ميريدني انزل من يمه طلعت من الغرفه دره توها دتطلع من غرفتها انجرت عاطت
فاروق دانزل يمعود الباب انسد ت وانقفل كمت اضحك عليهم نزلت جوه كملنا شغل شغلو كردي ولبست ريناد الزي ديحنوها خالتي اشرتلي كالت يله كومي هاي مال ربعج اخجل اتحرك نصيت جرتني دلال بخفيه دلال عسل على حاله هي ورجلها ونسه ونسه كلش بله ماحس كمت اركص كردي عي هم ضابطته ركصنه وجنت فرحانه كلش دره من مكانها تهز لان بطنها جبيره حسيت عدي اهل حسيت بحب الهم غريب احتووني باربع ايام رغم شوي بالبدايه تاذيت بس كمت احس ذوله اهلي كومنه ريناد هم على غفله سمعنا مزايق التفتت على دلال يمكن الولد اجه ركضنا لبسنا ووكفنا صفح طب ياسر واخته ونسرين واخته اللخ وامه خطيه فرحانين ياسر وجهه دم حيطك من الفرح ريناد من شافته عينها دمعت باسها من راسها بخجل يباوعها ممصدك كعد يمها وحناها رجعت دلول شغلت كردي وجرت تماضر ريناد بالزي الكردي الاحمر وهو بمكاني يهز بالالايشارب ابو الليرات الكردي هزت شوي بخجل وثكل وكعدت حناها وطلع الولد نطول هواي نسرين وكفت يمي
لج انتي جيلان لو اني متوهمه
هه جيلان اي
هاي شون طالعه تخبلين
شكرا ههه
كملت الحفله والعالم راحو صعدنا كلمن لغرفتها تعابى طبيت غسلت تعبني المكياج غسلت وطلعت اياد جان متمدد صافن عالسكف كال
تونستي
اي كللللش هواي
ممم ركصتي
اي شوي وي دلول
مممم زين بلعت ريك تسح شعرها وتنزله تعطرت وراحت لفراشها ضلت فرحه المهر والعرس اللي شفتها بداخلي والضحك الضحكناه غفيت حسيت وكفت شغلت الشبلت وطفت الضوه ورجعت نامت
ريناد- كملت الحنه وخابرته
الو
هلو حبيبي اروح فدوه لعشقي الخجول
طالع حلو
طالعه كمرر
سكت هه
مشتاااق
توك جنت يمي
اي اني وعشيرتج
هه
باجر اكلج
ياسسرر انت مو كتلي يروح خجلج يله
اي حبيبي لتخافين وعد
الحمد لله
تحبيني
سكتت
اوهو باجر نتزوج يمعوده
بقيت ساكته
باجر تنامين بحضني
اي همست
اوووووف ربيييييييي صحت بعلو صوتي
عزه بعيني انت وين
ببيتنا يعني بعد فرعين اذا صيحتي عليه اجيج
لالا ههه خليها باجر
خوش اوف شيجيب باجر واصبر شلون
مبقه كلها كم ساعه
عمري تعبانه ارتاحي اكولج بس شوال
هممم
ملابسج الشتائيه ليش مجايبتها هنا
لالاجايبتها بجنطه زيتوني
ها خوش
ليش تسال
لا هيج صار فضول عدي اي باجر هيج وكت اني مكابل شفافج حطلع القهرمال 3سنين
سكتت خجلانه
باجر واخيرا حبوسج
كافي عاد همست
لج ياكافي وكت خجل هسه هفففف دروحب ارتاحي باجر من الصبح عدج كعده
اوك
تصبحين على خير
انتي من اهله احبج
هه باي سديته ابوس بالجهاز يرببي احبه احبه نمت براحه باجر اني عروسته رجعت طلعت البدله البيضه من الكنتور ورجعتها نمت وحسيت الصبح جتي تماضر وامي ورايه بكلاص العصيرمال برتقال وجيلان تضحك طلعت للصالون
جيلان- كمنا عالبيت كلنا نضفناه وكعدنا بغرفه دلال زياد خفر بقينا نسولف
دره- دلال ولج دلال مفاتتج
دلال- لا والله بعد
جيلان- اباوع منا واباوع منا بقيت ساكته باوعولي خو انتي اطرش بالزفه
لا والله داافتهمكم
دره- حضي 3 شهور مخليتي يتقرب منج كلتها وكلبي انعصر ادري ايناس هسه بغير دنيا وادري حاسه بيه بس هاليتينه كسرت كلبي صعبه من متحس بحنان الام طول حياتها
جيلان- صفنت باوعت لدلال ورجعت باوعت لدره نصيت انتو شمدريكم
دره- مبين عليج عيني جريت نفس ليش متتقربين منه متحبي
جيلان- نصيت راسي مااعرف
شنو متعرفين دلال كالت مستغربه
والله ماادري دمعت عيني اخجل منه واخاف منه وهو باوعتلهم ونصيت هو مو مريض
شنو مريض كالت دره باوعت لدلال اياد مريض
دلال- بابا كل عقلج ناصب عليج زياد كلي
دره- لالا منعقوله انتي بهالغباء والسذاجه بابا الرجال كلشي مبي
جيلان- بقيت اباوع بعينهم يعني اذا هو ميريدني اني شسوي اروح انام بحضنه
شكو منها كالت دلال لج بابا الوحده وين لاكيه رجال
اخجل ويخجلني هم متاكده بعد عايش باوعت لدره ونصيت
احجي عادي ماضوج والله
بعده عايش وياها دره صوتها اربع وعشرين ساعه باذنه صورها كلسا يشوفها بالتلفون اياد تزوجني حتى يساعدني تره والله ولا جمالي ولا دلالي اله حيفيد لان بكلبه غيري
دلال- اني اشوف هالحجي ميوكل خبز كلتها بنتره واشوف انج متعرفين تتصرفين على اخجل وعزه نفسي اولا بين النره والرجال ماكو عزه نفس ثانيا المره هي التجذب الرجال لو شنو رايج دردر
اي صح همست دره باعي جيلان اليوم
لا مااكدر اليوم زفه وهوسه
كيفج باجر من يجي من المعمل تقربي منه تلمسي خده وهو هم محتاج مره تره صار سنه الا عشر ايام دمعت عيني
جيلان- نصيت خجلانه شسوي مااعرف والقران مااعرف اسو صديقتي هم علمتني بس اخاف اجرب اتقرب اله
دلال - زين جربي مخسرانه شي
اوك هزيت راسي شسوي باوعتلهم وحده تباوع للخ
دلال- كوم اياد
دره- يله كمت باعي اني اياد معليج من بطني اي دلال بس مو ياخذج الواهي عيب اني حماج ههههه
جيلان- ههههه خربت ضحك
دلال- باعي لج
جيلان- دره عالحايط وتقربت دلال منها خلت ايدها الاثنين على خدها وغمضترعينها باصابعها باوعتلي كالت وتقربي بوسي بس بهدوء
غطيت وجهي عززززه شكد عيب
دره- والله حصعد اطبقها على فاروق خططيه جفاف من وره اللي ببطني اكولج اذا طبت خاله هسه شتكول علينا بله جانيني بينهم استغفر الله لج بابا جيلان ركزي
دلال- دبقي هيج الا ان تلوف عليه وحده وتاخذه منه يعوبه يله عيني كلمن لغرفتها اريد الملم الغرفه رجلي حيجي
دره- اني هم حصعد بعد تعبانه من الركص مال البارحه روحي انتي هم فوك
اياد راح للمعمل
لا ديله ميخالف تحضريله ماعدج سيتات نوم
عدي كومه جابتها مرت اخو بس ماالبسهن
ليش تستحرمين لج بابا قربي الج خبلي يكوم يركض وراج
جيلان- نصيت راسي لبست حجابي وصعدت فوك جان ديزين بالحمام وكفت وراه بياض خدوده مبين من نعم لحيته سوه سكسوكه تخبل عليه كمل زيان التفت عليه مستغرب نضرتي واني دااتخيل الكالته دلال اسوي بي شيصير يمكن يخنكني
- مبيه شي
- يله حضريلي القاط وانتي هدومج شفتيها الجابتها امي
- اي تخبل ومستره
- هاي ذوق دره لا اصفر بلون قميصي ودلال بنفسجي وقميص زيد قم بنفسجي وفاروق وردي وهي ثوبها وردي
- حلو همست ارتجيت بالحايط اباوعله
- بقيت اباوع بعينها بيها شي غريب جيلان شبيج مااعرف شون تباوعلي
- ماكو شي
- ممم يجوز كملت زيان دفعتها على كيفي بره الحمام اريد اسبح كلتها وابتسمت طلعت خجلانه غسلت وطلعت لميتها تحضر بالغراض لبست وهي هم لبست ودتلف الشال وتتعطر مكيجت هاديء ونزلنا سوه جننا طالعين كلنا حلوين طلعنا للطرمه افتح باب الحوش كلها وكت جيت ريناد ولد بالباب صاح امي نطته الاكل والببسي مال البارحه
يوم منو هاي
هاي اياد الفلاح خطيه كال مبقه اكل
جيلان- هم اسمه اياد يمكن نص شباب بغداد اسمهم اياد
اياد- بقيت صافن عليها عرفت قصدها عاللي بالجبل هزيت راسي اي مبتسم لا يا غبيه كلتها بداخلي جتي ريناد جانت اشبه باللعابه عيون ابويه واخوتي وعيوني تحجي شكلها دمعنا هاي المدلله حتطلع ولو قريبه مننا بس تطلع من كلبنا كعدت ومحد تقورب منها نخاف نبجي ونبجيها تطشرنا بالبيت شوي وجتي الزفافه والرمي اشتغل بلعت ريك تسطرنا اني والولد بالطرمه وابويه يمها كاعد يسلمها طب. حضنني بجه المطي وتسالم وي الولد باس ايد ابويه طب وكف ثواني بباب الصاله من شافها بعدها تقدم برطم ودار وجههه وامه تصيح ولك خزيتنا يمه لتبجي رفع البركع باوع بعينها نضرته هزتني شكد تحبها لعد باسها من راسها واخذها وطلع رحتجنا وراهم بالقاعه شوي وطبو من المصور جانت الحفله رائعه جدددا كملت بعد5ساعات ركص ركص مصاير وكلسا وشالها نادين جتي يمي ويم جيلان اللي تباوع مبتسمه اعرف تتمنى كل هذا بس محصلت عليه قهرتني بس مابيدي شي عليها كملت الحفله وطلعو وراحو لبيتهم ورجعنا لبيتنا امي بقت تبجي ودره هم ودلال انداريت حتى جيلان تبجي باوعتلي وكالت خطيه امك ضحكت مسحت دموعها
ياسر-من طبيت للبيت مداصدك هي يمي ردت امي وخواتي بس يطلعون ويروحون اباوعلها وامسح بالعرك طلعو وقفلت الباب رجعت ركض عليها كاعده على طرف الجربايه كعدت بالكع نص ركبه مديت ايدي لزمت رجلها جرتها بخجل نصت رلسها
شششش لتتحركين نزعتها حذائها بهدوء ودلال تلمست رجلها ونصيت بستها من قدمها واصابعها
انتي اللي حتصير جنت جهالي جوه رجلج رغم كل علاقاتي اختاريتج تكملين حياتي ونص ديني ريناد اني هواي احبج وانتي صفحتي البيضه الاخيره
باوعتله كلامه يخبل دمعت عيني وكف وبعدني كاعده رفعت راسي كال احبج
جرني وكفني
مراح اسوي شي ريناد الجمعني بيج مو جسد الجمعني روحج النضيفه النقيه اللي مشفت ببراءتها خلينا ناخذ على بعض بعدها شون متكون خل تكون
هزيت راسي واثقه بي
بس شغله وحده ماريد اتركها ماسويها التفتت عليه شنو
لازم اني افتح السحاب بعدين تضل بنفسي واكول هالحركه مسويتها
ههه اوك نطيته ضهري شال البركع والتاج نزل شعري على كتفي بسلاسه ملفلف كمت اجر بالماشات براحه حسيت السحاب ينفتح بهدوء جسمي اقشعر عدلت ضهري تدغدغت بايده البارده باوعلي بالمرايه نزع سترته وجهه تغير قرب شفتفه باسني من ركبتي برقه غمضت عيني ميلت ركبتي همس باذني تتذكرين شكتلج من جيت من دهوك
فتحت عيني صحيت باوعتله بالمرايه اباوع ملامح جسمي بدت تطلع لان البدله نزلت من فتح السحاب
تذكري شكتلج بديت انهار امام انوثتها
شكتلي غمضت عيني شفافه من لامست طرف كتفي ذبت
كتلج اني كذذذذذذاب همست بهدووء بتذنها فكت عينها كلها جريت البدله بهدوء تريد تلزمها عصرت ايدها رفعت حاجبي اشششششش مو رجال الماياخذ مرته من يومها
ياسر
عمره
احبك
فكيت عيني بلعت ريك عيديها رجف كلبي طتني الضوه الاخضر
احبببك همست غمضت عيني وعفته براحته-------
جيلان - رجعنا للبيت باوعت اياد ذب الرباط باوعلي ذبيت الشال ورحت للحمام كلام دلول براسي رجعت طلعت فتحت الكنتور اخذت ملابس نومي البعدها ممدشنه اخذت لون اسود يصير شفاف فوكاه روب ستن طبيت للحمام لبسته وبقيت صافنه على روحي مااكدر اطلع بقيت تقريب ثلث ساعه صاح
جيلان
ها اياد
بيج شي تاخرتي
لالا ماكو شي لازم اقوي روحي فتحت الباب جان طافي الضوه ومشغل التيبل لامب طلعت خطوه وحده بره جان واكف يشكل التلفون عالشحن التفت باوعلي وكع التلفون من ايده باوعلي مصدوم ورجع ساله بلع ريك رغم الروب ستن وردان بس مبين اني لابسه شي جوه فاضح شعري نازل لنهايه ضهري تقربت من يمه اوجف بقه يراقبني فاتح عينه وحلكه مصدوم جامد تقربت اكثر بلع ريك عكد حاجب رجع خطوتين ليوره مستغرب شداسوي اباوع حنكه برجف حك حاجبه ديريد يبتعد لزمت زنده همست ارجف خجل اياد
هم باوعت مثل الفزيت دتسوي هاي حموت بقربها وصلت لصدري رجعت عالحايط انلزكت بجسمي مكدرت ادفعها حتى لزمت وجهي بايدها الاثنين تتلمس خدي غمضت عيني ارجف وماعرف شبيها هاي دتسوي فقدت محاس على روحي بقربها وعطرها نعومه ايدها ودفوها بديت اعطش
اعطش شفافها حسيت تقربت بنفسها روحي ترتعش بيدها فتحت عيني اريد اشوفها حسيت روحي بحلم هدوئها ورقتها ذابت روحي قربت شفتها خلتها على شفتي. عطشت حيل لزمتها بقوه من ركبتها قربتها لوجهي غمضت عينها تتنفس برجفه متت صارت طبه انفجار فتحت عيني مثل الفزيت فكيت عيني هاي صدك بيدي ومغمضه عينها ايدي محاوطه ركبتها صرت اعصاب هاي شسوووت خنكتها. فزت عصرت عينها باوعتلي همست علكيفك عفيه اذيتني
صحت بعلو حسي انيييييي شكايلج لج احجي شكايلج
دفعته ورجع جرني اكثر حنكني بعصبيه خفت منه اياد حباب الله يخليك
اني شكتلج من قبل لنتزوج احس روحي نار احسها تلعب بيه وباعصابي حتى اضعف صحت احجيي
والله بعد مااجي يمك والقران حباب عوفني حختنك
منو معلمج منو محاجيييج كوولي لا اطيح حضج احجي من امي
لالا والله لا
من. لعد جريت شعرها انفتح الروب بين بياض جسمها شددت على شعرها اكثر بكد اثارتي خزرتها بغضب احجي
دره ودلال كلتها واني اشهك وابجي انت كذاب مو مريض مبيك شي دفعني قوي وكعت بالكع جريت نفسي ركض بالزاويه ولفيت الروب هليه واكف مثل الاسد اللي يريد ياكل فريسته يباوعلي وجهه احمر دم يريد يملخني كال
قسما بذات الله اذا تقربتي بعد مني لا تشوفين شي ميعجبج بقيت اباوعلها خايفه ومنصيه راسها بحضنها وتبجي تركتها وطفيت الضوه اسمع بجيها بهدوء تركتها بس مكدرت انام بعدني ارجف والشي الصار مراح من بالي تاثرت وانهزت رجولتي. بمفاتنها
جيلان- تحلفت وتوعدت والله العضيم مااقترب منه ولاريده بعد هاهي ذليتني كافي بس تعبت هيج اني ماعجبه هيج كارهني ايكارهني لو ماكارهني ميسوي هيج ينفر مثل اللعبت نفسه مني ----
