اياد- نمت وعيوني عليه اسمع شهكته جوه الفراش بعدها هدا ونام شنو اليوجعك ياخوي حبها لو رفضي الي لو تعبك ويايه ومجازاتي القليله باچر لازم احاچي اطلع منا نمت وكعدت الصبح سمعت صوت الدوش بالحمام ديغسل الحمد لله ربي يهديك طلع باوعلي مبتسم صباح الخير
ها ولك ابو العرك
يابه شبي العرك اصلا كيووت ومفيد
ههه ديله فضها تريك دنروح وعدي سالفه وياك
احجي واني البس شكو
باوع اريد اطلع ااجر
شننو عثرت ببنطروني من جنت داالبسه وكعت بالكع
هههههها ي خرب يومك بعده مال بارحه براسك
ولك وين تولللي
اطلع ااجر بره وانت اخذ راحتك عليش تتبهذل وتعوف بيتك تبات بره
اي شكو منها اطلع بس تنطيني نسخه عالمفتاح تعلمت انام على شخيرك
ههه لاصدك احجي
بابا شبيك من الصبح مو معدل الجمجمه البارحه
ياسر انت مدترتاح
شتريد انت فهمني وكفت كدامه شيوجعك بابا خو كول تعال اشرب هنا حتى اني هم اخذلي مجعه
هههه لا والله خجلان منك علساس
اني منا وهيج اكعد هنا اسوي سهرتي بعددد واذا بيها نسوان اطلع اكمل شغلتي وارجع متطلع من يمي اياد انسى
ماشي يابه جريت نفس امشي يله خل نروح ضافر صاحنا مرتين وانت مغلس
دخلي يطير فتحت الباب صار بوجهي منو اليطير
على اياد
اياد- باوعتله والله انت فد واحد باوعت لضافر وينه نادين لعد اليوم مامو
اسكت عمي نامت نوم الضالم عباده
ردت من وره ابوها بابا اني كعدت
خرب عمي والله فزيت هالبنيه حتجيب اجلي
اياد- تقربت عليها شلتها ابوس بيها تباوع لياسر وتدردم باوعتله خازرها ويحرك باصبعه يتوعدلها شبيك لك عوف عنها
امشي لج فوتي يله لامج دييي
ماه
ها مو اجيج
ضافر- عوفها لك مو كد لسانها انت امشي روحي لماما دااقفل الباب بباي
اياد- طلعنا للشغل مكملت للعشره بليل هلكت وبالي يم جيلان عمليتها عكبه وثاني يوم كالعاده رحت للشغل ورجعت حتى مجال وحيل اروح بي لبيتهم مابيه بليل تمددت اغفي سمعت صوت الجياسه ياسر طب بقيت مغمض عيني اريد انام ارتاح حضر صينيه سمعت صوت البطاله والجباسه والكرزات ويدندن حضي مسلطن على غفله سمعنا صياح ضافر فزيت
هذا شبي
والله ماادري ها ها
تعالو بسع
شكو
رشيد مسوي حادث امشو ويايه خلي نروحله وحده خطيه اهله ببغداد
اياد-خو مبي شي
لا الحمد لله طلعنا ركض رحناله للمستشفى خطيه ضلعين بصدره مكسور شيطيبه هذا وره ساعه رجعنا
ياسر- طبيت للشقه واياد ورايه اشوف الجنيه مطيره الجبس والكرزات وللللللج صحت باوعت لاياد شفتها ماكله المزه بت الزمال امشي لج بره يللله
ضافر- وينها شو خومشاربه
ياسر- همزين الله مفاتح البطاله جان جرتهن والله امها وين هاي
ضافر- ولك تنيمها وترجع تكعد متحس عليها حتخبلها همزين مشاربه جان شصار بيها
شيصير همزين مشربت وخلصت البطل مخايف عليها خايف على بطالتي اكول عيني شعدك حبشكلات اريد امز مز جيبهن لا ومحمد ابتلي بيكم هي هاي شورتك اياد اريد اطلع عوجت بحلكي واحاجي عرفت هسه ليش ماابقى هنا لان هاي دفرتها بجلاق على حفاضتها هاي تشاركني بالمزه
اياد- لزمت بطني خربان ضحك وهاي تاكل بالجبس مستمره ركض ركض قبل ليطردوها الموقف كلسا اتذكره واضحك وياسر من كل عقله عصبي رجعت نمت الصبح كعدنا متاخرين بدلنا ورحنا للمعمل اجتنا طلبيه لمصيف كلي شيرانه كابينات عددهن 120تركيب بوب وشبابيك زين اني لازم ابات سبوع وهاي عمليتها باجر بقيت صافن اجه ضافر كال باجر الفجر طالعين شافني سكتت
عدك شي
ياريت لو عكبه
ليش
هيج عدي شغله بقه يباوع بعيني
هاهي براحتك عكبه الفجر
عكبه الفجر راح لشغله واني وكفت اطلع صاح ياسر
اياد وين راسح
هسه اجي سالفه ساعه
ماشي دتنتغده
اي اي راجعلك طلعت للمستشفى اكيد تراجع اليوم خميس وباجر عمليتها وصلت ب4الا خمس بقيت انتضر للاربعه ونص صار سبوعين مشايفها كلت هاي مراح تجي بقيت كاعد بنص المرضى هالمره الكراسي مليانه ماكو مكان فارغ توني اكوم وطبت هي وخالتها ماكو مكان كعده اشرتلها تعاي بمكاني تشكرت خالتها وصلو يمي حيلان جانت منصيه رفعت راسها راسن باوعت بوجهي ابتسمت عرفت عرفتني العطر صار دليلها كعدت ورجعت وكفت بمكاني القديم بقت تباوع باتجاهي تبتسم بعدها كالت لخالتها
خاله عطشانه حجت بالعربي راحت خالتها تجيب مي راسن جيت كعدت واحد من المرضى انتبه اشرتله باصبعي قريبتي كعدت يمها
ليش مدتجي
مشغول حريت نفس احاول قدر الامكان اعدل بلغتي شونج انتي
زينه باجر عمليتي
اعرف
شون عرفت
سمعتكم باوعت بعينها اريد تخلي البوبو بعيني
كمت اعرفك من عطرك
اي ادري حسيت واني هم هههه اغسل بي قبل لااجي
ليش حتى اعرفك
اي سكتت نصت راسها رجعت خالتها بقيت كاعد بس مبتعد بصف كرسيها بس داير وجهي كانما مالي علاقه بيها همست تره جتي خالتج
صدك
والله حكوم اروح حتى تجي يمج
صوتك مار عليه قبل
صفنت عليها شون منو
مااعرف
عكدت حاجبها تفكر عفتها وطلعت دك تلفوني ياسر طفرت للمعمل وعفتها وي خالتها ارتبكت ومتفاجا من مستوى جراتي وجراتها وين وصلت وياها كلبي ممرود دااحس داخونها لايناس قررت هاي اخر مره اجي هاهي امشي بعصبيه بالشارع جسمي يرجف ليش لعد رحتلها شجنت تريد تتشكر منها تدري اذا عرفت بيك شراح يصير راح تكلب الدنيا زين كلادتي يمها ايناس احلى ذكرى منها عدها لاهي دزتها لياسر مو الي امشي واحجي وي روحي واحش بالجكاير وصلت للمعمل ياسر واكف عكد حاجبه
شبيك اياد
مبيه شي
تتغده
ها لا مااشتهي
اياد
ها ها ها ها
وججع شبيييك
شبيه ششفتتي امشي واركص واجق اصبعتين صحت بي
ههههاي اي والله ياريت ههه شو فد هزه
باوعتله ببرود وغضب درت وجهي طبيت للمعمل ضافر يوقع الاوراق مال مصيف باوعلي كال ها باجر عليها
كتله هاهي بتعب رجعنا للبيت ماعدنا شي بقيت اتصفن لاالي شهيه للاكل ولا راضي عن نفسي روحي تلوب حتى نوم مكدرت انام ياسر محتك بيه بعد عافني شافني كاب. ليش اني هيج سويت شنو الردته حتى فاروق شنو جان قصده من كال ابقى رد دينك الها يمكن جنت اتوقع محتاجتني اي مامو غير تفسير قابل حبيتها هو كلب لو كيا اني مجرد شفقه واحنا كل يوم نشفق على وحده شطيح حضي غير الشفقه دكول غيرها اياد انت مكيف عالسالفه تكذب على روحك نيمت روحي كوه غفيت صحيت الفجر على تلفون ضافر ميت جوع مماكل من ريوك البارحه بدلت وياسر هم بدل باوعلي ورجع دار وجهه يعرفني من مالي خلك احجي. ميتدكر بيه طلعنا للمصيف المنطقه تجنن ويكولك شبي العراق الخضار والوديان على طول الطريق كلشي اشوفه يذكرني بجيلان وبالاسبوع الكضيته هناك وارجع اتذكر ايناس وصلنا بعد ساعتين نزلنا ترسكنا اني جنت كلش هاديء واباوع عالساعه كلسا امول احتمال هسه طبت عمليتها احتمال هسه فتحت اووووه متصيرلي جاره والله بعد مافكر بيها شنو السالفه كلب لو تاته بس كملت ريوك بلشت بالتنصيب ياسر ويايه بالشغل والعامل بلشنا شد بالبدايه كنت عصبي شوي شوي فكيت واخذت لنص ياسر يتشاقى
لك النوب ماكو جنس مره هنا
هههه استلم وين حتنطي وجهك
اياد اليوم تنيمني بحضنك
ليش يابه شكالولك عني
خرب اني صوجي لوجايب شرب النوبه مااندل المنطقه طبعا تدري ضافر متقصد شمرني وياك حتى اضل لاشرب ولانسوان مضغوط مني قوطيه مال ببسي غادي
ياسر فد يوم تتمرض وتحير بروحك وتصفى لازواج ولا ولد كملت هالكلمتين تندمت منداريت عليه سكت مرد عليه
بقينا كم يوم بكلي شيرانه بديت الوب وافكر بيها مدااكدر امنع روحي بقه من العمل يومين ويكمل قسمنا وراضي عن روحي فكرت كلت بس اروح اشوفها شونها وخلص مااوصللها بعد كمت اعد الدقايق والساعات رغم رحنا المنطقه تخبل مشايف هيج شي حتى بتركيا نسيت روحي بالسبح رغم الجو موصيف وكطمني البرد بس متمرضت من سبحت المي دافي غريب سبحان الله الناس هناك بسيطه لابعد حد والابتسامه على وجوههم ولو العراقيين كلهم فططر رجعنا بعد ماكملنا كلشي اخذنا الاجور وطفرنا وصلت لشقه ياسر بال9بليل مكدرت ابقه راسن طلعت رحت لشارعهم افتر ماكو لااحد طلع من بيتهم لااحد دك بابهم يعني مسويه عمليه محد يجيب فضل باع اني شدافكر اباوع على بيتهم محصلت شي رجعت لشقه ياسر سبحت وتمددت اكلب بصور المصيف شمرت الجهاز خليت المخده على راسي تعبت من التفكير غمضت خل افكر بايناس بس التفكير بيها يريحني شكد اشتاقلج وشكد خجلان منج بس والله مااعرف شنو العلاقه الرابطتني بيها وليش هلكد تجي ببالي كمت اتذكر حميميتنا من جنت انزعها وتميل راسها بخجل ابتسمت اووف ربي رجعت تذكرت عيون جيلان هاي شعدها بنص هالافكار لزمت راسي اطلعييي مني اطلللعي اباوع شريط فاليوم بباب الثلاجه اخذت حبايه النوب صحصحت طب ياسر باوعلي حاير
شبيك چنك يتيم
اريد انطمر مدااكدر
تعال بيك واحد ينسيك عشيرتك
لاشكرا اكوم اشمر مثلك
سكتت باوعتله ودرت وجهي عرفت قصده على ذاك اليوم كعدت بالكع حضرت الصينيه كعد كدامي اجر كلاص وره كلاص ممد ايده ضلينا نسولف ونضحك الكيلون كام ينفتح وينسد باوعت عالباب
اراهنك هاي نادين
اكو غيرها ربع متره متنوش الباب
كمت فتحتلها الباب طبت الممه بيدها فارغه ترضع بيها مبوزه وشعرها مكفوش نازل خصل ملفلفه على وجهه بقيت اباوعلها مبتسم تباوع على ياسر وتجر بالممه بس الهوه
شبيج لج معوزه ربع خلصت مميتج تعاي تعاي يابه هاي اذا مطلعت تجر من تكبر تعال اوكف هنا وعاتبني تعرف وكت كعدتي وشوكت اشرب
هههههه نادين صحت باوعتلي شتريدين اشرت عالجبس
طيها لك
دطير بابا ذاك اليوم طيرتلي المزه رووح اني اول مره اشوف طفل بعمرها يجرع جبس بهالحموضه
يول هي ويسكي جاره
عفيه طلعت ركض وسديت الباب وراها تمددت
ها حتنام
نعست ولك سطرتني بلغوتك نمت حسيت الفجر ياسر ديسبح كمت بدلت راسن دااطلع من البيت دك تلفوني ياسر ورايه استغربت بال5 اباوع تلفوني امي عكدت حاجبي باوعت لياسر هاي اهلي
رد شبيك
اخاف باوعت الساعه ولك خمسه ونص
لك بابا رد
الو ها امي الو يوم شكو شنو مامو شي ليش اجي يمه دحجي رجلي رخت مابيه اوكف مخابرتني ب6تكوليلي تعال لبغداد ماكو شي شنووو يمه بروح ابوج بيها شي اويلي اللله لتبجيييين صحت بعلو صوتي يمه مالي كلب وداعتج احجي زين جاي هسه
فكيت عيني ياساتر يارب شكو شبيهم اهلك
ماكو شي باوعت للسما ربي اخذني وليصير بيها شي اني انتهت حياتي هي توها باديه اباوع ياسر وكف مدامي يصيح
احجي ولك
انفجار بالجامعه مال ريناد
تالييييي احجي عطت بله ماحس اموره تخربطت احجيي
ماكو شي بس صديقاتها راحو كدامها وهي متصوبه بضهرها اني نازل لبغداد
وين لك وين رايح
مااكدر ابقى دقيقه هنا
بس باوعتي بس فهمني ريناد بيها شي حجيت واختنكت بصوتي لك احجييي
ماادري ولك ماادري
خابر فاروق خربب
مااكدررررر صحت وكعدت عالرصيف ارجف امي لو مو شغله مزينه متخابر غطيت وجهي بايدي دك فاروق شمرته عليه رد ردمابيه طاقه
ياسر- لزمت الجهاز رديت ارجف الو
اياد ماكو شي بس بكتفها وطلعناها
فاروق دتتوجع
لالا والله انت منو
بجيت اني ياسر كعدت عالرصيف
اياد وين
هياته باوعت لاياد مغطي وجهه ايده
ولك وداعت امي مبيها شي بس منها ره من وره صديقاتها خطيه
جايين هسه
دير بالك عليه ياسر هذا كلبه خلص
اي مسحت دموعي سديته باوعتله كوم ننزل
وكفت باوعتله اني انزل وحدي عفته امشي اجه ورايه ساكت
ياسر روححح
انزل وياك
شعدك روح عدنا شغل ميصير ثنينا نعوفه
باوعت بعينه لعد انزل وحدي وانت ابقى باوعتله بثقه وكلبي نار صعدت بالسياره شفته بقه واكف متخوصر نصيت راسي من جوه السكف مال السياره راح تجي لو لا صحت
نصيت راسي ياسر ابقه
اياد اجي وياك اجييي وياك مااكدر رر ماااكدر اصعد خلصنيييي كمت اصيح واضرب بالستيرن بقه صافن بوجهي بتعب صعد وبعد مباوعلي خله ايده على جيبه طلع الاوراق بدل الضايع هوياته وشاف فلوسه رجعهن كال من دون ميباوعلي
شوف اوراقك كاملات
طلعت محفضتي كامله وشايل فلوس طلعت دك ضافر حجيتله كال ترحون وترجعون بسلامه شعدي سرعه وحيل طلعتها بالطريق اياد بس صافن ويحش بالجكاير يباوع عالجبل ويهز براسه ويكول يارب سترك افكر بيها يارب كون الالم بيه ولا بيها يارب لتعاقبني بيها نذرت نذر اذا اروح ومبيها شي اترك الشرب ادري هالشي شكد صعب بس مو بصعوبه الدااحس بي اريد الطريق يخلص لعبت نفسي من الشوارع اريد تخلص ونفس الوكت اخاف اشوفها بهيج حاله اخاف اشوفها تبجي مو عاد تتوجع وصلنا لبغداد العصر ب4 ركض للمستشفى اياد تلفونه موكع من ايده مره زياد ومره فاروق
اياد- بغداد ترحب بكم هالقطعه شكد حلوه رغم خرابج روحي بيج ولو بيج فاركت روحي بقيت اباوع عالشوارع وياسر يمشي بمطلق سرعته ---
وصلنا المستشفى شاف ابوه وكف باوعتله نصه راسه ودموعه تجري
ياسر روح ساله اخاف اوصل ويكولي اختك راحت
بقيت اباوع بوجهه لك اخوتك شكالولك احجيييي هزيته من ايده
كلولي مامو شي بس كمت اخاف
اندرايت شفت ابوه لمحه تقدم مبتسم بتعب صاح
اياد يابه تعال بويه مبيها شي
اياد- مشيت سريع عليه حضنته اوف يابويه هلكد مشتاقلك يحضن ويشمني يبجي اني مضل بيه حيل جرني كال تعال شوفها والله مبيها شي تقدمت كم خطوه ياسر بقه واكف انداريت عليه مشه ورايه احسه خايف اكثر مني. طبيت للمستشفى زياد كاعد بلبسه العسكري وبصفه بنيه امي كاعده عالكراسي تقره قران. ابو دره وعلي وفاروق يباوع من الجام وايده عالشباك وصلت الهم رخه جسمي منضرهم نفس اللمه بذاك اليوم فاروق التفت مثل الحس بيه عكد حاجبه والتفت ابتسملي تخوصر زياد باوع لمكان اتجاه عينه وتاشيره عليه شافني ضحك اجاني رمض صرخت امي اياد يمه همزين حضني زياد لان لو ماحضنه جان وكعت بالكع كمت ابجي واشهك
زياد- يول شليك جنك مره مبيها شي والله
اياد- الله عليك
والقران مبيها شي بس منهاره نفسيتها موزينه
اباوع لامي تبجي نزلت بست رجلها حضنتها ضلت تشهك وتتلمس بخدي ولحيتي وترجع تحضنني اباوع فاروق بمكانه واكف مبتسم بتعب تقدمت يمه نصه راسه حضنني بشموخ
شونك اياد زين
ضربني على كتفي دمعت عينه اباوع بعينه ادور روحي بس اهز براسي اي زين سلمت عالبقيه بوست خال ايناس اباوع بعينه ادورها بست علي ورجعت باوعت لخال ايناس شفت ياسر تقدم بخجل سلم وكعد وجهه اصفر يباوعلي ويدير وجهه
اريد اشوفها فاروق
بعد دياخذون تحليل خاف اكو تلوث
جبيره الشضيه شفته مد ايده بجيبه طلع شي بكنينس لافه باوعلي
شتكول جبيره لو صغير ه
اباوع على ايده فتحت عيني بكد طول اصبعي و برفعه اطرافها حاده منضرها يخوف خليت ايدي على وجهي ولك هاي جبيره اباوع ياسر بصفي اخذها بلهفه سمعته يشتتم رجع خلاها بيدي واختفه من كدام عيني فاروق لحك الدكتور مشيت وراه زيد يم امي كاعد ياسر مااعرف وبنه طب فاروق طبيت وراه للعياده
الدكتور - فاروف الحمد لله تحاليلها زينه بس احنا حنحفر مكان الشضيه حتى اي تلوث ميبقه
دكتور خاف تاذيها بعدين
هو بالحالتين تاذي جرح هذا بس احسن الها وشي ثاني مضادات ومسكنات انشاء الله تعدي حمد الله عسلامتها وبالنسبه للاثر تصير حفره بالمستقبل بس مو كلش تبين. يعني
عمي يااثر بس خل تطيب
بس نصيحه اخذها دكتور نفسي لان متحطمه نفسيا
بس خل اطلعها بس خل يبرد كلبنا عليها
اياد- ساكت ودموعي تجري هاي نازكه يا الله شون حتتحمل طلعنا من الغرفه وكف فاروق باوعلي
ولك لتضل تبجي تره امي وابويه حالتهم زفت بقيت اباوع بعينه
بقه يباوعلي واباوعله جرني لحضنه جر نفس وشهك يبجي جنت محتاج حضنه ومشتاقله وادري مشتاقلي ويكابر ميريد كدامهم يبين ضعفه بس من سمعته بجه انهاريت ----ضربت على كتفه فاروق بس توكع كلنا نوكع وراك والله
ولك موتتني صفنتها بس فاتحه عينها احاجيها مترد مسحت دموعي واحاجي ارجف نصيت راسي شفت زياد اجه درت وجهي امسح دموعي
زياد- يولد شكو شكال الطبيب
اياد- الحمد لله التحاليل نضيفه وباجر نطلعها
زين فاروق تعال عمك يريدك
شيريد كله راح يخاجي الطبيب
فارروووق امشي مو وكتك
اياد- ضليت صافن رحت وراهم عمه جره على صفحه حجه وياه فاروق هز راسه وراحو هو وعلي بعد ماسلمو على ابويه ياسر مشفته بعد
ياسر وين
مااعرف خاف بره
بقيت وامف امي تباوعلي ادري شكد مشتاقتلي كعدت يمها بستها من راسها ها امي بست ايدها ادعيلها يوم مبيها شي
شونك انت حبيبي
كلش زين اني شون دتشوفيني
الحمد لله الحمد لله
بقيت اتلفت ادور ياسر حسيت روحي اقوى الحمد لله تطمنت عنها بقيت افتر لكيته كاعد بوحده من زوايا المستشفى وصلت يمه مسح دموعه ووكف ابتسمت تعال يمنا
لا فشله شعدي بالنص
امشي لك انت اخويه تعال يمنا مشه ورايه لاكيت فاروق تسالم وياه كعدنا كلنا ننتضر تكمل عمليتها طلع الطبيب كال هاهي الحمد لله وكف فاروق بوسه للطبيب باوع من الشباك باوعلي صحت العوبه دتباوع عليه
اياد- تقربت للشباك وكفت يم فاروق باوعتلي صافنه. برطمت ابتسمتلها بتعب خليت ايدي عالشباك اشرتلها باصبعي علامه اوك جننا صغار نسويها دائما نطبع بصمتنا بالجام جنت اشوف الفرق بين بصمتي وبصمه اخوتي وبصمتها جانت تفرح من تشوف بصمتها ويانا رغم صغرها باوعت حسيت تذكرت من ابتسامتها التعبانه غمضت عينها بتعب رجعت فتحتها اباوع وجهه انكلب فتحت عينها وعكدت حاجبها التفتت ياسر ورايه جريت نفس اباوعله وجعه معصور ودموعه تجري دفعته على صفحه باوعت بعينه بسسسس كافي كرن كدامك همست
نصيت راسي بخجل طلعت من المستشفى كعدت بالحديقه
رجعت باوعت من الشباك اباوع لريناد احس عيونها تدوره طلعوها بغرفه وحد طبينا وراها فاروق فتح البرده والشباك كال تتهوه شمدريني منو جان بيها وعايش لومات شنو هالاكشن الانت بي طببوها وكفت يم راسها اجوي منرضين يشيلوها فاروق اشر لالا احنا اخوتها لزمنا اني ويا وزياد فد رفعه وخليناها عالجربايه بعده البنج بجسمها بعدها ممتاذايه ومحاسه بالم تقربت من وجهها حضنتها وبستها من راسها حمد الله عسلامتج حبيبي
اياد تكطعو بحضني مبقه منهم شي همست
فتحت عيني باوعت لفاروق هز راسه يكولي هونها عليها
شفتي كامت ترجف اباوع لفتحه عينها ششافت هالنزاكه مراح تتحمل حبيبتي راحو للجنه
اياد تاذو حسو بالم ؟
برطمت تبجي وترجف بدت تشهك وجسمها ينخض ركض فاروق وزياد ابتعدت اباوع حالتها رجعوها تتمدد متقبل جسمها ينخض خض السرسر كله بدت تصيح وتبجي تباوع على ايدها تصيح
فاروق ايدها بقت بايدي من دنعبر فاروق ماتت وايدها بيدي جسمها ينخض فاروق حضنها باوع لزياد صيحه للطبيب بسسسسع زياد ركض واني ابتعد عنهم ارتجيت عالحايط وامي تبجي وتندعي وتنخه بالله واهل البيت ريناد موزينه موزينه ابد نفسيتها دماراذا جسمها طاب النفسيه تكتلها اجه الدمتور ركض ضربوها ابرتين بالمغذي بدت تهدا اباوع قميص فاروق من صفحه الكتف تشكك من ضغط اضافرها باوعتله باوعلي ونصه راسه
اختك مزززينه
صاح بنتره كعدت عالكراسي بره غرفتها صوت قران امي واصل ليبره الغرفه
زياد بابا ماكو شي هسه فتره وعلاج نفسي تطيب بعدها بصدمه تردوها بيوم وليله تطيب
الله يسمع منك الله يسمع منك---------
